Uyghur Agéntliqi

07/26/2025

ئامېرىكا فېدراتسيە تەكشۈرۈش ئىدارسى ئامېرىكا ھۆكۈمەت ئورۇنلىرىدىكى چېرىكلىك ھەققىدە بايانات ئىلان قىلدى:

فېدراتسيە تەكشۈرۈش ئىدارسى مۇئاۋىن باشلىقى دان باندىنو بۈگۈن ئىلان قىلغان مەزكۇر بايانات كۈچلۈك تەسر قوزغىغان بولۇپ، تۆۋەندىكىسى تەرجىمىسى:

مەن بۇ يەردە FBI نىڭ مۇئاۋىن دىرېكتورى بولۇپ ئىشلىگەن مەزگىلىمدە، سىلەرگە قايتا-قايتا ئېيتىپ كەلدىمكى، ھۆكۈمەت ئورۇنلىرىدا قارىماققا مۇمكىن بولمايدىغان ئىشلار يۈز بېرىۋاتىدۇ، لېكىن ئۇلار ھەقىقەتەن يۈز بېرىۋاتىدۇ.

دىرېكتور ۋە مەن ھۆكۈمەت ئورۇنلىرىدىكى چېرىكلىك ۋە قانۇن ئىجرا قىلىش ھەمدە ئېستخبارات ھەرىكەتلىرىنى سىياسىي قورال قىلىپ ئىشلىتىشنى يوقىتىشقا بەل باغلىدۇق.

بۇ بىزنىڭ مۇھىم ۋەزىپىمىز. لېكىن يۇقىرىدا تىلغا ئېلىنغان مەسىلىلەرگە مۇناسىۋەتلىك پاكىتقا ئاساسلانغان ۋە زۆرۈر تەكشۈرۈشلىرىمىز جەريانىدا ئۆگەنگەنلىرىم ناھايتى قورقۇنچلۇق بولۇپ، يۈرىكىمنىڭ چوڭقۇر قاتلىمىغىچە ھەيران قالدۇردى. بىز بۇ جۇمھۇرىيەتنى بۇنداق باشقۇرالمايمىز. مەن يېقىندا بىلگەنلىرىمنى ئويلىسام، بۇنىڭدىن كېيىن ھەرگىز بۇرۇنقى ئۆزەمدەك بولالمايمەن.

بىز بۇ ئادىل ۋە توغرا تەكشۈرۈشلەرنى قائىدە بويىچە ۋە قانۇنغا ئۇيغۇن ھالدا ئېلىپ بارىمىز. بىز مۇۋاپىق جاۋابلارنى تاپىمىز. ھەرقانداق تەكشۈرۈشتە يۈز بىرىدىغاندەك، مەن تەكشۈرىشمىزنىڭ قەيەرگە بېرىپ توختىتىشنى ئالدىن ئېيتالمايمەن، لېكىن سىزگە ھەقىقەتنى ئىزدەشتە سەمىمىي ۋە شەرەپلىك تىرىشچانلىق كۆرسىتىشكە ۋەدە بېرەلەيمەن. “مېنىڭ ھەقىقىتىم” ياكى “سىزنىڭ ھەقىقىتىڭىز” ئەمەس، بەلكى ھەقىقەتنىڭ ئۆزى.

ئامېرىكىغا ۋە ئۇنى قوغدايدىغان بارلىق كىشىلەرگە تەڭرى بەخت ئاتا قىلسۇن.
ھۆرمەت بىلەن،
دان

07/25/2025

خىتاي ئۇيغۇرنىڭ ئۆلۈكىدىنمۇ قورقىدۇ

ئابدۇۋەلى ئايۇپ

بىر ئۇيغۇر لاگىر شاھىتى ماينىڭ 30-كۈنى بوسنىيەنىڭ سارايىۋۇ شەھرىدە ھاياتقا كۆز يۇمدى. 55 كۈن بولدى، خىتاي ھۆكۈمىتىنىڭ بوسنىيەدىكى قۇيرۇقى بولغان خىتاي ئەلچىخاناسى مىيىتنى دەپىن قىلىشقا قوشۇلماي كېلىۋاتىدۇ. خىتاي لاگىر شاھىتى ئەخمەتجاننىڭ ئۆلۈمى سەۋەپلىك ئاخبارات ھۇجۇمىغا دۇچ كېلىشتىن، ئۇنىڭ شاھىتلىقى ئاشكارىلانسا جىنايەتلىرىنىڭ پاش بولۇپ قېلىشىدىن قورقۇۋاتىدۇ.
ئەگەر بىز خىتايغا بېسىم ئىشلەتسەك مىيىتنى ئالالايمىز، شۇڭا ھەرىكەتكە ئۆتەيلى،
+387 33 215 102
مانا بۇ سارايېۋودىكى خىتاي ئەلچخانا نومۇرى
E-mail: [email protected]
مانا بۇ ئېلخەت ئادرېسى
خىتاي ئەلچىخاناسىغا ئېلخەت يېزىپ، تېلىفون قىلىپ جەسەتنى بەرمەسلىك سەۋەبىنى سۈرۈشتە قىلىشىپ بەرسەڭلار ئەڭ ياخشى بولىدۇ، چۈنكى ئارقا ئارقىدىن كېلىۋاتقان تېلىفون ۋە خەتلەر خىتاينى جىددىيلەشتۈرىدۇ. ھەممەيلەن ئوخشاش ئىنسان، بىر ئادەمنىڭ ياشاش ھوقۇقىنى تارتىۋالغان خىتاي ئۇنىڭ جەسىتىنىمۇ تارتىۋالسا بولمايدۇ. خىتاي ئەلچىخاناسىغا باشقا دۆلەتنىڭ چىشى پاتمايدۇ، ئەمما جامائەت پىكرى تەسىر كۆرسىتىدۇ.
+387 33 215 102
E-mail: [email protected]

07/25/2025

07/25/2025

(ئىنگىلىزچە ۋىدىئو)تۈرك زىيارەتچىنىڭ ۋەتىنىمىزدە كۆرگەنلىرى

يېقىندا ۋەتىنىمىزنى زىيارەت قىلغان تۈرك ساياھەتچىسى تاھا ئەرەلنىڭ كۆرگەنلىرىنى ئۇيغۇر ئاگېنتلىقى (ئۇيغۇر تايمىز) ئىنگىلىزچە، ئۇيغۇرچە، تۈركچە، گېرمانچە خەۋەر قىلىپ، ئىجتىمائىي تاراتقۇلاردا جىددىي تەسىر قوزغىدى. بىز بۈگۈن تاھادىن ئۆزىنىڭ كۆرگەنلىرىنى ئىنگىلىزچە سۆزلەپ ۋىدىئو ئىشلەشنى تەلەپ قىلغانىدۇق، ئۇ تەلىۋىمىزگە ئاساسەن بۇنى ئىشلەپ بەردى. مانا كۆپچىلىك، خىتاينىڭ خەلقئارا پروپاگاندىلىرىنى رەت قىلىش ئۈچۈن يەنە بىر ئىسپات بولغاندا، ئۇنى چىڭ تۇتۇپ، ئاممىۋى تەشۋىقات سۇپىلىرىدا خىتاينى مات قىلىپ، خەلقىمىزنىڭ بىر كۈن بولسىمۇ ئەركىنلىك نۇرىغا ئېرىشىشى، ياخشىلىقلارنىڭ كېلىشى ئۈچۈن قولىمىزدىن كەلگەن ئەڭ ئاددىي ئىش – تارقىتىشنى بولسىمۇ قىلايلى! ئۇيغۇر ئاگېنتلىقى – ئۇيغۇر تايمىز.

https://www.youtube.com/watch?v=5YHzKkHlcZo&t=1s

#ۋەتەن #ئۇيغۇر #ئۇيغۇرلار #مەسجىد #ئۇيغۇرتايمىز #ئۇيغۇرئاگېنتلىقى #ئۇيغۇرخەۋەر #ئۈرۈمچى

07/25/2025

ئاداس ئىسرائىل يەھۇدىي تەشكىلاتىنىڭ «ئۇيغۇر قىرغىنچىلىقىنى توختات» ناملىق ئايلىق نامايىشى داۋام قىلماقتا

ئۇيغۇر ئاگېنتلىقى، 25-ئىيۇل

ئاداس ئىسرائىل يەھۇدىي تەشكىلاتىنىڭ ئۇيغۇرلارنى قوللاپ ئۆتكۈزىدىغان ئايلىق نامايىشى داۋام قىلماقتا.

ۋاقتى: 2025-يىلى 25-ئىيۇل، ئورنى: خىتاينىڭ ۋاشىنگتوندىكى ئەلچىخانىسى ئالدى.

ئۇيغۇر تەشكىلاتلىرىدىن ئۇيغۇر كىشىلىك ھوقۇق قۇرۇلۇشى، ئۇيغۇر ئامېرىكا بىرلەشمىسى ۋە لاگېر شاھىتلىرى قوشۇلۇپ كەلگەن بولۇپ، بۇ قېتىمقى نامايىشتا ئۇيغۇر كىشىلىك ھوقۇق قۇرۇلۇشى ئەزالىرىدىن ئۆمەر قانات ۋە لوئىسا قاتارلىقلار قاتناشقان.

ھەر ئايلىق مەزكۇر نامايىش 5-ئايدا 50-ئايغا قەدەم قويغان بولۇپ، ئۇيغۇر تايمىز ئىنگلىزچە قانالى ئۆتكەن ئايدا ئاداس ئىسرائىل تەشكىلاتى مەسئۇللىرىدىن ئىككى كىشىنى 50 ئاي ئۇزلۇكسىز ئۇيغۇرلارنى قوللاپ مۇناسىۋىتى بىلەن زىيارەت قىلىپ، خەۋەر ئېلان قىلغان. زىيارەتنى بۇ يەردىن ئوقۇڭ:https://uyghurtimes.com/never-again-means-now-a-jewish-response-to-the-uyghur-crisis-interview-with-adas-israel/

https://uyghur.uyghurtimes.com/adas-israil-yehudiy-teshkilatining-uyghur-qirghinciliqini-toxtat-namliq-ayliq-namayishi-dawam-qilmaqta/

07/25/2025

چىرايلىق ئۇيغۇر قىزىنىڭ خىتايغا مەجبۇرىي ياتلىق قىلىنىشى توغرىسىدىكى نەق مەيدان ۋىدېئو كۆرۈنۈشى كۈچلۈك تەسىر قوزغىدى.

، ئۇيغۇر ئاگېنتلىقى، 25-ئېيۇل

خىتاي ئىجتىمائىي ئالاقە ۋاستىلىرىدا كەڭ تارقالغان ئۇيغۇر-خىتاي ئارىلاشما نىكاھ توغرىسىدىكى مەزكۇر ۋىدېئو - ئۇيغۇر ئاگېنتلىقى خەلقئارا قاناللىرى ئارقىلىق - ئۇيغۇر تايمىز ئىنگلىزچە، تۈركچە، گېرمانچە، خىتايچە تىل قاناللىرىدا - تارقالغاندىن كېيىن يۈز مىڭدىن ئارتۇق كۆرۈلۈپ، خىتاينىڭ ئۇيغۇرلارنى يوقىتىشتىكى يەنە بىر قورالى بولغان مەجبۇرىي ئارىلاشما نىكاھ ۋاستىسىنىڭ قەبىھلىكى - كىشىلەردە كۈچلۈك تەسىر قالدۇرغان، ئۇيغۇر تايمىز بۇ ھەقتە ئونلىغان ئىنكاسلارنى تاپشۇرۇپ ئالغان.
بۇ ۋىدېئونى لاگېر شاھىتلىرىدىن زۇمرەت داۋۇت خانىم چۈشۈرۈپ تارقاتقان بولۇپ، ئۇيغۇر ئاگېنتلىقى - ئۇيغۇر تايمىز زۇمرەت خانىمغا بۇ مۇناسىۋەت بىلەن رەھمەت ئېيتىدۇ.

07/25/2025

ئامېرىكا بىرلەشكەن دۆلەتلەر تەشكىلاتى مائارىپ-پەن-مەدەنىيەت تەشكىلاتىدىن چېكىنىپ چىقىدىغانلىقىنى جاكارلىدى

25-ئېيۇل

ئامېرىكا دۆلەت ئ‍شلىرى منسترلىكىنىڭ باياناتچىسى تامى برۇس 7-ئاينىڭ 22-كۈنى، ئامېرىكىنىڭ بىرلەشكەن دۆلەتلەر تەشكىلاتى مائارىپ-پەن-مەدەنىيەت تەشكىلاتىدىن چېكىنىپ چىقىدىغانلىقىنى جاكارلىدى. بۇ، ئامېرىكىنىڭ بۇ تەشكىلاتتىن چېكىنىپ چىقىشنى ئۈچىنچى قېتىم جاكارلىشى.

برۇس ئېلان قىلغان بىر پارچە باياناتقا ئاساسلانغاندا، ئامېرىكىنىڭ يۇقىرىقى قارارنى چىقىرىشىدىكى سەۋەب مۇنۇلارنى ئۆز ئىچىگە ئالىدىكەن: «بىرلەشكەن دۆلەتلەر تەشكىلاتى مائارىپ-پەن-مەدەنىيەت تەشكىلاتى بۆلگۈنچىلىك خاراكتېرلىك جەمئىيەت ۋە مەدەنىيەت ئىشلىرىنى ئالغا سىلجىتىدۇ.بۇ ئامېرىكىنى ئالدىنقى ئورۇنغا قويۇش دىپلوماتىيە سىياسىتىگە ئۇيغۇن كەلمەيدۇ».

باياناتتا مۇنداق دېيىلدى: بىرلەشكەن دۆلەتلەر تەشكىلاتى مائارىپ-پەن-مەدەنىيەت تەشكىلاتىنىڭ ئالاقىدار بەلگىلىمىسىگە ئاساسەن، ئامېرىكىنىڭ بۇ تەشكىلاتتىن چېكىنىپ چىقىشى 2026-يىل 12-ئاينىڭ 31-كۈنى كۈچكە ئىگە بولىدۇ.

#ئامېرىكا بۇنىڭدىن ئىلگىرى بىرلەشكەن دۆلەتلەر تەشكىلاتى مائارىپ-پەن-مەدەنىيەت تەشكىلاتىدىن ئىككى قېتىم چېكىنىپ چىققان. 1984-يىلى، ئامېرىكا مائارىپ-پەن-مەدەنىيەت تەشكىلاتىدا چىرىكلىك ۋە باشقۇرۇش قالايمىقان بولۇش قاتارلىق مەسىلىلەر مەۋجۇت دېگەننى سەۋەب قىلىپ، بۇ تەشكىلاتتىن چېكىنىپ چىققانلىقىنى جاكارلىغان، لېكىن 2003-يىلى قايتىدىن ئەزا بولغان. 2017-يىل 10-ئايدا، ئامېرىكا يەنە بىر قېتىم مائارىپ-پەن-مەدەنىيەت تەشكىلاتىدىن چېكىنىپ چىقىشنى قارار قىلغان. 2023-يىلى، ئامېرىكا يەنە بۇ تەشكىلاتقا قايتىپ كەلگەن.

#ئۇيغۇرچە #ئۇيغۇرتايمىز #ئۇيغۇرئاگېنتلىقى #ئۇيغۇرلار #ئۇيغۇر #خەۋەر

07/24/2025

ختاي بەش كىشلىك پۇتبول كوماندسىغا ئىككى ئۇيغۇر، ئىككى قازاق ماھىر تاللانغان.

ئۇيغۇر ئاگېنىتلىقى-ئۇيغۇر تايمىز ( 24-ئېيۇل)

يېڭى بىر نۆۋەتلىك ختاي ئەرلەر بەش كىشىلىك پۇتبولى دۆلەتلىك يىغىپ مەشىقلەندۈرۈش كوماندىسى 7-ئاينىڭ 22-كۈنى شېنجېن چيۇشۈيشەن باغچىسى تەنتەربىيە مەركىزىدە چۈشتىن بۇرۇنقى مەشىقنى تاماملىغان.

بۇ قارارلىق يىغىپ مەشىقلەندۈرۈشتە جەمئىي 15 نەپەر توپچى بار بولۇپ، بۇنىڭ ئىچىدە ئاسىلىخان نۇرلانتاي، سەيدار سۇبۇر، ئابدۇسەبى سادىق، مۇھەممەت تۇرسۇنجان قاتارلىق تۆتەيلەن شەرقى تۈركستاندىن تاللانغان.

ختاي پۇتبول كوماندىسى ئەزەلدىن ياخشى نەتىجىگە ئېرىشەلمەي كەلگەن بولۇپ، ختاي ئۇيغۇر قاتارلىق خەلقلەرنىڭ ياراملىق ماھىرلىرىنى سناپ كۆرۈشنى داۋام قىلماقتا.

#ئۇيغۇر #ئۇيغۇرئاگېنتلىقى #ختاي #پۇتبول

07/24/2025

ئامېرىكىنىڭ بىر ئەۋلات چېلىشش ماھىرى، بەدەن گۈزەللىك تەنھەرىكەتچىسى ھالك خوگان 71 يېشىدا ئالەمدىن ئۆتتى.

ترامپ تەزىيە بىلدۈردى.خوگان ئۆتكەن يىلى ترامپنىڭ سايلىنىشدا تۆھپە قوشقان تەنھەرىكەتچىلەرنىڭ بىرى ھېسابلىنىدۇ.
ئامېرىكا سياسى ۋە كۆڭۈل ئېچىش ساھەسدىكى داڭلىق ئەربابلار ئىجتىمايى تاراتقۇلاردا تەزىيە بىلدۈرۈپ، ئۇنىڭ ھاياتىغا مۇھىم باھالارنى بەردى ۋە ئامېرىكا سىمۋولى بولغان شەخس دەپ تەرىپلىدى.

07/24/2025

خىتاي-ياۋروپا ئىتتىپاقى دىپلوماتىك مۇناسۋەت ئورناتقانلىقىنىڭ خاتىرسگە ئۇيغۇر ئ‍نسان ھەقلىرى سايە تاشلىماقتا

ئۇيغۇر ئاگېنىتلىقى (ئۇيغۇر تايمىز-24-ئېيۇل)

2025-يىلى 7-ئاينىڭ 24-كۈنى، خىتاي-ياۋروپا ئىتتىپاقى دىپلوماتىك مۇناسىۋەت تىكلىگەنلىكىنىڭ 50 يىللىقىنى خاتىرىلەش مۇناسىۋىتى بىلەن، ياۋروپا كومىسسىيەسى پىرىزدىنتى ئۇرسۇلا ۋون دېر لايىن ۋە ياۋروپا كېڭىشى پىرىزدىنتى ئانتونىيو كوستا بېيجىڭدا خىتاي رەئىسى شى جىنپىڭ بىلەن كۆرۈشتى.
ياۋروپا ئېتتپاقى يېغىن غەلبىسى سۈپىتىدە، ختاينىڭ ئاپرىلدا ياۋروپاغا قويغان سېرىق توپا چەكلمىسنى بىكار قىلىشنى قولغا كەلتۈرگەن.
ختاي بىلەن ياۋروپا ئېتتپاقى سودىسدا ، ياۋروپا 300 مىليارد ياۋرو زىيان تارتىدۇ، ئەمما ياۋروپا ھازىرغىچە بۇنىڭغا ھىچقانداق ئامال تاپالمىدى.
بۇ ۋەقەلەر خىتاي-ياۋروپا ئىتتىپاقى دىپلوماتىك مۇناسىۋەتنىڭ 50 يىللىقى خاتىرىلىنىۋاتقان بىر ۋاقىتتا، ئۇيغۇر خەلقىنىڭ پاجىئەسىنىڭ داۋاملىشىۋاتقانلىقىنى كۆرسىتىدۇ.كىشلىك ھوقۇق تەشكىلاتلىرى ياۋروپا رەھبەرلىرىنى مەزكۇر زىيارەت جەريانىدا ئۇيغۇر مەسلىسنى ئۇنۇتماسلىققا چاقىرغان.
ياۋروپا پارلامېنتى 2022-يىلى خىتاينىڭ ئۇيغۇرلارغا قىلغان زۇلۇملىرىنىڭ ئىرقىي قىرغىنچىلىق خەۋپى بارلىقىنى ئېتىراپ قىلغان بولسىمۇ،ختاينىڭ مەجبۇرى ئەمگەك سياسىتى سەۋەبلىك ختاي شركەتلىرىگە جازا يولغا قويغان بولسمۇ، ياۋروپا ئېتتپاقى رەھبەرلىرى يەنىلا خىتاي بىلەن ئىقتىسادىي مۇناسىۋەتنى داۋاملاشتۇرماقتا.
ترامپ ھۆكۈمىتى بىلەن ياۋروپا ئېتتپاقى تېخى ئېقتسادى كىلىشىم ھەققىدە بىرلىككە كىلەلمىگەن ئەھۋالدا، ياۋروپا ئېتتپاقى رەھبەرلىرىنىڭ ختاي بىلەن يېقىنلىششى داۋاملىق دىققەت قوزغىماقتا.

ۋون دېر لايىن بۇ كۆرۈشۈشتە خىتاي بىلەن ياۋروپا ئىتتىپاقى مۇناسىۋىتىنىڭ "بۇرۇلۇش نۇقتىسىغا" يەتكەنلىكىنى بىلدۈردى. شى جىنپىڭ بولسا ياۋروپا رەھبەرلىرىگە، ياۋروپانىڭ "توغرا ستراتېگىيەلىك تاللاش قىلىشى" ۋە خىتاي بىلەن ھەمكارلىقنى كۈچەيتىشى كېرەكلىكىنى ئېيتتى ۋە ئامېرىكادىن كۆرە ختاينى تاللاشقا ئ‍شارە قىلدى.

بۇ كۆرۈشۈش ياۋروپا بىلەن خىتاي ئوتتۇرىسىدىكى سودا توقۇنۇشى، ئۇكرائىنا ئۇرۇشى ۋە خىتاينىڭ ئاز ئۇچرايدىغان يەر مېتاللىرىنى كونترول قىلىشى قاتارلىق مەسىلىلەر سەۋەبىدىن كەسكىن بولغان بىر ۋاقىتتا بولۇپ ئۆتتى.

ياۋروپا پارلامېنتىنىڭ 2022-يىلدىكى قارارى

2022-يىلى 6-ئاينىڭ 9-كۈنى، ياۋروپا پارلامېنتى خىتاينىڭ شەرقى تۈركستاندىكى ئۇيغۇر قاتارلىق تۈركى خەلقلەرگە باشقىلارغا قىلغان مۇئامىلىسىنىڭ "ئىنسانىيەتكە قارشى جىنايەت" ۋە "ئىرقىي قىرغىنچىلىقنىڭ ئېغىر خەۋپى" بولۇپ ھېسابلىنىدىغانلىقىنى بىلدۈرگەن قارار ماقۇللىدى.

بۇ قارار ئۇيغۇر جامائىتىنىڭ خىتايدا "ئوممىۋى كۆچۈرۈش، سىياسىي تەربىيەلەش، ئائىلىنى ئايرىش، دىنىي ئەركىنلىكنى چەكلەش، مەدەنىيەتنى ۋەيران قىلىش ۋە نازارەتنى كەڭ قوللىنىش قاتارلىق رەھىمسىز تەدبىرلەر بىلەن سىستېمىلىق زۇلۇمغا ئۇچرىغانلىقىنى" تەكىتلەيدۇ.
ختاي ۋە ياۋروپا ئېتتپاقى ئىلگىرى-كىېين بولۇپ، ئۇيغۇرلار سەۋەبلىك بىر قسم ئەمەلدارلارغا ئۆز-ئارا جازا ئىلان قىلغان.
2025-يىلى 2-ئاينىڭ 27-كۈنى، تايلاند ھۆكۈمىتى 2014-يىلدىن بۇيان تۇتۇپ تۇرۇلغان 40 ئۇيغۇرنى خىتايغا مەجبۇرىي قايتۇرغاندىن كىين، ياۋروپا ئېتتپاقى تايلاند ۋە ختاينى ئەيىپلىگەن ۋە ئۇيغۇرلارنىڭ ھوقۇقىنى قوغداشقا چاقىرغان.

#ئۇيغۇر #ئۇيغۇرلار #ئۇيغۇرئاگېنتلىقى #ئۇيغۇرخەۋەر #ئۇيغۇرتايمىز #ياۋروپا #ختاي #ختتاي