VOC

VOC By the People. The True Voice of the People.”
(2)

The Voice of Chinland (VOC) သည် လွတ်လပ်၍အမှီအခိုကင်းသော ချင်းသတင်းဌာနတစ်ခုဖြစ်ပြီး နောက်ဆုံးရ ချင်းပြည်၊ မြန်မာနှင့် ကမ္ဘာ့သတင်းများကို နေ့စဉ်တင်ဆက်ပေးနေပါသည်။ “For the People.

08/14/2025

တင်နက်ဆီပြည်နယ် ရေကြီးရေလျှံမှုကြောင့် ကလေးအပါအဝင် မိသားစု သုံးဦးသေဆုံး

VOC/ 13 August 2025

အမေရိကန်ပြည်ထောင်စု၊ တင်နက်ဆီပြည်နယ်၊ Chattanooga မြို့မှာ ရေကြီးရေလျှံမှုများဖြစ်ပွားခဲ့တဲ့အတွက်ကြောင့် အနည်းဆုံးလူသုံးဦးသေဆုံးခဲ့ရတယ်လို့ ဒေသခံအာဏာပိုင်တွေကထုတ်ပြန်ပါတယ်။

ရေကြီးမှုကြောင့် ပြည်နယ်တွင်သွားတဲ့လမ်းတွေကိုပိတ်ထားရပြီး ကားတွေ‌ေမျာပါနေကာ အရေးပေါ်ခဲ့စာရေးလုပ်ငန်းတွေကိုလုပ်နေရပါတယ်။

ဗုဒ္ဓဟူး‌နေ့မနက်ပိုင်းက East Ridge လမ်းမကြီးပေါ်က ကားတစီးပေါ် သစ်ပင်တွေကိုလဲကျမှုကြောင့်ကားပေါ်ပါလာတဲ့ မိဘနှစ်ပါးနဲ့ ကလေးငယ်တို့ သေဆုံးခဲ့ရတယ်လို့ ဟာမီတန်ကောင်တီ အရေးပေါ်ကယ်ဆယ်ရေးနဲ့ အမျိုးသားလုံခြုံရေးရုံးကပြောပါတယ်။

ရေကြီးမှုဟာ ၆.၄၂ လက်မအထိစံချိန်တင်တက်လာတယ်လို့ မြို့တော်လေဆိပ်က တိုင်းတာကျန်များအရသိရပါတယ်။ ဒါဟာမြို့ရဲ့သမိုင်းတလျှောက်မှာ ၁၈၇၉ နောက်ပိုင်း ဒုတိယအမြင့်ဆုံးစံချိန်ဖြစ်ပါတယ်။

Source - NBC, X

08/13/2025

စင်စင်နာတီမြို့လည်ခေါင်ရန်ပွဲရဲ့ နောက်ထပ်ရုပ်သံဖိုင်တွေ ထွက်ပေါ်လာပြီး ရန်ပွဲစတင်သူကိုလည်း အရေးယူဖို့ ဒေသခံတွေတောင်းဆို

VOC/ 13 August 2025

အမေရိကန် ပြည်ထောင်စု၊ အိုဟိုင်းယိုး (Ohio) ပြည်နယ် ရှိ စင်စင်နာတီမြို့လည်ခေါင်မှာ ဖြစ်ပွားခဲ့တဲ့ အုပ်စုလိုက်ရန်ပွဲမှာ အဓိကရုဏ်းကို ဖြစ်ပွားစေခဲ့တဲ့ လူဖြူအမျိုးသားကိုလည်း အရေးယူ စွဲချက်တင်ဖို့ ဒေသခံအုပ်ချုပ်သူတွေကို တောင်းဆိုထားကြပါတယ်။

ဇူလိုင်လ ၂၆ ရက် မနက်အစောပိုင်းမှာ စင်စင်နာတီမြို့လည်ခေါင်မှာ အုပ်စုလိုက် ရန်ဖြစ်ပွားမှုကို လူမှုကွန်ယက်မှာ တင်ခဲ့ရာမှ ရန်ပွဲမှာ ပါဝင်ခဲ့သူတွေထဲက တချို့ကို ဖမ်းဆီးရမိပြီး အမှုကို စွဲချက်တင်ထားပါတယ်။

အိုဟိုင်းယိုးပြည်နယ်လွှတ်တော်ကိုယ်စားလှယ် Cecil Thomas က ဩဂုတ်လ ၁၁ ရက်နေ့က မြို့တော်က ရန်ပွဲနဲ့ပတ်သတ်တဲ့ စုံစမ်းစစ်ဆေးမှုတွေကို ကိုင်တွယ်နေပုံနဲ့ပတ်သတ်တဲ့ စိုးရိမ်ပူပန်မှုတွေအတွက် လူထုတွေ့ဆုံမှုပြုလုပ်ခဲ့ပါတယ်။ "ဒီစုံစမ်းစစ်ဆေးမှုမှာ ဘက်လိုက်မှုရှိမရှိနဲ့ပတ်သတ်ပြီး ပြင်းပြင်းထန်ထန်မေးခွန်းထုတ်စရာဖြစ်နေပါတယ်" လို့သူက ဆိုပါတယ်။ နောက်ထပ်ရရှိထားတဲ့ ဗွီဒီယိုဖိုင်တွေမှာ လူဖြူအမျိုးသားက ရန်ပွဲမစခင် လူမျိုးရေးခွဲခြားပြောဆိုခဲ့တာကို တွေ့ရပါတယ်။

ပြီးခဲ့သည့်အပတ်က ဂျူရီလူကြီးများက ရန်ပွဲမှာပါဝင်ခဲ့တဲ့ Patrick Rosemond ၃၈ နှစ်၊ Jermaine Matthews ၃၉ နှစ်၊ Montianez Merriweather အသက် ၃၄ နှစ်၊ DeKyra Vernon အသက်၂၄ နှစ်၊ Dominique Kittle အသက် ၃၇ နှစ်နှင့် Aisha Devaughn အသက် ၂၅နှစ်တို့ကို အမှု ၃ ခုနဲ့ စွဲချက်တင်ထားတယ်လို့ Hamilton County အစိုးရရှေ့နေရုံးက အတည်ပြုခဲ့ပါတယ်။ ပြစ်မှုထင်ရှားရင် သူတို့တစ်ဦးစီဟာ ထောင် ၂၉ နှစ်အထိ ကျခံရမှာဖြစ်ပါတယ်။

Source - Fox News, WLWT

ထိုင်းဝန်ကြီးချုပ်ပေတောင်တန်ကို ရာထူးမှချမချ လာမယ့် ၂၉ ရက်နေ့မှာ ဆုံးဖြတ်ချက်ချမည်VOC/ 13 August 2025ရာထူးမှ ဆိုင်းငံ့ထာ...
08/13/2025

ထိုင်းဝန်ကြီးချုပ်ပေတောင်တန်ကို ရာထူးမှချမချ လာမယ့် ၂၉ ရက်နေ့မှာ ဆုံးဖြတ်ချက်ချမည်

VOC/ 13 August 2025

ရာထူးမှ ဆိုင်းငံ့ထားတဲ့ထိုင်းဝန်ကြီးချုပ်ပေတောင်တန်ရှင်နာဝပ်ထရာကို ရာထူးမှ ချမချ လာမယ့် ၂၉ ရက်နေ့မှာ အမိန့်ချမှတ်သွားမှာဖြစ်တယ်လို့ ထိုင်းဖွဲ့စည်းပုံ အခြေခံဥပဒေဆိုင်ရာ တရားရုံးက သြဂုတ် ၁၃ ရက်မှာ ကြေညာလိုက်ပါတယ်။

ကမ္ဘောဒီးယားနဲ့ ပဋိပက္ခဖြစ်ပွားချိန်မှာ ကမ္ဘောဒီးယားခေါင်းဆောင်ဟောင်း ဟွန်ဆန်နဲ့ ဖုန်းပြောဆိုတဲ့အသံဖိုင်ပေါက်ကြားခဲ့ပြီးနောက်မှာ ပေတောင်တန်ဟာ ဝန်ကြီးချုပ်ရာထူးနဲ့မလျော်ညီတဲ့ ကျင့်ဝတ်ဖောက်ဖျက်တယ်လို့ အထက်လွှတ်တော်အမတ်တချို့က စွပ်စွဲထားပါတယ်။

ဩဂုတ်လ ၂၉ ရက်နေ့ ညနေ ၃ နာရီမှာ ပေတောင်တန်နဲ့ပတ်သတ်ပြီး အမိန့်ချမှာဖြစ်သလို သူမရဲ့ဖခင်ဖြစ်သူ ထိုင်းဝန်ကြီးချုပ်ဟောင်း သက်ဆင်ရှင်နာဝပ်ကိုလည်း ၂၂ ရက်မှာ ဘုရင်ကိုသစ္စာမရှိမှုနဲ့ ကြားနာစစ်ဆေးမှာဖြစ်ပါတယ်။ အသက် ၃၈ နှစ်အရွယ် ထိုင်းဝန်ကြီးချုပ်ကတော့ သူမအနေနဲ့ တိုင်းပြည်အကျိုးစီးပွားအတွက် စစ်ပွဲကိုရှောင်လွှဲဖို့ အလွတ်သဘောပြောဆိုတာ ဖြစ်တယ်လို့ လျှောက်လဲထားပါတယ်။ သူမသာ ရာထူးချခံရပါက သူမဟာ ဖခင်ဖြစ်သူ သက်ဆင်ရှာနာဝပ်၊ အဒေါ်ဖြစ်သူ ယင်လတ်ရှင်နာဝပ်ထရာတို့အပြီး စစ်တပ်က အာဏာသိမ်းမှုကြောင့် ရာထူးက ဖြုတ်ချခံရတဲ့ တတိယမြောက် ရှင်နာဝပ်မျိုးဆက် ဝန်ကြီးချုပ် တစ်ဦးဖြစ်လာမှာ ဖြစ်ပါတယ်။

Source - CNA

အမေရိကန် နဲ့ ရုရှားခေါင်းဆောင်နှစ်ဦး ရုရှားထံမှ အမေရိကန်ဝယ်ယူထားတဲ့မြေမှာတွေ့ဆုံမည်VOC/ 13 August 2025လာမယ့်သောကြာနေ့မှာ...
08/13/2025

အမေရိကန် နဲ့ ရုရှားခေါင်းဆောင်နှစ်ဦး ရုရှားထံမှ အမေရိကန်ဝယ်ယူထားတဲ့မြေမှာတွေ့ဆုံမည်

VOC/ 13 August 2025

လာမယ့်သောကြာနေ့မှာ အမေရိကန်သမ္မတ ဒေါ်နယ်ထရမ့်နဲ့ ရုရှားသမ္မတ ဗလာဒီမာပူတင်တို့ဟာ အမေရိကန်ပြည်ထောင်စု၊ အလာစကာပြည်နယ်မှာ တွေ့ဆုံဆွေးနွေးကြမှာ ဖြစ်ပါတယ်။

ထိပ်သီးနှစ်နိုင်ငံရဲ့ ခေါင်းဆောင်တွေဟာ ယူကရိန်းမှာ ဖြစ်ပွားနေတဲ့ စစ်ပွဲအပြီးသတ်ရပ်ဆိုင်းဖို့အတွက် အလာစကာပြည်နယ်၊ Anchorage မြို့က Elmendorf လေတပ်စခန်းမှာ တွေ့ဆုံဆွေးနွေးကြမယ်လို့ အတည်ပြုထားပါတယ်။ ဒါဟာ ရုရှားက ယူကရိန်းကို ကျူးကျော်ပြီးနောက်၊ ရုရှားသမ္မတပူတင်ရဲ့ ပထမဆုံးအမေရိကန်ခရီးစဉ်လည်း ဖြစ်ပါတယ်။ အလာစကာပြည်နယ်ဟာ ရုရှားပိုင်နက်ဟောင်းဖြစ်ပြီး အမေရိကန်က ဝယ်ယူထားခဲ့တဲ့ဒေသဖြစ်ပါတယ်။ ၁၈၆၇ ခုနှစ်က ရုရှားထံမှ အမေရိကန်က အမေရိကန်ဒေါ်လာ ၇.၂ သန်းနဲ့ ဝယ်ခဲ့တာဖြစ်ပါတယ်။

ရုရှားသမ္မတက အမေရိကန်ကို လာရောက်ဖို့ သဘောတူလိုက်ချိန်မှာ ယူကရိန်းသမ္မတ ဇလန်စကီးက သူ့ရဲ့မဟာမိတ်ဖြစ်တဲ့ NATO အဖွဲ့ဝင်တွေနဲ့တွေ့ဆုံဆွေးနွေးပြီး ယူကရိန်းမပါဝင်တဲ့ ယူကရိန်းအရေးဆုံးဖြတ်ချက်တွေကို လက်ခံမှာ မဟုတ်ဘူးလို့ ပြောဆိုခဲ့ပါတယ်။

သမ္မတထရမ့်က ရုရှား-အမေရိကန် ထိပ်သီးဆွေးနွေးပွဲ အောင်မြင်ရင် သမ္မတပူတင်နဲ့ ဇလန်စကီးအကြားတွေ့ဆုံမှုကို ချက်ချင်းကျင်းပမှာ ဖြစ်ပြီး၊ သမ္မတ ဇလန်စကီးအပါအဝင် ဥရောပခေါင်းဆောင်တွေနဲ့ အွန်လိုင်းမှာဆွေးနွေးပြောဆိုခဲ့ရတာ အားရကျေနပ်တယ်လို့ ဆိုပါတယ်။

အိမ်ဖြူတော်ပြန်ကြားရေးမှူး Karoline Leavitt ကတော့ ဩဂုတ်လ ၁၂ ရက်နေ့က ခေါင်းဆောင်နှစ်ဦး သောကြာနေ့မနက်မှာတွေ့ဆုံမှာကို အတည်ပြုထားပါတယ်။ ဒီတခေါက်တွေ့ဆုံမှုကနေ အောင်မြင်နိုင်ချေရှိလားလို့ သတင်းထောက်တွေရဲ့မေးမြန်းမှုကို သူက ပထမနှစ်မိနစ်အတွင်း အဖြေပေါ်အောင် လုပ်မှာဖြစ်ကြောင်း ဖြေဆိုသွားပါတယ်။ ဒါ့အပြင် ရုရှားနဲ့ပတ်သတ်ပြီး သိပ်မမျှော်လင့်ထားကြောင်းလည်း ဖြေဆိုသွားပါတယ်။

သြဂုတ် ၁၃ ရက်နေ့မှာတော့ အပစ်ရပ်စဲရေးသဘောတူညီချက် မရရှိဘူးဆိုရင် နောက်ထက် တွေ့ဆုံပွဲ ဆိုတာ ရှိနိုင်တော့မှာ မဟုတ်ကြောင်း၊ ရုရှားအနေနဲ့ နောက်ဆက်တွဲ ဆိုးကျိူးတွေ နဲ့ ရင်ဆိုင်ရမယ်လို့က ဝါရှင်တန်မြို့မှာ ပြုလုပ်တဲ့ သတင်းစာရှင်းပွဲမှာ သမ္မတထရမ့်က ပြောပါတယ်။

Source - Politicio, Fox News, ABC News

08/13/2025

ထရမ့်-ပူတင် ဆွေးနွေးမှူ အကြောင်း ဂျာမန်အဓိပတိနဲ့ ယူကရိန်းသမ္မတ သတင်းစာရှင်းလင်းပွဲပြုလုပ်

VOC/ 13 August 2025

အမေရိကန်သမ္မတ ဒေါ်နယ်ထရန့်နှင့် ဂျာမနီ၊ ဖင်လန်၊ ပြင်သစ်၊ ဗြိတိန်၊ အီတလီ၊ ပိုလန်နှင့် ဥရောပသမဂ္ဂ ခေါင်းဆောင်များကြား ဗီဒီယိုကွန်ဖရင့်အပြီးတွင် ယူကရိန်းသမ္မတ Volodymyr Zelenskyy က ငြိမ်းချမ်းရေးဆွေးနွေးပွဲများမှာ ယူကရိန်း ပါဝင်သင့်တယ်လို့ ပြောဆိုလိုက်ပါတယ်။

လာမယ့်သောကြာနေ့မှာ အလက်စကာမှာ ပြုလုပ်ကြမယ့် ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ရဲ့ တွေ့ဆုံမှုမတိုင်ခင် ရုရှား-ယူကရိန်းစစ်ပွဲအရေးကို အဓိကထား ဆွေးနွေးခဲ့တာဖြစ်ပါတယ်။ အဲဒီနောက်မှာ ဂျာမနီက အဓိပတိ ဖရက်ဒရစ်မာဇ်နဲ့ ယူကရိန်းသမ္မတ ဗိုလိုဒီမျာဇလန်စကီးတို့ဟာ ယူကရိန်းအရေးအတွက် ဥရောပရဲ့ ရပ်တည်မှုတွေကို သတင်းစာရှင်းလင်းပွဲပြုလုပ်ခဲ့ပါတယ်။

Source - Reuters

ဒုတိယဗိုလ်ချုပ်ကြီး ဂွမ်မော် နဲ့ ချင်းညီနောင်တွေ့ဆုံမှု ပုံမှန်တွေ့ဆုံမှုသာဖြစ်ပြီး နိုင်ငံရေး စစ်ရေး ဆွေးနွေး ခြင်းမဖြစ...
08/13/2025

ဒုတိယဗိုလ်ချုပ်ကြီး ဂွမ်မော် နဲ့ ချင်းညီနောင်တွေ့ဆုံမှု ပုံမှန်တွေ့ဆုံမှုသာဖြစ်ပြီး နိုင်ငံရေး စစ်ရေး ဆွေးနွေး ခြင်းမဖြစ်နိုင်ဟု KIO/KIA သတင်းနဲ့ပြန်ကြားရေးတာဝန်ခံပြော

VOC/ August 13, 2025

ကချင်လွတ်လပ်ရေးအဖွဲ့ (KIO/KIA) ဒုတိယဗိုလ်ချုပ်ကြီး ဂွမ်မော်နဲ့ ချင်းညီနောင် (CB) အဖွဲ့တို့ မကြာသေးခင်ရက်ပိုင်းက တွေ့ဆုံမှုမှာ ပုံမှန်တွေ့ဆုံခြင်းသာဖြစ်ပြီး စစ်ရေး နိုင်ငံရေးဆွေးနွေးခြင်းမဖြစ်နိုင်ဘူးလို့ KIO/KIA သတင်းနဲ့ ပြန်ကြား ရေး တာဝန်ခံ ဗိုလ်မှူးကြီး နော်ဘူက ပြောပါတယ်။

ပြီးခဲ့တဲ့ဇူလိုင်လ တတိယပတ်လောက်က KIO ဌာနချုပ် လိုင်ဇာမြို့မှာ ဒုတိယဗိုလ်ချုပ်ကြီး ဂွမ်မော် နဲ့ ချင်းညီနောင်အပါ အဝင် တော်လှန်ရေးတပ်ဖွဲ့တချို့တို့ သီးခြားစီတွေ့ဆုံခဲ့ကြတာဖြစ်ပါတယ်။

အဲဒီတွေ့ဆုံမှုနဲ့ပတ်သက်ပြီး ချင်းညီနောင် ပြောရေးဆိုခွင့်ရှိသူ ကိုယောမာန်က “ချင်းညီနောင် နဲ့ KIO/KIA ကြား မဟာဗျူ ဟာ ကျကျ ဘယ်လိုပူးပေါင်းလုပ်ဆောင်ကြမလဲ၊ အရင်ကထက် ပိုပြီးတော့ နီးကပ်တဲ့ ဆက်ဆံရေးကို ဘယ်လိုတည် ဆောက်ကြမလဲ၊ ဘယ်လို ပူးပေါင်းဆောင်ရွက်ကြမလဲဆိုတာ အဓိကထား ဆွေးနွေးခဲ့ကြတယ်” လို့ သတင်းမီဒီယာတွေ နဲ့ အင်တာဗျူးတွေမှာ ပြောဆိုခဲ့ပါတယ်။

သို့သော်လည်း KIO/KIA သတင်းနဲ့ပြန်ကြားရေးတာဝန်ခံ ဗိုလ်မှူးကြီးနော်ဘူကတော့ ဒုတိယဗိုလ်ချုပ်ကြီး ဂွမ်မော်နဲ့ ချင်းညီနောင် (CB) အဖွဲ့တို့ဆုံမှုဟာ ပုံမှန်တွေ့ဆုံခြင်းသာဖြစ်နိုင်ပြီး စစ်ရေး နိုင်ငံရေးဆွေးနွေးခြင်းမဖြစ်နိုင်ဘူးလို့ DVB သတင်းဌာနနဲ့ အင်တာဗျူးမှာ ဖြေကြားခဲ့ပါတယ်။

“နိုင်ငံရေး စစ်ရေးတွေ ဆွေးနွေးတာတော့ မဟုတ်လောက်ပါဘူး ပုံမှန်တွေ့တဲ့ပုံစံမျိုးနဲ့တွေ့တာထင်တယ် ကျနော်တို့ကို တရားဝင်ဘာမှ အကြောင်းမကြားဘူး” လို့ ဗိုလ်မှူးကြီးနော်ဘူကပြောပါ တယ်။

အဆိုပါတွေ့ဆုံမှုနဲ့ပတ်သက်ပြီး ဒုတိယဗိုလ်ချုပ်ကြီး ဂွမ်မော်က ဘီဘီစီမြန်မာပိုင်းနဲ့ အင်တာဗျူးမှာ “ချင်းညီနောင် CB နဲ့ မျက်နှာချင်းဆိုင်တွေ့ဆုံမှုဟာ ပထမဆုံးအကြိမ်ဖြစ်ပြီး၊ CB နဲ့ဖြစ်စေ၊ CNF နဲ့ဖြစ်စေ ချင်း-ကချင်ညီအကိုများ တွေ့ဆုံမှု ဖြစ်သလို တော်လှန်ရေးအဖွဲ့အချင်းချင်းတွေ့ဆုံမှုဖြစ်တယ်”လို့ ဩဂုတ်လ ၁၁ ရက်နေ့က သူ့လူမှုကွန်ယက်စာမျက်နှာမှာ ဖော်ပြထားပါတယ်။

ပုံစာ- KIO/KIA သတင်းနဲ့ ပြန်ကြား ရေး တာဝန်ခံ ဗိုလ်မှူးကြီး နော်ဘူ နဲ့ ချင်းညီနောင် CB ပြောရေးဆိုခွင့်ရှိသူ ကိုယောမာန်
Ref: DVB

08/13/2025

# VOC မြန်မာ ရုပ်သံသတင်းအစီအစဉ်

# ဩဂုတ် ၁၃ ရက်၊ ဗုဒ္ဓဟူးည နားဆင်ရမယ့်သတင်း…….

# ဒေသခံပြည်သူလူထုရဲ့ သဘောဆန္ဒမပါဘဲ အုပ်ချုပ်ရေးယန္တရားဖော်ဆောင်မှု ပဋိပက္ခဘက်ကိုသာ ပိုဦးတည်နိုင်ဟု ဆလိုင်းထက်နီပြော

# ပလက်ဝကို ULA/AA က ရခိုပြည်ရဲ့ ခရိုင်တစ်ခုအဖြစ် ထည့်သွင်းဖွဲ့စည်းမှု ချင်းအရပ်ဖက်အဖွဲ့စည်းတွေ ပြင်းပြင်းထန်ထန်ကန့်ကွက်

# အာဏာသိမ်းစစ်ခေါင်းဆောင်က ရွေးကောက်ပွဲကို မဖြစ်ဖြစ်အောင် လုပ်မယ်လို့ ထပ်ပြော

# ရခိုင်ပြည်နယ်မှာ အစားအစာပြတ်လပ်မှုနဲ့ အာဟာရချို့တဲ့မှု အခြေအနေ ဆိုးရွားစွာ မြင့်တက်လာဟု WFP သတိပေး

# KNU ကော်သူးလေအုပ်ချုပ်နယ်မြေထဲ စစ်တပ်က လက်နက်ကြီး နဲ့ ဒရုန်းတိုက်ခိုက်မှုကြောင့် ပြည်သူ ၁ ဦးသေဆုံးပြီး ၆ ဦးဒဏ်ရာရ



။…………………………………………………………………………….။
YouTube: https://www.youtube.com//streams
Twitter (X): https://x.com/voiceofchinland
Instagram: https://www.instagram.com/the_voc_news/
Telegram: https://t.me/voc073124
Tiktok: https://www.tiktok.com/
။…………………………………………………………………………….။

08/13/2025

မြန်မာစစ်တပ်က စနစ်တကျနှိပ်စက်ညှင်းပန်းနေတယ်၊လက်နက် ကိုင်တပ်ဖွဲ့တွေရဲ့ကျူးလွန်မှုတွေကို စုံစမ်းဖော်ထုတ်ပြီး တစ်ဦးချင်းလုပ်ရပ်တွေကိုမှတ်တမ်းတင်သွားမည်လို့ IIMM အကြီးအကဲ သတင်းထောက်တွေကို ပြော

*အာရက္ခတပ်တော် AA မှ ဒေသခံ ချင်းအမျိုးသမီးတွေကို မုဒိန်းကျင့်ခြင်း၊ ဒေသခံလူထုကို ညှင်းပန်းနှိပ်စက်ခြင်းစတာတွေကို ကျူးလွန်ခဲ့ဟုဆို*

VOC/ 12 August 2025

မြန်မာစစ်တပ်ရဲ့ စနစ်တကျ ညှဉ်းပန်းနှိပ်စက်မှုဆိုင်ရာ အထောက်အထားများကို တွေ့ရှိရပြီး အဓိကကျတဲ့ကျူးလွန်သူလက်သည်တချို့ကို စုံစမ်းဖော်ထုတ်နိုင်ခဲ့ပြီဖြစ်ကြောင်း ကုလသမဂ္ဂ စုံစမ်းစစ်ဆေးရေးမှူးများက ဩဂုတ်လ ၁၂ ရက်နေ့က ထုတ်ပြန်ပါတယ်။

မြန်မာနိုင်ငံအတွက် လွတ်လပ်သော စုံစမ်းစစ်ဆေးရေးယန္တရား (IIMM) က ၂၀၁၈ ခုနှစ်မှာ ဖွဲ့စည်းခဲ့တဲ့ နိုင်ငံတကာ ဥပဒေချိုးဖောက်မှု အထောက်အထားများကို ခွဲခြမ်းစိတ်ဖြာရာမှာ ဖမ်းဆီးထိန်းသိမ်းခံရတဲ့ ဓားစာခံတွေဟာ ရိုက်နှက်ခြင်း၊ လျှပ်စစ်ရှော့တိုက်ခြင်း၊ အုပ်စုဖွဲ့ မုဒိမ်းကျင့်ခြင်း၊ လည်ပင်းညှစ်ခြင်းနဲ့ လက်သည်းများကို ပလာယာဖြင့် ခွာခြင်းတို့လို ညှဉ်းပန်းနှိပ်စက်မှုအမျိုးမျိုးနဲ့ ကြုံတွေ့ခဲ့ရတယ်လို့ ဆိုပါတယ်။

"မြန်မာနိုင်ငံက အကျဉ်းထောင်တွေမှာ စနစ်တကျ ညှဉ်းပန်းနှိပ်စက်မှုတွေ ရှိနေတာကို ပြသနိုင်တဲ့ မျက်မြင်သက်သေတွေနဲ့ သိသာထင်ရှားတဲ့ အထောက်အထားတွေ ဖော်ထုတ်နိုင်ခဲ့ပါတယ်" လို့ IIMM အကြီးအကဲ Nicholas Koumjian က စာမျက်နှာ ၁၆ မျက်နှာပါ အစီရင်ခံစာမှာ ရေးသားပြောဆိုထားပါတယ်။ ညှင်းပန်းနှိပ်စက်ခံရမှုကြောင့် အသက်သေဆုံးတဲ့ထိ ဖြစ်နေပြီး ထွက်ပြေးတိမ်းရှောင်နေတဲ့ မိဘတွေကိုယ်စား တရားမဝင် ဖမ်းဆီးထိန်းသိမ်းခံထားရတဲ့ကလေးငယ်တွေကိုပါ ညှင်းပန်းနှိပ်စက်ခံနေတယ်လို့ ဆိုပါတယ်။ မြန်မာစစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို မေးမြန်းဆက်သွယ်တဲ့အခါမှာ မှတ်ချက်ချဖို့ တုံ့ပြန်ချင်းမရှိဘူးလို့လည်း ကုလအစီရင်ခံစာမှာ ထည့်သွင်းရေးသားထားပါတယ်။

၂၀၂၄ ခုနှစ်မှ ၂၀၂၅ခုနှစ် ဇွန်လ ၃၀ ရက်နေ့အထိ တစ်နှစ်တာကာလအတွင်း အစီရင်ခံစာပါ တွေ့ရှိချက်များဟာ ရာနဲ့ချီတဲ့ မျက်မြင်သက်သေများရဲ့ ထွက်ဆိုချက်များ၊ မှုခင်းဆိုင်ရာ အထောက်အထားများ၊ စာရွက်စာတမ်းများနဲ့ ဓာတ်ပုံများအပါအဝင် ရင်းမြစ် ၁၃၀၀ ကျော်မှ အချက်အလက်ကို အခြေခံထားတာ ဖြစ်ပါတယ်။

IIMM ဟာ ၂၀၁၁ မှစတင်ပြီး စစ်တပ်ရဲ့ကျူးလွန်ခဲ့တဲ့ရာဇဝတ်မှုတွေကို မှတ်တမ်းတင်ထားပြီး ၂၀၁၇ မှာ သိန်းနဲ့ချီ ထွက်ပြေးတိမ်းရှောင်ရတဲ့ ရိုဟင်ဂျာတွေအပေါ် ကျူးလွန်တဲ့ ရာဇဝတ်မှုတွေအပါအဝင် ၂၀၂၁ အာဏာသိမ်းပြီးနောက်ပိုင်း ဖြစ်ပွားခဲ့သမျှ ချိုးဖောက်ကျူးလွန်မှုတွေကို စုံစမ်းဖော်ထုတ်ပြီး မှတ်တမ်းတင်နေပါတယ်။ ဒါ့ပြင် ရခိုင်ဒေသမှာ မြန်မာစစ်တပ်နှင့် အာရက္ခတပ်တော် AA တို့က နယ်မြေစိုးမိုးရေးကြိုးပမ်းရာ၊ များစွာသော လူမှုအသိုင်းအဝိုင်းများကို အကြမ်းဖက်မှုများရှိနေခဲ့ပါတယ်။ ဒေသခံ ချင်းအမျိုးသမီးတွေကို မုဒိန်းကျင့်ခြင်း၊ ဒေသခံလူထုကို ညှင်းပန်းနှိပ်စက်ခြင်းစတာတွေကို ကျူးလွန်ခဲ့တယ်လို့လည်း ထောက်လှမ်းတွေ့ရှိထားပါတယ်။ IIMM က စုံစမ်းမှတ်တမ်းတင်ထားပြီး အထူးသဖြင့် လူတစ်ဦးချင်းရဲ့ လုပ်ဆောင်ချက်တွေနဲ့ ရာဇဝတ်မှုတွေကို ချိတ်ဆက်နိုင်တဲ့အထောက်အထားတွေ ရှာဖွေနေတယ်လို့ IIMM အကြီးအကဲက သတင်းစာရှင်းလင်းပွဲမှာ ပြောဆိုပါတယ်။

IIMM ဟာ ဗြိတိန်နဲ့ အပြည်ပြည်ဆိုင်ရာ ရာဇ၀တ်ခုံရုံး (ICC) တို့လို တရားစီရင်ပိုင်ခွင့်အာဏာများရှိရာကို ရာဇ၀တ်မှုများကို စုံစမ်းစစ်ဆေးရာမှာ အထောက်အကူပေးနေပါတယ်။ IIMM အကြီးအကဲ Nicholas Koumjian က ဒီမှတ်တမ်းတွေနဲ့ ချက်ချင်းလက်ငင်းအရေးယူလို့မရရင်တောင် နောက်တချိန်အပြစ်ပေးနိုင်မှာဖြစ်တယ်လို့ သတင်းထောက်တွေကို ပြောဆိုခဲ့ပါတယ်။

Source - Reuters, IIMM Report

08/13/2025

အော်စတင်မြို့က လူလေးဦးကိုပစ်ခတ်ပြီး သုံးဉီးသေဆုံးစေခဲ့တဲ့ သေနတ်သမားကို ရဲတပ်ဖွဲ့ ဖမ်းဆီးရမိ

* *ဖမ်းဆီးရမိချိန်မှာ သေနတ်သမားက သူ့ကိုယ်သူ Jesus လို့ ပြောဆိုနေပြီး အဝတ်ဗလာနဲ့ သမ္မာကျမ်းစာအုပ်ကို ကိုင်ဆောင်ထား**

VOC/ 12 August 2025

ဩဂုတ်လ ၁၁ ရက်နေ့လည်ပိုင်းက အမေရိကန်ပြည်ထောင်စု၊ တက္ကဆပ်ပြည်နယ်၊ အော်စတင်မြို့ Target Store ရှေ့က ကားရပ်နားရာနေရာမှာ သေနတ်နဲ့ပစ်ခတ်ပြီး ခိုးယူထားတဲ့ကားတစ်စီးနဲ့ ထွက်ပြေးလွတ်မြောက်သွားတဲ့ သေနတ်သမားကို ရဲတပ်ဖွဲ့က ဖမ်းဆီးရမိပြီလို့ ကြေညာလိုက်ပါတယ်။

ဖမ်းဆီးရမိချိန်မှာ သေနတ်သမားက သူ့ကိုယ်သူ Jesus လို့ ပြောဆိုနေပြီး အဝတ်ဗလာနဲ့ သမ္မာကျမ်းစာအုပ်ကို ကိုင်ဆောင်ထားခဲ့ပါတယ်။ အခင်းဖြစ်ပွားရမှာ သေနတ်သမားရဲ့ပစ်ခတ်မှုကြောင့် ၃ ဦးသေဆုံးပြီး ၁ ဦးက ဒဏ်ရာရရှိခဲ့တယ်လို့ ဒေသခံအာဏာပိုင်တွေက ထုတ်ပြန်ပါတယ်။ သေနတ်သမားရဲ့နာမည်ကို ထုတ်ပြန်ကြေညာခြင်းမရှိပေမယ့် အသက် ၃၂ နှစ်အရွယ်၊Ethan Nieneker ဖြစ်ပြီး စိတ်ကျန်းမာရေးပြဿနာရှိနေသူဖြစ်ကြောင်း အော်စတင်မြို့ ရဲမှူး Lisa Davis က ပြောဆိုခဲ့ပါတယ်။ သေဆုံးသူတွေကတော့ Hector Leopoldo Martinez Machuca၊ Adam Chowနဲ့ Chow'ရဲ့ လေးနှစ်အရွယ် မြေးမလေးဖြစ်ပြီး Chow ရဲ့ဇနီးသည်ကတော့ ဒဏ်ရာအနည်းငယ်သာ ရခဲ့ပါတယ်။
ဒေသစံတော်ချိန် မွန်းလွဲ ၂ နာရီ ၁၅ မိနစ်မှာ ရဲများကို ဖုန်းခေါ်ပြီးနောက် ၄ မိနစ်အတွင်းအခင်းဖြစ်ပွားရာကို ရဲတွေ ရောက်ရှိခဲ့ပေမယ့် ယာဉ်ရပ်နားစခန်းမှာ သေနတ်ထိမှန်သေဆုံးသူ သုံးဦးကို တာဝန်ရှိသူများက တွေ့ရှိခဲ့တာဖြစ်ပါတယ်။ Target Store မှာ Back To School အစီအစဉ်တွေကြောင့် ဈေးဝယ်သူတွေစည်ကားနေတဲ့အချိန်မှာ ဖြစ်ပွားခဲ့တာဖြစ်ပါတယ်။
"ဒါဟာ ဆိုးရွားတဲ့အခြေအနေတစ်ခုဖြစ်ပါတယ်။ သေဆုံးသူတွေနဲ့ သူတို့ရဲ့မိသားစုတွေနဲ့ ထပ်တူ ဝမ်းနည်းမိပါတယ်" လို့ Austin ရဲ့ မြို့တော်ဝန် Kirk Watson က ပြောဆိုရေးသားထားပါတယ်။ ဖမ်းဆီးရမိတဲ့ သေနတ်သမားကို စိတ်ကျန်းမာရေးကြောင့် အရေးပေါ် ထိန်းသိမ်းရေးစခန်းမှာ ထိန်းသိမ်းထားရှိပါတယ်။ သူဟာ ကားအများအပြားကို ဆက်တိုက်ခိုးယူသွားတာဖြစ်ပြီး ခိုးယူသွားတဲ့ ပထမကားမောင်းသူမှာလည်း သေနတ်ပစ်ခံလိုက်ရသူတွေထဲက တစ်ဦးဖြစ်ပါတယ်။ သူဟာ ပထမကားကို ခိုးယူပြီး ဖျက်ဆီးပြီး နောက်တစ်စီးကို ခိုးယူကာ အော်စတင်မြို့ တောင်ဘက်ကို ထွက်သွားတော့မယ့်အချိန်မှာ ရဲတပ်ဖွဲ့က ဖမ်းဆီးရမိတာ ဖြစ်ပါတယ်။

Source - LA Times, Fox Austin

ဒေသခံပြည်သူလူထုရဲ့ သဘောဆန္ဒမပါဘဲ အုပ်ချုပ်ရေးယန္တရားဖော်ဆောင်မှု ပဋိပက္ခဘက်ကိုသာ ပိုဦးတည်နိုင်ဟု ဆလိုင်းထက်နီပြော VOC/ A...
08/13/2025

ဒေသခံပြည်သူလူထုရဲ့ သဘောဆန္ဒမပါဘဲ အုပ်ချုပ်ရေးယန္တရားဖော်ဆောင်မှု ပဋိပက္ခဘက်ကိုသာ ပိုဦးတည်နိုင်ဟု ဆလိုင်းထက်နီပြော

VOC/ August 13, 2025

ဒေသခံပြည်သူလူထုရဲ့ သဘောဆန္ဒမပါဘဲ အုပ်ချုပ်ရေးယန္တရားဖော်ဆောင်တာဟာ ဒီနွေဦးတော်လှန်ရေးမှာ မလုပ် သင့် မလုပ်ထိုက်တဲ့အလုပ်ဖြစ်ပြီး ပဋိပက္ခဘက်ကိုသာ ဦးတည်သွားနိုင်တယ်လို့ ချင်းအမျိုးသားတပ်ဦး CNF ပြောရေးဆို ခွင့်ရှိသူဆလိုင်းထက်နီကပြောပါတယ်။

ချင်းပြည်တောင်ပိုင်း ပလက်ဝမြို့နယ်ကို အာရက္ခတော်လှန်ရေးအစိုးရ ULA/AA က ခရိုင်တစ်ခုအဖြစ်ဖွဲ့စည်းပြီး အုပ်ချုပ်ရေးဖော်ဆောင်နေတယ်လို့ ဩဂုတ်လ (၁၁) ရက်နေ့က ၁၀ ကြိမ်မြောက်သတင်းစာရှင်းလင်းပွဲမှာ ULA/AA ပြောရေး ဆိုခွင့်ရှိသူ ဦးခိုင်သုခက တရားဝင်ပြောဆိုခဲ့ပါတယ်။

အဲဒီကိစ္စနဲ့ပတ်သက်ပြီး CNF ပြောရေးဆိုခွင့်ရှိသူ ဆလိုင်းထက်နီကို VOC က ဆက်သွယ်မေးမြန်းကြည့်ရာမှာ သူက ခုလို ပြောကြားခဲ့ပါတယ်။

“ စစ်ရေးမဟုတ်တဲ့ အုပ်ချုပ်ရေးကဏ္ဍတွေက ဒီမိုကရေစီအရ လူထုနဲ့ သက်ဆိုင်တာမို့ လူထုသဘောထားနဲ့အညီ လူထုကိုယ်တိုင် ပါဝင်ဖော်ဆောင်တဲ့ လူထုအုပ်ချုပ်ရေးကို အကောင်အထည်ဖော်သင့်တယ်” လို့ ဆလိုင်းထက်နီကပြော ပါတယ်။

ပလက်ဝအရေးဟာ ပလက်ဝဒေသခံပြည်သူတွေရဲ့ ဆန္ဒက အဓိကကျပြီး ပလက်ဝဒေသခံပြည်သူတွေရဲ့ ဆန္ဒ မပါသော အုပ်ချုပ်ရေးဖော်ဆောင်မှုတွေဟာ ပဋိပက္ခဘက်ကိုသာ ဦးတည်နိုင်တယ်လို့ ဆလိုင်းထက်နီကပြောပါတယ်။

ပလက်ဝမြို့နယ်ကို ULA/AA က ၂၀၂၄ ခုနှစ် ဇန်နဝါရီလ ၁၄ ရက်နေ့မှာ စစ်ကောင်စီတပ်ဖွဲ့ထံကနေ တိုက်ခိုက်သိမ်းယူပြီး အာရက္ခပြည်သူ့တော်လှန်ရေးအစိုးရက အုပ်ချုပ်ရေးယန္တရားတွေစတင်ဖော်ဆောင်ခဲ့တာဖြစ်ပါတယ်။

အဲဒီနောက် ၂၀၂၅ ခုနှစ် မေလမှာ ULA/AA က ရခိုင်ပြည်နယ်ကို ခရိုင် ၈ ခုဖြင့် ပြင်ဆင်ဖွဲ့စည်းရာမှာ အဲဒီခရိုင် ၈ ခုထဲမှာ ချင်းပြည်ပလက်ဝမြို့နယ်ကို ခရိုင်တစ်ခုအဖြစ်ထည့်သွင်းလိုက်တယ်လို့ သတင်းတွေထွက်ပေါ်ခဲ့ပြီး ဩဂုတ်လ ၁၁ ရက် သတင်းစာရှင်လင်းပွဲမှာ ULA/AA ပြောရေးဆိုခွင့်ရှိသူ ဦးခိုင်သုခက တရားဝင်ထုတ်ပြောလာတာဖြစ်ပါတယ်။

ချင်းပြည်ပိုက်နက်ဖြစ်တဲ့ ပလက်ဝမြို့နယ်ကို ULA/AA က ရခိုင်ပြည်ရဲ့ ခရိုင်တစ်ခုအဖြစ် ဖွဲ့စည်းအုပ်ချုပ်မှုနဲ့ပတ်သက်ပြီး ချင်းအရပ်ဖက်အဖွဲ့အစည်းတွေဖြစ်ကြတဲ့ Chin Civic Movement၊ Global Khumi Organization (GKO) နဲ့ နိုင်ငံတ ကာခူမီးလူငယ်များ အသင်း(GKYA) တို့က လက်မခံကြောင်း မနေ့က ကြေညာချက်ထုတ်ပြန်ခဲ့ကြပါတယ်။

ဒေသခံချင်းပြည်သူတွေရဲ့ ဆန္ဒမပါတဲ့ ULA/AA ရဲ့ အဆိုပါဆောင်ရွက်မှုတွေဟာ ချင်းပြည်သူတွေအပေါ် ကိုလိုနီပြုတဲ့ လုပ်ရပ် ဖြစ်တယ်ဆိုပြီး ပြင်းပြင်းထန်ထန်ကန့်ကွက်ခဲ့ကြပါတယ်။

ရခိုင်ပြည်နယ်မှာ အစားအစာပြတ်လပ်မှုနဲ့ အာဟာရချို့တဲ့မှု အခြေအနေ ဆိုးရွားစွာ မြင့်တက်လာဟု WFP သတိပေးVOC/ August 13, 2025ရခ...
08/13/2025

ရခိုင်ပြည်နယ်မှာ အစားအစာပြတ်လပ်မှုနဲ့ အာဟာရချို့တဲ့မှု အခြေအနေ ဆိုးရွားစွာ မြင့်တက်လာဟု WFP သတိပေး

VOC/ August 13, 2025

ရခိုင်ပြည်နယ်မှာ ပဋိပက္ခ၊ ပိတ်ဆို့ဖြတ်တောက်မှုတွေနဲ့ ရန်ပုံငွေ ဖြတ်တောက်ခံရမှုတွေကြောင့် အစားအစာ ပြတ်လပ် မှုနှင့် အာဟာရချို့တဲ့မှု အခြေအနေ ဆိုးရွားစွာ မြင့်တက်လာနေတဲ့အတွက် နိုင်ငံတကာအကူအညီတွေ လိုအပ်နေပြီလို့ ကမ္ဘာ့စားနပ်ရိက္ခာအစီအစဉ် (WFP)က သတိပေးလိုက်ပါတယ်။

အထူးသဖြင့် ရခိုင်ပြည်နယ် အလယ်ပိုင်းဒေသတွေမှာ အခြေခံ အစားအစာ ဝယ်ယူနိုင်စွမ်း မရှိသော မိသားစု အရေ အတွက်မှာ ၂၀၂၄ ခုနှစ် ဒီဇင်ဘာက ၃၃ ရာခိုင်နှုန်းရှိခဲ့ရာကနေ ယခု ၅၇ ရာခိုင်နှုန်းအထိ မြင့်တက်လာတယ်လို့ WFP က ဩဂုတ် ၁၂ ရက်မှာ ထုတ်ပြန်ပါတယ်။

ဒီအချက်အလက်တွေဟာ ရခိုင်အလယ်ပိုင်း ဒေသမှာ အာဟာရချို့တဲ့မှု အခြေအနေ ပိုမိုဆိုးရွားလာတယ်ဆိုတာ ညွှန်းဆို နေပေမယ့်လည်း ရခိုင်မြောက်ပိုင်းမှာ ပဋိပက္ခတွေဖြစ်ပွားတာ၊ လမ်းပန်းဆက်သွယ်ရေး အခက်အခဲတွေကြောင့် အခြေ အနေ ပိုမိုဆိုးရွားနိုင်တယ်လို့ WFP ကဆိုပါတယ်။

အခုအချိန်မှာလိုအပ်နေတဲ့ လူသားချင်းစာနာတဲ့ အကူအညီတွေကို ကာမိအောင် မလုပ်နိုင်ဘူးဆိုရင် ဒီအကျပ်အတည်း ဟာ ပေါက်ကွဲသွားတဲ့ကပ်ဘေးတစ်ခုဖြစ်လာနိုင်တယ်လို့လည်း WFP က သတိပေးပါတယ်။

အလားတူ ရခိုင်ပြည်နယ်မြောက်ပိုင်းမှာလည်း စားနပ်ရိက္ခာမလုံလောက်တာကြောင့် အာဟာရချို့တဲ့မှုတွေ ပိုလာနိုင်ပြီး တစ်ဖက်မှာလည်း ပဋိပက္ခဖြစ်ပွားမှုတွေကြောင့် လူထုရဲ့အခြေအနေ ပိုပြီးဆိုးလာနိုင်တယ်လို့ WFP က ပြောပါတယ်။

ရခိုင်လူထုတွေအနေနဲ့ စားဝတ်နေရေးကို အပူတပြင်းဖြေရှင်းရတဲ့အခါ ကြွေးမြီတွေ တက်လာတာ၊ တောင်းရမ်းစား သောက်ရတာ၊ အိမ်တွင်းအကြမ်းဖက်ခံရတာအပြင် လူငယ်ထုတွေအနေနဲ့ ကျောင်းထွက်ရတာ၊ လူမှုရေးတင်းမာမှုတွေနဲ့ လူကုန်ကူးမှုတွေအထိ ဖြစ်လာနိုင်တဲ့အထိ တွန်းအားပေးခံနေရတယ်လို့ ထုတ်ပြန်ချက်ကဆိုပါတယ်။

“မိခင်တွေ ထမင်းအငတ်ခံပြီးနေရတာတွေ၊ ဆာလွန်းလို့ အော်ငိုနေတဲ့ ကလေးငယ်တွေရဲ့ အသံတွေ ကျယ်လောင်နေ တယ်ဆိုတဲ့ သတင်းတွေ ကြားနေရတယ်။ မိသားစုတွေက တတ်နိုင်သလောက် ရုန်းနေကြပေမယ့် အကူအညီမပါဘဲ ရုန်းထရှင်သန်နိုင်မှာမဟုတ်ပါဘူး” လို့ WFP ရဲ့ မြန်မာနိုင်ငံဆိုင်ရာ ကိုယ်စားလှယ် ဒါရိုက်တာ မိုက်ကယ် ဒန်းဖော့ဒ်က ပြောပါတယ်။

၂၀၂၅ ခုနှစ် ခုနှစ် ဧပြီလတုန်းကလည်း WFP ရဲ့ ရန်ပုံငွေပြတ်လပ်မှုကြောင့် မြန်မာက လူတစ်သန်းကျော်အတွက် စားနပ်ရိက္ခာထောက်ပံ့မှုတွေ ဖြတ်တောက်ခဲ့ရတယ်လို့ ထုတ်ပြန်ချက်က ဖော်ပြပါတယ်။

ထောက်ပံ့မှုတွေ လျော့နည်းခဲ့ပေမယ့် ငတ်မွတ်ခေါင်းပါးမှုဒဏ် အဆိုးဆုံးခံနေရတဲ့ ရခိုင်ထဲက ဒေသတချို့ကို ပြန်ပြီးကူညီဖို့ လုပ်ဆောင်နေတယ်လို့ WFP က ဆိုပါတယ်။

လာမယ့် ၆ လအတွင်း ရခိုင်ပြည်နယ်ထဲက လူပေါင်း ၂၇၀,၀၀၀ ကို စားနပ်ရိက္ခာကူညီဖို့ အမေရိကန်ဒေါ်လာ သန်း ၃၀ လိုအပ်နေတယ်လို့ WFP က ကြေညာထားပါတယ်။

"အရေးပေါ် လုပ်ဆောင်မှုများ မပြုလုပ်ပါက ဤအကျပ်အတည်းသည် အကြီးစား ဘေးအန္တရာယ်တစ်ခုအဖြစ် ပြောင်းလဲသွားနိုင်ပြီး ကမ္ဘာကြီးက ဒီဘက်ကို မျက်နှာလွှဲထားလို့ မဖြစ်ပါဘူး။" လို့ WFP ရဲ့ မြန်မာနိုင်ငံဆိုင်ရာ ကိုယ်စားလှယ် ဒါရိုက်တာကပြောပါတယ်။ Source- WFP/BBC

Photo- WFP

KNU ကော်သူးလေအုပ်ချုပ်နယ်မြေထဲ စစ်တပ်က လက်နက်ကြီး နဲ့ ဒရုန်းတိုက်ခိုက်မှုကြောင့် ပြည်သူ ၁ ဦးသေဆုံးပြီး ၆ ဦးဒဏ်ရာရVOC/ Au...
08/13/2025

KNU ကော်သူးလေအုပ်ချုပ်နယ်မြေထဲ စစ်တပ်က လက်နက်ကြီး နဲ့ ဒရုန်းတိုက်ခိုက်မှုကြောင့် ပြည်သူ ၁ ဦးသေဆုံးပြီး ၆ ဦးဒဏ်ရာရ

VOC/ August 13, 2025

ကရင်အမျိုးသားအစည်းအရုံး-KNU ကော်သူးလေအုပ်ချုပ်နယ်မြေ၊ ခလယ်လွီထူခရိုင်၊ မူးမြို့နယ်ထဲက ကျေးရွာတွေကို အာဏာသိမ်းအကြမ်းဖက် စစ်တပ်က လက်နက်ကြီး နဲ့ ဒရုန်းဖြင့် တိုက်ခိုက်မှုကြောင့် အရပ်သားပြည်သူတစ်ဦးသေဆုံး ပြီး ၆ ဦး ပြင်းထန်ဒဏ်ရာရရှိခဲ့တယ်လို့ KNU က ထုတ်ပြန်ပါတယ်။

ဩဂုတ်လ (၅) ရက်ကနေ (၁၀) ရက်နေ့ အထိ (၆) ရက်တာအတွင်း မူးမြို့နယ်ထဲက ကျေးရွာတွေကို ကညွတ်ကွင်း အခြေစိုက် ခမရ - ၄၃၉ တပ်ရင်း ၊ ဆင်မတောင်အခြေစိုက် ခမရ - ၃၅၁ တပ်ရင်း ၊ ရွှေဝါတပ်ရင်း ခမရ - ၃၀၇တပ်ရင်း ၊ သံဘိုအခြေစိုက် ခမရ - ၃၅၁ တပ်ရင်း နှင့် ဒုံးတိုးကျေးရွာ အခြေစိုက် ခမရ - ၅၉၉ တပ်ရင်းတို့က ဒရုန်းအပါအဝင် ၁၂၀ မမ လက်နက်ကြီး ၊ ဟောင်ဝစ်ဇာ လက်နက်ကြီးတို့ဖြင့် (၅၅) လုံး ပစ်ခတ်တိုက်ခိုက်ခဲ့တယ်လို့ ဆိုပါတယ်။

လက်နက်ကြီးပစ်ခတ်မှုများကြောင့် သြဂုတ်လ (၈) ရက်နေ့မှာ မအူပင်ကျေးရွာနေ အသက် (၂၀) အရွယ် အမျိုးသား (၁) ဦး ပွဲ ချင်းပြီးသေဆုံးခဲ့ပြီး အမျိုးသမီး ၂ ဦး နဲ့ အမျိုးသား ၄ ဦး စုစုပေါင်း ၆ ဦး ပြင်ထန်ဒဏ်ရာရရှိသလို နေအိမ် ၃ လုံး ပျက်စီးခဲ့တယ်လို့ သိရပါတယ်။

Address

1802 Vernon Street NW
Washington D.C., DC
20009

Telephone

+12029108482

Website

Alerts

Be the first to know and let us send you an email when VOC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to VOC:

Shortcuts

Share

Category