https://www.facebook.com/115411288129945/

AVM News, Washington D.C., DC (2025)

09/05/2025

Sky vila ကွန်ဒို အပျက်အစီးတွေအောက်က ရုပ်အလောင်း နှစ်ခု ထပ်မံတွေ့ရှိ သေဆုံးသူ အလောင်း
စုစုပေါင်း ၁၉၀ ကျော်တွေ့ရှိ
၅၊ ၉ ၊ ၂၀၂၅
AVM မြန်မာ

မန္တလေးတိုင်းဒေသကြီး၊ အောင်မြေသာစံမြို့နယ်က ငလျင်လှုပ်ခတ်ခဲ့မှုကြောင့် ပြိုကျပျက်စီးသွားတဲ့ Sky Villa အဆောက်အအုံ အပျက်အစီးတွေကို ရှင်းလင်းရေးလုပ်ငန်းဆောင်ရွက်နေချိန် ဒီကနေ့ စက်တင်ဘာ ၅ ရက်နေ့ ညနေပိုင်းက အမျိုးသားတဦးနဲ့ အမျိုးသမီးတဦးရဲ့ ရုပ်အလောင်းတွေကို ထုတ်ယူနိုင်ခဲ့တယ်လို့ မြန်မာနိုင်ငံ မီးသတ်တပ်ဖွဲ့က နေသိရပါတယ်။

Sky Villa အဆောက်အအုံ A အဆောင်ကို ရှင်းလင်းရေးလုပ်ငန်းတွေဆောင်ရွက်နေတဲ့ မြို့တော်စည်ပင်သာယာရေးကော်မတီနဲ့ အောင်မြေသာစံမြို့နယ်မီးသတ်စခန်းက ရှာဖွေကယ်ဆယ်ရေးတပ်ဖွဲ့ဝင်တွေက အဆောင် (A)၊ ပထမထပ် Hall ခန်းအတွင်းမှာ ၄ နာရီ ၂၀ မိနစ်က အမျိုးသား တဦးရဲ့ ရုပ်အလောင်းနဲ့ ၄ နာရီ ၃၅ မိနစ်မှာ အမျိုးသမီး တဦးရဲ့ ရုပ်အလောင်းတွေကို ထပ်မံထုတ်ယူနိုင်ခဲ့ပြီး မာလာမေတ္တာလူမှုကူညီရေးအသင်းယာဉ်ဖြင့် မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့တယ်လို့ ထုတ်ပြန်ထားပါတယ်။

အဲ့ဒီညအဆောင် (A) မှာပဲ ဒီကနေ့မနက်က အမျိုးသား တဦးရဲ့ ရုပ်အလောင်းကို ဒီကနေ့မနက် ၁၀ နာရီ ၅ မိနစ် အချိန်မှာ ထုတ်ယူထားနိုင်တဲ့အတွက် ဒီကနေ့တရက်တင် ရုပ်အလောင်းသုံးခု ထုတ်ယူနိုင်ခဲ့တာ ဖြစ်ပါတယ်။

ငလျင်ကြောင့် ပြိုကျပျက်စီးခဲ့တဲ့ Sky Villa ကွန်ဒိုအပျက်အစီးတွေကြားကနေ ဒီကနေ့အချိန်ထိ သေဆုံးသူတွေရဲ့ ရုပ်အလောင်းတွေကို ရှာဖွေတွေ့ရှိတာမှာ ၂၀၀ ဝန်းကျင် ရှိပြီဖြစ်ပါတယ်။

ပြီးခဲ့တဲ့ သြဂုတ်လ ၁၄ ရက်နေ့ကလည်း Sky villa ကွန်ဒိုအပျက်အစီးတွေထဲက A အဆောင် (၃) လွှာ၊ အခန်းအမှတ် E3 က အမျိုးသား(၁)ဦးနဲ့ အမျိုးသမီး (၃)ဦးရဲ့ ရုပ်အလောင်းတွေကို တွေ့ရှိခဲ့ပါသေးတယ်။

၁၁ ထပ်အမြင့်ရှိတဲ့ ကွန်ဒိုအဆောက်အဦ ပြိုကျမှုကြောင့် A, B, C , D အဆောင်တွေမှာ နေထိုင်တဲ့သူ အများအပြားသေဆုံးခဲ့ရပြီး ဒီကနေ့စက်တင်ဘာ ၅ ရက်နေ့အထိ ကျား၊ မ ခွဲခြားမရတဲ့ ရုပ်အလောင်းကိုးလောင်းအပါအဝင် ကျားမခွဲခြားလို့ရတဲ့ ရုပ်အလောင်း ၁၉၀ ဦး ဝန်းကျင်ရဲ့ ရုပ်အလောင်းတွေကို ရှာဖွေတွေ့ရှိခဲ့တယ်လို့ မီးသတ်ဦးစီးဌာနကနေ သိရပါတယ်။

မတ်လ ၂၈ ရက်နေ့ကစပြီး မနေ့ စက်တင်ဘာ ၄ ရက်နေ့အထိ ငလျင်လှုပ်ခတ်မှု ၂၂၇ ကြိမ်ဖြစ်ပွားခဲ့တယ်လို့ မိုးလေဝသနဲ့ဇလဗေဒညွှန်ကြားမှု ဦးစီးဌာနထုတ်ပြန်ချက်အရ သိရပါတယ်။

သတင်းဓာတ်ပုံ - မြန်မာနိုင်ငံမီးသတ်တပ်ဖွဲ့

#ငလျင် #သေဆုံးသူအရေအတွက် #မန္တလေး

09/05/2025

CDF-Kanpetlet က အမ်ပုံကျေးရွာ နေအိမ်တွေဝင်စီးပြီး ရိုးရာတူမီးသေနတ် နဲ့ အိမ်တွင်းပစ္စည်းတွေ လုယူ၊ Starlink အင်တာနက်စက်တွေလည်းသိမ်းယူ

၅၊ ၉ ၊ ၂၀၂၅
AVM မြန်မာ

ချင်းညီနောင်အဖွဲ့ဝင် CDF-Kanpetlet တပ်ဖွဲ့ဝင်တွေဟာ ကန်ပက်လက်မြို့နယ် ငုံလောင်းအုပ်စု၊ အမ်ပုံကျေးရွာထဲက ပြည်သူ့နေအိမ်တွေကို ဖောက်ထွင်းပြီး ရိုးရာတူမီးသေနတ်တွေအပါအဝင် အိမ်တွင်းပစ္စည်းတချို့ကို လုယူသွားကြတယ် လို့ ဒေသခံတွေထံကနေသိရပါတယ်။

အင်အား ၆၀ ခန့်ပါဝင်တဲ့ CDF-Kanpetlet တပ်ဖွဲ့ဟာ စက်တင်ဘာလ ၃ ရက်နေ့က အမ်ပုံကျေးရွာထဲကို ည ၁၁ နာရီ ဝန်းကျင်မှာ ဝင်ရောက်လာပြီး သေနတ်အချက်ပေါင်း ၁၀၀ ခန့် ပစ်ဖောက်ကာ ပြည်သူတွေကို ခြောက်လှန့်ခဲ့တယ်လို့ သိရပါတယ်။

အဲဒီနောက် CDF-Kanpetlet တပ်ဖွဲ့ဝင်တွေဟာ ဦးကီးနိုင်းအိမ်ထဲကနေ တူမီးသေနတ် ၁ လက်၊ ယမ်းစိမ်း၊ ထောင်းပီး သားယမ်း၊ ဓါးရှည်၊ လေး/မြှား၊ ရိုးရာချင်းစောင် နဲ့ ငွေသားတချို့ခိုးယူသွားပြီး၊ ဦးကီးမာန် နေအိမ်ကနေ ရိုးရာတူမီး သေနတ် ၄ လက်၊ ဓါးတလက်၊ လေး/မြား ၂ စုံ၊ ဦးရှိန်းမာန်နေအိမ်ကနေ လည်း တူမီးသေနတ် ၁ လက် ခိုးယူသွားကြ တယ်လို့ ဒေသခံတွေထံကနေသိရပါတယ်။

အလားတူ တိုက်နယ်အမှတ် ၅ တုံငယ်အုပ်စု၊ တုံငယ်ကျေးရွာမှာလည်း အိမ်တိုင်းစေ့ဝင်ရောက်ရှာဖွေပြီးနောက် ဦးရွှီထန်းကို ဖမ်းဆီးကာ အိမ်ဝိုင်းထဲက ခြံတိုင်မှာကြိုးဖြင့်တုတ်နှောင်ထားခဲ့တယ်လို့ သိရပါတယ်။

ဒါ့အပြင် ခိတော်ရွာကိုလည်း ဝင်ရောက်ပြီး ဦးယွန်းဟာအိမ်က တူမီးသေနတ်တလက် နဲ့ ဦးထန်းလိန်းဆီက အိမ်တွင်းပစ္စည်းတချို့လည်း သိမ်းယူသွားတယ်လို့ ဆိုပါတယ်။

ခိတော်ရွာက ကျန်းမာရေးဌာနနဲ့ ပြည်သူ့အုပ်ချုပ်ရေးအဖွဲ့တွေအသုံးပြုနေတဲ့ Starlink ကိုလည်း CDF-Kanpetlet တပ်ဖွဲ့တွေက သိမ်းယူပြီး သတင်းပေါက်ကြားမှုမရှိစေရေးအတွက် တိုက်နယ်တစ်ခုလုံးကိုလည်း Starlink အင်တာ နက်လိုင်းတွေလည်း အကုန်ပိတ်ခိုင်း ထားတယ်လို့ ဒေသခံတွေကပြောပါတယ်။

ပုံစာ - ဖောက်ထွင်းခံရတဲ့ ဦးကီးနိုင်းနေအိမ်နဲ့ သေနတ်ပစ်ခတ်တဲ့ ကျည်ခွံ

09/05/2025

တမူးမြို့နယ် နန်မွန်းတားရွာအနီးတွင်ဒေသခံကာကွယ်ရေးတပ်ဖွဲ့နဲ့ စစ်ကောင်စီ ၊ ကသည်း တပ်ဖွဲ့တို့ တိုက်ပွဲ ပြင်းထန်ပြီး စစ်ကြောင်းမှူးအပါအဝင် ၉ ဦးသေဆုံး

၅၊ ၉ ၊ ၂၀၂၅
AVM မြန်မာ

စစ်ကိုင်းတိုင်း ဒေသကြီး၊ တမူးမြို့နယ်၊ နန်မွန်းတားရွာအနီးတိုက်ပွဲ၌စစ်ကောင်စီစစ်ကြောင်းမှူးဗိုလ်ကြီး နှင့်ကသည်းတပ်မှ အရာရှိတစ်ဦးအပါအဝင် ၉ ဦးသေဆုံးပြီး ဒဏ်
ရာရသူများကြောင်း သတင်းရရှိသည်။

လေကြောင်းပစ်ကူဖြင့် ပြန်ဆုတ်ခွာသွားရသည်အထိ တိုက်ပွဲမှာ ပြင်းထန်ခဲ့ပြီး ရွာကို ပြည်သူ့ကာကွယ်ရေးပူးပေါင်းတပ်များက ဆက်လက်ထိန်းချုပ်ထားသည်ဟု ဒေသခံသတင်းရင်းမြစ်ကပြောသည်။

"နန်မွန်းတားကို ပြန်သိမ်းမယ်ဆိုပြီး ကြွေးကြော်လာတဲ့စစ်ကြောင်းမှူး ထိပ်တိုက်ရင်ဆိုင်တိုက်ပွဲမှာ သေတာ။ကသည်းတပ်ကအရာရှိလည်းသေတယ်။ ဒဏ်ရာရတွေကိုပါ လေကြောင်းပစ်ကူနဲ့ ပြန်ဆုတ်သွားတာ" ဟု ၎င်းကပြောသည်။

အိန္ဒိယအစိုးရကိုပုန်ကန်နေသည့်ကသည်းလက်
နက်ကိုင်ဖွဲ့များသည် မြန်မာ-အိန္ဒိယနယ်စပ်နေရာအချို့၌ခိုအောင်းနေထိုင်ပြီး အဖွဲ့အချို့သည် စစ်ကောင်စီလက်အောက်ခံအဖြစ် လှုပ်ရှားနေခြင်းဖြစ်သည်။ မြန်မာ-အိန္ဒိယနယ်စပ်နေရာများ၌ လှုပ်ရှားနေသော ကသည်းသူပုန်အဖွဲ့များမှာ United National Liberation Front-UNLF)၊People’s Revolutionary Party of Kangleipak – PREPAK)၊People’s Liberation Army – PLA)၊ Kangleipak Communist Party – KCP)အပါအဝင် ဆယ်ဖွဲ့ထက်မနည်းရှိနေသည်။ စစ်ကောင်စီအားပူးပေါင်းကူညီနေသည့် အဖွဲ့အမည်ကို အတိအကျမသိရသေးပေ။

တော်လှန်ရေးတပ်များကထိန်းချုပ်ထားသောနန်
မွန်းတားရွာသည် ကလေး-တမူးအာရှလမ်းပေါ်တွင်တည်ရှိပြီး တမူးမြို့နှင့် ၁၂မိုင်အကွာ၌တည်
ရှိသည်။

တမူးမြို့တွင် ပန်းသာရွာ၊မင်းသာရွာအပြင် နေရာသုံးခု၌ စစ်ကောင်စီကအခိုင်အမာတပ်စွဲထားပြီး ပန်းသာရွာ၌ အဓိကအထိုင်စခန်းအဖြစ် ပြင်ဆင်ထားသည်။ နန်မွန်းတားရွာကို ပြန်လည်ထိန်းချုပ်ရန် စစ်ကောင်စီကအကြိမ်ကြိမ်ကြိုးပမ်းခဲ့ပြီး အင်အားသုံး၍ထိုးစစ်ဆင်လေ့ရှိသည်။

၂၀၂၄ခုနှစ် အောက်တိုလာလက တိုက်ပွဲတွင် စစ်ကောင်စီဘက်မှသုံးဦးသေဆုံးပြီး ကသည်းတပ်ဖွဲ့ဝင်တစ်ဦးအရှင်ဖမ်းမိကာ တမူးခရိုင်တပ်ရင်း(၄)မှ ကာကွယ်ရေးရဲဘော်သုံးဦးကျဆုံးခဲ့သည်။ က
သည်းတပ်ဖွဲ့ဝင်ကို အိန္ဒိယအစိုးရထံ အမျိုးသားညီညွတ်ရေးအစိုးရက လွှဲအပ်ပေးခဲ့သည်။

ပြီးခဲ့သည့်သြဂုတ်လဆန်းကလည်းတိုက်ပွဲအပြင်း
အထန်ဖြစ်ခဲ့သည်။နန်မွန်းတားကျေးရွာက်ို ခလရ ၂၂၈ နှင့် ပြည်သူ့စစ် ပူးပေါင်း အင်အား ၈၀ ခန့်က ဩဂုတ်လ၅ရက်နေ့တွင် စစ်ကြောင်းထိုးလာခြင်းဖြစ်ပြီး တမူးခရိုင် စစ်ကြောင်း၊ မော်လိုက်ခရိုင် စစ်ကြောင်း၊ ကလေးခရိုင် စစ်ကြောင်း၊ KNA(B)၊ NLA နှင့် CNA တပ်ဖွဲ့တို့မှ ပူးပေါင်းတိုက်ခိုက်ခဲ့သည်ဟု အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၊ အမှတ်(၁)စစ်ဒေသကထုတ်ပြန်ခဲ့သည်။

တိုက်ပွဲပြင်းထန်စွာဖြစ်ပွားပြီးနောက် ယခုတစ်ကြိမ်လိုပင်စစ်ကောင်စီကလေကြောင်းပစ်ကူဖြင့်ပြန်လည်ဆုတ်ခွာသွားခြင်းဖြစ်သည်။နန်မွန်းတားရွာဘုရားကျောင်းသို့ လေကြောင်းတိုက်ခိုက်ခဲ့သလို အသေခံဒရုန်း အမျိုးအစားများကိုလည်း အသုံးပြုခဲ့သည်ဟုအမှတ်(၁)စစ်ဒေသက ထုတ်ပြန်ခဲ့သည်။အဆိုပါတိုက်ပွဲအတွင်းစစ်ကောင်စီဘက်မှ ရုပ်အလောင်း၆လောင်း၊လက်နက်၉ လက် နှင့်ခဲယမ်းတချို့သိမ်းဆည်းရရှိခဲ့ပြီး ထိခိုက်ဒဏ်
ရာရသူ ၂၀ ဦး ကျော်ရှိသည်ဟု အမှတ်(၁)စစ်ဒေသကထုတ်ပြန်သည်။ ထို့အပြင် ကာကွယ်ရေးရဲဘော်ငါးဦး ကျဆုံးပြီးလက်နက် ၃ လက် ဆုံးရှုံးခဲ့သည်။

စက်တင်ဘာလ ၄ရက်ညနေကလည်း စစ်ကောင်စီက လေကြောင်းပစ်ကူဖြင့် ပြန်လည်ဆုတ်ခွာစဉ် ဂျက်ဖိုက်တာဖြင့်နှစ်ကြိမ်ဗုံးကြဲခဲ့သလို ညဘက်တွင် Y12လေယာဉ်ဖြင့် ဗုံးလာကြဲသွားကြောင်းသတင်းရရှိသည်။ မြေပြင်တွင် တော်လှန်ရေးတပ်များအထိခိုက်မရှိကြောင်းသိရသော်လည်း အ
သေးစိတ်ဆက်လက်မေးမြန်းနေဆဲဖြစ်သည်။လက်ရှိဖြစ်ပွားနေသောတိုက်ပွဲများနှင့်ပတ်သက်၍ အမှတ်(၁)စစ်ဒေသက သတင်းထုတ်ပြန်ထားခြင်းမရှိသေးပေ။

(ပြီးခဲ့သည့် သြဂုတ် ၅ ရက်နေ့တွင် နန်မွန်းတားရွာကိုစစ်ကြောင်းထိုးလာသည့်စစ်တပ်ကို တော်လှန်ရေးတပ်များကတိုက်ခိုက်ပြီးနောက်သိမ်းဆည်းရရှိသော လက်နက်ခဲယမ်းများ။ဓါတ်ပုံ-အမှတ်(၁)စစ်ဒေသ)

09/04/2025

ချင်းတိုင်းရင်းသူတစ်ဦးကို စစ်ရှောင်ယောနယ်သားတစ်ဦးက ပစ္စည်းလုယက်ပြီးသတ်ဖြတ်

၄၊ ၉ ၊ ၂၀၂၅
AVM မြန်မာ

ချင်းပြည်နယ်၊ မင်းတပ်မြို့နယ်၊ လေရှိကျေးရွာတွင် အိမ်စျေးဆိုင် ရောင်းနေသည့် အမျိုးသမီးတစ်ဦးသည် ပစ္စည်းလုယက်ခံရပြီး ဓားထိုးအသတ်ခံရကြောင်း မိသားစုဝင်နှင့်နီးစပ်သူတစ်ဦးကပြောပါတယ်။

အသတ်ခံရသည့် အမျိုးသမီးသည် လေရှိကျေးရွာမှ အသက် ၃၀ ဝန်းကျင် ဒေါ်ပါရ်အီးလို့သိရပြီး ကျူးလွန်သူ အမျိုးသားသည် မကွေးတိုင်း၊ ယောနယ် ကျောက်ထု မြို့နယ် အကြည်ရွာ မှ မင်းတပ်မြို့နယ်ကို စစ်ရှောင်လာတဲ့ အမျိုးသားတစ်ဦးဖြစ်တယ်လို့သိရပါတယ်။

"စျေးဆိုင်က ရွာအစွန်ဆုံးမှာ ရှိတာပါ။ အစ်ကိုတစ်ယောက်ပြောတာက အစတော့ ပိုက်ဆံတောင်းတယ်လို့ ပြောတယ်။ နောက်တော့ တန်ဖိုးရှိ ရွှေထည် ပစ္စည်းတွေ လုတယ်လို့ ပြောတယ်။ မပေးတော့ ပါလာတဲ့ ဓားနဲ့ ၁၀ ချက်ထိုးပြီး အူတွေပွင့်ပြီး အမျိုးသမီးက သေဆုံးသွားတယ်။"လို့ မိသားစုဝင်နှင့် နီးစပ်သူတစ်ဦးက ပြောပါတယ်။

သေဆုံးသူ ဒေါ်ပါရ်အီးတွင် တတိယတန်း တက်နေသည့် သားတစ်ဦးနှင့် အမျိုးသားတို့ ကျန်ရှိပြီး ကျူးလွန်သူအမျိုးသားကို လက်ရှိတွင် ဖမ်းဆီးထားကြောင်း သိရပါတယ်။

09/04/2025

မြင်းခြံတွင် ကျောင်းအတွင်း တပ်စွဲထားသောစစ်တပ်ကို တော်လှန်ရေးတပ်က တိုက်ခိုက်၊ စစ်သား ၇ ဦးသေဆုံး
၄၊ ၉ ၊ ၂၀၂၅
AVM မြန်မာ

မန္တလေးတိုင်း၊ မြင်းခြံမြို့နယ်၊ ကုက္ကဲအထက်တန်းကျောင်းခွဲတွင် အထိုင်ချတပ်စွဲထားသော အာဏာသိမ်းစစ်တပ်ကို စက်တင်ဘာလ ၂ ရက်နေ့တွင် ဝင်ရောက်တိုက်ခိုက်ခဲ့ရာ စစ်သား ၇ ဦးသေဆုံးပြီး လက်နက်ခဲယမ်းများ သိမ်းဆည်းရရှိခဲ့သည်ဟု ရွှေခြံသားပြောက်ကြားတပ်ဖွဲ့က သတင်းထုတ်ပြန်သည်။

တိုက်ခိုက်မှုအတွင်း အာဏာသိမ်းစစ်တပ်ထံမှ MA 3 ၆လက်၊ ကျည်ဘောက် ၂၀၊ MA5 ၁ လက်၊ ၆၀ မမ ၁ လက်၊5.56 ကျည် ၉၀၄ တောင့်၊ 9 မမ ကျည် ၅တောင့်၊ ၆၀ မမကျည် ၃ ခု၊ အီနီဂါ ၂ လုံး ၊ဓား ၅ ချောင်း၊လက်ပစ်ဗုံး ၂ လုံး၊လေးခွ ၂ လက်၊ဝက်အူ လှည့် ၁ ချောင်း၊ငွေသား ၁၄၉,၂၀၀၀ကျပ်၊ ဖုန်း ၇ လုံး၊လက်ပတ်နာရီ ၂ လုံး၊စစ်သုံးဆောင်အများအပြားကို သိမ်းဆည်းရမိခဲ့သည်။

ပြည်သူများကို ဖိနှိပ်နေသော အကြမ်းဖက်စစ်တပ်ကို ရွှေခြံသားပြောက်ကြားတပ်ဖွဲ့ ၊တိုက်နယ် ၁ က ဆက်လက်တိုက်ခိုက်သုတ်သင်ရှင်းလင်းသွားမည်ဖြစ်ပြီး၊ ပြည်သူများအနေဖြင့် ဗုံးခိုးကျင်းများအသင့်အနေအထားဖြင့် အထူးသတိပြုနေထိုင်ကြရန် ရွှေခြံသားပြောက်ကြားတပ်ဖွဲ့ကတိုက်တွန်းလိုက်သည်။

09/02/2025

မောင်တောမြို့နယ်တွင် အင်တာနက်သုံးသူများကို AA တိုက်နယ်မှူး နှင့် တပ်ဖွဲ့ဝင်များ ခြိမ်းကြောက်ငွေညှစ်မူရှိနေ

၂၊ ၉ ၊ ၂၀၂၅
AVM မြန်မာ

ဒေသလုံခြုံရေးအန္ဒရာယ်ကို အကြောင်းပြုပြီး အင်တာနက်တွေ ပိတ်ပင်ထားတဲ့ မောင်တောမြို့နယ်မှာ မောင်နီရွာအဝင်လမ်းက တံတားနားမှာ တစ်ဖက် ဘင်္ဂလား အင်တာနက်ကို အသုံးပြုလို့ ရနေရာ ဒေသခံ ရိုဟင်ဂျာတွေက နိုင်ငံရပ်ခြား ဆွေမျိုးသားချင်းတွေနဲ့ အလျဥ်းသင့်သလို့ ဆက်သွယ် အသုံးပြုနေကြတယ်လို့ သိရှိရပါတယ်။

ယင်းကဲ့သို့ အင်တာနက်များ အသုံးပြုနေခြင်းကို မောင်တောမြို့ AA တိုက်နယ်မှူးနဲ့ တပ်ဖွဲ့ဝင်တွေက ပိတ်ပင်တားမြစ်ပြီး အသုံးပြုသူတွေကို ခြိမ်းခြောက်ငွေညှစ်မှုတွေ ရှိနေတယ်လို့ ဒေသခံတွေက AEN ကို သတင်းပေး ပြောဆိုလာခဲ့တာ ဖြစ်ပါတယ်။

ဘူးသီးတောင်အပါအဝင် မောင်တောမြို့နယ်တွေမှာအင်တာနက်ပိတ်ပင်ထားတဲ့ AA ရဲ့ ဆုံးဖြတ်ချက်ကို ဒေသခံရိုဟင်ဂျာတွေက လုံခြုံရေးအကြောင်းအရာတွေနဲ့ ပတ်သက်ပြီး လေးစားလိုက်နာမှု ရှိကြသော်လည်း မိမိတို့ စားဝတ်နေရေးအတွက် နိုင်ငံရပ်ခြားရောက် ဆွေမျိုးသားချင်းတွေနဲ့ ဆက်သွယ်ပြီး အခက်အခဲတွေကို ဖြေရှင်းနေရတာကိုလည်း AA အနေနဲ့ ကိုယ်ချင်းစာပေးဖို့ ဒေသခံတွေက ခံစားချက်အတိုင်း ပြောဆိုလာခဲ့တာ ဖြစ်ပါတယ်။

ဒေသခံတဦးက “အင်တာနက်ပိတ်ထားလို့ ငွေကြေး၊ မိသားစုဆက်သွယ်မှုတွေအတွက် အင်တာနက်လိုင်းရတဲ့ နေရာတွေကို လိုက်လံရှာဖွေရင်း စားဝတ်နေရေးအတွက် အဖြေရှာနေရပေမယ့် AA တပ်ဖွဲ့ဝင်တွေက အမြဲ နှောက်ယှက်ဟန့်တားမှုအပြင် ဓါတ်ပုံရိုက် ခြိမ်းခြောက်ငွေညှစ်မှုတွေပါ လုပ်နေကြတော ကြောက်စရာကောင်းတဲ့ အခြေအနေပါ" ဆိုပြီး ပြောကြားခဲ့ပါတယ်။

ဒေသခံတွေနဲ့ လူ့အခွင့်အရေးအဖွဲ့အစည်းတွေက AA ရဲ့ အင်တာနက်ပိတ်ပင်မူကို ပြစ်တင်ကန့်ကွက်နေကြတဲ့အပြင် အခွင့်အရေးကို ထိခိုက်စေတဲ့ AA တပ်ဖွဲ့ဝင်တွေရဲ့ ခြိမ်းခြောက်မှုတွေကိုလည်း ပြန်လည်စိစစ်ဆောင်ရွက်ဖို့ တောင်းဆိုနေကြတယ်လို့ သိရှိရပါတယ်။
Crd
AEN

08/26/2025

မြောက်ဦးမြို့ကိုအကြမ်းဖက် စစ်တပ်မှ ပေါင် ၅၀၀ ဗုံးကြဲမှုကြောင့် ၁၁ ဦးသေဆုံးပြီး ၂၄ ထိခိုက် ဒဏ်ရာ ရရှိ
၂၆၊ ၈ ၊ ၂၀၂၅
AVM မြန်မာ

ရခိုင်ပြည်၊ မြောက်ဦးမြို့ကို အာဏာသိမ်း စစ်ကောင်စီက ပေါင် ၅၀၀ဗုံးနှင့် လာရောက် ဗုံးကြဲချခဲ့မှုကြောင့် အရပ်သားပြည်သူ ၁၁ အထိသေဆုံးပြီး ၂၄ ဦးအထိ ဒဏ်ရာ ရရှိပါတယ်။

ဩဂုတ် ၂၅ ရက်နေ့ ညဉ့် ၁၁ နာရီခွဲမှာ ဂျက်ဖိုက်တာစီးဖြင့် မြောက်ဦးမြို၊ အောင်တပ်အုပ်စု၊ ဒိုင်းကျီရပ်ကွက်ကို ပေါင် ၅၀၀ ဖြင့် ဗုံးကြဲခဲ့ပြီး နေရာတွင် အရပ်သား ၁၁ ဦးထက်မနည်း သေဆုံးခဲ့သလို ၂၄ဦး ထက်မနည်း ထိခိုက်ဒဏ်ရာရရှိခဲ့ပါတယ်။

မြောက်ဦးမြို့ခံတစ်ဦးက "အိပ်နေတဲ့အချိန်မှာ ဗုံးလာကြဲတာပါ။ လေယာဉ် လာတဲ့ အသံတောင် မကြားရပါဘူး။ ဗုံးကျတဲ့အသံကြားလိုက်ရတယ်။ တော်တော်ကျယ်တယ်။ ဒီကနေ့ မနက်ပိုင်းအထိ ကျနော်တို့ သိထားတာ ၁၁ ဦးသေတယ်လို့ ကြားတယ်။ ပြီးတော့ ဒဏ်ရာရတဲ့သူ ၂၄ ဦးလောက်ရှိတယ် "လို့ပြောပါတယ်။

လတ်တလော သတင်းများအရ ပြင်းထန်ဒဏ်ရာ ရရှိသူများကို ဆေးကုသမှု ခံယူနေပြီး ဗုံးကြဲမှုကြောင့် မြောက်ဦးမြို့ခံများဟာ လက်ရှိ မြို့ကနေ စွန့်ခွာမှုများ ရှိကြောင်း ဒေသခံများကပြောဆိုထားပါတယ်။

ပုံစာ- ပုံစာ - မြောက်ဦးမြို၊ အောင်တပ်အုပ်စု၊ ဒိုင်းကျီရပ်ကွက်ကို ဗုံးကြဲမှုကြောင့် သေဆုံးသူများအားတွေ့ရစဉ်- ဓါတ်ပုံ- APM

08/25/2025

‎ကျောက်မဲမြို့ကို အာဏာသိမ်းစစ်တပ်က လေကြောင်းဗုံးကြဲတိုက်ခိုက်မှု သံဃာတော် ၂ ပါးနဲ့ ပြည်သူ ၁ ဦးတို့ ပြင်းထန်ဒဏ်ရာရရှိ
‎
‎၂၅၊ ၈ ၊ ၂၀၂၅
AVM မြန်မာ
‎
‎တအာင်းတပ် TNLA ထိန်းချုပ်ထားတဲ့ ကျောက်မဲမြို့ ပိန္နဲကုန်းရပ်ကွက်ကို အာဏာသိမ်းစစ်တပ်က ဒီကနေ့ ဩဂုတ်လ ၂၅ ရက်နေ့ မနက် ၁၁ နာရီ ဝန်းကျင်မှာ ပေါင် ၂၅၀ ဗုံး ၂ လုံးကြဲချတိုက်ခိုက်ခဲ့တာကြောင့် ကိုရင် ၂ ပါးနဲ့ ဒေသခံအမျိုးသား ၁ ဦး ထိခိုက်ဒဏ်ရာရခဲ့တယ်လို့ သိရပါတယ်။
‎
‎ကျောက်မဲမြို့ ပိန္နဲကုန်းရပ်ကွက်၊ ဝါဆိုကျောင်းနဲ့ မူလတန်း‌ကျောင်းရှိတဲ့နေရာကို အာဏာသိမ်းစစ်တပ်က လေကြောင်းကနေ ဗုံးကြဲခဲ့တာကြောင့် ဘုန်းကြီးကျောင်းက ကျောင်းဆောင်တချို့နဲ့ လူ‌‌‎‌နေအိမ်တွေ ထိခိုက်ပျက်စီးခဲ့တယ်လို့ ဒေသခံတွေရဲ့ ပြောဆိုချက်တွေအရ သိရပါတယ်။
‎
‎"ထိခိုက်ဒဏ်ရာရတာက ကိုရင် ၂ ပါးနဲ့ ဦးလေးတစ်ယောက်။ ၁၂ နှစ်အရွယ် အရှင်ကုသလနဲ့ ၁၅ နှစ် အရှင်က္ကဿရဏေ။ ဒဏ်ရာက စိုးရိမ်ရတဲ့အထဲမှာ မပါပါဘူး။ ပေါင် ၂၅၀ ဗုံး ၂ လုံး လာကြဲတယ်။ တလုံးက ဘုန်းကြီးကျောင်းနားမှာ ကျတယ်။ နောက်တလုံးက လူတွေနေတဲ့ နားမှာကျတာ" လို့ ကျောက်မဲမြို့ခံ အမျိုးသမီးတဦးက မြို့တော်ကို ပြောပါတယ်။
‎
‎ဗုံးကြဲတိုက်ခိုက်မှုကြောင့် ပိန္နဲကုန်းရပ်ကွက်က လူနေအိမ် ၂၂ လုံး ပျက်စီးခဲ့တဲ့အပြင် မူလတန်းကျောင်း‌က စာသင်ကျောင်းဆောင်နဲ့ ဘုန်းကြီးကျောင်းဆောင်၊ ဓမ္မာရုံ၊ ဆွမ်းစားဆောင်တို့လည်း ထိခိုက်ပျက်စီးခဲ့တယ်လို့ သိရပါတယ်။
‎
‎မနေ့က ဩဂုတ်လ ၂၄ ရက်ကလည်း စစ်ရှောင်တွေနေထိုင်တဲ့ ကျောက်မဲမြို့ လုံကြိမ်ကျေးရွာ ဘုန်းကြီးကျောင်းကို အာဏာသိမ်းတပ်က ပေါင် ၅၀၀ ဗုံးနဲ့ ကြဲချတိုက်ခိုက်ခဲ့တာကြောင့် အမျိုးသား ၂ ဦး ပွဲချင်းပြီး သေဆုံးခဲ့ပါသေးတယ်။
‎
‎ကျောက်မဲမြို့ နောင်ပိန်‌ရွာမှာ အာဏာသိမ်းစစ်တပ်နဲ့ တအာင်းတပ်တို့အကြား တိုက်ပွဲပြင်းထန်နေတာကြောင့် ပြည်သူ‌တွေအနေနဲ့ စစ်တပ်ရဲ့ ဗုံးကြဲတိုက်ခိုက်မှုကို ရှောင်ရှားနိုင်ဖို့ စစ်ရေးသတိအမြဲရှိဖို့ လိုအပ်ပြီး လေကြောင်းရန်မှ ကာကွယ်နိုင်အောင် လေကြောင်းရန်ကာကွယ်ရေး ဆိုင်ရာနည်းလမ်းတွေ လိုက်နာဆောင်ရွက်ရန်လိုကြောင်း တအာင်းတပ် - TNLA ရဲ့ သတင်းနဲ့ ပြန်ကြားရေးဌာနက ပြောဆိုထားပါတယ်။

08/25/2025

"ဝ"ပြည်သွေးစီးညီညွှတ်ရေးတပ်မတော် ( UWSA)ရဲ့ ရဲဘော်တွေ ၄၀ မမ ပစ်နည်း လေ့ကျင့် ပုံ

08/25/2025

ထားဝယ်မှာအာဏာသိမ်းစစ်တပ်နဲ့ဒေသခံကာကွယ်ရေးတပ် DNLA မဟာမိတ်ပူးပေါင်းတပ်ဖွဲ့တို့ တိုက်ပွဲပြင်းထန်ပြီး စစ်တပ် ဘက် ၂၀ ထက်မနည်းကျ
၂၅ ၊ ၈ ၊ ၂၀၂၅
AVM မြန်မာ

တနင်္သာရီတိုင်း၊ ထားဝယ်ခရိုင်၊ ထားဝယ်မြို့နယ်မှာ သြဂုတ်လ ၂၁ ရက်နေ့ မနက် ၅ နာရီဝန်းကျင်ခန့်က အာဏာသိမ်း စစ်တပ်တပ်ဖွဲ့ဝင်တွေနဲ့ ထိတွေ့တိုက်ပွဲဖြစ်ပွားခဲ့ပြီး စစ်တပ်ဘက်မှ ၂၀ဦးထက်မနည်း သေဆုံးပြီး အများအပြားထိခိုက်ဒဏ်ရာရရှိခဲ့တယ်လို့ ဒူရက စစ်ကြောင်းက ထုတ်ပြန်ထားပါတယ်။

ထားဝယ်မြို့နယ်၊ သင်္ကန်းတုန်းကျေးရွာမှာ အာဏာသိမ်း စစ်တပ်တပ်ဖွဲ့ဝင်တွေနဲ့ တော်လှန်ရေးတပ်ဖွဲ့တွေနဲ့ တတိယအကြိမ်မြောက် ထိတွေ့တိုက်ပွဲ ထပ်မံဖြစ်ပွားခဲ့တာလို့ ဒူရက စစ်ကြောင်းရဲ့ ထုတ်ပြန်ချက်အရသိရပါတယ်။

တိုက်ပွဲ ဖြစ်ပွားချိန် ၁၂ နာရီခန့် ကြာမြင့်ခဲ့ပြီး ထိတွေ့တိုက်ပွဲအတွင်း စစ်တပ်ရဲ့ လက်နက်တင်ကား ၁ စီး မီးရှို့ဖျက်ဆီးခဲ့ပြီး အာဏာသိမ်း စစ်တပ်တပ်ဖွဲ့ဝင်တွေထံမှ MA-1 ၂ လက်၊ ကျည်ဘောက် ၁၂ခု၊ အီနာဂါ ၅လုံး၊ လက်ပစ်ဗုံး ၅ လုံးနဲ့ တခြားဆက်စပ်ပစ္စည်းတွေလည်း သိမ်းဆည်းရမိခဲ့တယ်လို့ သိရပါတယ်။

အဆိုပါတိုက်ခိုက်မှုကို ဓဝယ်အမျိူးသားလွတ်မြောက်ရေးတပ်တော်(DNLA)ရဲ့ ဒူရကစစ်ကြောင်း၊ထားဝယ်ပြည်သူ့လွတ်မြောက်ရေးတပ်ဖွဲ့ (TPLF)၊ ဧဒင်မှူး၊က္လားသစ္ဏက် (ကျားသစ်နက်)၊ ဘီလုံးပြောက်ကျားတပ်ဖွဲ့၊ဒေါနတပ်ခွဲ (၇)ထားဝယ်အရှေ့တောတပ်ဖွဲ့ (DEF)တို့က ပူးပေါင်းလုပ်ဆောင်ခဲ့တယ်လို့ သိရပါတယ်။

အာဏာသိမ်းစစ်တပ်က အချိန်မရွေး လေကြောင်းတိုက်ခိုက်မှုတွေ ရှိလာနိုင်တာကြောင့် ပြည်သူတွေအနေနဲ့ လေကြောင်းရန် ကာကွယ်ရေးနဲ့ ပတ်သက်တဲ့ သတင်းအချက်အလက်တွေကို လိုက်နာကြဖို့နဲ့ တနိုင်ငံလုံး အတိုင်းအတာနဲ့ စစ်ရေးတွေ အရှိန်အဟုန်တိုးမြှင့် ဆောင်ရွက်နေတာကြောင့် စစ်ရေးအထူး သတိပြု သွားလာနေထိုင်ကြဖို့ကိုလည်း အသိပေးထားပါတယ်။

တော်လှန်ရေးနဲ့ စစ်ရေးအရှိန် မြင့်လာတာနဲ့အမျှ ပြည်သူ့ဘက်၊ အမှန်တရားဘက်က ရပ်တည်လိုတဲ့ အာဏာသိမ်းစစ်တပ်မှ စစ်သည်တော်တွေနဲ့ ရဲတပ်ဖွဲ့ဝင်တွေကို ပြည်သူ့ရင်ခွင်ခိုလှုံပြီး အမြန်ဆုံး ပူးပေါင်းပေးကြဖို့ကိုလည်း ဒူရက စစ်ကြောင်းက ဖိတ်ခေါ်ထားပါတယ်။

ပြီးခဲ့တဲ့ သြဂုတ်လ ၁၈ ရက်နေ့ကလည်း ထားဝယ်မြို့နယ်၊ သင်္ကန်းတုန်းကျေးရွာနဲ့ ဝကုန်းကျေးရွာအကြား ဘဲ့မဲ့တပ်တောင်အနီးမှာ ထားဝယ်မြို့ဘက်မှ တက်လာတဲ့ ယာဥ်တန်း ၁၀ စီးနဲ့ အင်အား ၁၅၀ ခန့်ပါ အာဏာသိမ်းစစ်တပ် စစ်ကြောင်းနဲ့ တော်လှန်ရေးတပ်ဖွဲ့တွေနဲ့ ထိတွေ့တိုက်ပွဲ ဖြစ်ပွားခဲ့ပြီး စစ်တပ်ဘက်မှ ၄ ဦးသေဆုံးပြီး ၁၀ ဦးခန့် ထိခိုက်ဒဏ်ရာရရှိခဲ့တယ်လို့ သိရပါတယ်။

08/22/2025

ချင်းပြည် တောင်ပိုင်းဦးတည်နေတဲ့အကြမ်းဖက်စစ်
ကားအစီး၁၀၀ ကျော် ပခုက္ကူဘက် ခေါင်းလှည့်ဦးတည်
၂၂၊ ၈ ၊ ၂၀၂၅
AVM မြန်မာ

▪ပေါက်မြို့နယ် အခြေစိုက် ကပစ (၂၄)
ရောက်နေသော စစ်ယာဥ်တန်း ၁၀၀ ကျော်မှာ
အရှေ့အရပ်သို့ဦးတည်ပြီး ပခုက္ကူဘက်သို့
စတင်ထွက်ခွာနေ ကြတယ်လို့သိရပါတယ်။
▪ကား ၅ စီးမှာ အုန်းတောသို့ရောက်ကြပြီး
နောက်ထပ်ကား ၅၀ ခန့် မှာပေါက်မြို့ပေါ်တွင်သာရှိပြီး
အရှေ့ဘက်သို့ ခေါင်းလှည့်ရပ်ထားကြကြောင်း
ကြားသိရပါတယ်။
ယာဥ်တန်းအားလုံးပြန်လှည့်မလှည့် ကို
စောင့်ကြည့် မေးမြန်းနေဆဲပါ။
▪ယာဥ်တန်းတွင် တပ်ပြောင်း စခ မိသားစုဝင်များနှင့်
Non မိသားစုဝင်များ ၁၈၀ ကျော်ခန့် လိုက်ပါ
သွားကြတယ်လို့ကြားသိရပါတယ်။
▪ယနေ့မနက် ပေါက်မြို့နယ်အတွင်းရှိ
ကျေးရွာတစ်ရွာကို စခ အုပ်စုမှ ဂျက်ဖိုက်တာဖြင့်
ဗုံးကြဲတိုက်ခိုက်ခဲ့သောကြောင့် ထိခိုက်သေဆုံးမှုများ
ရှိတယ်လို့ကြားသိရပါတယ်။
▪Hkl

08/21/2025

မောင်တောက ရွာ ၁၀၀ ကျော်က ကိုယ်ဝန်ဆောင်မိခင်တွေကို အာရက္ခပြည်သူ့ ကျန်းမာရေးဌာန ကာကွယ်ဆေးထိုးပေး
၂၁ ၊ ၈ ၊ ၂၀၂၅
AVM မြန်မာ

အာရက္ခပြည်သူ့ကျန်းမာရေးဌာနက ရက္ခိုင်ပြည် မောင်တောမြို့နယ်မှာရှိတဲ့ ရွာပေါင်း ၁၀၀ ကျော်က ကိုယ်ဝန်ဆောင်မိခင်တွေကို ကာကွယ်ဆေး လိုက်လံထိုးပေးနေတယ်လို့ သိရပါတယ်။

"ကိုယ်ဝန်ဆောင်တွေကို အဓိကထားပြီး ကာကွယ်ဆေးထိုးပေးတယ်။ ၅ နှစ်အောက် ကလေးတွေကိုလည်း ဆေးထိုးပေးတာတွေ လုပ်ပေးခဲ့တယ်" လို့ မောင်တောမြို့နယ် လုံးတောင်ရွာဒေသခံတဦးက ပြောပါတယ်။

အဆိုပါကာကွယ်ဆေးဟာ မေးခိုင်ရောဂါနဲ့ ဆုံစို့နာရောဂါတို့ကို အဓိကကာကွယ်ပေးတယ်လို့လည်း သိရပါတယ်။

"ဒီဆေးတွေက ကိုယ်ဝန်ဆောင်တွေအနေနဲ့ ကိုယ်ဝန် ၂၇ ပတ်ကနေ ၃၆ ပတ်အတွင်းမှာ ထိုးပေးရတာ" လို့ အာရက္ခပြည့်သူ့ကျန်းမာရေးဌာနက တာဝန်ရှိသူတဦးက ပြောပါတယ်။

ကိုယ်ဝန်ဆောင်မိခင်တွေကို ပိုမိုကြည့်ရှုစောင့်ရှောက်နိုင်ရန် အာရက္ခပြည်သူ့ကျန်းမာရေးဌာနက သားဖွားအတတ်ပညာသင်တန်းဖွင့်လှစ် သင်ကြားပေးဖို့ စီစဥ်နေတယ်လို့လည်း သိရပါတယ်။

အဆိုပါ သားဖွားအတတ်ပညာသင်တန်းကို အသက် ၂၅ နှစ်အောက် အမျိုးသမီး မည်သူမဆို လျောက်ထားနိုင်ပြီး ပညာအရည်အချင်းအနေနဲ့ အာရက္ခပြည်သူ့တော်လှန်ရေးအစိုးရက ပြုလုပ်တဲ့ ၁၂ တန်း အောင်မြင်ပြီးသူ ဖြစ်ရမယ်လို့လည်း သိရပါတယ်။

AVM News

09/05/2025

09/05/2025

09/05/2025

09/04/2025

09/04/2025

09/02/2025

08/26/2025

08/25/2025

08/25/2025

08/25/2025

08/22/2025

08/21/2025

Address

Website

Alerts

Contact The Business

Shortcuts

Share

Category