03/12/2026
✓ ဆန့်ကျင်ဘက်တရားများမှ လွတ်မြောက်ရာ ✓
သူကလေးဘဝအရွယ်တုန်းက လူကြီးတွေပြောတဲ့ပုံပြင်များကို နားထောင်ခဲ့ပါတယ်။
ပုံပြင်တချို့က ဝမ်းသာကြည်နူးဖွယ်ကောင်းပါတယ်။ တချို့က ကြောက်လန့်ဖွယ်ရာ ကောင်း
ပါတယ်။ သူကြောက်တဲ့အခါ မိခင်ရင်ခွင်ထဲကို တိုးဝှေ့အိပ်မိပါတယ်။ သူပျော်ချင်လို့
သူငယ်ချင်းများနဲ့ ကစားလေ့ရှိပါတယ်။တစ်ခါတလေလည်း ဟေးလားဝါးလားနဲ့ ပျော်စရာ
ကောင်းပါတယ်။ တစ်ခါတစ် လေလည်း ရန်ဖြစ်ကြပြီး ငိုယိုကြရပါတယ်။ ချောကလက်
ချိုချဉ်များကို သူမက်မောမိပါတယ်။ အလွန်ပဲစားကောင်းပါတယ်။ ဒါပေမဲ့ တစ်ခါက သူ
အစားလွန်သွားလို့ နေမကောင်းဖြစ်ရပါတယ်။ ဒီလို သူဝမ်းသာပျော်ရွှင်ဖို့ ကြံရွယ်လုပ်ဆောင်တိုင်း
ကြောက်ရွံ့ရ၊ ရန်ဖြစ်ရ၊ မကျေမနပ်ဖြစ်ရ၊ ငိုရတာကို သူနားမလည်ခဲ့ပါ။
ကျောင်းသားအရွယ် ရောက်တဲ့အခါ စာတော်ဖို့ ကြိုးစားရမယ်လို့ ဆိုဆုံးမကြပါတယ်။
သူလည်း နားလည်ထားပါတယ်။ ဒါပေမဲ့ သူစာကျက်ရမှာ ပျင်းပါတယ်။ စာကျက်မယ်လုပ်တိုင်း အိပ်ချင် ငိုက်မျဉ်းတော့တာပါပဲ။ ကောင်းတာလုပ်ရမှာကို ဘာကြောင့် ပျင်းရိ ဝန်လေးမိပါသလဲ ဆိုတာ သူ နားမလည်နိုင်အောင် ရှိပါတယ်။
လူပျို လူရွယ်အလိုက် သူချစ်စိတ်တွေ ပေါ်လာပါတယ်။ ချစ်သူရပြီး သူလေးနဲ့ တွေ့ရရင်
ဝမ်းသာကြည်နူးဖွယ်ကောင်းမယ်လို့ သူထင်ခဲ့မိပါတယ်။ ဒါပေမဲ့ ချစ်သူရတဲ့အခါ သူထင်
သလောက် ပျော်ရွှင်ကြည်နူးခွင့် မရခဲ့ပါဘူး။ မက်မောမှုနဲ့ စိတ်လှုပ်ရှားရတာ များပါတယ်။
တစ်ခါတလေလည်း တစ်ဦးအပေါ်တစ်ဦး မကျေနပ်တာတွေ၊ မနာလိုတာတွေကို ခံစားရပါတယ်။
ဒါကိုပဲ အချစ်လို့ ဆိုကြမလားမသိပါ။
ချစ်သူတွေဘဝကနေ အိမ်ထောင်သားမွေးဘဝကို မျှော်လင့်ချက်ကြီးစွာနဲ့. ပြောင်းလဲ
ရောက်ရှိ လာကြပါတယ်။ ချစ်သူနှစ်ဦးလက်တွဲပြီး သာယာတဲ့ဘဝကို တည်ဆောက်နိုင်မယ်လို့
စိတ်ကူးယဉ် ခဲ့မိပါတယ်။ ဒါပေမဲ့ သားသမီးရေး၊ ဆွေမျိုးရေး၊ လူမှုရေးတို့ ရောယှက်လာတော့
သူထင်သလို မဖြစ်ခဲ့ပါ။ စီးပွားရေးအတွက် မကြာခဏ စိတ်ဆင်းရဲရပါတယ်။ သားသမီးများရဲ့
ကျန်းမာရေးနဲ့ ပညာရေးအတွက်လည်း ပူပင်ရပါတယ်။ မျှော်မှန်းတာကတစ်မျိုး တကယ့်
အဖြစ်ကတစ်မျိုး ဖြစ်နေတာကို တွေ့ရပါတယ်။
မိမိဘဝ ကုံလုံပြည့်စုံ ကုံလုံပြည့်စုံ သာယာချမ်းသာရေးအတွက် ပစ္စည်းဥစ္စာပြည့်စုံအောင်
သူကြိုးစားစုဆောင်း ခဲ့ပါတယ်။ သူ့မှာ တိုက်အိမ်တွေ၊ မော်တော်ယာဉ်တွေ၊ အခြံအရံတွေနဲ့
ပြည့်စုံလာပြီး ဖြစ်ပါတယ်။ ဒါပေမဲ့ သူထင်သလောက် သာယာစိတ်ချမ်းသာမှု မရရှိခဲ့ပါ။
လက်ရှိဥစ္စာများ လုံခြုံအောင် ထိန်းသိမ်းရတဲ့ဒုက္ခနဲ့ ပစ္စည်းဆုံးရှုံးသွားမှာကို စိုးရိမ်မှုက ပိုလာပါတယ်။
သူ လူကြီးလူကောင်း တစ်ဦးဖြစ်အောင် ကျင့်ကြံနေထိုင်ပါတယ်။ ဂုဏ်သိက္ခာရှိရှိ ပြောဆိုနေထိုင်ပါတယ်။ ကောင်းတာကို ပြောဆိုနေထိုင် လုပ်ကိုင်နေတာ ဝမ်းသာဂုဏ် ယူဖွယ် ဖြစ်ပါတယ်။ ဒါပေမဲ့ တစ်ခါတစ်ရံ သူဝမ်းမသာနိုင်ပါ။ စောင့်ထိန်းနေရတာ ပင်ပန်းပါတယ်။ စိတ်လွတ်ကိုယ်လွတ် ထင်ရာလုပ်လိုတဲ့ စိတ်ရိုင်းတွေပေါ်လာတတ်ပါတယ်။ ဘာကြောင့် ဒီလိုကောင်းတဲ့စိတ်၊ မကောင်းတဲ့စိတ်တွေ ပေါ်နေရပါသလဲ။ ဒီဆန့်ကျင်ဘက် တရားနှစ်ခု
ကြားမှာ သူ အလူးအလှိမ့်ခံနေရပါတယ်။
လူတွေဟာ ငယ်စဉ်ကတည်းက သာယာပျော်ရွှင်လိုကြတယ်။ စိတ်ချမ်းသာ လိုကြတယ်။
ဒါပေမဲ့ ဒီလိုဖြစ်အောင် နည်းလမ်းများကို လိုက်နာကျင့်သုံးလိုတဲ့ စိတ်ဆန္ဒရှိခဲကြပါတယ်။
ဒီနည်းလမ်းများက ဆန့်ကျင်ပြီး လုပ်ကိုင်နေထိုင်ကြလေ့ရှိပါတယ်။ ဒါကြောင့်လည်း ပျော်ရွှင်
စိတ်ချမ်းသာလိုတဲ့ ရည်းမှန်းချက်အတိုင်းမဖြစ်ဘဲ ဆင်းရဲဒုက္ခရောက်ကြပါတယ်။
ကောင်းတာတွေ ကခက်လို့လား၊ မကောင်းတာတွေက လွယ်လို့လား။ လူတွေက လိုလားတဲ့
ဒါဖြစ်ရင် ကောင်းတာတွေကို လူတွေက တကယ်မကြိုက် မနှစ်သက်လို့လား၊ သာယာမှုကို ပေးနိုင် လို့လား၊ သူတွေးလေတိုင်း ဒီဆန့်ကျင်ဘက်တရားများအလယ်မှာ ဝေ့လည်လည်ဖြစ်နေပါတယ်။ အဖြေရှာမရ ဖြစ်နေပါတယ်။
အချစ်ရှိတော့ အမုန်းရှိတယ်။ ချမ်းသာမှုရှိတော့ ဆင်းရဲမှုရှိတယ်။ ပျော်ရွှင်မှုရှိတော့
ဝမ်းနည်းမှု ရှိတယ်။ ခင်မင်မှုရှိတော့ စိမ်းကားမှုရှိတယ်။ အဆင်းရှိတော့ အတက်ရှိတယ်
အမှောင်ရှိတော့ အလင်းရှိတယ်။ နေ့ရှိတော့ ညရှိတယ်။ အဖြစ်ရှိတော့ အပျက်ရှိတယ်။
ဒီဆန့်ကျင်ဘက်တရားတွေ ဟာ ဒွန်တွဲနေတာပါပဲ။ ဒါကြောင့် သူချစ်ရမှာကို ကြောက်လာတယ်။
ချစ်မိကြရင် တစ်နေ့ အပြစ်မြင် ငြီးငွေ့ကြပြီး အချစ်ပြယ်မှာကို သူ စိုးရိမ်နေမိပါတယ်။
သူစိတ်ချမ်းသာရမှာကို သူစိုးရွံ့ မိပါတယ်။ စိတ်ချမ်းသာပြီးနောက် စိတ်ဆင်းရဲရတာမျိုးကို
ကြုံတွေ့တတ်တာ သူသိနေပါတယ်။ ပြောင်းပြန်တွေးပြီး အမုန်းရှိရင်အချစ်ရှိမယ်။ စိတ်ဆင်းရဲမှု
ရှိရင် စိတ်ချမ်းသာမှုရှိလာလိမ့်မယ်လို့တွေးပြီး စိတ်ကိုဖြေရပါတယ်။ ဘဝဆိုတာ ဒီလို
ဆန့်ကျင်ဘက်တရားများနဲ့ တည်ဆောက်ထားသလိုပါပဲ။ ဒါတွေတွေးပြီး ဘဝကို ငြီးငွေ့ရမှာ
လား။ စိတ်ပျက် အားငယ်ရမှာလား၊ ဒီလိုဆိုရင်လည်းရခဲတဲ့ လူ့ဘဝဟာ အချည်းနှီး
ဖြစ်သွားမှာပေါ့။
သူ ဒီဆန့်ကျင်ဘက် တရားများမှ ဘယ်လိုအလွတ် ရုန်းရမယ်ဆိုတာ အမျိုးမျိုး စဉ်းစား
တွေးခေါ် မိပါတယ်။ ဆန့်ကျင်ဘက်တရားများရဲ့ အကြောင်းများကို ရှာကြံကြည့်မိပါတယ်။
ရုပ်ဝတ္ထုပစ္စည်းများနဲ့ သဘောတရားများပေါ်မှာ တပ်မက်စွဲလမ်းတာကြောင့် ဖြစ်ပေါ်လာကြ
တာလို့ သဘောပေါက်လာပါတယ်။ ဒီဆန့်ကျင်ဘက်တရားများရဲ့ သဘောသဘာဝကို သိနားလည်ဖို့လိုပါတယ်။ ၄င်းတို့ဟာ မိမိတို့မှတ်ယူထားတဲ့ သညာများကြောင့် ဖြစ်ပေါ်လာပါတယ်။
၄င်းတို့အပေါ် ကပ်ငြိစွဲလမ်းပြီး မှားယွင်းစွာ နှလုံးသွင်းခြင်းကြောင့် ဖြစ်တယ်။ ၄င်းတို့ဟာ
ဖြစ်တတ်၊ ချုပ်တတ်တယ်။ သာယာ ဖွယ်ရှိပြီးနောက် ငြီးငွေ့ဖွယ် ဖြစ်လာတတ်တယ်။
ဒီတရားတွေက လွတ်မြောက်ဖို့နည်းလမ်းရှိပါတယ်။ မြတ်စွာဘုရားက လမ်းညွှန်ထားပြီး
ဖြစ်ပါတယ်။ ဒီတရားများရဲ့ ဖြစ်တတ်၊ ချုပ်တတ်၊ သာယာဖွယ်၊ ငြီးငွေ့ဖွယ်တို့ကို
စွန့်ခွာလာပါလိမ့်မယ်။ ၄င်းတိုကို လျစ်လျူရှု နိုင်ပါလိမ့်မယ်။ မိမိရဲ့စိတ်ဟာ စွဲလမ်းခြင်း
ဟုတ်တိုင်းမှန်စွာ သိရပါမယ်။ အဲဒီအခါ ဆန့်ကျင်ဘက်တရားအားလုံးကို မစွဲလမ်းဘဲ
အားလုံးမှ လွတ်မြောက်လာပါလိမ့်မယ်။
ကင်းကွာသွားရင် ဒုက္ခ ကျေပျက်သွားပါလိမ့်မယ်။ အဲဒီအခါ စိတ်ရဲ့လွတ်မြောက်မှု ရရှိပြီး
အမှန်တော့ ဒီဆန့်ကျင်ဘက်တရားတွေဟာ ဒုက္ခအကြောင်းတွေပါ။ ဒီဒုက္ခအကြောင်းတရားနဲ့
ကိုယ်တွေ့အားဖြင့် အေးငြိမ်းမှုကို ခံစားနိုင်ပါလိမ့်မယ်လို့ သူသဘောပေါက်ထားပါတယ်။
အချုပ်ဆိုရရင် ဆန့်ကျင်ဘက်တရားများကို လျစ်လျူရှုစွန့်ပယ်ဖို့ ဖြစ်ပါတယ်။
အဲဒီလို ဆန့်ကျင်ဘက်တရားများမှ လွတ်မြောက်ရာကို သူ့ အသိဉာဏ် ဝီရိယနဲ့ ကြိုးစား
အားထုတ်ပြီး အရောက်သွားဖို့ ဆုံးဖြတ်လိုက်ပါတယ်။
