The Voice of Chinland - VOC

The Voice of Chinland - VOC Contact information, map and directions, contact form, opening hours, services, ratings, photos, videos and announcements from The Voice of Chinland - VOC, News & Media Website, 1802 Vernon Street NW, Washington D.C., DC.
(1)

VOC သည် လွတ်လပ်၍အမှီအခိုကင်းသော ချင်းသတင်းဌာနတစ်ခုဖြစ်ပြီး နောက်ဆုံးရ ချင်းပြည်၊ မြန်မာနှင့် ကမ္ဘာ့သတင်းများကို နေ့စဉ်တင်ဆက်ပေးနေပါသည်။ The Voice of Chinland (VOC) is nonprofit, independent, and committed to truthful reporting from Chinland to the world.

မြောက်ဦးဆေးရုံကို အကြမ်းဖက်စစ်တပ်က ဗုံးကြဲ၊ ပြည်သူ ၃၀ ကျော်သေဆုံး၊ ၇၀ ကျော် ဒဏ်ရာရVOC/ December 11, 2025ရခိုင်ပြည်နယ် မြ...
12/11/2025

မြောက်ဦးဆေးရုံကို အကြမ်းဖက်စစ်တပ်က ဗုံးကြဲ၊ ပြည်သူ ၃၀ ကျော်သေဆုံး၊ ၇၀ ကျော် ဒဏ်ရာရ

VOC/ December 11, 2025

ရခိုင်ပြည်နယ် မြောက်ဦးမြို့ ပြည်သူ့ဆေးရုံးကို အကြမ်းဖက်စစ်တပ်က မနေ့ည ၉ နာရီဝန်းကျင်မှာ လေကြောင်းကနေ ဗုံးကြဲတိုက်ခိုက်ခဲ့တာကြောင့် ကလေးနဲ့အမျိုးသမီးတွေအပါအဝင် ပြည်သူ ၃၀ ကျော်သေဆုံးခဲ့တယ်လို့ သိရပါတယ်။

မနေ့ ဒီဇင်ဘာလ ၁၀ ရက်ည ၉ နာရီ ၁၅ မိနစ်ဝန်းကျင်မှာ မြောက်ဦးမြို့ပြည်သူ့ဆေးရုံကို အကြမ်းဖက်စစ်တပ်က ဗုံးကြဲခဲ့တာဖြစ်ပြီး ဆေးကုသမှုခံယူနေတဲ့ လူနာတွေအပါအဝင် ပြည်သူ ၃၃ ရောက်သေဆုံးကာ ၇၆ ယောက် ထိခိုက် ဒဏ်ရာရရှိခဲ့တယ်လို့ ရခိုင်သတင်းဌာန Narinjara ကဖော်ပြပါတယ်။

သေဆုံးသူတွေအထဲမှာ ကျား ၁၇ ဦး နဲ့ မ ၁၆ ဦးပါဝင်ပြီး ပြင်းထန်ဒဏ်ရာရရှိသူ ၂၇ ယောက် နဲ့ ဒဏ်ရာအနည်းငယ် ရရှိသူ ၄၉ ယောက်ရှိတယ်လို့ သိရပါတယ်။

သေဆုံးသူတွေထဲမှာ ကလေးငယ်၊ ကိုယ်ဝန်ဆောင် နဲ့ အမျိုးသမီးများတွေ အများစုပါဝင်တယ်လို့ သိရပြီး၊ ဆေးရုံ ပင်မဆောင်ကြီး၊ ခွဲစိပ်ဆောင်၊ အရိုးဆောင်၊အဓိက ခွဲစိပ်ခန်းမ အပါအဝင် ဆေးရုံးဝင်းအတွင်းရှိ ဝန်ထမ်း အိမ်ယာ၊ ဆေးရုံအနီးရှိ လူနေအိမ်အဆောက်အအုံတချို့ ပျက်စီးသွားခဲ့တယ်လို့ သိရပါတယ်။

12/10/2025

# VOC မြန်မာ ရုပ်သံသတင်းအစီအစဉ်

# ဒီဇင်ဘာလ ၁၀ ရက် ဗုဒ္ဓဟူးည နားဆင်ရမယ့်သတင်း…….

# ချင်းပြည်ကောင်စီ ဒုတိယသက်တမ်းမှာ ချင်းပြည် အစိုးရတပ်ဖွဲ့ရဲ့ တပ်အင်အား တည်ဆောက်ရေးကို ပိုမိုဆောင် ရွက်သွားမယ်လို့ ချင်းပြည်ကောင်စီက ကြေညာလိုက်တဲ့သတင်း…

# ဖလမ်းမြို့နယ်တွင်းဖြစ်ပွားတဲ့ တိုက်ပွဲမှာ အကြမ်းဖက်စစ်သား ၃ ဦးသေဆုံးပြီး အများအပြား ဒဏ်ရာရရှိတဲ့ သတင်း…..

# မြန်မာနိုင်ငံရဲ့ လက်ရှိအခြေအနေဟာ လွတ်လပ်ပြီး တရားမျှတတဲ့ရွေးကောက်ပွဲကျင်းပနိုင်တဲ့အခြေအနေ မရှိဘူးလို့ ဗြိတိန်နဲ့ သြစတြေးလျနိုင်ငံက ပြောဆိုလိုက်တဲ့သတင်းတွေနဲ့အတူ အခြားစိတ်ဝင်စားစရာနောက်ဆုံးရသတင်းတွေ တင်ဆက်ပေးဖို့ရှိပါတယ်။



။…………………………………………………………………………….။
YouTube: https://www.youtube.com//streams
Twitter (X): https://x.com/voiceofchinland
Instagram: https://www.instagram.com/the_voc_news/
Telegram: https://t.me/voc073124
Tiktok: https://www.tiktok.com/
။…………………………………………………………………………….။

#ဓာတ်ပုံသတင်းချင်းပြည်၊ ချင်လုံမြို့မှာ ဒီဇင်ဘာလ ၄ ရက်ကနေ ၆ ရက်နေ့ကအထိ ကျင်းပပြုလုပ်တဲ့ ဒုတိယအကြိမ် ချင်းပြည်(Chinland)...
12/10/2025

#ဓာတ်ပုံသတင်း

ချင်းပြည်၊ ချင်လုံမြို့မှာ ဒီဇင်ဘာလ ၄ ရက်ကနေ ၆ ရက်နေ့ကအထိ ကျင်းပပြုလုပ်တဲ့ ဒုတိယအကြိမ် ချင်းပြည်(Chinland) ကောင်စီ ညီလာခံမှတ်တမ်း ဓာတ်ပုံများ

Photo- Chinland Channel

#ဓာတ်ပုံသတင်း || တီးတိန်မြို့က အသံတိတ်သပိတ်VOC/ December 10, 2025ဒီကနေ့ ဒီဇင်ဘာလ ၁၀ ရက်နေ့မှာ ကျရောက်တဲ့ အပြည်ပြည်ဆိုင်...
12/10/2025

#ဓာတ်ပုံသတင်း || တီးတိန်မြို့က အသံတိတ်သပိတ်

VOC/ December 10, 2025

ဒီကနေ့ ဒီဇင်ဘာလ ၁၀ ရက်နေ့မှာ ကျရောက်တဲ့ အပြည်ပြည်ဆိုင်ရာလူ့အခွင့်အရေးနေ့မှာ မြန်မာတနိုင်ငံလုံးအတိုင်းအတာဖြင့် “အသံတိတ်သပိတ်” ဆင်နွှဲလျက်ရှိရာမှာ အကြမ်းဖက်စစ်တပ်တွေ ထိန်းချုပ်ထားတဲ့ ချင်းပြည် တီးတိန် မြို့က ပြည်သူတွေလည်း “အသံတိတ်သပိတ်” မှာ ပူးပေါင်းပါဝင်ခဲ့ကြပါတယ်။

ICEBlock ကို Apple Store က ဖယ်ရှားခိုင်းခဲ့တဲ့အတွက် အမေရိကန်အစိုးရကို တရားစွဲဆိုသွားမည်VOC/ 9 December 2025ICEBlock လို့...
12/10/2025

ICEBlock ကို Apple Store က ဖယ်ရှားခိုင်းခဲ့တဲ့အတွက် အမေရိကန်အစိုးရကို တရားစွဲဆိုသွားမည်

VOC/ 9 December 2025

ICEBlock လို့ခေါ်တဲ့ iPhone အက်ပ်တစ်ခုရဲ့ ဖန်တီးသူဟာ လွတ်လပ်စွာ ပြောဆိုခွင့် ချိုးဖောက်မှုနဲ့ ထရမ့်အစိုးရကို တနင်္လာနေ့က တရားစွဲဆိုခဲ့ပြီး အမေရိကန် ရှေ့နေချုပ် Pam Bondiဟာ နိုင်ငံတော်အာဏာကို အသုံးပြုပြီး Apple အား အက်ပ်ကို ဖယ်ရှားဖို့ ဖိအားပေးခဲ့တယ်လို့ စွပ်စွဲခဲ့ပါတယ်။

အောက်တိုဘာလက Bondi က အခုလို ICE လှုပ်ရှားမှုများကို ခြေရာခံနိုင်သွားခြင်းကြောင့် လူဝင်မှုကြီးကြပ်ရေးနဲ့ အကောက်ခွန်အရာရှိများကို အန္တရာယ်ဖြစ်စေတယ်လို့ ပြောကြားပြီး ICEBlock နဲ့ အခြားအက်ပ်များကို ဖယ်ရှားစေခဲ့ပါတယ်။

ICEBlock အက်ပ်ထုတ်လုပ်သူ Joshua Aaron က အစိုးရရဲ့လုပ်ရပ်များသည် အခြေခံဥပဒေက ပထမပြင်ဆင်ချက်ကို ချိုးဖောက်တယ်လို့ ဆိုထားပါတယ်။ နောက်ထပ်ဒါမျိုးမလုပ်ဆောင်ဖို့ သေချာစေရန် တရားစွဲဆိုခြင်းဖြစ်ကြောင်း အင်တာဗျူတစ်ခုမှာ ဖြေဆိုသွားပါတယ်။ တရားစွဲဆိုမှုရဲ့နောက်တပိုင်းက သူနဲ့သူ့မိသားစုဝင်တွေကို ခြိမ်းခြောက်မှုက ရပ်တန့်ဖို့ဖြစ်တယ်လို့လည်း သူက ပြောဆိုခဲ့ပါတယ်။

တရားစွဲဆိုမှုမှာ Joshua Aaron က သူ့အား တရားစွဲဆိုမှုမှ ကာကွယ်ဖို့ ဖက်ဒရယ်တရားသူကြီးတစ်ဦးကို တောင်းဆိုထားပြီး “ ICE ရှေ့နေချုပ် Bondi၊ ပြည်တွင်းလုံခြုံရေးဝန်ကြီး Kristi Noem၊ ICE ယာယီညွှန်ကြားရေးမှူး Todd M. Lyons နဲ့ အိမ်ဖြူတော်နယ်စပ်ရေးရာ အကြီးအကဲ Tom Homan တို့က ICEBlock တီထွင်မှုမှာ Aaron ရဲ့ အခန်းကဏ္ဍအတွက် ရာဇဝတ်မှုဆိုင်ရာ စုံစမ်းစစ်ဆေးမှုနှင့် တရားစွဲဆိုရန် ဥပဒေနှင့်မညီသော ခြိမ်းခြောက်မှုများလုပ်ဆောင်ခဲ့တယ်”လို့ စွပ်စွဲထားပါတယ်။

Source - CNBC, AP News

တရုတ်နိုင်ငံကို Nvidia AI ချစ်ပ်ရောင်းချခွင့်ပြုပြီး ပို့ကုန်ကန့်သတ်ချက်များကို ထရမ့်ဖြေလျှော့VOC/ 9 December 2025အမေရိက...
12/10/2025

တရုတ်နိုင်ငံကို Nvidia AI ချစ်ပ်ရောင်းချခွင့်ပြုပြီး ပို့ကုန်ကန့်သတ်ချက်များကို ထရမ့်ဖြေလျှော့

VOC/ 9 December 2025

အမေရိကန်သမ္မတ Donald Trump ဟာ Nvidia ရဲ့ အဆင့်မြင့် H200 AI ထောက်လှမ်းရေးချစ်ပ်များကို တရုတ်နိုင်ငံရှိ အတည်ပြုထားပြီး ဖောက်သည်များကို ရောင်းချဖို့ ခွင့်ပြုလိုက်ပြီး တင်းကြပ်တဲ့ ပို့ကုန်ထိန်းချုပ်မှုများကို ဖြေလျှော့ပေးခဲ့ပါတယ်။ ဒီဆုံးဖြတ်ချက်ကို ဒီဇင်ဘာ ၈ ရက်မှာ ကြေညာခဲ့တာဖြစ်ပြီး ကူးသန်းရောင်းဝယ်ရေးဝန်ကြီးဌာနဟာ သဘောတူညီချက်ရဲ့စည်းကမ်းချက်တွေကို အပြီးသတ်နေပြီး AMD နဲ့ Intelတို့လို တခြားချစ်ပ်ထုတ်လုပ်သူများလည်း ရောင်းချလာနိုင်ဖွယ်ရှိနေတယ်လို့ ဆိုပါတယ်။

သဘောတူညီချက်အရ အမေရိကန်အစိုးရဟာ ရောင်းချမှုက ရရှိတဲ့ငွေရဲ့ ၂၅% ကို ရရှိမှာဖြစ်ပြီး အစောပိုင်းကဆွေးနွေးခဲ့တဲ့ ၁၅% ကတိုးမြှင့်လာတာဖြစ်ပါတယ်။ H200 ချစ်ပ်ဟာ Nvidia ရဲ့ ဒုတိယအစွမ်းထက်ဆုံး ပရိုဆက်ဆာဖြစ်ပြီး အခုနှစ်အစောပိုင်းမှာ ပိတ်ပင်ခံခဲ့ရတဲ့ တရုတ်နိုင်ငံအတွက် သီးသန့် H20 မော်ဒယ်ထက် များစွာပိုမိုအဆင့်မြင့်ပါတယ်။ Nvidia ကုမ္ပဏီဟာ လက်ရှိမှာ ဒေါ်လာ ၄.၅ ထရီလီယံခန့် တန်ဖိုးရှိနေပါတယ်။

Trump ခွင့်ပြုလိုက်တဲ့အပေါ်မှာ အမေရိကန်ဥပဒေပြုအမတ်များရဲ့ ဝေဖန်နေကြပြီး အထက်လွှတ်တော်အမတ်များဖြစ်တဲ့ Elizabeth Warren နဲ့ Andy Kim တို့က တရုတ်နိုင်ငံသို့ အစွမ်းထက်သော AI ချစ်ပ်များ ရောင်းချခြင်းဟာ တရုတ်နိုင်ငံရဲ့ စောင့်ကြည့်ရေးနဲ့ စစ်ရေးစွမ်းရည်များကို အားကောင်းစေနိုင်ကြောင်း သတိပေးလိုက်ပါတယ်။ အမေရိကန် AI အခြေခံအဆောက်အအုံမှာ လေးနှစ်အတွင်း အမေရိကန်ဒေါ်လာ ၅၀၀ ဘီလီယံ ရင်းနှီးမြှုပ်နှံဖို့ ကတိပြုထားတဲ့ Nvidia CEO Jensen Huang က Trump ရဲ့ ဆုံးဖြတ်ချက်ကို ကြိုဆိုကြောင်းပြောဆိုပြီး တရုတ်နိုင်ငံခြားရေးဝန်ကြီးဌာနကတော့ "အပြန်အလှန်အကျိုးရှိစေရန် ပူးပေါင်းဆောင်ရွက်မှုကို ထောက်ခံကြောင်း" ပြောကြားသွားပါတယ်။

Source - The Guardian

ဥရောပနိုင်ငံများနဲ့ ခေါင်းဆောင်များကို အားနည်းပြီး ယိုယွင်းပျက်စီးနေကြောင်း ထရမ့်ဝေဖန်VOC/ 10 December 2025အမေရိကန်သမ္မတ...
12/10/2025

ဥရောပနိုင်ငံများနဲ့ ခေါင်းဆောင်များကို အားနည်းပြီး ယိုယွင်းပျက်စီးနေကြောင်း ထရမ့်ဝေဖန်

VOC/ 10 December 2025

အမေရိကန်သမ္မတ Donald Trump က ဥရောပခေါင်းဆောင်များဟာ အားနည်းနေပြီး အမေရိကန်ရဲ့ ယူကရိန်းကို ထောက်ပံ့ပေးနေမှုကို လျှော့ချတော့မယ်လို့ ပြောဆိုသွားပါတယ်။

"ဥရောပနိုင်ငံများဟာ ရွှေ့ပြောင်းနေထိုင်မှုကိုထိန်းချုပ်ဖို့ ဒါမှမဟုတ် ရုရှား-ယူကရိန်းစစ်ပွဲကို အဆုံးသတ်ဖို့ ဆုံးဖြတ်ရန်ပျက်ကွက်ပြီး ယူကရိန်းလုံးဝခြေကုန်လက်ပန်းကျတဲ့အထိ တိုက်ခိုက်စေခဲ့တယ်"လို့ Politico နဲ့ အင်တာဗျူးတစ်ခုမှာ Trump က ဝေဖန်ခဲ့တာဖြစ်ပါတယ်။

"ဥရောပခေါင်းဆောင်တွေဟာ အမေရိကန်က ဦးဆောင်နေတဲ့ စစ်ပွဲအဆုံးသတ်ရေး ကြိုးပမ်းမှုတွေထဲမှာ အခန်းကဏ္ဍတစ်ခုကို အနေနဲ့ပါဝင်နိုင်ဖို့ ကြိုးစားလာပါတယ်။ သူတို့စိုးရိမ်နေတာကတော့ အလျင်အမြန် ဖြေရှင်းပြီး အဆုံးသတ်လိုက်မယ်ဆိုရင် ဥရောပတိုက်ရဲ့ ရေရှည် အကျိုးစီးပွားတွေကို ထိခိုက်သွားစေနိုင်တယ်လို့ ထင်နေကြတယ်" ဆိုပြီး သူက ဆက်လက်ပြောဆိုလိုက်ပါတယ်။

Trump ဟာ ယူကရိန်းအနေနဲ့နယ်မြေတချို့ကို ရုရှားကို ပေးအပ်ပြီး စစ်ပွဲကို အဆုံးသတ်လိုက်ဖို့ ဖိအားများ ပေးနေပြီး ယူကရိန်းဘက်က နယ်မြေများကို ကာကွယ်ဖို့ လိုလားနေပါတယ်။ ယူကရိန်းသမ္မတ Volodymyr Zelensky က အင်္ဂါနေ့က "ယူကရိန်းနဲ့ ဥရောပခေါင်းဆောင်များအနေနဲ့ စစ်ပွဲကိုအဆုံးသတ်ဖို့ ဖြစ်နိုင်ချေခြေလှမ်းအကုန်ပြင်ဆင်ထားကြောင်း" X မှာ ရေးသားပြောဆိုခဲ့ပါတယ်။ ဗုဒ္ဓဟူးနေ့မှာ ယူကရိန်းနဲ့ ဥရောပခေါင်းဆောင်များရဲ့အစီအစဉ်တွေကို အမေရိကန်ကို တင်ပြသွားမယ်လို့ သတင်းထောက်တွေကို ပြောဆိုထားပါတယ်။

Source - BBC News

12/10/2025

ထိုင်း-ကမ္ဘောဒီးယားနယ်စပ်တိုက်ပွဲများပြန်လည်စတင်ပြီး နှစ်ဘက်စလုံးမှာ ထိခိုက်သေဆုံးသူများပြား (ရုပ်သံ)

VOC/ 10 December 2025

ထိုင်း-ကမ္ဘောဒီးယားနယ်စပ်မှာ ဒီဇင်ဘာလ ၇ ရက် ညပိုင်းမှ စတင်ပြီး တိုက်ပွဲများ ပြန်လည်ဖြစ်ပွားနေပါတယ်။ နောက်ဆုံးရရှိတဲ့သတင်းတွေအရ ထိုင်းဘက်က စစ်သား ၄ ယောက်ကျဆုံးကာ အရပ်သားပြည်သူအပါအဝင် ၆၈ ဦး ဒဏ်ရာရရှိထားပြီး ကမ္ဘောဒီးယားဘက်က အရပ်သား ၉ ယောက်သေဆုံးကာ ၂၀ ဦး ဒဏ်ရာရရှိထားကြောင်း အသီးသီးထုတ်ပြန်ထားကြပါတယ်။

နှစ်ဘက်စလုံးက လူပေါင်းသိန်းနဲ့ချီပြီး နေအိမ်စွန့်ခွာ ထွက်ပြေးခဲ့ရပြီး လက်နက်ကြီးများ၊ အမြှောက်များအပြင် ထိုင်းဘက်က လေကြောင်း စစ်ဆင်ရေးပါ ပြုလုပ်နေတာဖြစ်ပါတယ်။ အမေရိကန်သမ္မတ Donald Trumpက သူ့အနေနဲ့ နှစ်ဘက်လုံးကို ဖုန်းခေါ်ကာ ဆွေးနွေးသွားမယ်လို့ ပြောဆိုလိုက်ပြီး ဇူလိုင်လမှာဖြစ်ပွားခဲ့တဲ့ ၅ ရက်ကြာစစ်ပွဲကိုလည်း အပစ်အခတ်ရပ်စဲဖို့အတွက် Trump နဲ့ အာဆီယံဝန်ကြီးများက ဝင်ရောက်ညှိနှိုင်းပေးခဲ့တာဖြစ်ပါတယ်။ ဒီ ၅ ရက်ကြာစစ်ပွဲမှာ နှစ်ဘက်စလုံးက လူပေါင်း ၄၈ဦးသေဆုံးပြီး လူပေါင်း ၃ သိန်းကျော် ဘေးလွတ်ရာကို ထွက်ပြေးခဲ့ရပါတယ်။

Source - Al Jazeera, X

ဖလမ်းမြို့နယ်အတွင်း တိုက်ပွဲမှာ အကြမ်းဖက်စစ်သား ၃ ဦးသေဆုံးပြီး အများအပြားဒဏ်ရာရ၊ ချင်းတပ်ဖွဲ့က လက်နက်ခဲယမ်းတွေသိမ်းဆည်းရ...
12/10/2025

ဖလမ်းမြို့နယ်အတွင်း တိုက်ပွဲမှာ အကြမ်းဖက်စစ်သား ၃ ဦးသေဆုံးပြီး အများအပြားဒဏ်ရာရ၊ ချင်းတပ်ဖွဲ့က လက်နက်ခဲယမ်းတွေသိမ်းဆည်းရမိ

VOC/ December 10, 2025

ချင်းပြည် ဖလမ်းမြို့ကို စစ်ကြောင်းထိုးလာတာတဲ့အကြမ်းဖက်စစ်တပ် နဲ့ ချင်းလဲန်းအစိုးရကာကွယ်ရေးတပ်ဖွဲ့တွေ နေ့စဉ်တိုက်ပွဲဖြစ်ပွားနေပြီး မနေ့ကဖြစ်ပွားတဲ့တိုက်ပွဲမှာ အကြမ်းဖက်စစ်သား ၃ ဦးသေဆုံးကာ အများအပြားဒဏ်ရာ ရရှိတယ်လို့ သိရပါတယ်။

ဝေဘူလမြို့ကနေ အင်အားအလုံးအရင်းဖြင့် ဖလမ်းကို စစ်ကြောင်းထိုးလာတဲ့ အကြမ်းဖက်စစ်တပ် နဲ့ ချင်းလဲန်းအစိုးရ ကာကွယ်ရေးတပ်ဖွဲ့တွေဟာ မနေ့ ဒီဇင်ဘာ ၉ ရက်နေ့က ဖလမ်းမြို့ နယ် Sumhrang ကျေးရွာအနီးမှာ တိုက်ပွဲအပြင်း အထန်ဖြစ်ပွားခဲ့ကြပါတယ်။

အဲဒီတိုက်ပွဲမှာ အကြမ်းဖက်စစ်တပ်ဘက်က ၃ ယောက်သေဆုံးပြီး ၁၀ ယောက်ထက်မနည်း ဒဏ်ရာရရှိခဲ့တယ်လို့ ရှေ့တန်းရောက်စစ်ရေးသတင်းရင်းမြစ်ထံကနေသိရပါတယ်။

အကြမ်းဖက်စစ်တပ်ဟာ အထိနာတာကြောင့် ဆုတ်ခွါသွားတဲ့အချိန်မှာ ချင်းလဲန်းအစိုးရကာကွယ်ရေးတပ်ဖွဲ့တွေက နယ်မြေရှင်းလင်းရေးဆောင်ရွက်ရာမှာ MA-1 (၂) လက်၊ MA-3 (၁)လက်စုစုပေါင်း သေနတ် ၃ လက် နဲ့ ကျည်ဆံတချို့ သိမ်းဆည်းရမိခဲ့ကြပါတယ်။

အကြမ်းဖက်စစ်တပ်ဟာ ဖလမ်းမြို့နယ်ထဲကို မနေ့က Y12 လေယာဉ်ဖြင့် အကြိမ်ပေါင်းများစွာ ဗုံးကြဲတိုက်ခိုက်ခဲ့ပြီး ကျေးရွာထဲက နေအိမ်တချို့လည်း ပျက်စီးမှုရှိခဲ့တယ်လို့ သိရပါတယ်။

UFC ဖလိုက်ဝိတ် ကမ္ဘာ့ချန်ပီယံ ချင်းဖိုက်တာ Joshua Van ကို Chinland Council က ဂုဏ်ပြုလွှာပေးပို့ VOC/ December 10, 2025U...
12/10/2025

UFC ဖလိုက်ဝိတ် ကမ္ဘာ့ချန်ပီယံ ချင်းဖိုက်တာ Joshua Van ကို Chinland Council က ဂုဏ်ပြုလွှာပေးပို့

VOC/ December 10, 2025

UFC ရဲ့ ဖလိုက်ဝိတ်တန်းမှာ ကမ္ဘာ့ချန်ပီယံသစ်ဖြစ်လာတဲ့ ချင်းဖိုက်တာ Joshua Van ရဲ့ အောင်မြင်မှုအပေါ် ဂုဏ်ယူ ဝမ်းမြောက်ကြောင်း Chinland Council က ဂုဏ်ပြုလွှာပေးပို့လိုက်ပါတယ်။

Joshua Van ဟာ ငယ်စဉ်တောင်ကျေးကလေးဘဝကတည်းက မိရိုးဖလာ နပမ်းအားကစား နဲ့ ပျော်မွှေ့လာခဲ့သူဖြစ်ပြီး ချင်းရိုးရာနပမ်းပညာကို MMA အားကစားနဲ့ ရောသမအသုံးချလျက် ပြိုင်ဖက်တိုင်းကို အနိုင်ယူခဲ့သည်မှာ ချင်းလူမျိုး တွေရဲ့ အမျိုးဂုဏ် ဇာတိဂုဏ် ၊ ရဲစွမ်းသတ္တိ၊ အနိုင်မခံ အဆုံးမပေးတတ်သောစိတ်ဓါတ်၊ မဆုတ်မနစ်သော ဇွဲ၊ လုံ့လ၊ ဝီရိယ နဲ့ ချင်းရိုးရာ နပမ်းအတတ်ပညာကို ကမ္ဘာသိပြသလိုက်ခြင်းဖြစ်တယ်လို့ Chinland Council က ဒီဇင်ဘာ ၉ ရက်နေ့ကထုတ်ပြန်ပါတယ်။

Joshua Van ဟာ မြန်မာနိုင်ငံအနောက်ဖက် ချင်းပြည်နယ် ကျေးလက်ဒေသမှာ မွေးဖွားခဲ့ပြီး မြန်မာ့နိုင်ငံရေးအကျပ် အတည်းကြောင့် ဖတဆိုးဒုက္ခသည်မိသားစုဘဝဖြင့် အမေရိကားသို့ ရောက်ရှိကာ မိခင်ရဲ့အုပ်ထိန်းစောင့်ရှောက်မှု အောက်မှာ ကြီးပြင်းလာခဲ့သူဖြစ်တယ်လို့ ဆိုပါတယ်။

ဒီဇင်ဘာလ ၇ ရက်နေ့က ဒေါ်လာသုံးသိန်းကျော်တန် UFC Legacy Belt ကို ဝင့်ကြွားစွာပတ်စည်းလိုက်တဲ့ Joshua Van ရဲ့ အောင်မြင်မှုအပေါ် ဂုဏ်ယူဝမ်းသာကြောင်း နဲ့ UFC လောကမှာ အောင်မြင်မှုသရဖူ ဆက်လက်ဆောင်းနိုင် စေကြောင်း Chinland Council က ဆုမွန်ကောင်းတောင်းရင်း ဂုဏ်ပြုသဝဏ်လွှာပေးပို့ထားပါတယ်။

အမေရိကန်ပြည်ထောင်စု Las Vegas မြို့ T.Mobile Arena မှာ ဒီဇင်ဘာလ ၇ ရက်မနက်ပိုင်းမှာ ကျင်းပတဲ့ UFC 323 ပြိုင်ပွဲမှာ ချင်းဖိုက်တာ Joshua Van က လက်ရှိချန်ပီယံ Alexandre Pantoja ကို စက္ကန့်ပိုင်းအတွင်းမှာ အလဲထိုးအနိုင် ယူခဲ့ပြီး ကမ္ဘာ့ချန်ပီယံခါးပတ်ကို ထိုက်တန်စွာ ဆွတ်ခူးခဲ့တာဖြစ်ပါတယ်။

12/09/2025

# VOC မြန်မာ ရုပ်သံသတင်းအစီအစဉ်

# ဒီဇင်ဘာလ ၉ ရက် အင်္ဂါည နားဆင်ရမယ့်သတင်း…….

# ဖလမ်းဘက်ကို စစ်ကြောင်းထိုးလာတဲ့ အကြမ်းဖက်စစ်တပ်က ဘွာလ်ခွါကျေးရွာသား ၁၀ ယောက်ထက် မနည်းကို ဖမ်းဆီးပြီး လူသားဒိုင်းကာအဖြစ်အသုံးပြုနေတဲ့သတင်း…..

# ကန်ပက်လက်မြို့ကို အကြမ်းဖက်စစ်တပ်က လေကြောင်း ကနေ အကြိမ်ကြိမ်ဗုံးကြဲတိုက်ခိုက်ခဲ့တဲ့သတင်း……

# ချင်းပြည်တောင်ပိုင်း ပလက်ဝမြို့နယ်က ကျောင်းသူ ၂ ဦးကို အာရက္ခတပ်တော် AA က ဖမ်းဆီးထားတဲ့သတင်းတွေ နဲ့အတူ အခြားစိတ်ဝင်စားစရာနောက်ဆုံးရသတင်းတွေ တင်ဆက်ပေးဖို့ရှိပါတယ်။



။…………………………………………………………………………….။
YouTube: https://www.youtube.com//streams
Twitter (X): https://x.com/voiceofchinland
Instagram: https://www.instagram.com/the_voc_news/
Telegram: https://t.me/voc073124
Tiktok: https://www.tiktok.com/
။…………………………………………………………………………….။

ဒုတိယအကြိမ် ချင်းပြည်(Chinland) ကောင်စီညီလာခံ ထုတ်ပြန်ကြေညာချက်
12/09/2025

ဒုတိယအကြိမ် ချင်းပြည်(Chinland) ကောင်စီညီလာခံ ထုတ်ပြန်ကြေညာချက်

Address

1802 Vernon Street NW
Washington D.C., DC
20009

Telephone

+12029108482

Website

Alerts

Be the first to know and let us send you an email when The Voice of Chinland - VOC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Voice of Chinland - VOC:

Shortcuts

Share

Category