The Cambodia Daily Khmer (2025)

22/07/2025

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f
អនុរដ្ឋមន្ត្រីការពារជាតិថៃ ព្រមាន ប្តឹងកម្ពុជាពីបទរំលោភអនុសញ្ញាអូតាវ៉ា (Ottawa Convention) ជុំវិញការផ្ទុះគ្រាប់មីននៅតំបន់មុំ៣ ក្រោមហេតុផលថាគ្រាប់មីនប្រឆាំងមនុស្សម៉ាក PMN -2- គឺជាគ្រាប់មីនរបស់កម្ពុជា។

22/07/2025

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f
មន្ត្រីជាន់ខ្ពស់គណបក្សសង្គ្រោះជាតិលោក អ៊ុំ សំអាន ចោទថា រដ្ឋាភិបាលកម្ពុជាដែលគ្រប់គ្រងដោយត្រកូលហ៊ុនកំពុងយកចិត្តទុកដាក់មើលថែជនជាតិវៀតណាមជាងជាតិសាសន៍ខ្មែរខ្លួនឯង ព្រោះមកទល់នឹងពេលនេះ ជនជាតិវៀតណាមទទួលប័ណ្ណស្នាក់នៅអចិន្ត្រៃយ៍ជិត ១សែននាក់ ខណៈពលរដ្ឋខ្មែរត្រូវប្រឈមនឹងការបាត់បង់សញ្ជាតិពីកំណើត។

22/07/2025

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f
កាលពីថ្ងៃទី២០ ខែកក្កដា ប្រធានាធិបតីអាមេរិក លោក Donald Trump បានព្រមានអ៊ីរ៉ង់កុំព្យាយាម ពង្រឹងសមត្ថភាពនុយក្លេអ៊ែររបស់ខ្លួនឡើងវិញ។ ការព្រមាននេះធ្វើឡើងបន្ទាប់ពីលោក Trump អះអាងថា ការវាយប្រហាររបស់ អាមេរិកក្នុងការទម្លាក់គ្រាប់បែកបានបំផ្លាញទាំងស្រុងទៅលើទីតាំងនុយក្លេអ៊ែរអ៊ីរ៉ង់ចំនួន៣ទីតាំងកាលពីថ្ងៃទី២១ខែមិថុនា ។

22/07/2025

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f
ក្រសួងការពារជាតិប្រទេសកម្ពុជា ចេញប្រកាសព័ត៌មាននៅថ្ងៃទី២០ ខែកក្កដា ដោយបានបដិសេធយ៉ាងដាច់អហង្ការចំពោះការចោទប្រកាន់ពីខាងភាគីថៃពាក់ព័ន្ធនឹងគ្រោះថ្នាក់ដោយសារគ្រាប់មីន ដែលទាហានថៃបីនាក់រងរបួស នៅថ្ងៃទី៦ ខែកក្កដាក្នុងខេត្តព្រះវិហារ។ ភាគីយោធាថៃបានចោទថា គ្រាប់មីនដែលផ្ទុះថ្មីៗនោះ គឺជាមីនដែលទើបតែដាក់ពង្រាយ មិនមែនជាគ្រាប់មីនចាស់ៗសល់ពីសម័យសង្គ្រាមនោះទេ។

22/07/2025

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f
នៅទីបំផុត ព្រះមហាក្សត្រខ្មែរ សម្តេចព្រះបរមនាថ សីហមុនី បានឡាយព្រះហស្ថលេខា ប្រកាសឱ្យប្រើប្រាស់ជាផ្លូវការច្បាប់ធម្មនុញ្ញស្តីពីវិសោធនកម្មមាត្រា៣៣ ដើម្បីបើកផ្លូវឱ្យមានច្បាប់ដកសញ្ជាតិខ្មែរ។

22/07/2025

Idea Talk:«ដំណើរការបាតុកម្មរបស់ក្រុមយុវជនខែ្មរក្នុងប្រទេសកូរ៉េខាងត្បូងប្រឆាំងការដកសញ្ជាតិខ្មែរនៅកម្ពុជា?» សូមលោកអ្នកនាងរង់ចាំទស្សនាកម្មវិធី Idea Talk របស់សាព័ត៌មាន The Cambodia Daily សម្រាប់យប់ថ្ងៃអង្គារ ទី២២ ខែកក្កដា ឆ្នាំ២០២៥ វេលាម៉ោង ៨ និង៣០ នាទីយប់ ម៉ោងនៅកម្ពុជា ជាមួយលោក មាស ពិសាល ប្រធានចលនាយុវជនសង្គ្រោះជាតិក្នុងប្រទេសកូរ៉េខាងត្បូង និងលោក អន ចាន់ថន អ្នកនាំពាក្យនៃគណកម្មការដឹកនាំការធ្វើបាតុកម្ម។ សូមលោកអ្នកនាងតាមដានកម្មវិធីផ្សាយរបស់យើងតាមទំព័រហ្វេសប៊ុកដែលមានអាសយដ្ឋាន The Cambodia Daily Khmer តាមប្រព័ន្ធតេឡេក្រាម t.me/withoutfearorfavorkh និងតាមយូធូប www.youtube.com/ ។

21/07/2025

ផុសឡើងវិញ៖ អ្នកឧកញ៉ាសញ្ជាតិខ្មែរ−ថៃ លី យ៉ុងផាត់ ដែលត្រូវក្រសួងហិរញ្ញវត្ថុអាមេរិក បានសម្រេចដាក់ទណ្ឌកម្មបង្កកទ្រព្យ សម្បត្តិរបស់លោក ដោយសារជាប់ពាក់ព័ន្ធនឹងអំពើជួញដូរមនុស្ស និងពលកម្មដោយបង្ខំក្នុងជំនួញឆបោកតាមអនឡាញ និងរូបិយប័ណ្ណគ្រីបតូ (Crypto Currency) កំពុងយកស្ថានីយទូរទស្សន៏ ភីអិនអិន (PNN) រកស៊ីបើកលេងល្បែងស៊ីសងតាមអនឡាញ ជាទីតាំងបង្ខាំងមនុស្ស ចាប់ជម្រិតមនុស្ស និងចាប់បង្ខំមនុស្សឲ្យ រកស៊ី ឆបោកតាមប្រព័ន្ធ អនឡាញដ៏ធំនៅកម្ពុជា។

21/07/2025

មតិវិភាគ៖ ប្រទេសតូច ទន់ខ្សោយ ការពារខ្លួនឯងមិនបាន មានតែរត់រកអង្គការសហប្រជាជាតិ

⏰ ផ្សាយថ្ងៃទី២១ ខែ០៧ ឆ្នាំ២០២៥

👁‍👁‍ អានព័ត៌មានលម្អិត៖ https://www.cambodiadaily.com/2025/07/21/13/16/84096/

🙏 សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f

🔽

នៅក្នុងរយៈពេល ២ទសវត្សចុងក្រោយនេះ គេសង្កេតឃើញពិភពលោកបានធ្លាក់ក្នុងរបត់នយោបាយប្រជែងឥទ្ធិពលគ្នាយ៉ាងខ្លាំង។ ប្រទេសធំប្រើឥទ្ធិពលទៅលើប្រទេសជិតខាងដែលទន់ខ្សោយ ហើយឈានដល់ការប្រមាថគំរាមឈ្លានពានទៀតផង។

យ៉ាងណាមិញ ក្នុងចន្លោះរយៈកាលនៃសង្គ្រាមត្រជាក់ពីឆ្នាំ១៩៤៧ ដល់ឆ្នាំ១៩៩១ ប្រទេសខ្លះក៏បានប្រើទ្រឹស្ដី “ឆក់ឱកាស” ប្រើកម្លាំងទ័ពវាយទន្ទ្រានលុកលុយប្រទេសជិតខាងទន់ខ្សោយ ដោយព្យាយាមយកលេសស្របច្បាប់មួយពិពណ៌នាពន្យល់ប្រាប់ពិភពលោកអំពីអំពើបំពានធម្មនុញ្ញអង្គការសហប្រជាជាតិរបស់ខ្លួន។ គេមិនបានស្នើសុំការអនុញ្ញាតពីអង្គការសហប្រជាជាតិជាមុនទេ។

ជាមួយគ្នានេះ ប្រទេសទន់ខ្សោយផ្នែកវិស័យការពារជាតិ ច្រើនតែបង្ហាញក្ដីស្មោះត្រង់ ស្មោះស្ម័គ្រនឹងប្រទេសដែលមានអំណាចកងទ័ព ជាមួយនឹងការប្រើទ្រឹស្ដីនិយមមួយឃ្លាថា «មានតែមិត្តជិតខាងយើងទេ ទើបគេមកជួយយើងទាន់ពេលវេលា បើយើងមានអាសន្ន»។ បើគេដើរតាមទ្រឹស្ដីនេះ ប្រទេសតូចទន់ខ្សោយនោះត្រូវជាប់លក្ខខណ្ឌជាប្រទេសសួយ ក្លាយជាប្រទេសរស់ពឹងគេ ក្រោមខ្សែញាក់របស់គេ ចង់ធ្វើអ្វីដោយឯករាជ្យមិនបានរហូត ដើម្បីគ្រាន់តែឲ្យគេជួយការពារខ្លួន។ បើរស់ពឹងតែគេ គេនឹងដាក់លក្ខខណ្ឌលើយើង។

បើយើងប្រកាន់យកសន្តិភាពនិយម គេក៏ផ្ដល់សន្តិភាពឱ្យយើងដែរ។ យើងខំធ្វើខ្លួនល្អជាមួយគេ គេក៏គិតថាយើងមានផលប្រយោជន៍ឱ្យគេដែរ។ វាដូចជាមានន័យថា ផលប្រយោជន៍យើងក្នុងកណ្ដាប់ដៃគេ គឺយ៉ាងហោចណាស់ គេក៏ជួយការពារសន្តិសុខឱ្យយើងដែរ។

ដូច្នេះ ព្រំដែនដីរបស់យើង មិនបាត់ទៅខាងគេ ព្រោះព្រំដែនយើងគេមិនឈ្លានពានទេ ព្រោះយើងស្មោះត្រង់នឹងគេ គឺដូចបងប្អូននឹងគ្នាទៅហើយ។ យើងជាមិត្តដែកថែប ឬមិត្តម៉ឺនឆ្នាំនឹងគ្នា។ យើងនឹងគេមានចំណែកចែកផលប្រយោជន៍តាមព្រំដែនដូចៗគ្នា។ ម្ល៉ោះហើយទើបយើងហៅថាជាព្រំដែនសន្តិភាព មិត្តភាព។ ជាព្រំដែនរួមរស់ជាមួយគ្នាតកូនតចៅទៅមុខទៀត លុះត្រារលាយផែនដី។ ក្នុងស្ថានភាពនេះ ប្រទេសតូចហើយទន់ខ្សោយ បើមានធនធានធម្មជាតិច្រើន ត្រូវធ្វើសម្បទានដល់ប្រទេស “ជាបងធំ” ហើយរស់ជារដ្ឋសហព័ន្ធជាមួយគ្នា ឬធ្វើសម្ព័ន្ធភាពនឹងគ្នា ហៅថា alliance។

ម្ល៉ោះហើយ ការពង្រឹងអំណាចផ្ទៃក្នុងនៃបក្សពួកយើងឱ្យបានរឹងមាំទៅ វាល្អប្រសើរណាស់ទៅហើយ។ យើងមានអំណាចរឹងមាំ សត្រូវផ្ទៃក្នុងត្រូវតែបង្ក្រាប គឺពិតណាស់ សន្តិភាពផ្ទៃក្នុងរឹងមាំ ហើយអំណាចកាន់តែរឹងមាំក្នុងបក្សពួករបស់យើង គឺអ្នកជិតខាងយើងក៏គេខ្លាចយើងដែរ។

ទ្រឹស្ដីនេះហើយដែលប្រទេសមួយភ្លេចគិតពីការបង្រួបបង្រួមជាតិ សាមគ្គីជាតិផ្ទៃក្នុងខ្លួនឯង។ ការបែកបាក់ជាតិ បែកបាក់កម្លាំងការពារជាតិ វាច្បាស់ណាស់នឹងនាំឱ្យចុះខ្សោយធនធានមនុស្ស។ ពិតណាស់ដែលគេថាវាប្រហោងក្នុង។ បើប្រទេសមួយបាត់បង់កម្លាំងកសាងជាតិ កម្លាំងជួយដោះស្រាយបញ្ហាជាតិ ការពារជាតិ ហើយបើប្រទេសខ្វះឧបករណ៍ដើម្បីបង្ការការឈ្លានពាន ពោលគឺពុំមានសព្វាវុធទំនើបៗ គឺជាការមើលស្រាលសន្តិសុខសម្រាប់ខ្លួនឯងដែរ។

សន្តិភាពនិយមពេកភ្លេចគិតថាសន្តិសុខតាមព្រំដែន ភ្លេចគិតផ្ទៀងផ្ទាត់ខណ្ឌសីមាព្រំដែនជាមួយនឹងប្រទេសជិតខាង ក៏ធ្វើឱ្យប្រទេសជិតខាង គេអាចលូកលាន់បំពានព្រំដែនបានដែរ ព្រោះគេប្រមាថយើង។ គេថាយើងមិនហ៊ាននឹងគេ ដោយសារយើងពុំមានសព្វាវុធទំនើបៗដើម្បីការពារប្រទេស ហើយម្យ៉ាង គេមើលស្រាលយើងដោយសារកម្លាំងជាតិរួមរបស់យើងកំពុងតែបែកបាក់ គឺត្រង់នេះហើយ គេអាចសាកល្បងឈ្លានពានយើង។

តែវាមិនហួសពេលទេ បើយើងប្រមូលកម្លាំងជាតិឡើងវិញ។ យើងបង្រួបបង្រួមជាតិឡើង។ ក្រុមណាក៏ដោយ បក្សណាក៏ដោយ នៅពេលប្រទេសត្រូវគេឈ្លានពាន ត្រូវទុករឿងបក្សពួកមួយឡែក ហើយងាកមករួមរស់នឹងគ្នាឡើងវិញ។ ផ្ទៃក្នុងយើងមានការឯកភាពជាតិ រឹងមាំឡើងវិញ។ ធនធានបញ្ញាជនយើងជួបជុំគ្នាឡើងវិញ។ គំនិតយើង ទស្សនៈយើង រួមគ្នាដូចគ្នា។

យើងឱបក្រសោបគ្នាជាមហាគ្រួសារតែមួយឡើងវិញ គឺយើងពិតជាខ្លាំង គឺខ្លាំងទាំងស្មារតី ខ្លាំងទាំងប្រាជ្ញា ខ្លាំងទាំងគំនិត ខ្លាំងទាំងធនធានមនុស្ស ដែលយ៉ាងហោចណាស់ក៏គេគិតថាផ្ទៃក្នុងជាតិយើងរឹងមាំឡើងវិញហើយ។

ប្រទេសណាមួយដែលដាក់ផែនការឈ្លានពានយើង គេក៏បារម្ភដែរ បើទោះជាយើងនៅទន់ខ្សោយខាងវិស័យការពារជាតិ ខ្វះសព្វាវុធទំនើបៗ ក៏គេអាចបារម្ភដោយសារកម្លាំងជាតិយើងខ្លាំងរឹងមាំ។ នេះជាយន្តការមួយដែរ។

យន្តការមួយទៀត ប្រទេសណាក៏ដោយក៏នៅក្រោមឆត្រតែមួយដូចគ្នា គឺអង្គការសហប្រជាជាតិ។ ច្បាប់អន្តរជាតិនៅក្រោមការឃ្លាំមើលដោយស្ថាប័នអង្គការសហប្រជាជាតិ។ ស្ថាប័នអង្គការសហប្រជាជាតិដែលមានឥទ្ធិពល មានពីរស្ថាប័ន ដែលប្រទេសទន់ខ្សោយចាំបាច់ត្រូវរត់ទៅស្វែងរកអន្តរាគមន៍។ ទីមួយ គឺស្ថាប័នតុលាការយុត្តិធម៌អន្តរជាតិ (ICJ) និងទី២ គឺស្ថាប័ននៃក្រុមប្រឹក្សាសន្តិសុខអង្គការសហប្រជាជាតិ (UNSC)។

ដែនយុត្តាធិការរបស់តុលាការយុត្តិធម៌អន្តរជាតិ (ICJ) មានកាតព្វកិច្ចជួយដោះស្រាយជម្លោះព្រំដែន ឬជម្លោះឈ្លានពានរវាងប្រទេសនឹងប្រទេសជិតខាងនឹងគ្នា ប៉ុន្តែការកាត់សេចក្ដីរបស់ ICJ ក៏ផ្អែកលើកត្តាច្បាប់អន្តរជាតិ និងកត្តាប្រវត្តិសាស្ត្រ។

បើប្រទេសទន់ខ្សោយ មានប្រៀបខ្លាំងដោយយោងលើកត្តាច្បាប់អន្តរជាតិ និងកត្តាប្រវត្តិសាស្ត្រ គឺច្បាស់ណាស់ ICJ ត្រូវតែផ្ដល់យុត្តិធម៌ឱ្យខាងប្រទេសជាជនរងគ្រោះ។

ទី២ គឺស្ថាប័ននៃក្រុមប្រឹក្សាសន្តិសុខអង្គការសហប្រជាជាតិ (UNSC) ក៏ជាស្ថាប័នអ្នកអនុវត្តច្បាប់អន្តរជាតិ។ ជាស្ថាប័នដែលធ្វើសេចក្ដីសម្រេចបង្គាប់ឱ្យបញ្ឈប់ការឈ្លានពាន ជាមួយនឹងដំណោះស្រាយរបស់ស្ថាប័ននេះដោយយោងលើអង្គហេតុ អង្គសេចក្ដីរបស់ ICJ ដែរ។

ប្រទេសទន់ខ្សោយ ត្រូវតែរត់ទៅប្ដឹងស្ថាប័ននេះជាបន្ទាន់ ដើម្បីឱ្យជួយទប់ស្កាត់ការឈ្លានពាន ដែលយ៉ាងហោចណាស់ ស្ថាប័នក្រុមប្រឹក្សាសន្តិសុខអង្គការសហប្រជាជាតិ ត្រូវដាក់ចេញនូវវិធានការឃ្លាំមើលជាបន្ទាន់ ជាប្រយោជន៍ជួយទប់ស្កាត់កុំឱ្យមានការជ្រុលជ្រួសធ្លាក់ក្នុងសង្គ្រាមព្រំដែន។

សរុបទៅ កត្តាឯកភាពជាតិ សាមគ្គីជាតិ រួបរួមកម្លាំងជាតិ រឹងមាំ ផ្គួបផ្សំនឹងកត្តាច្បាប់អន្តរជាតិ និងកត្តាប្រវត្តិសាស្ត្រ ប្រៀបបាននឹងសមរភូមិតស៊ូមតិមួយដែលផ្ដល់ឱកាសដល់ប្រទេសដែលត្រូវបានគេបំពានរំលោភព្រំដែន គឺមានអំណាចខ្លាំងរួចទៅហើយ៕

📢 អានព័ត៌មានលម្អិតលើគេហទំព័រ https://www.cambodiadaily.com/

21/07/2025

អ្នកតាមដានរិះគន់រដ្ឋាភិបាលកម្ពុជាថាកំពុងសម្ដែងបង្ក្រាបបទល្មើសឆបោកតាមអនឡាញ

⏰ ផ្សាយថ្ងៃទី២១ ខែ០៧ ឆ្នាំ២០២៥

👁‍👁‍ អានព័ត៌មានលម្អិត៖ https://www.cambodiadaily.com/2025/07/21/12/47/84095/

🙏 សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f

🔽

ប្រតិបត្តិការបង្ក្រាបអាជីវកម្មទុច្ចរិតឆបោកតាមបច្ចេកវិទ្យាអន្តរបណ្ដាញ មានមូលដ្ឋានចេញពីបនល្បែងស៊ីសងកាស៊ីណូ ចាប់បានជនប្រព្រឹត្តបទល្មើសប្រមាណ ២ពាន់នាក់ហើយ មកទល់ថ្ងៃសុក្រ ទី១៨ ខែកក្កដា។

អ្នកជំនាញផ្នែកអំពើឧក្រិដ្ឋ និយាយថា តួលេខនេះតំណាងឲ្យតែ ១% ប៉ុណ្ណោះនៃចំនួនឧក្រិដ្ឋជនក្នុងរបររកស៊ីឆបោកប្រភេទនេះប្រមាណពី ១សែន ទៅ ១សែន ៥ម៉ឺននាក់ទូទាំងប្រទេសកម្ពុជា។

ជាមួយគ្នានេះ មន្ត្រីសិទ្ធិមនុស្សអន្តរជាតិប្រចាំតំបន់អាស៊ី ចាត់ទុកចំណាត់ការបោសសម្អាតឧក្រិដ្ឋកម្មឆបោកតាមប្រព័ន្ធបច្ចេកវិទ្យានៅក្នុងប្រទេសកម្ពុជាពីសំណាក់នាយករដ្ឋមន្ត្រីខ្មែរ លោក ហ៊ុន ម៉ាណែត គឺជាល្បែងប៉ាហ៊ីបន្លំភ្នែក ឬក៏ជាការសម្ដែងរបាំចាក់ក្បាច់តែប៉ុណ្ណោះ មិនមែនជាចំណាត់ការពិតប្រាកដនោះទេ។

នាយកផ្នែកតស៊ូមតិសិទ្ធិមនុស្សប្រចាំតំបន់អាស៊ី លោក Phil Robertson សរសេរលើទំព័រហ្វេសប៊ុករបស់ខ្លួននៅថ្ងៃទី១៨ កក្កដា នេះថា ចំណាត់ការរបស់លោក ហ៊ុន ម៉ាណែត ដែលបង្ហាញពីសកម្មភាពគគ្រឹកគគ្រេងដើម្បីលុបបំបាត់ឧក្រិដ្ឋកម្មអនឡាញឱ្យអស់ពីកម្ពុជានាពេលនេះ គឺជាការភូតកុហកសុទ្ធសាធ ព្រោះអំពើឧក្រិដ្ឋទាំងនេះបានដុះស្លែនៅកម្ពុជាយូរណាស់មកហើយ ដូច្នេះមិនអាចលុបបំបាត់ក្នុងរយៈពេលខ្លីបានទេ។

លោក Phil Robertson អះអាងថា ទោះបីជាប្រយុទ្ធប្រឆាំងនឹងអំពើឧក្រិដ្ឋអនឡាញនេះ ត្រូវបានអនុវត្តក្នុងរយៈពេលយូរប៉ុនណាក៏ដោយ ក៏រដ្ឋាភិបាលកម្ពុជាមិនអាចបោសសម្អាតបទល្មើសទាំងនេះបានដែរ ព្រោះរដ្ឋាភិបាលតែងទទួលបានផលប្រយោជន៍ពីក្រោយអំពើពុករលួយពីមជ្ឈមណ្ឌលបោកប្រាស់ទាំងនោះនៅគ្រប់ទីកន្លែងក្នុងប្រទេសកម្ពុជារហូតមក។

មន្ត្រីសិទ្ធិមនុស្សអន្តរជាតិរូបនេះ បញ្ជាក់ថា សកម្មភាពរបស់លោក ហ៊ុន ម៉ាណែត ក្នុងការបង្ក្រាបឧក្រិដ្ឋកម្មឆបោកតាមប្រព័ន្ធបច្ចេកវិទ្យានាពេលនេះ គ្រាន់តែបង្ហាញឱ្យឃើញថារដ្ឋាភិបាលប្រឹងប្រែងយកចិត្តទុកដាក់ក្នុងការប្រយុទ្ធប្រឆាំងនឹងបទល្មើសនេះឱ្យខ្លាំងក្លា មុតមាំ ហ្មត់ចត់ ប៉ុន្តែការពិតជាយុទ្ធនាការរាក់កំផែលដែលប្រឹងធ្វើរូបភាពឱ្យធំបន្លំភ្នែកអន្តរជាតិប៉ុណ្ណោះ។

បទបញ្ជាស្ដីពីការបោសសម្អាតឧក្រិដ្ឋកម្មឆបោកតាមប្រព័ន្ធបច្ចេកវិទ្យា ត្រូវបានចុះហត្ថលេខាដោយលោក ហ៊ុន ម៉ាណែត កាលពីថ្ងៃទី១០ ខែកក្កដា បានដាក់ចេញនូវចំណាត់ការមួយចំនួនសម្រាប់អនុវត្តទូទាំងប្រទេស ដើម្បីបោសសម្អាតឧក្រិដ្ឋកម្មឆបោកតាមប្រព័ន្ធបច្ចេកវិទ្យាឱ្យអស់ពីទឹកដីកម្ពុជា។ លោក ហ៊ុន ម៉ាណែត ព្រមានថា អ្នកដែលមិនអនុវត្តតាមបទបញ្ជានេះ ត្រូវប្រឈមនឹងការផ្លាស់ប្ដូរ ឬបញ្ចប់មុខតំណែងដោយគ្មានករណីលើកលែងឡើយ។

ជុំវិញចំណាត់ការនេះ ព្រះរាជអាជ្ញាក្រសួងយុត្តិធម៌ លោក សុច សុផាន់ណារ៉ា ត្រូវបានព្រះមហាក្សត្រចេញព្រះរាជក្រឹត្យ កាលពីថ្ងៃទី១៥ ខែកក្កដា ថ្មីៗនេះ បណ្តេញចេញពីក្របខ័ណ្ឌ ក្រោយរកឃើញថាបានជាប់ពាក់ព័ន្ធនឹងព្រះរាជអាជ្ញារងសាលាដំបូងខេត្តពោធិ៍សាត់ លោក គ្រី សីហា ដែលបានដោះលែងជនល្មើស ៥នាក់ ក្រោយចាប់ខ្លួនពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យាក្នុងខេត្តពោធិ៍សាត់ កាលពីពេលកន្លងទៅនោះ។

ចំណែកឯលោក គ្រី សីហា ក៏ត្រូវលោក កើត រិទ្ធ រដ្ឋមន្ត្រីក្រសួងយុត្តិធម៌ សម្រេចផ្អាកមុខងារជាបណ្ដោះអាសន្ន ដើម្បីបើកផ្លូវឲ្យក្រុមអធិការកិច្ច និងស្ថាប័នមានសមត្ថកិច្ចស៊ើបអង្កេតស្រាវជ្រាវកាលពីថ្ងៃទី១៦ កក្កដា កន្លងទៅផងដែរ។

ជុំវិញបញ្ហានេះ ក្រសួងមហាផ្ទៃ បានអះអាងនៅថ្ងៃទី១៨ កក្កដា នេះថា អភិបាលខេត្តឧត្ដរមានជ័យ លោក មាន ចាន់យ៉ាដា បានដឹកនាំកម្លាំងបោសសម្អាតបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ចំនួន ៩ទីតាំង ដោយសង្ស័យថាជាប់ពាក់ព័ន្ធនឹងការលបលួចប្រព្រឹត្តអំពើល្មើសឆបោកតាមប្រព័ន្ធបច្ចេកវិទ្យា (Online Scams) និងបទល្មើសផ្សេងៗទៀត ដូចជា ការឆ្លងដែនខុសច្បាប់ ការរស់នៅ និងការធ្វើការងារខុសច្បាប់នៅប្រទេសកម្ពុជា ជាដើម។

សារព័ត៌មាន The Cambodia Daily នឹងព្យាយាមស្រាវជ្រាវផ្សាយនៅពេលក្រោយ អំពីបណ្ដាញរកស៊ីឆបោកល្បីល្បាញក្នុងពិភពលោក ថាតើរាជរដ្ឋាភិបាលបានចំណែកប៉ុន្មានក្នុងមួយឆ្នាំៗ បានជាបង្ខំចិត្តបិទភ្នែកបណ្តោយឲ្យរបរឧក្រិដ្ឋនេះរីកស្គុះស្គាយដូចផ្សិតរាប់ឆ្នាំមកនោះ៕

📢 អានព័ត៌មានលម្អិតលើគេហទំព័រ https://www.cambodiadaily.com/

21/07/2025

វិទ្យាស្ថានសិក្សាសង្គ្រាម ISW៖ វិមានក្រឹមឡាំង គំរាមប្រើគ្រាប់បែកនុយក្លេអ៊ែរបំបែកណាតូ

⏰ ផ្សាយថ្ងៃទី២១ ខែ០៧ ឆ្នាំ២០២៥

👁‍👁‍ អានព័ត៌មានលម្អិត៖ https://www.cambodiadaily.com/2025/07/21/12/21/84098/

🙏 សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f

🔽

ក្នុងស្ថានភាពដែលស្ថិតក្រោមឱសានវាទ ៥០ថ្ងៃ កំណត់ដោយសហរដ្ឋអាមេរិក ដោយបង្ខំឱ្យរុស្ស៊ី បញ្ចប់សង្គ្រាមដែលខ្លួនបង្កនៅលើទឹកដីអ៊ុយក្រែន វិទ្យាស្ថានសិក្សាសង្គ្រាម ISW ដែលមានទីស្នាក់ការនៅទីក្រុងវ៉ាស៊ីនតោន បានចេញសេចក្តីរាយការណ៍វិភាគចុងក្រោយមួយទៀតអំពីមហិច្ឆតាវិមានក្រឹមឡាំង ដែលចង់លេបត្របាក់ប្រទេសអ៊ុយក្រែន ក៏បង្កសង្គ្រាមជាង ៣ឆ្នាំ ៥ខែមកនេះ។

មើលទៅដូចជាមិនអាចសម្រេចបានគោលដៅរបស់ខ្លួន ក៏បានបន្តចេញសារព្រមានប្រើគ្រាប់បែកនុយក្លេអ៊ែរបំបែកសម្ព័ន្ធភាពណាតូ (NATO) និងអ៊ុយក្រែន។

តាមការវិភាគរបស់វិទ្យាស្ថានសិក្សាសង្គ្រាម ISW របបផ្ដាច់ការនៅទីក្រុងមូស្គូ បច្ចុប្បន្ន យល់ថាប្រទេសដែលត្រូវប្រទេសមាននុយក្លេអ៊ែរខ្ចីដៃឱ្យឈ្លានពានរុស្ស៊ី គឺប្រទេសនោះអាចនឹងត្រូវរងការវាយប្រហារដោយអាវុធនុយក្លេអ៊ែររបស់រុស្ស៊ី។ ISW មើលឃើញថា ដើម្បីបំបែកអាមេរិកចេញពីណាតូ និងអ៊ុយក្រែន វិមានក្រឹមឡាំង ត្រូវតែប្រើសិទ្ធិវាយបកជាមួយនឹងអាវុធនុយក្លេអ៊ែររបស់ខ្លួនដែលមិនចាំតែទៅលើប្រទេសដែលមានគ្រាប់នុយក្លេអ៊ែរដូចគ្នានោះទេ គឺប្រទេសសមាជិកណាតូណាក៏ដោយ ក៏អាចរងការវាយប្រហារដោយអាវុធប្រល័យលោកនេះបានដែរ បើវិមានក្រឹមឡាំង ចាត់ទុកប្រទេសនោះបង្ខំឱ្យរុស្ស៊ី ប្រកាសអាសន្នក្នុងស្ថានភាពត្រូវគេឈ្លានពាន។

សម្រង់វិភាគរបស់ខ្លួន វិទ្យាស្ថានសិក្សាសង្គ្រាម ក៏ផ្អែកលើសេចក្ដីថ្លែងការណ៍របស់អ្នកនាំពាក្យវិមានក្រឹមឡាំង ដែលលោក Dmitry Peskov បានធ្វើឡើងកាលពីថ្ងៃទី១៧ កក្កដា។ លោក Dmitry Peskov បានបញ្ជាក់ឡើងវិញពីការប្រើសិទ្ធិវាយបករបស់រុស្ស៊ី ដោយអាវុធនុយក្លេអ៊ែរទៅលើអ្នកឈ្លានពាន។

តាមអ្នកនាំពាក្យវិមានក្រឹមឡាំង កូនសោសម្រាប់ឃ្លាំងស្តុកនុយក្លេអ៊ែរ កំពុងត្រូវបានរក្សាទុកដើម្បីរង់ចាំករណីប្រកាសអាសន្ននុយក្លេអ៊ែរតែប៉ុណ្ណោះ។ ចំពោះប្រទេសណាដែលញុះញង់ឱ្យរដ្ឋមាននុយក្លេអ៊ែរ បង្កការឈ្លានពានរុស្ស៊ី បើទោះជាប្រទេសនោះគ្មាននុយក្លេអ៊ែរក៏ដោយ គឺចាំបាច់ត្រូវទទួលខុសត្រូវ ព្រោះជាប្រទេសបានចូលរួមបង្កការឈ្លានពានលើប្រទេសរុស្ស៊ី។ ប្រទេសនេះត្រូវតែប្រឈមមុខជាមួយនឹងរុស្ស៊ី។

អ្នកនាំពាក្យវិមានក្រឹមឡាំង លោក Dmitry Peskov លើកឡើងថា ប្រទេសអឺរ៉ុបភាគច្រើនដែលជាសមាជិកណាតូ រួមនឹងប្រទេសអឺរ៉ុបខាងកើត កំពុងតែបញ្ចេញឥរិយាបថបង្ករឿងឆ្ពោះទៅទីក្រុងមូស្គូ ដែលលោកថាប្រទេសទាំងនោះមានភាពក្រអឺតក្រទមប្រមាថក្រុងមូស្គូ ក្រោយពីប្រធានាធិបតីអាមេរិក លោក ដូណាល់ ត្រាំ ចេញសារឱសានវាទ ៥០ថ្ងៃដាក់លើក្រុងមូស្គូ ជាមួយនឹងការបញ្ជូនអាវុធរបស់ទីក្រុងវ៉ាស៊ីនតោន ទៅឱ្យអ៊ុយក្រែន តាមរយៈណាតូ ដែលទង្វើនេះ ក្រុងមូស្គូ មិនអាចទទួលយកបានឡើយ។

តែយ៉ាងណាក្តី អ្នកនាំពាក្យវិមានក្រឹមឡាំង បានអំពាវនាវទៅសហគមន៍អន្តរជាតិ ត្រូវគាបសង្កត់អ៊ុយក្រែន ឱ្យមានជំនួបទ្វេភាគីឡើងវិញជាមួយនឹងរុស្ស៊ី ដែលលោក Dmitry Peskov ថាជាកិច្ចចរចាឆ្ពោះទៅរកការបញ្ចប់សង្គ្រាម ប៉ុន្តែលោកថាលុះត្រាតែរុស្ស៊ី មិនត្រូវបានរងការឈ្លានពានទើប រុស្ស៊ីព្រមបញ្ចប់សង្គ្រាមនៅអ៊ុយក្រែន។

វិទ្យាស្ថានសិក្សាសង្គ្រាម ISW ជឿថា សារគំរាមថ្មីរបស់វិមានក្រឹមឡាំង ដែលគំរាមប្រើអាវុធនុយក្លេអ៊ែរ បើទោះជាសង្គ្រាមវោហារសាស្ត្រពិតមែន តែវាជាការត្រួសត្រាយផ្លូវទៅរកការប្រើអាវុធប្រល័យលោកនេះ បើទីក្រុងមូស្គូ ចាត់ទុកថាអធិបតេយ្យជាតិរបស់ខ្លួនកំពុងត្រូវគេឈ្លានពានយ៉ាងធ្ងន់ធ្ងរហើយនោះ។

ការពិត ទីក្រុងមូស្គូ ខកចិត្តខ្លាំងណាស់ដែលរដ្ឋការលោក ត្រាំ សម្រេចបញ្ជូនអាវុធទៅឱ្យអ៊ុយក្រែន ឡើងវិញ ព្រោះទីក្រុងមូស្គូ ពិតជាមិនចង់ឃើញសហរដ្ឋអាមេរិកកាន់តែខិតជិតអ៊ុយក្រែន នោះទេ ហើយជាមួយគ្នានេះ ក៏មិនចង់ឃើញសហរដ្ឋអាមេរិកកាន់តែជិតស្និទ្ធនឹងក្រុមប្រទេសណាតូនៅអឺរ៉ុបដែរ។

ទោះជាយ៉ាងណាក៏ដោយ វិទ្យាស្ថានសិក្សាសង្គ្រាម ISW ជឿថាវិមានក្រឹមឡាំង កំពុងធ្វើយុទ្ធនាការឃោសនាបំបែកឯកភាព សាមគ្គីភាពក្នុងចំណោមសមាជិកណាតូ ៣២ប្រទេស។ បើណាតូបែកបាក់គ្នា អ៊ុយក្រែននឹងចុះខ្សោយការតស៊ូភ្លាម ដោយមិនអាចស៊ូទ្រាំសង្គ្រាមយូរអង្វែងជាមួយនឹងរុស្ស៊ី ទៀតបានទេ ហើយច្បាស់ណាស់ ទីក្រុងគៀវ នឹងទៅរកការចុះចាញ់រុស្ស៊ី៕

📢 អានព័ត៌មានលម្អិតលើគេហទំព័រ https://www.cambodiadaily.com/

21/07/2025

ទាហានថៃ តាមព្រំដែនជាប់ប្រទេសកម្ពុជាដាច់ជើង និងរងរបួសដោយសារជាន់មីនបង្កប់

⏰ ផ្សាយថ្ងៃទី២១ ខែ០៧ ឆ្នាំ២០២៥

👁‍👁‍ អានព័ត៌មានលម្អិត៖ https://www.cambodiadaily.com/2025/07/21/12/26/84097/

🙏 សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f

🔽

ក្រសួងការពារជាតិថៃ អំពាវនាវឱ្យកម្ពុជាដោះមីនចាស់ៗចេញ ស្របពេលដែលអាជ្ញាធរថៃ ក៏កំពុងបើកការស៊ើបអង្កេតដែរ ដើម្បីឱ្យប្រាកដថាតើគ្រាប់មីនដែលផ្ទុះនោះជាគ្រាប់មីនចាស់ ឬគ្រាប់ថ្មី ខណៈការរកឃើញដំបូងបង្ហាញថាជាគ្រាប់មីនចាស់ៗដែលមិនទាន់ត្រូវបានបោសសម្អាត។

សារព័ត៌មានថៃ The Nation បានស្រង់សម្ដីរដ្ឋមន្ត្រីក្រសួងការពារជាតិថៃ លោក នត្តាពល ណាក់ប៉ាណិជ្ជ (Nattapon Nakpanich) នៅថ្ងៃទី១៨ កក្កដា នេះថា ប្រសិនបើរកឃើញថាគ្រាប់មីនទាំងនោះជាគ្រាប់មីនថ្មី នោះគឺជាការរំលោភលើអនុស្សរណៈយោគយល់៤៣ (MOU៤៣) រវាងកម្ពុជា និងថៃ យ៉ាងធ្ងន់ធ្ងរ ដែលបានចែងយ៉ាងច្បាស់អំពីការរក្សាភាពមិនផ្លាស់ប្ដូរ ខណៈអាវុធមិនត្រូវបានអនុញ្ញាតឱ្យប្រើប្រាស់នៅតំបន់នោះ។

រដ្ឋមន្ត្រីក្រសួងការពារជាតិថៃ រូបនេះ បញ្ជាក់ថា កងយោធាថៃ បានសម្របសម្រួលរួចហើយជាមួយកងទ័ពកម្ពុជា ដើម្បីពន្លឿនដំណើរការបោសសម្អាតមីននៅតំបន់នោះ ប៉ុន្តែបើការស្រាវជ្រាវរកឃើញថាគ្រាប់ទាំងនេះជាគ្រាប់មីនថ្មី នោះថៃ នឹងលើកឡើងនូវការតវ៉ាជាផ្លូវការជាមួយកម្ពុជាតែម្តង ព្រោះកងទ័ពបានត្រៀមខ្លួនរួចរាល់ហើយដើម្បីដោះស្រាយស្ថានការណ៍នេះ។

នៅព្រឹកថ្ងៃទី១៨ ខែកក្កដា ឆ្នាំ២០២៥ នេះ បាតុករថៃ ជាច្រើននាក់ បានចេញមកទាមទារឱ្យក្រសួងការបរទេសថៃ កោះហៅឯកអគ្គរាជទូតកម្ពុជាដើម្បីថ្កោលទោស និងចូលមកបំភ្លឺចំពោះមុខករណីទាហានថៃ បីនាក់ ដែលបានដើរជាន់មីនរងរបួសកាលពីថ្ងៃទី១៦ ខែកក្កដា កន្លងទៅនោះ។

ជុំវិញបញ្ហានេះ សារព័ត៌មាន Thai Enquirer បានចុះផ្សាយនៅថ្ងៃទី១៨ កក្កដា នេះថា នៅថ្ងៃសុក្រនេះ កងទ័ពភូមិភាគទី២ បានដាក់ពង្រាយក្រុមកម្ចាត់អាវុធជាតិផ្ទុះ (EOD) ដើម្បីប្រមូលភស្តុតាងធ្វើកោសល្យវិច័យបន្ថែមទៀតនៅទីតាំងគ្រាប់មីនដែលបានផ្ទុះនោះ។

ប្រភពដដែលសរសេរថា ចាប់តាំងពីថ្ងៃទី១០ ខែមិថុនា ដល់ថ្ងៃទី១៥ ខែកក្កដា កងវរសេនាតូចលេខ២០២ បានរកឃើញគ្រាប់បែកជាច្រើនប្រភេទនៅតំបន់នោះ ក្នុងពេលដែលពួកគេបានឈូសឆាយសាងសង់ផ្លូវល្បាតយុទ្ធសាស្ត្រ ដូចជា គ្រាប់កាំភ្លើងត្បាល់ គ្រាប់មីនប្រឆាំងមនុស្ស គ្រាប់បែកដៃ និងគ្រាប់មីនប្រឆាំងរថក្រោះ ជាដើម។

កាលពីថ្ងៃទី១៦ ខែកក្កដា ទាហានថៃ ៣នាក់មកពីកងពលថ្មើរជើងលេខ៦០២១ បានរងរបួសអំឡុងប្រតិបត្តិការល្បាតតាមព្រំដែន ដោយសារជាន់គ្រាប់មីននៅត្រង់ចំណុចកូអរដោនេ WA 220 86 ស្ថិតក្នុងតំបន់មុំបី ដែលជាអតីតសមរភូមិសង្គ្រាមរហូតបណ្តាលឱ្យទាហានថៃ ម្នាក់ បាត់បង់ជើងម្ខាង រីឯ ២នាក់ទៀត បានរងរបួស។

ជុំវិញបញ្ហានេះ អគ្គនាយកនៃមជ្ឈមណ្ឌលសកម្មភាពកម្ចាត់មីនកម្ពុជា (CMAC) លោក ហេង រតនា បានសរសេរលើគណនីហ្វេសប៊ុករបស់ខ្លួនកាលពីថ្ងៃទី១៧ កក្កដា ថា តើការផ្ទុះគ្រាប់មីននោះស្ថិតក្នុងបូរណភាពទឹកដីរបស់អ្នកណា។ លោកបន្ថែមថា បើគ្រាប់មីនទាំងនោះផ្ទុះក្នុងទឹកដីថៃ នោះគ្រាប់មីនចាស់ ឬថ្មី គឺមានតែភាគីថៃ ខ្លួនឯងប៉ុណ្ណោះ ទើបដឹងច្បាស់។

យោងតាមរបាយការណ៍មជ្ឈមណ្ឌលសកម្មភាពកម្ចាត់មីនកម្ពុជា (CMAC) កាលពីចុងខែកុម្ភៈ ឆ្នាំ២០២៥ បង្ហាញថា ចាប់ពីឆ្នាំ១៩៩២ ដល់ឆ្នាំ២០២៤ កម្ពុជាបោសសម្អាតគ្រាប់មីនបានរាប់លានគ្រាប់ ក្នុងនោះ គ្រាប់មីនប្រឆាំងមនុស្ស និងរថក្រោះមានចំនួនជាង ១លានគ្រាប់ (១ ២២៣ ៧៨៥គ្រាប់) ខណៈសំណល់ជាតិផ្ទុះពីសង្គ្រាមក៏មានចំនួនជាង ៣លានគ្រាប់ផងដែរ (៣ ១៩៦ ៧០៤គ្រាប់) ដែលត្រូវបានរកឃើញ និងបំផ្លាញចោល៕

📢 អានព័ត៌មានលម្អិតលើគេហទំព័រ https://www.cambodiadaily.com/

21/07/2025

ផុសឡើងវិញ៖ អ្នកឃ្លាំមើលការវិវឌ្ឍសង្គមកម្ពុជានិងអ្នកវិភាគនយោបាយ អះអាងថា ទណ្ឌកម្មរបស់ក្រសួងហិរញ្ញវត្ថុអាមេរិកលើ ឧកញ៉ា លី យ៉ុងផាត់ ដែលជាសមាជិកព្រឹទ្ធសភារបស់បក្សប្រជាជនកម្ពុជា នឹងបង្កផលវិបាកជាច្រើនដល់ការរកស៊ីរបស់លោកនៅបរទេស។ ពួកគេនិយាយថា ទណ្ឌកម្មរបស់អាមេរិក មកលើលោក លីយ៉ុង ផាត់ ក៏នឹងធ្វើឲ្យប៉ះពាល់ដល់សេដ្ឋកិច្ចគ្រួសារត្រកូលហ៊ុនដែរ ហេតុដូច្នេះហើយបានជាស្ថាប័នរដ្ឋ និងឯកជនជាច្រើនដូចជា ក្រសួងការបរទេស ព្រឹទ្ធសភា រដ្ឋសភា គណបក្សប្រជាជនកម្ពុជា សមាគម ឧកញ៉ាកម្ពុជា ជាដើម ទទូចឱ្យអាមេរិក ពិចារណាឡើងវិញ និងលុបចោលការដាក់ទណ្ឌកម្មនេះ។

The Cambodia Daily Khmer

22/07/2025

22/07/2025

22/07/2025

22/07/2025

22/07/2025

22/07/2025

21/07/2025

21/07/2025

21/07/2025

21/07/2025

21/07/2025

21/07/2025

Address

Website

Alerts

Shortcuts

Share