"Mama Tutu's Directory" Ethiopian Yellow Pages

08/31/2026

TikTok | Make Your Day

08/29/2026

https://youtu.be/rdIqqDeCYP4?si=T9jMkR0IXAj0HODR

08/27/2026

🔥🔥🔥 የይሁኔ በላይ “ዞማዬ” አልበም ተለቀቀ 🔥🔥🔥

Listen to Zomaye (ዞማዬ), the full album by Yehunie Belay (ይሁኔ በላይ). This official playlist includes all 8 tracks from the album, including the official music ...

08/23/2026

https://youtu.be/DsE6mCwkjNs?si=cP0AQGWR3S1b4-Hp

Yehunie Belay – “Zomaye” (ዞማዬ) | Official Music VideoEnjoy the of...

08/18/2026

ጋዜጣዊ መግለጫ

ድምጻዊ ይሁኔ በላይ “ዞማዬ” የተሰኘውን 10ኛ የሙዚቃ አልበሙን ሊለቅ ነው


በኢትዮጵያ የባህል ሙዚቃ ዘርፍ ከ30 ዓመታት በላይ በተወዳጅነት የዘለቀው ድምጻዊ ይሁኔ በላይ፣ “ዞማዬ” የተሰኘውን 10ኛ የሙዚቃ አልበሙን ሐሙስ ነሐሴ 21 ቀን 2018 ዓ.ም ለአድማጭ እንደሚያበቃ ተነግሯል።

ተወዳጁ አቀንቃኝ ይሁኔ በላይ ከአስር አመታት በላይ ፈጅቶበት ያዘጋጀውና በርካታ አንጋፋና ወጣት የሙዚቃ ባለሙያዎች የተሳተፉበት “ዞማዬ” የሙዚቃ አልበም፣ ከሐሙስ ምሽት ጀምሮ በአርቲስቱ ሕጋዊ የዩቲዩብ ቻናል እና በዓለም አቀፍ የኦንላይን ሙዚቃ ማሰራጫ መድረኮች (Apple Music, Spotify, YouTube, Amazon MP3) በኩል እንደሚሰራጭ ተገልጿል።

በተለያዩ ርዕሰ ጉዳዮች ዙሪያ የሚያጠነጥኑ ስምንት ሙዚቃዎችን ባካተተው በዚህ ምርጥ የሙዚቃ አልበም፤ በዜማና ግጥም ድርሰት፣ በሙዚቃ መሣሪያዎች፣ በቅንብር፣ በሚክሲንግና በማስተሪንግ በርካታ አንጋፋና ወጣት ባለሙያዎች ተሳትፈውበታል።

የአልበሙ የሙዚቃ ዝርዝር (Track list)

ተ.ቁ የሙዚቃ ርዕስ ዜማ ግጥም ቅንብርና ሚክሲንግ

1: መላ አለው - አበበ ብርሃኔ - ጸጋዬ ደቦጭ - ሔኖክ ነጋሽ
2: እኔስ ባገሬ - አበበ ብርሃኔ - አንተነህ ይግዛው - ሔኖክ ነጋሽ
3: እንጃልኝ - አበበ ብርሃኔ - አንተነህ ይግዛው - ሰናይ ማሞ
4: ዞማዬ - አበበ ብርሃኔ - ተስፋ ብርሃን - ሔኖክ ነጋሽ
5: እኔ ሆይ - አበበ ብርሃኔ - አንተነህ ይግዛው - ዳዊት ጥላሁን
6: አገኜሽኝ እና - ተዘራ ተችሎ - አንለይ የሺወንድ - ሔኖክ ነጋሽ
7: ተይ ዘው ዘው - አበበ ብርሃኔ - ተስፋ ብርሃን - ሔኖክ ነጋሽ
8: እቴ አዶ ወሸባ - አበበ ብርሃኔ - አበበ ብርሃኔ - ሔኖክ ነጋሽ

በአልበሙ በሙዚቃ መሣሪያ ተጫዋችነት ከተሳተፉት መካከልም አበበ ብርሃኔ (ክራር)፣ አብዩ ሰለሞን (ጊታር)፣ ሚካኤል መላኩ (ሳክስፎን)፣ ፈለቀ ማሞ (ሳክስፎን)፣ ተክሉ እሸቴ (ሳክስፎን)፣ ዳዊት እጅጉ (መሰንቆ)፣ ሐብታሙ የሻምበል (መሰንቆ) እና ጌታቸው ወርቅዬ (ዋሽንት) ይገኙበታል።

በቀድሞው ጎጃም ክፍለ ሃገር ቆላ ደጋ ዳሞት አውራጃ በፍኖተ ሰላም ተወልዶ ያደገው ድምጻዊ ይሁኔ በላይ፣ የሙዚቃ ችሎታውን ማሳየት የጀመረው በብላቴናነቱ ሲሆን በወጣትነቱም ታዋቂውን ግሼ አባይ የባህል ሙዚቃ ቡድን በመቀላቀል “አንቱየዋ” የተሰኘውን ዘመን አይሽሬ ሥራ ጨምሮ በርካታ ተወዳጅ ሙዚቃዎችን በማቀንቀን ታዋቂነትን አትርፏል።

"የአገሬ ልጅ ባለጋሜ" የተሰኘውን የመጀመሪያ የሙዚቃ አልበሙን በ1982 ዓ.ም ለአድማጭ ያበቃው ድምጻዊው፣ በቀጣይ በ1985 ያወጣው "ግቢ ግቢ" የተሰኘው አልበሙም ከፍተኛ ተቀባይነትን ያገኘለት ድንቅ ስራው ነው፡፡ ድምጻዊ ይሁኔ በላይ በቀጣይነትም "አሎሉሎ" (1987)፣ "ኩኩ መለኮቴ" (1991)፣ "ከፊላው ስር" (1993)፣ "የማነሽ ውበታም" / "ዘገሊላ" (1996)፣ "ይሁኔ በላይ ክላሲክ" (1999)፣ "ዘንገና" (2000) እና "ጉዛራ" (2007) የተሰኙ ተወዳጅ የሙዚቃ አልበሞችን ማበርከት የቻለ ዘመን አይሽሬ የባህል ሙዚቃ አምባሳደር ነው፡፡

ድምጻዊው በግሉ ለአድማጭ ካበረከታቸው ዘጠኝ የሙዚቃ አልበሞች በተጨማሪም፣ ከተለያዩ የአገራችን ድምጻውያን ጋር ተጨማሪ የሙዚቃ አልበሞችን ያወጣ ሲሆን፤ ከእነዚህም መካከል "አራቱ ቅኝቶች" (የሺእመቤት ዱባለ፣ ይሁኔ በላይ፣ ማሪቱ ለገሰ እና ሀ/ሚካኤል ደምሴ) /1984፤ "ኮሌክሽን" (ይሁኔ በላይ፣ ፍቅር አዲስ ነቃጥበብ እና እያዩ ማንያዝዋል) /1984፤ እንዲሁም "ኮሌክሽን" (ይሁኔ በላይ እና አሰፉ ደባልቄ) /1996 ይገኙበታል፡፡

በተለያዩ ጉዳዮች ዙሪያ በሚያተኩሩ ነጠላ ዜማዎቹ የአድማጮቹን ልብ ማማለል የሚያውቅበት ድምጻዊ ይሁኔ በላይ፣ በዚህ ረገድም "ባህር ዳር"፣ "የጎደለኝ አለ"፣ "ሰከን በል"፣ "ሰላምሽ ይብዛ"፣ "አንድ አድርገን"፣ "እንዳትውል ተከፍተህ"፣ "አወይ ኑሮ"፣ "ድምድም"፣ "አደላላታለሁ"፣ "ተገኘሽ ዘንድሮ" እና "ሰው እንሁን" የተሰኙት ተወዳጅ ስራዎቹ ከብዙ በጥቂቱ ይጠቀሱለታል፡፡

የሙዚቃ ሙያ ብቃቱ ትውልድን ሳይለይ በዘመናት ውስጥ በሁሉም የሚመሰከርለትና ዝናው ከጎጃም የገጠር መንደር አንስቶ እስከ አሜሪካና ሌሎች የአለም አገራት የዘለቀው አርቲስት ይሁኔ በላይ፣ በአገር ውስጥና የውጭ መገናኛ ብዙሃን በስፋት የተዘገበለት ሲሆን፣ ከእነዚህም መካከል የአሜሪካ ድምጽ አፍሪካን ቢትስ ፕሮግራም ዋና አዘጋጅ ከሆነው ታዋቂው አሜሪካዊ ዴቪድ ቫንዴ ጋር እ.ኤ.አ በ2007 ያደረገው አይረሴ ቃለመጠይቅ ይታወሳል፡፡

በአሜሪካ፣ በካናዳ፣ በአውሮፓና በተለያዩ የአለማችን አገራት በሚዘጋጁ የሙዚቃ ኮንሰርቶች በድንቅ የመድረክ አያያዝ ብቃት አድናቂዎቹን በማዝናናት የሚታወቀው ድምጻዊ ይሁኔ፣ ከሙዚቃ ሙያው በተጨማሪም ከታዋቂዋ የቢዝነስ ሰው የትዳር አጋሩ የሺመቤት በላይ ጋር የሚያሳትመው ባውዛ መጽሄት እና ኢትዮጵያን የሎ ፔጅስ የተሰኘው የቢዝነስ ዳይሬክቶሪ ኤክስኪዩቲቭ ዳይሬክተር በመሆንም ከሶስት አስርት አመታት በላይ ሰርቷል፡፡

በአሜሪካ ቆይታው ኮሚዩኒቲውን በማስተባበርና ለተለያዩ በጎ አላማዎች ንቁ ድጋፍ በማድረግ የሚታወቀው አርቲስቱ ለረጅም አመታት በዘለቀው ስኬታማ የሙዚቃ ጉዞው ላበረከታቸው በርካታ ሙያዊና ሌሎች ተጠቃሽ አበርክቶዎች ከተለያዩ አካላት በየጊዜው እውቅናዎችና ሽልማቶች የተበረከቱለት ሲሆን፣ ከእነዚህም መካከል በኢትዮጵያ የባህል ሙዚቃ ላበረከተው አስተዋጽዖ የባህር ዳር ዩኒቨርሲቲ በ2017 ዓ.ም የሰጠው የእድሜ ዘመን አበርክቶት እውቅና ይጠቀሳል፡፡

ድምጻዊው ከዚህ ባለፈም በወገናዊና አገራዊ ጥሪዎች ፈጥኖ ምላሽ በመስጠት የሚታወቅ ሲሆን፣ በበጎ ምግባር ስራዎች ላይ ለሚያደርገው ንቁ ተሳትፎ እንደ አብነት ከሚጠቀሱለት ጉዳዮች መካከልም በአንድ ወቅት የኩላሊት ህመም አጋጥሞት ለነበረው የሙያ አጋሩ የዜማ ደራሲ አበበ መለሰ ድጋፍ ማሰባሰቢያ ያዘጋጀው ፕሮግራም አንዱ ነው፡፡

ከሙዚቃ ሙያው ጎን ለጎን እራሱን በእውቀት ለማነጽ በመትጋት የሚታወቀው አርቲስቱ፣ በቨርጂኒያ ግዛት ከሚገኘው የአሜሪካ ኮሌጅ ኦፍ ኮመርስ ኤንድ ቴክኖሎጂ እ.ኤ.አ በ2015 በኮምፒዩተር ኢንፎርሜሽን ሲስተምስ በመጀመሪያ እና ሁለተኛ ዲግሪ ተመርቋል፡፡

04/12/2026

https://youtu.be/6ENBx8-xnXI?si=tqXsGdZLKOZwBkZW

Ethiopian Music : Yehunie Belay| ይሁኔ በላይ - Endatewel tekefteh | እንዳትውል ተከፍተህ - New Ethiopian Music 2018 (Official Video) Copyright ©2018Google+ : https://plu...

04/12/2026

https://youtu.be/6ENBx8-xnXI?si=1O3LqvieeAKhiSSd

Ethiopian Music : Yehunie Belay| ይሁኔ በላይ - Endatewel tekefteh | እንዳትውል ተከፍተህ - New Ethiopian Music 2018 (Official Video) Copyright ©2018Google+ : https://plu...

04/11/2026

መልካም የፋሲካ በዓል ይሁንላችሁ ይሁንልን!

Ethiopian Music : Yehunie Belay| ይሁኔ በላይ - Endatewel tekefteh | እንዳትውል ተከፍተህ - New Ethiopian Music 2018 (Official Video) Copyright ©2018Google+ : https://plu...

01/08/2026

https://youtu.be/wh1EGxkdh20?si=plWbSvF6bzyKL2ny

In this episode of ከይሁኔ በላይ ጋር, we journey through the remarkable life of Aba Kelemework Debebe — a man whose path led from the spotlight of performance to t...

01/07/2026

https://www.facebook.com/share/v/17sWnUXYwg/?mibextid=wwXIfr