09/27/2025
Gabadha yar ee sawirka ka muuqato isla markaana ukala turjumeyso Erdogan iyo Trump ayadoo waliba xijaaban qisadeeda waa mid cajiib ah gaar ahaan hooyadeed.
1999-kii Gabadhaan hooyadeed waxay ka tirsaneyd baarlamaanka Turkey balse waxaa laga mamnuucay soo xaadirista fadhiyada baarlamaanka kadib markii ayadoo xijaaban ay hoolka baarlamaanka tagtay, mudo kadibna xilkii ayaa laga qaaday, intaas uguma ekeynine hadana waxay kala noqdeen jinsiyadeeda dhalasho ee Turkida aheyd.
Waxay u guurtay Mareykanka halkaasoo uu ninkeeda ku noolaa (Ninkeeda wuxuu ahaa carab Jordan balse heysta dhalashada USA), sidaas owgeed gabadheeda yar halkaas ayay ku korisay waxbarashadeedana ku dhameysay.
Mudadii ay maqneyd waxaa is badalay guud ahaan siyaasada Turkiga oo xisbigii h**e ee talada hayay meesha ayaa laga saaray waxaana la wareegay xisbiga haatan talada Turkey haya ee uu Erdogan hogaamiyo, sanadkii 2017-dii ayu Erdogan u wacay wuxuuna geesinimadeeda darteed ku abaal mariyay iney noqoto safiirada Turkey u fadhisa dalka Maleesiya.
Gabadheedii yareydna wuxuu ka dhigay turjumaankiisa, marwalba oo uu dibada aadayo k**a tago, waana gabadha haatan u kala turjumeysa Trump iyo Erdogan ayadoo waliba asturan xijaabkeedana ka tagin.
Cibrada sheekadaan ku jirto waxay tahay; Inaad guul gaarto kuma xirna ka tagista diintaada, dhaqankaada ama xijaabkaada balse adigoo ilaashanayo kuna dhabar adeegayo ayaad guuleysan gartaa, taasina kaliya guul adduunyo ma ahan sidoo kalana waa damaanad qaadka guusha aakhiro oo ka muhiimsan midda adduunyada.
