08/29/2026
"ነሀሴ 24" እንኳን ለጻድቁ አባታችን አቡነ ተክለሃይማኖት በዓል አደረሰን፤ አደረሳችሁ!🙏 🙏 🙏
የጻድቁ አቡነ ተክለሃይማኖት አጭር ታሪክና ገድል
ትርጉምና ሹመት
ስመ-ትርጉም «ተክለሃይማኖት» ማለት የሃይማኖት ተክል (የአብ፣ የወልድ፣ የመንፈስ ቅዱስ ተክል) ማለት ነው።
ሐዋርያዊ ሹመት፦ እግዚአብሔር ለኢትዮጵያ አዲስ ሐዋርያ አድርጎ የመረጣቸው ጻድቅ አባት ናቸው።
ልደትና ተአምራት
ወላጆችና ፅንስ ከካህኑ ጸጋ ዘአብና ከቅድስት እግዚእ ኃርያ በቅዱስ ሚካኤል አብሳሪነት መጋቢት 24 ተፀንሰው፣ ታህሳስ 24 ቀን 1197 ዓ.ም ተወለዱ።
የህፃንነታቸው ተአምር፦ በተወለዱ በ3ኛው ቀን ከእናታቸው እቅፍ ወርደው «አሐዱ አብ ቅዱስ፣ አሐዱ ወልድ ቅዱስ፣ አሐዱ ውእቱ መንፈስ ቅዱስ» በማለት ፈጣሪያቸውን አመስግነዋል።
ተጋድሎና ዕረፍት
የጸሎት ተጋድሎ በደብረ አሰቦ (ደብረ ሊባኖስ) ዋሻ ውስጥ ያለ ምንም ድጋፍ ለ22 ዓመታት በመቆማቸው እግራቸው ተሰብሯል። በመቀጠልም ለ7 ዓመታት በአንድ እግራቸው ቆመው በጠቅላላው ለ29 ዓመታት በጸሎት ተግተዋል።
የተሰጣቸው ክብር፦ ስለ ተጋድሏቸው ከእግዚአብሔር ስድስት ክንፍ ተሰጥቷቸዋል።
ዕረፍት በተወለዱ በ99 ዓመታቸው ነሐሴ 24 ቀን አርፈዋል።
የክብራቸው መታሰቢያ በዓላት
ቤተክርስቲያናችን የጻድቁን በዓላት በየዓመቱ በታላቅ ድምቀት ታከብራለች
ታህሳስ 24፦ የበዓለ ልደታቸው መታሰቢያ
ጥር 24፦ የስብረ አጽማቸው መታሰቢያ
ነሐሴ 24፦ የበዓለ ዕረፍታቸው መታሰቢያ
እንኳን አደረሳችሁ! የአባታችን የጻድቁ አቡነ ተክለሃይማኖት ጸሎትና በረከት ከሁላችን ጋር ይሁን፤ አሜን።🙏 🙏 🙏
