Deeva News

Deeva News "See the World, Understand the Story."
تنقید نه، صرف نشاندھي!
د نړیوالو حالاتو نه واخله تر مقامي خبرونو پورې، په حقایقو ولاړه پښتو نیوز سروس۔

د ایران د سوداګریزو شریکانو خلاف د ټرمپ د بندیزونو ګواښ: د تېلو بیې پورته شوې​د امریکا صدر ډونالډ ټرمپ لخوا د ایران د مر...
08/22/2026

د ایران د سوداګریزو شریکانو خلاف د ټرمپ د بندیزونو ګواښ: د تېلو بیې پورته شوې
​
د امریکا صدر ډونالډ ټرمپ لخوا د ایران د مرستندویه هېوادونو پر ضد د اقتصادي بندیزونو د ګواښ وروسته په نړیوال مارکیټ کې د تېلو بیې لوړې شوي دي. برینټ خام تېل ۹۴ ډالرو او امریکایي خام تېل ۸۷ ډالرو ته رسیدلي دي. تجزیه کاران وایي چې د هرمز تنګي څخه د تېلو په رسد کې د کموالي له امله د تېلو په بیو کې د نور زیاتوالي وېره پیدا شوې ده، ځکه چې هلته د سمندري بېړیو تګ راتګ په غیرمعمولي ډول کم شوی دی.

پر ایران اقتصادی فشار د دې مانا نه ده چې پوځي اپشن ختم شوی: ډونالډ ټرمپ​د امریکا ولسمشر ډونالډ ټرمپ ویلي چې پر ایران د ا...
08/22/2026

پر ایران اقتصادی فشار د دې مانا نه ده چې پوځي اپشن ختم شوی: ډونالډ ټرمپ
​
د امریکا ولسمشر ډونالډ ټرمپ ویلي چې پر ایران د اقتصادي فشار زیاتولو دا مانا نه ده چې د پوځي کارروایۍ امکان ختم شوی دی. ټرمپ په یوه غونډه کې د پوښتنې په ځواب کې وویل چې واشنګټن د وضعیت جاج اخلي او پوځي اپشن لا هم د دوی پر میز شته. هغه زیاته کړه چې ایران له سختو اقتصادي ستونزو سره مخ دی او تر اوسه د کومې سمې لوظنامې لپاره تیار نه دی. بل خوا د امریکا د خزانې وزیر اسکاټ بیسینټ ویلي چې پر ایران د تاریخ تر ټولو سخت مالي فشار اچولو ته دوام ورکوي.
​

د هرمز تنګی به د امريکې سيمه ګرځوم: د ډونالډ ټرمپ بيا خبرداری​ډونالډ ټرمپ په نيويارک کې غونډې ته وئيلې دي چې د ايران د م...
08/15/2026

د هرمز تنګی به د امريکې سيمه ګرځوم: د ډونالډ ټرمپ بيا خبرداری
​ډونالډ ټرمپ په نيويارک کې غونډې ته وئيلې دي چې د ايران د ماتې وروسته به د هرمز تنګی (Strait of Hormuz) د امريکې سيمه وي. بلخوا د ايران مرستيال بهرنيو چارو وزير کاظم غريب آبادي په سخت غبرګون کې وئيلي چې مونږ په دھمکيو نه ورېږو، د هرمز تنګی د ايران و، دی او به وي.
​ستاسو په فکر د دې تاو تريخوالي اغېز به په خامو تېلو څه پرېوځي؟ خپله رايه کمنټ کړئ.

​

ايران تاو تريخوالی: د اټومي پروګرام پر ځای د پټرولو نرخونه کنټرولول د امريکې لومړيتوب دید نړيوالو خبري رسنيو له مخې، د ا...
08/14/2026

ايران تاو تريخوالی: د اټومي پروګرام پر ځای د پټرولو نرخونه کنټرولول د امريکې لومړيتوب دی
د نړيوالو خبري رسنيو له مخې، د امريکې نائب صدر جې ډي وينس ويلي دي چې د ايران خلاف په روان تاو تريخوالي کې د امريکې بنيادي لومړيتوب د تہران د اټومي پروګرام ودرول نه، بلکې د ولس لپاره د پټرولو د بيو کمول او باثباته ساتل دي.

واشنګټن: د امریکا د ماليې وزیر ویلي دي چې واشنګټن د ایران د معاشی لارو د تړلو او په سیمه کې د هغې د تسلط کمولو لپاره داس...
08/14/2026

واشنګټن: د امریکا د ماليې وزیر ویلي دي چې واشنګټن د ایران د معاشی لارو د تړلو او په سیمه کې د هغې د تسلط کمولو لپاره داسې نوي اقدامات کوي چې "تر دې دمه چا نه دي لیدلي."

فیض اباد: د بدخشان ولايت په مرکز فیض اباد کې د مقناطیسي بم په يوه چاودنه کې د فیض اباد ښاروال حبیب الرحمن منصور وژل شوی ...
08/14/2026

فیض اباد: د بدخشان ولايت په مرکز فیض اباد کې د مقناطیسي بم په يوه چاودنه کې د فیض اباد ښاروال حبیب الرحمن منصور وژل شوی دی.

د سيمه‌ییزو سرچینو له مخې، پېښه د پنجشنبې په ورځ په شاوخوا دوو بجو رامنځته شوه. د ښاروال په موټر پورې نښلول شوی مقناطیسي بم چاودېدلی، چې له امله یې ښاروال ووژل شو او د هغې یو ملګری ټپي شوی دی.
​د جبهه مقاومت ادعا:
د طالبانو مخالفې ډلې 'نیشنل ریزسټنس فرنټ' (د افغانستان د مقاومت ملي جبهې) چې مشري یې د احمد شاه مسعود زوی احمد مسعود کوي، د دغه برید مسؤلیت منلی دی.
​دغې جبهې پر 'X' پاڼه په یوه خپره شوې خبرپاڼه کې ادعا کړې چې دا برید یې د والي له دفتر څخه له سل میټره په کمه فاصله کې د ښاروال پر موټر ترسره کړی دی. (انځورونه: Getty Images)
​

هندوستان: اوو غریبو کارګرانو ته د میلیونونو روپیو قیمتي هېره ملا شوه؛ د واده هیلو ته نوې امېدونه​​پنا (هندوستان): د هندو...
08/13/2026

هندوستان: اوو غریبو کارګرانو ته د میلیونونو روپیو قیمتي هېره ملا شوه؛ د واده هیلو ته نوې امېدونه
​
​پنا (هندوستان): د هندوستان د مدهیه پردېش ایالت په 'پنا' ولسوالۍ کې اوو غریبو کارګرانو ته د ۱۷.۹۶ قیراطه د هېرې (الماس) یو خورا قیمتي بوټی موندل شوی، چې کېدای شي د هغوی ټول ژوند بدل کړي.
​د هېرې موندل او ارزش:
د الماس ادارې مسؤل روی پټیل دا 'جېم کوالیټي' (تر ټولو ښه قسم) بللی دی. د هغه په وینا دا هېره به د اکتوبر په لومړۍ اونۍ کې په لیلام کې وړاندې شي، چې اټکلي قیمت یې لږ تر لږه ۵۰ میلیونه هندي روپۍ (چې نږدې ۱۴.۵ میلیونه پاکستانۍ روپۍ کېږي) ټاکل شوی دی.
​د کارګرانو خبرې او راتلونکی:
​کارګر اخلیش پال وویل چې دوی دوه کاله وړاندې دا اډه په ابجړه (کرايه) اخیستې وه. د بارانونو له امله د مځکې په سر دغه هېره ښکاره شوه.
​له دې پیسو څخه به ۱۲ فیصده شاهي برخه (رایلټي) حکومت اخلي او پاتې ټولې پیسې به پر دغو اوو کارګرانو په مساوي توګه وېشل کېږي.
​له دې کارګرانو درې واړه داسې دي چې د غربت له امله یې تر اوسه واده نه و کړی. هغوی وایي اوس به خپله د واده هیله پوره کړای شي. (انځورونه: Press Trust of India)
​

پېښور: له واده د انکار او د پیسو غوښتلو تور؛ پر سړي د تیزابو شیندلو او ډزو په قضیه کې ښوونکې ونیول شوه​​پېښور: د پېښور پ...
08/13/2026

پېښور: له واده د انکار او د پیسو غوښتلو تور؛ پر سړي د تیزابو شیندلو او ډزو په قضیه کې ښوونکې ونیول شوه
​
​پېښور: د پېښور په چمکني سیمه کې له واده څخه د انکار او د شلو لکو روپیو د غوښتنې پر سر جنجال شوی، چې په پېښه کې یو سړی او یوه مېرمن دواړه په تیزابو سوځېدلي او روغتون ته رسول شوي دي.
​د دواړو لورو څرګندونې:
​د سړي ادعا: ټپي شوي ځوان پولیسو ته ویلي چې له واده څخه له انکار وروسته دغې ښوونکې لومړی پر ده تیزاب ورواچول او بیا یې ورباندې ډزې وکړې.
​د مېرمنې ادعا: نیول شوې مېرمن، چې پخپله هم د حیات اباد روغتون په سوځېدلې برخه کې تر درملنې لاندې ده، دا ټول تورونه ردوي او وایي چې پر دواړو باندې یوه درېیم ناپېژندل شوي تن برید کړی دی.
​د پولیسو څېړنې:
د چمکني تاڼې د پلټنو د پولیسو په وینا، تر دې دمه له سی سي ټی وي کیمرو یا سیمې څخه د کوم درېیم کس د شتون ثبوت نه دی موندل شوی. د پولیسو په وینا مقدمه درج شوې او د پېښې نورې څېړنې روانې دي. (انځورونه: Getty Images)
​

د الوتکې پټ بدلېدل؛ له ایران سره جګړه او د ډونالډ ټرمپ شخصي اندېښنې څه ښيي؟​​واشنګټن: د امریکا د ولسمشر ډونالډ ټرمپ له خ...
08/12/2026

د الوتکې پټ بدلېدل؛ له ایران سره جګړه او د ډونالډ ټرمپ شخصي اندېښنې څه ښيي؟
​
​واشنګټن: د امریکا د ولسمشر ډونالډ ټرمپ له خوا تېره میاشت په ترکیه کې له یوه پوځي طیارې څخه بلي ته د کیټرنګ په ټرک کې پټ انتقال دا خبره روښانه کوي چې له ایران سره روان کړکېچ او روانه جګړه د هغې لپاره تر ډېره حده 'شخصي جنګ' هم ګرځېدلې ده.
​له فزیکي بریدونو تر انتقام پورې:
بي بي سي نیوز د خپل شمالي امریکا د خبریال انتوني زرچر په حواله لیکلي چې د ۲۰۲۶ کال په پیل کې د ایران ضد پوځي عملیاتو پر مهال، ټرمپ خپلو همکارانو ته ویلي وو چې "مخکې تر دې چې هغوی زما پورې راورسیږي، ما ووهل". دا خبرې له ۲۰۲۰ کال راهیسې د قاسم سلیماني له وژل کېدو وروسته د ټرمپ او ایراني چارواکو ترمنځ د ژورې شخصي دښمنۍ لړۍ ته اشاره کوي.
​د طاقت ښودنه او د پټېدو حقیقي انځور:
​د امریکا د دفاع وزیر پیټ هیګسیت په ګډون ځینو چارواکو ویلي وو چې ایران د ټرمپ د ترور هڅې کولې خو ناکام شو.
​که څه هم ټرمپ په خپلو غونډو کې د ایران بشپړ ماتې یادونه کوي، خو د هوایي اډې په یو ټرک کې پټېدل او الوتکه بدلول دا ثابتوي چې واشنګټن اوس هم ایران د یو پیاوړي ګواښ په توګه ګوري.
​کله چې له ټرمپ څخه د الوتکې د تحرکاتو په اړه پوښتنه وشوه نو هغې په سړه سينه صحافیانو ته وویل: "زه هره ورځ لولم چې زه د هغوی (ایران) په نښه کې په لومړي نمبر کې یم". (انځورونه: Getty Images / AFP)
​

د ایران له وېرې ډونالډ ټرمپ د کیټرنګ په ټرک کې پټ شو او الوتکه یې بدله کړه: امریکايي رسنۍ​​واشنګټن / انقره: امریکايي رسن...
08/11/2026

د ایران له وېرې ډونالډ ټرمپ د کیټرنګ په ټرک کې پټ شو او الوتکه یې بدله کړه: امریکايي رسنۍ
​
​واشنګټن / انقره: امریکايي رسنیو ادعا کړې چې د امریکا ولسمشر ډونالډ ټرمپ تېره میاشت په ترکیه کې د ناټو غونډې له ختمېدو وروسته د ایران له خوا د احتمالي برید او خطرو په سبب په پټه توګه خپله الوتکه بدله کړه.
​د کیټرنګ ټرک او له کمره څخه د پټېدو جزییات:
د امریکايي ورځپاڼې 'واشنګټن پوسټ' د راپور له مخې، ډونالډ ټرمپ لومړی د ټلوېزیوني کامرو وړاندې په رسمي 'ایئر فورس ون' الوتکه کې پورته شو. خو وروسته نوموړی په خورا پټه بڼه د هوایي اډې د ډوډۍ رسولو (کیټرنګ) په یو ټرک کې بلې پوځي الوتکې ته انتقال کړل شو.
​د برید وېره او ناخبره خبریالان:
راپور زیاتوي چې په رسمي الوتکه کې ناست خبریالان او د سپینې ماڼۍ ګڼ کارکوونکي هم د الوتکې له دې بدلېدو نه ناخبره پاتې شوي وو.
​د سي بي ایس نیوز د راپور له مخې، امریکايي استخباراتو ته معلومات رسېدلي وو چې ایران کولای شي پر الوتکه د توغندي برید وکړي. که څه هم سپینې ماڼۍ تر اوسه په رسمي ډول د دې پېښې پخلی نه دی کړی، خو ټرمپ پخپله په انقره کې ویلي وو چې دی د ایران "لومړی هدف" دی. (انځورونه: Getty Images / Reuters)
​

Address

Washington D.C., DC

Website

Alerts

Be the first to know and let us send you an email when Deeva News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category