Amerika Ovozi

03/18/2025

Virjiniyada AQSh dengiz piyoda kuchlari milliy muzeyi joylashgan. Muzeyning yangi ko’rgazmasi Afg’oniston va Iroqdagi urushlarda qatnashgan askarlar haqida hikoya qiladi.

03/15/2025

Bosh kotibiyatining o'zida 9000 ga yaqin odam ishlaydi. Fondlar, agentlik va dasturlarnig har birida minglab xodimlar bor. BMT umumiy byudjeti joriy yil uchun qariyb 6 milliard dollar.

03/15/2025

Floridada har yili lamantinlarning kamida 20 foizi kemalar bilan to‘qnashuv natijasida nobud bo‘ladi. Lekin bu dengizning mayin gigantlarini tahdid ostiga qo‘yayotgan yagona xavf emas.

03/15/2025

Donald Trampning Xitoy bilan savdo borasidagi tortishuvi Kanada va Meksikaga ham tarqaldi. Bu AQShning raqiblar va ittifoqchilar bilan birinchi savdo urushi emas. Tarixga nazar tashlaymiz.

Ittifoqchi va raqib davlatlarning mahsulotlaridan qo’shimcha boj undirish ilgari ham kuzatilgan, biroq hozirgi tariflar nafaqat savdo masalalariga, balki undan tashqari omillarga ham bog‘liq.

03/15/2025

Senatda kelasi olti oy uchun byudjet ma'qullanishi hukumatni yopilishdan saqlab qoldi. Bu bilan AQSh joriy moliyaviy yilning oxirigacha, ya'ni oktabrgacha bu masalani hal qildi.

Senatda kelasi olti oy uchun byudjet ma'qullanishi hukumatni yopilishdan saqlab qoldi. Bu bilan AQSh joriy moliyaviy yilning oxirigacha bu masalani hal qildi.

03/14/2025

Eronning "Jayron" nomli yuk kemasi 10-mart kuni Xitoydan yo'lga chiqqani ma'lum qilingan.

"Financial Times", "The Wall Street Journal" va "CNN" yanvar oyida Eronning ikki kemasi Xitoydan 1000 tonna natriy perxlorat importi uchun shay ekani haqida ma'lum qilgan edi.

Anonim manbalar izohiga ko'ra, yetkazilgan yuk o'rta masofali 260 ta raketa uchun qattiq yoqilg'ida muhim bo'lgan ammoniy perxlorat hosil qilishga ishlatiladi.

Yuqorida qayd etilgan manbalarga ko'ra, noma'lum yuk ortilgan Eronning "Golbon" nomli kemasi Xitoy sharqidan Eronning Bandar Abbos portiga 13 fevral kuni yetib borgan edi.

03/14/2025

Kanadada uchrashgan "Katta Yettilik" diplomatlari Rossiya sulhga ko'nmagan taqdirda, uni qo'shimcha sanksiyalar, neft narxiga cheklovlar kutayotgani haqida ogohlantirdi.

Britaniya vaziriga ko'ra, Ukrainani “xavfsizlik arxitekturasi” bilan ta’minlash va sulhni monitoring qilish uchun yordamga tayyor davlatlar koalitsiyasi shakllanmoqda.

03/14/2025

🇺🇸🌍🇨🇳 AQSh 14-mart sanasidan uyg'urlar hamda boshqa etnik va diniy ozchilik qatlami vakillarini majburan Xitoyga qaytarishga aloqador xorijiy mamlakatlarning sobiq va amaldagi rasmiylariga viza cheklovlarini joriy qilmoqda. Bu haqda AQSh davlat kotibi Marko Rubio bayonot berdi.

Chora, xususan, 27-fevral kuni 40 nafar qochqin uyg'urni Xitoyga deport qilgan Tailand rasmiylariga ham qo'llanilmoqda.

"Xitoy amalga oshirib kelayotgan genotsid va insoniyatga qarshi jinoyatni inobatga olib, dunyoning barcha hukumatlarini uyg'urlar va boshqa guruhlarni majburan Xitoyga qaytarmaslikka chaqiramiz", deyiladi bayonotda.

03/14/2025

AQSh Xitoyni milliy xavfsizligiga eng katta tahdid deb bilarkan, harbiy qudratini oshirishi kerakligiga urg’u bermoqda. Xitoy ham ortda qolgani yo’q. AQShda harbiy kemalar kamayayotgan bir paytda Xitoy kemalari sonini oshirmoqda.

03/14/2025

BMT Inson huquqlari komissari Volker Turk 19-20 mart kunlari Qirg'izistonga safar qiladi. Prezident Sadir Japarov bilan muloqot qilishi rejalangan, shuningdek, Vazirlar mahkamasi va Tashqi ishlar vazirligida uchrashuvlar kutilmoqda.

Turk inson huquqlari himoyachilari va fuqaro jamiyati faollari bilan ham ko'rishadi. Shuningdek, turli elchixonalarda va BMT vakolatxonasida ham bo'ladi. 20-mart kuni, tashrif yakunida, Turk media bilan anjuman o'tkazadi.

03/14/2025

Qo’shma Shtatlar Tojikiston va Qirg’izistonni o’z chegaralarini to’liq belgilash va demarkatsiya qilish bo’yicha kelishuvga erishgani bilan tabrikladi.

“Chegara bo’yicha kelishmovchiliklarni hal qilish hukumat o’z zimmasiga oladigan eng qiyin diplomatik vazifalardan biridir. AQSh ushbu muhim kelishuv jo’shqin savdo va xalqlararo aloqalar rivojlanishiga, ikki mamlakat va butun mintaqada farovonlik va tinchlik uchun eshiklarni ochishiga umid qiladi”, deyiladi Davlat departamenti bayonotida.

Tojikiston va Qirg’iziston prezidentlari imzolagan kelishuv natijasida 2021-yilda yopilgan “Qizil-Bel” va “Qayrag’och” nazorat-o’tkazish punktlari qayta ishga tushdi. Dushanbe-Bishkek, Bishkek-Xo’jand yo’nalishlarida aviaqatnovlar, shuningdek, chegaradosh hududlar orasida avtobus qatnovi yo’lga qo’yiladi.

Prezident Emomali Rahmonga ko’ra, yaqin kunlarda Tojikiston, Qirg‘iziston va O‘zbekiston davlat chegaralarining tutash nuqtasi bo‘yicha ham kelishuv imzolanishi rejalangan.

📷 president.kg

03/14/2025

O`zbekiston va Fransiya o`rtasida strategik sheriklikka doir deklaratsiya imzolanishi “tarixiy qaror”, strategik burilish sifatida taqdim qilinmoqda.