VOC

VOC By the People. The True Voice of the People.”
(1)

The Voice of Chinland (VOC) သည် လွတ်လပ်၍အမှီအခိုကင်းသော ချင်းသတင်းဌာနတစ်ခုဖြစ်ပြီး နောက်ဆုံးရ ချင်းပြည်၊ မြန်မာနှင့် ကမ္ဘာ့သတင်းများကို နေ့စဉ်တင်ဆက်ပေးနေပါသည်။ “For the People.

09/26/2025

# VOC မြန်မာ ရုပ်သံသတင်းအစီအစဉ်

# စက်တင်ဘာလ ၂၆ ရက် သောကြာည နားဆင်ရမယ့်သတင်း…….

# ချင်လဲန်းကောင်စီနဲ့ ချင်းပြည်အစိုးရအဖွဲ့ဝင်တွေကို အကြမ်းဖက်စစ်တပ်က ရွေးကောက်ပွဲ ဥပဒေဖြင့် အမှုဖွင့် တရားစွဲ ဆိုတာဟာ ချင်းအင်အားစုတွေကို ကြောက်လို့ ရွေးကောက်ပွဲကို မဆန့်ကျင်ရဲအောင် ကြိုတင်ခြိမ်းခြောက်မှု ပြုလုပ်ခြင်း သာဖြစ်တယ်လို့ ချင်းလဲန်းကောင်စီတာဝန်ရှိသူတွေကပြောပါတယ်။

# အမျိုးသားညီညွတ်ရေးအစိုးရ(NUG) ယာယီသမ္မတဒူဝါလရှီးလနဲ့ ကရင်အမျိုးသားအစည်းအရုံး(KNU)ဥက္ကဋ္ဌ ပဒိုကွယ် ထူးဝင်းတို့ တွေ့ဆုံပြီး စစ်အာဏာရှင်စနစ်အမြစ်ဖျက်တိုက်ခိုက်ရေးနဲ့ ပူးပေါင်းဆောင်ရွက်ရေးတို့ ဆွေးနွေးခဲ့ကြတယ်လို့ သိရပါတယ်။

# အကြမ်းဖက်စစ်တပ်အတွက် မြောက်ကိုးရီးယားကနေ လက်နက်ဝယ်ပေးနေတဲ့ မြန်မာနိုင်ငံသား ၃ ဦးအပါအဝင် လူပုဂ္ဂိုလ် ၄ ဦးနဲ့ Royal Shune Lei ကုမ္ပဏီတို့ကို အမေရိကန်က ဒဏ်ခတ်ပိတ်ဆို့လိုက်တဲ့သတင်းတွေနဲ့အတူ အခြား စိတ်ဝင်စားစရာနောက်ဆုံးရသတင်းတွေတင်ဆက်ပေးဖို့ရှိပါတယ်။



။…………………………………………………………………………….။
YouTube: https://www.youtube.com//streams
Twitter (X): https://x.com/voiceofchinland
Instagram: https://www.instagram.com/the_voc_news/
Telegram: https://t.me/voc073124
Tiktok: https://www.tiktok.com/
။…………………………………………………………………………….။

နှစ်နိုင်ငံကြားအငြင်းပွားနေတဲ့ရေပိုင်နက်ကိုဝင်ရောက်လာတဲ့ မြောက်ကိုရီးယားသင်္ဘောကို တောင်ကိုရီးယားစစ်တပ်ပစ်ခတ်VOC/ 26 Sep...
09/26/2025

နှစ်နိုင်ငံကြားအငြင်းပွားနေတဲ့ရေပိုင်နက်ကိုဝင်ရောက်လာတဲ့ မြောက်ကိုရီးယားသင်္ဘောကို တောင်ကိုရီးယားစစ်တပ်ပစ်ခတ်

VOC/ 26 September 2025

နှစ်နိုင်ငံကြား အငြင်းပွားနေတဲ့ ပင်လယ်ဝါရေပိုင်နက်ထဲကို ဝင်ရောက်လာတဲ့ မြောက်ကိုရီးယားကုန်သည်သင်္ဘောကို တစ်နာရီကြာ သတိပေးပစ်ခတ်ခဲ့တယ်လို့ တောင်ကိုရီးယားစစ်တပ်က တာဝန်ရှိသူတွေက အတည်ပြုပြောဆိုပါတယ်။

မြောက်ကိုရီးယားသင်္ဘောဟာ တောင်ကိုရီးယားနယ်စပ်၊ Baengnyeong ကျွန်းအနီးကို စက်တင်ဘာလ ၂၆ ရက် ၊ ဒေသစံတော်ချိန် မနက် ၅ နာရီခန့်က ချဉ်းကပ်လာတာဖြစ်ပါတယ်။ နယ်နိမိတ်မျဉ်းရဲ့ တောင်ဘက်ကို ၃.၁ မိုင် (၅ ကီလိုမီတာ)အထိ ဆက်ပြီးသွားခဲ့တယ်လို့ တောင်ကိုရီးယားစစ်တပ်တာဝန်ရှိသူတွေက ပြောဆိုပါတယ်။

"ကျွန်တော်တို့ဘက်က သတိပေးတဲ့အနေနဲ့ ပစ်ခတ်မှု အပြီးမှာ မြောက်ကိုရီးယား ကုန်သည် သင်္ဘောဟာ ကျွန်တော်တို့ ရေပိုင်နက်ထဲက ဆုတ်ခွာသွားခဲ့ပါတယ်" လို့ တောင်ကိုရီးယား ပူးတွဲ စစ်ဦးစီးချုပ်များ (JCS) က ကြေညာချက် ထုတ်ပြန်ခဲ့ပါတယ်။ တောင်ကိုရီးယားစစ်တပ်အနေနဲ့ မြောက်ကိုရီးယားရဲ့ လှုပ်ရှားမှုများကို အနီးကပ်စောင့်ကြည့်ပြီး စစ်ဆင်ရေးလုပ်ထုံးလုပ်နည်းများနဲ့အညီ တုံ့ပြန်ခဲ့တယ်လို့လည်း ဆက်လက်ပြောဆိုပါတယ်။

မြောက်ကိုရီးယားအာဏာပိုင်တွေကတော့ ဒီသတင်းနဲ့ပတ်သတ်ပြီး မှတ်ချက်ချပြောဆိုခြင်းမရှိသေးဘူးလို့ သိရပါတယ်။ မြောက်ကိုရီးယား ဒုတိယနိုင်ငံခြားရေးဝန်ကြီး Kim Son-gyeong ဟာ အမေရိကန်ပြည်ထောင်စု၊ နယူးယောက်မြို့ကို ကုလသမဂ္ဂအထွေထွေညီလာခံတက်ရောက်ဖို့ သွားနေချိန်မှာအခုလိုဖြစ်ပွားခဲ့တာဖြစ်ပါတယ်။ မြောက်ကိုရီးယားဘက်က ကုန်သည်ရေယာဉ်တစ်စီးဟာ ၂၀၂၂ ခုနှစ် အောက်တိုဘာတုန်းကလည်း တောင်ကိုရီးယားရေပိုင်နက်ထဲ ရောက်ရှိလာဖူးပြီး တောင်ကိုရီးယားစစ်ရေယာဉ်တွေက လိုက်ကာ သတိပေးပစ်ခတ်ခဲ့ရဖူးပါတယ်။

Source - AP News

အနောက်ဘက်ကမ်းဒေသကို အစ္စရေးသိမ်းပိုက်ခြင်းကို မိမိခွင့်ပြုမည်မဟုတ်ကြောင်း ထရမ့်ပြောကြားVOC/ 26 September 2025အနောက်ဘက်ကမ...
09/26/2025

အနောက်ဘက်ကမ်းဒေသကို အစ္စရေးသိမ်းပိုက်ခြင်းကို မိမိခွင့်ပြုမည်မဟုတ်ကြောင်း ထရမ့်ပြောကြား

VOC/ 26 September 2025

အနောက်ဘက်ကမ်းဒေသကို အစ္စရေးသိမ်းပိုက်ခြင်းကို ခွင့်မပြုနိုင်ကြောင်း အမေရိကန်သမ္မတ Donald Trump က ပြောဆိုလိုက်ပြီး ပါလက်စတိုင်းနိုင်ငံထူထောင်ဖို့လည်း မဖြစ်နိုင်ဘူးလို့ ပြောဆိုပါတယ်။

အစ္စရေးဝန်ကြီးချုပ် Benjamin Netanyahu က စက်တင်ဘာလ ၂၆ ရက်နေ့မှာ ကုလသမဂ္ဂအထူးညီလာခံမှာ မိန့်ခွန်းပြောကြားဖို့ နယူးယောက်ကို ရောက်ရှိနေချိန်မှာ Trump က အခုလိုပြောဆိုတာဖြစ်ပါတယ်။ ကုလညီလာခံမှာ ယူကေ၊ သြစတြေးလျ၊ ပြင်သစ်၊ ကနေဒါ နဲ့ ပေါ်တူဂီတို့က အခုသီတင်းပတ်အစောပိုင်းမှာ ပါလက်စတိုင်းအား နိုင်ငံတစ်နိုင်ငံအဖြစ် အသိအမှတ်ပြုကြောင်း ကြေညာခဲ့ပါတယ်။

အစ္စရေးအာဏာပိုင်တွေက သူတို့အနေနဲ့ Trump နဲ့ပူးပေါင်းပြီး ဆုံးဖြတ်မယ်လို့ ပြောဆိုထားပြီး အနောက်ဘက်ကမ်းခြေဒေသကို သိမ်းပိုက်ဖို့၊ ဂျော်ဒန်နယ်စပ်တလျှောက်ကို သိမ်းယူဖို့၊ ဒါမှမဟုတ် ဂျေရုဆလင်ရှိ ဗြိတိန်၊ ပြင်သစ်နဲ့တခြားကောင်စစ်ဝင်ရုံးတွေကို ပိတ်ပစ်ဖို့ စတဲ့ရွေးခြယ်စရာတွေ ရှိနေတယ်လို့ ဆိုပါတယ်။

Netanyahu ကလည်း သူ့အနေနဲ့အစိုးရအဖွဲ့က လက်ယာစွန်းရောက်အမတ်တွေရဲ့ အနောက်ဘက်ကမ်းဒေသကို သိမ်းယူဖို့ ဖိအားကို ပြင်းထန်စွာခံနေရပြီး အာရပ်ခေါင်းဆောင်တွေနဲ့ မွတ်ဆလင်ခေါင်းဆောင်တွေဟာ Trump နဲ့တွေ့ဆုံဆွေးနွေးခဲ့ကြပါတယ်။ ဆော်ဒီအာရေဗျ နိုင်ငံခြားရေးဝန်ကြီး Prince Faisal bin Farhan Al-Saud ကတော့ အမေရိကန်သမ္မတအနေနဲ့ လက်ရှိအခြေအနေမှာ အနောက်ဘက်ကမ်းကို သိမ်းပိုက်ပါက ဘာတွေ ထပ်ပြီးဖြစ်သွားနိုင်တယ်ဆိုတဲ့အကျိုးဆက်ကို ကောင်းကောင်းနားလည်နေကြောင်း ပြောဆိုထားပါတယ်။

Source - Al Jazeera

အက်ဖ်ဘီအိုင်အဖွဲ့ညွှန်ကြားရေးမှူးဟောင်းကိုလွှတ်တော်မှာ လိမ်လည်ထွက်ဆိုမှုနဲ့ ကန်တရားရေးဝန်ကြီးဌာနက တရားစွဲဆိုဖို့ ပြင်ဆင်...
09/26/2025

အက်ဖ်ဘီအိုင်အဖွဲ့ညွှန်ကြားရေးမှူးဟောင်းကိုလွှတ်တော်မှာ လိမ်လည်ထွက်ဆိုမှုနဲ့ ကန်တရားရေးဝန်ကြီးဌာနက တရားစွဲဆိုဖို့ ပြင်ဆင်

VOC/ 26 September 2025

အက်ဖ်ဘီအိုင်အဖွဲ့ခေါင်းဆောင်ဟောင်း James Comey ကို လွှတ်တော်မှာ မမှန်မကန်ထွက်ဆိုမှုနဲ့ တရားစွဲဖို့ အမေရိကန်တရားရေးဝန်ကြီးဌာနက အသင့်ပြင်ဆင်နေကြောင်း Fox News သတင်းဌာနက ဖော်ပြပါတယ်။

၂၀၂၀ စက်တင်ဘာ ၃၀ ရက်က Comey ရဲ့ သက်သေထွက်ဆိုချက်အပေါ်ကို မူတည်ပြီး စုံစမ်းစစ်ဆေးမှုပြုလုပ်တာဖြစ်ပါတယ်။ ၂၀၁၆ သမ္မတရွေးကောက်ပွဲမှာ ရုရှားတွေက ပါဝင်စွက်ဖက်မှုတွေ ရှိနေတယ်ဆိုတဲ့ Trump ရဲ့ စွဲချက်ကို စုံစမ်းခဲ့မှုရလဒ်နဲ့ ကိုင်တွယ်မှုတွေမှာ မမှန်ထွက်ဆိုခဲ့တာရှိတယ်လို့ အမေရိကန်သမ္မတ Donald Trump က ယူဆထားပါတယ်။ ဒါကြောင့် တရားရုံးမှာ အမှုဖွင့်စွဲချက်တာသွားမှာဖြစ်ပါတယ်။

လက်ရှိအမေရိကန် ဥပဒေအရ အဆိုပါ စွပ်စွဲချက်ကို တရားစွဲဖို့ အများဆုံး သက်တမ်း ၅ နှစ်သာ ရှိပြီး၊ အချိန်ကန့်သတ်ရက်အဖြစ် လာမယ့်အင်္ဂါနေ့မှာ ကုန်ဆုံးမှာဖြစ်ပါတယ်။ လက်ရှိအမှုကို ဗာဂျီနီးယားအရှေ့ပိုင်း အစိုးရရှေ့နေရုံးက အမှုဖွင့်ဖို့ တာဝန်ယူဆောင်ရွက်နေပါတယ်။

“Comey ကို ၂၀၂၀ စက်တင်ဘာမှာ လွှတ်တော်အရှေ့မှာ မမှန်မကန်ထွက်ဆိုမှုကြောင့် တရားစွဲတာကို တရားရေးဝန်ကြီးဌာနက အာဏာပိုင်တွေ ဆုံးဖြတ်ရမယ့်အဆင့်ကို ရောက်နေပါပြီ။ ဗာဂျီနီးယားမှာ ကြီးကြပ်ဖို့ အဖွဲ့ (grand jury) တစ်ခု လုပ်ဆောင်နေပြီး ဆုံးဖြတ်ချက်ကို မကြာမီ ထုတ်ပြန်နိုင်မယ်"လို့ ဒီကိစ္စနဲ့နီးစပ်တဲ့ သတင်းရင်းမြစ်တစ်ဦးက ပြောဆိုတယ်လို့ Fox News က ဖော်ပြပါတယ်။
Donald Trump ဟာ Comey ကို ၂၀၁၇ ခုနှစ်မှာ ရာထူးက ထုတ်ပယ်ထားပြီး CIA ညွှန်ကြားရေးမှူးဟောင်း John Brennan နဲ့ Comey တို့ဟာ နိုင်ငံရေးအကျိုးအတွက် သတင်းအချက်အလက်တွေကို ထိန်ချန်ထားပြီး မိမိရဲ့ သမ္မတအခန်းကဏ္ဍကို ထိခိုက်စေခဲ့တယ်လို့ စွပ်စွဲပြောဆိုထားပါတယ်။ Source - Fox News, Reuters

တန့်ဆည်မြို့နယ် လေကြောင်းတိုက်ခိုက်ခံရမှု အရပ်သား ၈ ဦးသေဆုံး ၁၀ ယောက်ကျော်ဒဏ်ရာရVOC/ September 26, 2025စစ်ကိုင်းတိုင်း၊ ...
09/26/2025

တန့်ဆည်မြို့နယ် လေကြောင်းတိုက်ခိုက်ခံရမှု အရပ်သား ၈ ဦးသေဆုံး ၁၀ ယောက်ကျော်ဒဏ်ရာရ

VOC/ September 26, 2025

စစ်ကိုင်းတိုင်း၊ တန့်ဆည်မြို့နယ်၊ ကံထူးမရွာကို အကြမ်းဖက်စစ်တပ်က ယနေ့ စက်တင်ဘာလ ၂၆ ရက် မနက် ၁၁ နာရီခွဲဝန်းကျင်မှာ လေကြောင်းတိုက်ခိုက်မှုပြုလုပ်ခဲ့ရာ အရပ်သား ၈ ဦး သေဆုံးပြီး ၁၂ ဦး ဒဏ်ရာ ရခဲ့တယ်လို့ တန့်ဆည်မြို့နယ် ပြည်သူ့လုံခြုံရေးအဖွဲ့ (ပလဖ) က ပြောပါတယ်။

တန့်ဆည်-ကလေးဝလမ်းပိုင်း ကံထူးမကျေးရွာက နိုဘယ်ဝမ်းစက်သုံးဆီဆိုင်နဲ့ ဇွဲထက် အအေးဆိုင်အနီး ဗုံးနှစ်လုံး ဆက်တိုက်ကြဲချလိုက်တာဖြစ်ပြီး ထိခိုက်သေဆုံးမှုများသလို အဆောက်အအုံတွေလည်း ပျက်စီးမှု များပြားခဲ့တယ်လို့ သိရပါတယ်။

သေဆုံးသူတွေဟာ အမျိုးသား ၆ ဦးနဲ့ အမျိုးသမီး ၂ ဦးဖြစ်ပြီး ဒဏ်ရာရသူ ၁၂ ဦးကျော်ရှိတယ်လို့ ဆိုပါတယ်။

မုံရွာ-တန့်ဆည်-ကလေးဝ လမ်းပိုင်းမှာရှိတဲ့ ကံထူးမကျေးရွာဟာ တန့်ဆည်မြို့အနောက်ဘက် ၁၀ မိုင်ခန့်အကွာမှာ တည်ရှိပြီး လူစည်ကားတဲ့ နေရာဖြစ်တယ်လို့ သိရပါတယ်။ Source- Myanmar Now

ချင်းလဲန်းကောင်စီအဖွဲ့ကို အကြမ်းဖက်စစ်တပ်က အမှုဖွင့်တရားစွဲမှု ရွေးကောက်ပွဲမဆန့်ကျင်ရဲအောင် ခြိမ်းခြောက်ခြင်းသာဖြစ်ဟု ဆိ...
09/26/2025

ချင်းလဲန်းကောင်စီအဖွဲ့ကို အကြမ်းဖက်စစ်တပ်က အမှုဖွင့်တရားစွဲမှု ရွေးကောက်ပွဲမဆန့်ကျင်ရဲအောင် ခြိမ်းခြောက်ခြင်းသာဖြစ်ဟု ဆို

VOC/ September 26, 2025

ချင်လဲန်းကောင်စီနဲ့ ချင်းပြည်အစိုးရအဖွဲ့ဝင်တွေကို အကြမ်းဖက်စစ်တပ်က ရွေးကောက်ပွဲ ဥပဒေဖြင့် အမှုဖွင့် တရားစွဲ ဆိုတာဟာ ချင်းအင်အားစုတွေကို ကြောက်လို့ ရွေးကောက်ပွဲကို မဆန့်ကျင်ရဲအောင် ကြိုတင်ခြိမ်းခြောက်မှု ပြုလုပ်ခြင်းသာဖြစ်တယ်လို့ ချင်းလဲန်းကောင်စီတာဝန်ရှိသူတွေကပြောပါတယ်။

အကြမ်းဖက်စစ်တပ်က ချင်းလဲန်းကောင်စီအဖွဲ့ဝင်တွေကို ရွေးကောက်ပွဲဥပဒေဖြင့် အမှုဖွင့်တာဟာ လမင်းကို ခွေး ဟောင်သလို သက်ရောက်မှုရှိမှာမဟုတ်ဘဲ ဒါဟာ ပြည်သူတွေကို ရွေးကောက်ပွဲမဆန့်ကျင်ရဲအောင် ခြိမ်းခြောက်ခြင်း သာဖြစ်တယ်လို့ ချင်းပြည် (Chinland) အစိုးရ နိုင်ငံခြားရေးဝန်ကြီး ဒေါက်တာရွှေခါရ်းကပြောဆိုပါတယ်။

“ချင်းလဲန်းကောင်စီအဖွဲ့ဝင်တွေကို ရွေးကောက်ပွဲဥပဒေနဲ့ ဟားခါးမှာ အမှုဖွင့်တာဟာ ရွေးကောက်ပွဲကို မဆန့်ကျင်ရဲအောင် လုပ်ပြတာဖြစ်တယ်။ ပြည်သူတွေကို ခြိမ်းခြောက်တာဖြစ်တယ်။ အခုလို အမှုဖွင့်လာမှုဟာ လမင်းကို ခွေးဟောင်သလိုပဲ” ဟု ဒေါက်တာ ရွှေခါရ်းက ပြောပါတယ်။

ချင်းလဲန်းကောင်စီဥက္ကဌ နဲ့ ချင်းပြည်အစိုးရ ဝန်ကြီးချုပ်အပါအဝင် အစိုးရအဖွဲ့ဝင် ၁၇ ကို ချင်းပြည်၊ ထန်တလန်မြို့ နယ် မှာ ရွေးကောက်ပွဲဆိုင်ရာ လုပ်ငန်းစဉ် တွေ ပျက်ပြားစေရန်ဟောပြော လှုံဆော်တယ်ဆိုပြီး ရွေးကောက်ပွဲနှောင့်ယှက် ဟန့် တားဖျက်ဆီးခြင်းမှ ကာကွယ်ပေးရေး ဥပဒေ နဲ့ စက်တင်ဘာလ ၄ ရက်နေ့က ဟားခါးမြို့မရဲစခန်းမှာ အကြမ်းဖက် စစ်တပ်က အမှုဖွင့်ထားတာဖြစ်ပါတယ်။

ချင်းလဲန်းကောင်စီဟာ အကြမ်းဖက်စစ်တပ်က ကျင်းပပြုလုပ်မယ့် ရွေး ကောက်ပွဲကို ဆန့်ကျင်ကန့်ကွက်ပြီး ရွေးကောက် ပွဲမှာ ပူးပေါင်းဆောင်ရွက်သူတွေကို ပြည်သူ့သစ္စဖောက်အဖြစ်သတ်မှတ်ကာ အရေးယူသွားတယ်လို့ ထုတ်ပြန်ထား ပါတယ်။

အလားတူ ချင်းညီနောင်ကလည်း အကြမ်းဖက်စစ်တပ်ရဲ့ အတုအယောင်ရွေးကောက်ပွဲ ဖြစ်မြောက်ရေး ကြိုးပမ်းဆောင်ရွက်သူတွေကို ပြတ်ပြတ်သားသား အရေးယူဆောင်ရွက်သွားမယ့်လို့ မနေ့ စက်တင်ဘာလ ၂၅ ရက်နေ့က ထုတ်ပြန်ခဲ့ ပါတယ်။ Source- Khonumthung Burmese

NUG ယာယီသမ္မတဒူဝါလရှီးလ နဲ့ KNU ဥက္ကဌတို့ တော်လှန်ရေးပူးပေါင်းဆောင်ရွက်ရေး ဆွေးနွေး VOC/ September 26, 2025အမျိုးသားညီညွ...
09/26/2025

NUG ယာယီသမ္မတဒူဝါလရှီးလ နဲ့ KNU ဥက္ကဌတို့ တော်လှန်ရေးပူးပေါင်းဆောင်ရွက်ရေး ဆွေးနွေး

VOC/ September 26, 2025

အမျိုးသားညီညွတ်ရေးအစိုးရ(NUG)ယာယီသမ္မတဒူဝါလရှီးလနဲ့ ကရင်အမျိုးသားအစည်းအရုံး(KNU)ဥက္ကဋ္ဌ ပဒိုကွယ် ထူးဝင်းတို့ တွေ့ဆုံပြီး စစ်အာဏာရှင်စနစ်အမြစ်ဖျက်တိုက်ခိုက်ရေးနဲ့ ပူးပေါင်းဆောင်ရွက်ရေးတို့ ဆွေးနွေးခဲ့ကြတယ်လို့သိရပါတယ်။

အဲဒီ တွေ့ဆုံမှုမှာ နွေဦးတော်လှန်ရေး အမြန်ဆုံး အောင်မြင်စေဖို့ တော်လှန်ရးအင်အားစုများကြား ပူးပေါင်း လက်တွဲ လုပ်ဆောင်သွားမယ့် ကဏ္ဍတွေနဲ့ ပတ်သက်ပြီး အကျယ်တဝံ့ဆွေးနွေးခဲ့တယ်လို့ အမျိုးသားညီညွတ်ရေးအစိုးရ NUG က စက်တင်ဘာလ ၂၅ ရက်နေ့က ထုတ်ပြန်ပါတယ်။

တော်လှန်ရေးအင်အားစုတွေအကြား အခုထက် ပိုစည်းလုံးညီညွတ်စွာ လက်တွဲပြီး မြန်မာနိုင်ငံ စစ်အာဏာရှင် လက် အောက်ကအပြီးတိုင် လွတ်မြောက်ရေး၊ စစ်အာဏာရှင်နဲ့ အာဏာရှင်ဟူသမျှ အမြစ်ပြတ်တိုက်ဖျက်ရေး၊ လွတ်လပ်မှု၊ ငြိမ်းချမ်းမှုနဲ့ လူထုသာယာဝပြောမှုတို့ကို ဖော်ဆောင်နိုင်ရေးအတွက် ဆက်လက်ပြီး ခိုင်မာစွာ အတူလက်တွဲ ဆောင် ရွက်သွားကြဖို့လည်း ခေါင်းဆောင်နှစ်ဦး သဘောတူခဲ့တယ်လို့ ထုတ်ပြန်ချက်မှာပါရှိပါတယ်။

ကရင်အမျိုးသားအစည်းအရုံး KNU ဟာ စစ်အာဏာသိမ်းမှုကို ပြတ်သားစွာ ဆန့်ကျင်ခဲ့ပြီး မြန်မာ့နွေဦးတော်လှန်ရေးက နေ ပေါက်ဖွားလာတဲ့ ပြည်သူ့ကာကွယ်ရေးတပ်ဖွဲ့ PDF တွေ၊ အခြားသော တိုင်းရင်းသားလက်နက်ကိုင်တပ်ဖွဲ့တွေနဲ့အတူ အကြမ်းဖက်စစ်တပ်ကို တော်လှန်တိုက်ခိုက်နေပြီး အကြမ်းဖက်စစ်တပ်ရဲ့ စခန်းပေါင်း ရာနဲ့ချီကို သိမ်းပိုက်နိုင်ခဲ့ပါတယ်။

ရှမ်းပြည်တောင်ပိုင်းမှာ တောင်ပြိုကျလို့ ကလေးငယ်တွေအပါအဝင် စစ်ရှောင် ၁၀ ဦးသေဆုံး VOC/ September 26, 2025ရှမ်းပြည်တောင်ပို...
09/26/2025

ရှမ်းပြည်တောင်ပိုင်းမှာ တောင်ပြိုကျလို့ ကလေးငယ်တွေအပါအဝင် စစ်ရှောင် ၁၀ ဦးသေဆုံး

VOC/ September 26, 2025

ရှမ်းပြည်တောင်ပိုင်း၊ ရွာငံမြို့နယ်မှာ စစ်ရှောင်စခန်းတစ်ခုအပေါ် တောင်ပြိုကျမှုဖြစ်ပွားပြီး ကလေးငယ်တွေအပါအဝင် စစ်ရှောင်ပြည်သူ ၁၀ ဦးသေဆုံးခဲ့ရတယ်လို့ ဓနုပြည်နယ် အမျိုးသားကာကွယ်ရေးတပ်တော်(DSNDA)က ဒီနေ့ ထုတ်ပြန် ပါတယ်။

အဲဒီဖြစ်စဥ်ဟာ စက်တင်ဘာ ၂၄ ရက်က ဖြစ်ပွားခဲ့ပြီး အသက် ၁ နှစ်ခွဲအရွယ်မိန်းကလေးငယ်လေးတစ်ဦး၊ အသက် ၇ နှစ် နဲ့ ၁၀ နှစ် အရွယ်ယောက်ျားလေး၂ ဦးနဲ့ သက်လတ်ပိုင်းအပြင် သက်ကြီးပိုင်း ၆၅ နှစ်အရွယ်အထိအပါအဝင် စစ်ရှောင် ၁၀ ဦး သေဆုံးခဲ့တယ်လို့ သိရပါတယ်။

သေဆုံးသူတွေဟာ ရွာငံမြို့နယ် ကျောက်တောရွာဘက်ကဖြစ်ကြပြီး အကြမ်းဖက်စစ်တပ်က သူတိုရွာဘက်ကို လက်နက် ကြီးပစ်ခတ်တာ၊ လေကြောင်းဖြင့်ဗုံးတာ၊ ခြေလျင်စစ်ကြောင်းထိုးတာတွေကြောင့် တောတောင်တွေထဲ စစ်ဘေးတိမ်း ရှောင်ကြသူဖြစ်ကြပါတယ်။

လက်ရှိမှာတော့ သေဆုံးသူ ၁၀ ဦးထဲက အသက်၂၂နှစ် အမျိုးသားတစ်ဦးရဲ့ အလောင်းတစ်လောင်းသာ ရှာဖွေတွေ့ရှိထား တယ်လို့ DSNDA ကဆိုပါတယ်။

အကြမ်းဖက်စစ်တပ်ဟာ ဩဂုတ်လဆန်းပိုင်းကစလို့ ရွာငံမြို့နယ်ကို စစ်ကြောင်းထိုးနေပြီး ပြည်သူတွေ ဖမ်းဆီး တာနဲ့ နေအိမ်တွေ မီးရှို့တာတွေကို လုပ်ဆောင်နေတယ်လို့ ဓနုပြည်နယ်အမျိုးသားကာကွယ်ရေးတပ်ကပြောပါတယ်။

ဩဂုတ်လ ၂၅ ရက်နေ့ကလည်း ကျောက်တောကျေးရွာက ပြည်သူ့နေအိမ် ၃၇ လုံးကိုမီးရှို့ဖျက်ဆီးခဲ့ပြီးနောက် စက်တင်ဘာလ ၁၄ နဲ့ ၁၅ ရက်တွေမှာ ကျောက်တောရွာက နေအိမ်၂၃ လုံး နဲ့ စပါးကျီအားလုံးကို ထပ်မံမီးရှို့ခဲ့တာ ကြောင့် လက်ရှိမှာ ပြည်သူအများအပြား စစ်ရှောင်နေရသဖြင့် ဒုက္ခ အကြီးကျယ်ခံစားနေရတယ်လို့ ဓနုပြည်နယ် အမျိုးသားကာကွယ်ရေးတပ်တော်(DSNDA)က ထုတ်ပြန်ထားပါတယ်။

အကြမ်းဖက်စစ်တပ်ကြောင့် စက်တင်ဘာလအတွင်း ပြည်သူ ၉၀ သေဆုံး VOC/ September 26, 2025အကြမ်းဖက်စစ်တပ်ရဲ့ သတ်ဖြတ်မှုကြောင့် ယခု ...
09/26/2025

အကြမ်းဖက်စစ်တပ်ကြောင့် စက်တင်ဘာလအတွင်း ပြည်သူ ၉၀ သေဆုံး

VOC/ September 26, 2025

အကြမ်းဖက်စစ်တပ်ရဲ့ သတ်ဖြတ်မှုကြောင့် ယခု စက်တင်ဘာလအတွင်းမှာ အပြစ်မဲ့ပြည်သူအယောက် ၉၀ သေဆုံးခဲ့ တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) ကထုတ်ပြန်ပါတယ်။

စက်တင်ဘာ ၁ ရက် ကနေ ၂၅ ရက်အထိ နိုင်ငံတဝန်းမှာ အကြမ်းဖက်စစ်တပ်ကြောင့် အမျိုးသမီး ၂၈ ဦး နဲ့ အမျိုးသား ၆၂ ဦး စုစုပေါင်း ၉၀ ဦးအထိ သေဆုံးခဲ့တာကို အမည်နဲ့တကွအတည်ပြုနိုင်ခဲ့တယ်လို့ဆိုပါတယ်။

အဲဒီသေဆုံးသူအရေအတွက်ထဲမှာ အသက် ၁၈ နှစ်အောက် ကလေးငယ် ၂၈ ဦးအထိ ပါဝင်တယ်လို့သိရပါတယ်။

အကြမ်းဖက်စစ်တပ်ကြောင့် သေဆုံးသူ ၉၀ ဦးထဲမှာ စစ်ကိုင်းတိုင်းက ၂၉ ဦး နဲ့ သေဆုံးမှုအများ ဆုံးဖြစ်ခဲ့သလို ရခိုင်ပြည်နယ်ကလည်း သေဆုံးသူ ၂၁ ဦး နဲ့ ဒုတိယသေဆုံးမှု အများဆုံး ဒေသဖြစ်ပါတယ်။

သေဆုံးသူ အယောက် ၉၀ ဦးထဲမှာ ၅၃ ဦး က အကြမ်းဖက်စစ်တပ်ရဲ့ လေကြောင်းတိုက်ခိုက်မှုကြောင့် သေဆုံးရတာ ဖြစ်ပြီးတော့ လက်နက်ကြီးနဲ့ပစ်ခတ်တိုက်ခိုက်မှုကြောင့် ၁၆ ဦး သေဆုံးခဲ့တယ်လို့ဆိုပါတယ်။

စစ်အာဏာသိမ်းမှုဖြစ်ပွားတဲ့ ၂၀၂၁ ခုနှစ် ဖေဖော်ဝါရီ ၁ ရက် ကနေ ၂၀၂၅ ခုနှစ် စက်တင်ဘာ ၂၅ ရက်အတွင်း အကြမ်းဖက်စစ်တပ်နဲ့ လက်ပါးစေတွေကြောင့် သေဆုံးခဲ့ရတဲ့ ဒီမိုကရေစီရေး လှုပ်ရှားသူ နဲ့ ပြည်သူ စုစုပေါင်း ၇၂၄၈ ဦးအထိ ရှိပြီဖြစ်တယ်လို့လည်း အေအေပီပီ စာရင်းတွေအရ သိရပါတယ်။

အကြမ်းဖက်စစ်တပ်အတွက် မြောက်ကိုးရီးယားကနေ လက်နက်ဝယ်ပေးနေသူတွေကို အမေရိကန် ဒဏ်ခတ်VOC/ September 26, 2025အကြမ်းဖက်စစ်တပ်အတွ...
09/26/2025

အကြမ်းဖက်စစ်တပ်အတွက် မြောက်ကိုးရီးယားကနေ လက်နက်ဝယ်ပေးနေသူတွေကို အမေရိကန် ဒဏ်ခတ်

VOC/ September 26, 2025

အကြမ်းဖက်စစ်တပ်အတွက် မြောက်ကိုးရီးယားကနေ လက်နက်ဝယ်ပေးနေတဲ့ မြန်မာနိုင်ငံသား ၃ ဦးအပါအဝင် လူပုဂ္ဂိုလ် ၄ ဦးနဲ့ Royal Shune Lei ကုမ္ပဏီတို့ကို အမေရိကန် ဘဏ္ဍာရေးဝန်ကြီးဌာနရဲ့ နိုင်ငံခြားပိုင်ဆိုင်မှုထိန်းချုပ်ရေးရုံး OFAC က ဒဏ်ခတ်ပိတ်ဆို့အရေးယူလိုက်ပါတယ်။

အကြမ်းဖက်စစ်တပ်ကို လက်နက်ရောင်းချပေးတာအပါအဝင် မြောက်ကိုးရီးယားအစိုးရရဲ့ အစုလိုက်အပြုံလိုက်ဖျက်ဆီးနိုင်တဲ့ လက်နက်တွေ WMD နဲ့ ပဲ့ထိန်းဒုံးကျည်အစီအစဉ်တွေအတွက် တရားမဝင် ဝင်ငွေရှာဖွေပေးရေးမှာ ပါဝင်တာကြောင့် ဒဏ်ခတ်ပိတ်ဆို့ရေးယူလိုက်တာလို့ စက်တင်ဘာ ၂၅ ရက် အမေရိကန် ဘဏ္ဍာရေးဝန်ကြီးဌာနရဲ့ ထုတ်ပြန်ချက်က ဆိုပါတယ်။

လူပုဂ္ဂိုလ်အနေနဲ့ မြန်မာလက်နက်ဝယ်ယူရေးကုမ္ပဏီတစ်ခုဖြစ်တဲ့ Royal Shune Lei ကုမ္ပဏီရဲ့ CEO ဦးတင်မျိုးအောင်၊ ဒါရိုက်တာ ဦးအောင်ကိုကိုဦး၊ ဝန်ထမ်း ဦးကျော်သူမျိုးမြင့်တို့ အရေးယူခံရတာ ဖြစ်ပါတယ်။

အမေရိကန်က ဒဏ်ခတ်ပိတ်ဆို့အရေးယူတဲ့ စာရင်းမှာ မြန်မာနိုင်ငံသားတွေအပြင် သူတို့နဲ့ တွဲဖက်လုပ်ကိုင်တဲ့ ကိုရီးယားသတ္တုတွင်း ဖွံ့ဖြိုးတိုးတက်ရေး ကုန်သွယ်မှုကော်ပိုရေးရှင်း KOMID ရဲ့ ဘေဂျင်းမြို့က ဒုတိယကိုယ်စားလှယ် ကင်ယုံဂျူလည်း ပါဝင်ပါတယ်။

KOMID ဟာ မြောက်ကိုးရီးယားရဲ့ အဓိကလက်နက်ကုန်သည်ဖြစ်ပြီး Royal Shune Lei နဲ့ ၂၀၂၂ ခုနှစ်မှာ မြန်မာစစ်တပ် အတွက်လက်နက်ရောင်းဝယ်ရေး စတင်ချိတ်ဆက်လုပ်ကိုင်ခဲ့တာဖြစ်တယ်လို့ အမေရိကန်ကဆိုပါတယ်။

ဒီလုပ်ငန်းနှစ်ခုဟာ မြန်မာလေတပ်အတွက် ဗုံးတွေနဲ့ airborne monitoring ကိရိယာတွေအပြင် လေကြောင်းဗုံး guidance kit နှစ်စုံရောင်းချပေးဖို့ ပူးပေါင်းလုပ်ဆောင်ခဲ့တယ်လို့လည်း ထုတ်ပြန်ချက်မှာ ဖော်ပြပါတယ်။

အခုအမေရိကန်ရဲ့ အရေးယူမှုဟာ မြောက်ကိုးရီးယားအစိုးရရဲ့ ငွေကြေးစီးဆင်းရာလမ်းကြောင်းကို ဖြတ်တောက်နိုင် မှာဖြစ်သလို မြန်မာကို လက်နက်ရောင်းချနေမှုတွေကိုလည်း ဟန့်တားနိုင်မယ်လို့ ဆိုပါတယ်။

Royal Shune Lei ကုမ္ပဏီကို ၂၀၂၄ အောက်တိုဘာမှာ ကနေဒါနဲ့ ယူကေအစိုးရက ဒဏ်ခတ်အရေးယူခဲ့သလို ၂၀၂၃ ဒီဇင်ဘာမှာ ဥရောပသမဂ္ဂက အရေးယူခဲ့ပါတယ်။

Source- BBC Burmese

ကျောက်မဲမြို့နယ်မှာ အကြမ်းဖက်စစ်တပ်က အသက်မပြည့် မိန်းကလေးငယ်ကိုအဓမ္မပြုကျင့်သတ်ဖြတ်ပြီး မိခင် နဲ့ မောင်ဖြစ်သူအပါဝင် သံဃာ...
09/26/2025

ကျောက်မဲမြို့နယ်မှာ အကြမ်းဖက်စစ်တပ်က အသက်မပြည့် မိန်းကလေးငယ်ကိုအဓမ္မပြုကျင့်သတ်ဖြတ်ပြီး မိခင် နဲ့ မောင်ဖြစ်သူအပါဝင် သံဃာတစ်ပါးကိုပါ သတ်ဖြတ်သွား

VOC/ September 26, 2025

ရှမ်းပြည်မြောက်ပိုင်း ကျောက်မဲမြို့နယ် နားအိုက်ခန့်ကျေးရွာမှာ စက်တင်ဘာ လ ၂၄ ရက်နေ့ နေ့ခင်းပိုင်းက အကြမ်းဖက် စစ်တပ်က အသက်မပြည့်သေးတဲ့ မိန်းကလေးငယ်တစ်ဦးကို အဓမ္မပြုကျင့်သတ်ဖြတ်ခဲ့ပြီး မိခင် နဲ့ မောင်ဖြစ်သူအပါဝင် သံဃာတစ်ပါးကိုပါ သတ်ဖြတ်သွား ရှမ်းကျောင်းသားသမဂ္ဂက ထုတ်ပြန်ပါတယ်။

အကြမ်းဖက်စစ်တပ် စစ်ကြောင်းဟာ ရွာလုံးကျွတ်နီးပါးစစ်ရှောင်သွားပြီးဖြစ်သော နားအိုက်ခန့်ကျေးရွာကို မနေ့နေ့လည် ပိုင်းက ရောက်လာပြီး ကျေးရွာထဲမှာ ကျန်းမာရေးမကောင်းသော ဆရာတော်ကို ပြုစုဖို့ ကျန်ရစ်ခဲ့သူ သံဃာတော်တစ်ပါး ကို ပစ်သတ်ခဲ့တယ်လို့ ဆိုပါတယ်။

အဲဒီနောက် အနီးနား လယ်တောထဲက တဲတွေမှာ စစ်ဘေးတိမ်းရှောင်နေကြတဲ့ မိသားစု ၃ ဦး မိခင် နဲ့ သားငယ်ကိုလည်း နေရာမှာတင်ပစ်သတ်ခဲ့ပြီး အသက်မပြည့်သေးတဲ့ သမီးဖြစ်သူ မိန်းကလေးငယ်ကိုလည်း အဓမ္မပြုကျင့်ကာ သတ်ဖြတ်ခဲ့ ကြတယ်လို့ ရှမ်းကျောင်းသားသမဂ္ဂက ထုတ်ပြန်ပါတယ်။

အဆိုပါ မိသားစုသုံးဦးနေထိုင်တဲ့ လယ်တဲထဲမှာလည်း အကြမ်းဖက်စစ်သားတွေရဲ့ ယူနီဖောင်းတချို့ကျန်ရစ်ခဲ့တာကို လည်း တွေ့ရှိရတယ်လို့ ဆိုပါတယ်။

ယခုလို အပြစ်မဲ့ပြည်သူတွေအပေါ် စစ်ရာဇဝတ်မှုကျူးလွန်နေတဲ့ အကြမ်းဖက်စစ်တပ်ကို အရေးယူပေးရန် ကမ္ဘာ့နိုင်ငံ အသီးသီးနဲ့ နိုင်ငံတကာ အဖွဲ့အစည်းတွေကို ရှမ်းကျောင်းသားသမဂ္ဂက တောင်းဆိုထားပါတယ်။

ချင်းပြည်(Chinland) အစိုးရ ကာကွယ်ရေးဝန်ကြီးဌာနရုံးမှာ လစ်လပ်လျှက်ရှိသော ဦးစီးအရာရှိ (၁)နေရာ၊ ဒုတိယဦးစီးမှူး(၄)နေရာတို့အတ...
09/26/2025

ချင်းပြည်(Chinland) အစိုးရ ကာကွယ်ရေးဝန်ကြီးဌာနရုံးမှာ လစ်လပ်လျှက်ရှိသော ဦးစီးအရာရှိ (၁)နေရာ၊ ဒုတိယဦးစီးမှူး(၄)နေရာတို့အတွက် ဝန်ထမ်းခေါ်ယူနေတယ်လို့သိရပါတယ်။

Address

1802 Vernon Street NW
Washington D.C., DC
20009

Telephone

+12029108482

Website

Alerts

Be the first to know and let us send you an email when VOC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to VOC:

Shortcuts

Share

Category