ZumraTube ዙምራቲዩብ

Home
United States
West
ZumraTube ዙምራቲዩብ

ZumraTube is the best Ethio-Canadian infotainment media. We provide with multidimensional access to the information and entertainment that matters to you.

ZumraTube is a world media sharing site. Get up to date Tv shows, Dramas, Music clips, Movies and News from ZumraTube.

09/28/2025

ቡታጅራ ምን ተፈጠረ?‼

ትናንት ምሽት ቡታጅራ ከተማ አጋጥሞ የነበረው ቃውሞ ዛሬ በአንፃራዊነት መብረዱ ተሰምቷል።

ትናንት በከተማዋ ተቀስቅሶ የነበረው ተቃውሞ መነሻ ምክንያት በመስቃን ወረዳ እንቦር ቀበሌ ይተዳደርበት የነበረው የስናኖ ሴራ የተባለ አካባቢን የዞኑ አስፈፃሚዎች "የእንቦር ቀበሌ አይደለም ፣ የዶቢ ቀበሌ ነው።" ብለው በመወሰናቸው መሆኑን የደረሰኝ ጥቆማ ያመለክታል።

"ለመቼውም ቢሆን ለችግሩ አፋጣኝ መፍትሄ መስጠት ያስፈልጋል። በጎጥ ህዝብን ማበጣበጥ ተገቢ አይደለም።" ሲሉ አስተያዬታቸውን ያጋሩ የከተማዋ ነዋሪዎች አልጠፉም።

ነዋሪዎቹ የሰለጠነው አለም በዞንና በወረዳ አይደለም በአንድ ቤት ግድግዳ የአገር ድንበሩን በሀሳብ መስመር እያካለለ ተከባብሮና ተደማምጦ ሲኖር፣ በእኛ ሀገር ደግሞ ከመቼውም ጊዜ በከፋ ሁናቴ በማንነት ላይ ያተኮረ መሳሳብና "የእኔ" ባይነት ለመግነኑ መዋቅሩ ራሱን ሊፈትሽ ይገባልም ነው ያሉት።

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/28/2025

ባሎቴሊ እንዲህ ብሏል...

"ታዋቂና ሀብታም ከመሆኔ በፊት የጣሊያን ሴቶች አይወዱኝም ነበር፣ አብረውኝ የሚማሩ ሴቶች ጭምር አይወዱኝም።

ጥቁር እንደማይወዱ በግልፅ ይነግሩኛል! በዚህ የተነሳ ነጭ የሴት ጓደኛ ማግኘት ከባድ ነበር። ስለዚህ ትንሽ ገንዘብ ይዤ ምሽት ላይ በቀይ መብራቶች ተከልለው ጎዳና ላይ የሚቆሙ ሴቶችን ለማግኘት ሞከርኩ ፣ እነሱም ግን ጥቁር በመሆኔ ሊያቀርቡኝ አልፈለጉም።

በመጨረሻም የመጀመሪያ የፕሮፌሽናል ኮንትራቴን እንደፈረምኩ ደረጃዬ ከፍ አለ ፣ በዛ ያለ ገንዘብም አገኘሁ። ያኔ ዘመናዊ መኪና ገዛሁና አብረውኝ የሚያሳልፉ አራት ሴቶችን ፍለጋ ወጣሁ።

የጠየቅኳቸው ሁሉም እሽ አሉኝና ሁለቱን በቀኝ ሁለቱን በግራ አስቀምጬ ስዝናና ሰዎች ካሳኖቫ (ከብዙ ሴቶች ጋር ግንኙነት ያለው) መስያቸው ነበር። እኔ ግን ያን ያደረኩት እንደበቀል አስቤ እንጅ ከአራቱም ጋር ልማግጥ አልነበረም።

ከዚያ በኋላ የተረዳሁት ነገር ሴቶች የሚፈልጉት ገንዘብ ብቻ እንደሆነ ነው። ሀብታም ስትሆን የቆዳ ከለርህ አይታያቸውም ፣ የትምህርት ደረጃህ አያገባቸውም ፣ ከየት እንደመጣህም ጉዳያቸው አይደለም!” ብሏል።

ባላቶሊ ያለው ነገር እውነት ነው ብላችሁ ታስባላችሁ?

:- Zerfu Bolade

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/28/2025

እናቱን አዝሎ የሚንቀሳቀሰው ቻይናዊ❤👌

በቻይና ሲቹዋን ግዛት የሚኖሩ አንድ የ51 ዓመት አዛውንት፣ ለእድሜ ባለጸጋ እናታቸው ያላቸውን የማይተመን ፍቅር እና እንክብካቤ በማሳየት የብዙዎችን ልብ ነክተዋል።

የ88 ዓመት እናታቸው ከወደቁ በኋላ ሽባ በመሆናቸው እና በዊልቸር ላይ እንዲንቀሳቀሱ በመገደዳቸው ምክንያት፣ ዓለማቸው እንዳይጠብ ወስነዋል። አዛውንቱ እናታቸውን አዘውትረው ወደተለያዩ ቦታዎች ይወስዳሉ። የሚጓዙበት ቦታም በዊልቸር ለመጓዝ አስቸጋሪ በሚሆንበት ጊዜ፣ እናታቸውን በትከሻቸው ላይ በባህላዊ የጨርቅ ማዘያ በጀርባቸው ያዝሏቸዋል።

ይህ የፍቅር እና የልጅነት አብነት በመስመር ላይ “በጣም ታዛዥና መልካም ልጅ” የሚል ስያሜ አትርፎላቸዋል። በእሳቸው በኩል የሚታየው የማይናወጥ ፍቅርና እንክብካቤ ከቤተሰብ ጋር ሲሆን ምንም ዓይነት መንገድ ለመሄድ አስቸጋሪ እንዳልሆነ የሚያሳይ ልብ የሚነካ ማስታወሻ ሆኗል።

የእኚህ አዛውንት ታሪክ በብዙዎች ዘንድ አድናቆትን አትርፏል፤ እንዲሁም ለቤተሰብ ፍቅር እና እንክብካቤ ትልቅ ምሳሌ ሆኖ ቀርቧል።

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/28/2025

ኢቢሲ ለአንጋፋዋ ጋዜጠኛ አስካለ ተስፋዬ ልዩ እውቅና ሰጠ።

የኢትዮጵያ ብሮድካስቲንግ ኮርፖሬሽን (ኢቢሲ) ለአንጋፋዋ ጋዜጠኛ አስካለ ተስፋዬ ልዩ እውቅና ሰጥቷል።

‹‹ውሎ አዳር›› በተሰኘው ሪያሊቲ ሾው ኢትዮጵያን፣ ህዝቦቿን እና ባህሎቿን በሚገባ በማስተዋወቋ፣ ለህዝቦች አብሮነት መጠናከር እና ለቱሪዝም ዕድገት በአርአያነት የሚወሰድ ፋይዳ ያላቸው ፕሮግራሞችን ለህዝብ በማቅረቧ እውቅና ሰጥተናታል ብሏል ተቋሙ።

የኢትዮጵያ ብሮድካስቲንግ ኮርፖሬሽንን በመወከል ሽልማቱን ያበረከቱት የኢቢሲ ዋና ሥራ አስፈፃሚ ጽ/ቤት ሃላፊ አቶ ሞላልኝ መለሰ ናቸው።

አቶ ሞላልኝ፥ ‹‹ውሎ አዳር›› ዝግጅት በኢትዮጵያ ውስጥ ያሉ ብሔር ብሔረሰቦች ያላቸውን ቱባ ባሕል ሁሉም እንዲያውቅ በማድረግ ረገድ ትልቅ ሚና እንደነበረው ገልጸው፤ ለስኬታማነቱ የጋዜጠኛዋ አስካለ ተስፋዬ ሚና የላቀ እንደነበር ተናግረዋል።

አንጋፋዋ ጋዜጠኛ በምትሠራበት ተቋም እውቅናና ሽልማት ማግኘቷ ከሌሎቹ ሽልማቶች የተለየ ስሜት እንደፈጠረባት ገልፃለች።

ኢቢሲ በፈጠረልኝ ፕሮግራም ከኢትዮጵያ ህዝብ በርካታ ሽልማትና ፍቅር አግኝቼበታለሁ፤ ተቋሜ የሰጠኝ ይህ ክብር እኔን የበለጠ እንድሰራ የሚያበረታታኝ፣ ሥራቸውን አክብረው የሚተጉ ጋዜጠኞች ሁሉ ነገ ይህ እውቀና እንደሚጠብቃቸውም መልዕክት የሚያስተላልፍ ነው ብላላች።

አክላም፥ በሥራዋ ሁሉ አብረዋት የደከሙ የካሜራ እና ሌሎቹ ባለሙያዎችን እንዲሁም የተቋሙን ሃላፊዎች እመስግናለች።

አንጋፋው ጋዜጠኛ ዓለምነህ ዋሴን ጨምሮ በተለያየ የሥራ አጋጣሚ ከእርሷ ጋር ያሳለፉ ባለሙያዎች ስለ ጋዜጠኛዋ እማኝነታቸውን የሰጡ ሲሆን፤ የሥራ ትጋቷ፣ መስላ ሳይሆን ሆና መሥራቷ እና በከፍተኛ ሕመም ውስጥ እያለች ጭምር ለሙያዋ እና ለተቋሟ የከፈለችው መስዋዕትነት መገለጫዎቿ እንደሆኑ ተናግረዋል።

የኢትዮጵያ ብሮድካስቲንግ ኮርፖሬሽን (ኢቢሲ) በኤፍ ኤም አዲስ 97.1 እና በኢቲቪ መዝናኛ በተላለፈው የ2018 የመስቀል በዓል ዝግጅት ለአንጋፋዋ ጋዜጠኛ አስካለ ተስፋዬ ልዩ እውቅና ሲሰጥ ካባ ማልበስን ጨምሮ ዋንጫና የምስክር ወረቀት አበርክቶላታል።

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

በድጋሚ የልጅ ና አባት ሆነዋል።

እንኳን ደስ አላችሁ! አርቲስት ገነት ንጋቱ እና ረዳት ፕሮፌሰር ሙሉጌታ ጀዋሬ በድጋሚ በልጅ ተባረኩ! ❤️

ከአስራ አራት (14) ዓመታት መለያየት በኋላ በልጆቻቸው እና በዘመድ አዝማጅ አማካኝነት ከስድስት ወር በፊይ በደማቅ ሁኔታ ዳግም ባልና ሚስት የሆኑት ተወዳጇ አርቲስት ገነት ንጋቱ እና ረዳት ፕሮፌሰር አርቲስት ሙሉጌታ ጀዋሬ በድጋሚ በልጅ መባረካቸው ተስምቷል!

አርቲስት ገነት ንጋቱ ይህንን ታላቅ ደስታዋን በኢንስታግራም ገጿ "እግዚአብሔር ይመስገን" በሚል ጽሁፍ እና ከስር ባለው ምስል የገለፀች ሲሆን።

ይህ አስደናቂ ጥንዶች በፍቅር ታሪካቸውና በትዳራቸው መቀጠል ብዙዎችን ያስደመሙ ሲሆን አሁን ደግሞ በቤተሰባቸው ውስጥ አዲስ አባል በመጨመሩ ደስታቸው ከፍ ብሏል።

እኛም እንኳን ደስ አላችሁ!

ለጥንዶቹ እና ለአዲሱ የቤተሰብ አባል ጤናና
ብሩህ ጊዜ እንመኛለን! 🙏🏽

:- Gursha

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

ዛሬ እኛ ቤት ድርብ በዓል ነው... አንድም ደመራ መስቀል አንድም የልጄ የአስቴር ይገረም ልደት... ጥሩ መገጣጠም ሆኖልናል...

ለመላው ኦርቶዶክሳውያን እንኳን ለብርሃነ መስቀሉ አደረሳችሁ... ኪዱዬ የኔ ቆንጆ እንኳን ተወለድሽ ቀሪ ዘመንሽ የተባረከ ይሁን ፈጣሪ ለቁም ነገር ያብቃሽ።

ሁላችንም እንወድሻለንንን!!

happy birthdayyy!!!!

ይገረም ደጀኔ

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

ዲያቆንም ከንቲባም ሆኖ ለሁለት መንግስት ማገልገል

ዲያቆን ኢንጂነር ወርቁ ወዳጄ ይባላል።‎ በዳውሮ ዞን በምትገኘው የኢሠራ ባሌ ከተማ ከንቲባ ነው።

ለቅዱስ እግዚአብሔር መንግስት በመቅደሱ ይቀድሳል በሌላኛው ጎኑ ደግሞ በምድር ያሉ ሰዎችን ገዝቶ ያስተዳደር ዘንድ በከንቲባነት መንበር ላይ ተሰይሟል።

ልክ እንደ ዳዊት ማለት ነው። ፍኖተ ዳዊት። በተለይ እርሷ ፍትህ እና ርትእ ሆና ፍትህ እና ርትእ እያጣች ለምትገኘው ቅድስት ቤተክርስቲያን ይህ መንገድ አይን የማይታሽበት ጥሩ መንገድ ነው ።

በቀጣይ ዘመናችን የቄስ ወይም የጳጳሳትን ከንቲባ ያሳዬን!!!

:- Kune Demelash kassaye

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

የኡጋንዳ እጩ ፕሬዝደንት ከተመረጡ ኢትዮጵያዊያንንና ኤርትራዊያንን እንደሚያባርሩ ቃል ገቡ፡፡ በኡጋንዳ የ2026 ፕሬዝደንታዊ ምርጫ እጩ ከሆኑት አንዱ የኮመን ማን ፓርቲ ሊቀመንበሩ ሙባረክ ሙንያግዋ ናቸው፡፡

እጩ ፕሬዝደንቱ ለምርጫ ቅስቀሳ ባደረጉት ንግግር ላይ ከተመረጡ በ100 ቀናት የሚያከናውኗቸውን ተግባራት ይፋ ማድረጋቸውን ዘ ካምፓላ ጆርናል ዘግቧል፡፡ በንግግራቸውም ‹‹በእኔ የፕሬዝደንትነት ዘመን የመጀመሪያዎቹ 100 ቀናት በኪስኒ ያሉ ሱማሊያዎችን፣ በካባላጋላ ያሉ ኤርትራዊያንንና ኢትዮጵያዊያንን እንዲሁም በማኪንዲ የሚገኙ ኮንጎያዊያንንና ደቡብ ሱዳናዊያንን ወደአገራቸው እንዲባረሩ አደርጋለሁ፡፡

ምክንያቱም እነዚህ ሰዎች የኡጋንዳዊያንን ህይወት እያበላሹ ነው›› ማለታቸውን ጠቅሷል፡፡ ሙንያግዋ በመጪው ምርጫ ከፕሬዝደንት ዩዌሪ ሙሴቪኒና ቢያንስ 5 ከሚሆኑ የተቃዋሚ ፓርቲዎች ጋር ለፕሬዝደንትነት እንደሚፎካከሩም ዘገባው አውስቷል፡፡

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

ኦሮምያ ጅማ ደመራ እንዲህ ተከብሯል

"እንዳስጨነቁአቸው መጠን እንዲሁ ሕዝቡም በዙ፥ እጅግም ጸኑ። ኦሪት ዘጸአት 1:12"... ተብሎ የተጻፈው የመጽሐፍ ቅዱስ ቃልን የጅማ ኦርቶዶክሳውያን አካል ሰርተው አሳይተዋል።

እጅግም ጸኑ !!!

እግዚአብሔር ይመስገን !!!

:- Kune Demelash kassaye

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

የመከላከያ ልብስ በመልበስ በነጋሽ በዳዳ ላይ ዛቻ ያደረሰው ግለሰብ ላጠፋው ጥፋት ይቅርታ እንዲደረግለት ተማጸነ።

የመከላከያ ሠራዊት የደንብ ልብስ በመልበስ በነጋሽ በዳዳ ላይ ዛቻ እና ማስፈራሪያ ያደረሰው ግለሰብ

በዛሬው ዕለት በራሱ የቲክታክ አካውንት በመምጣት ነጋሽ በዳዳ እና መከላከያ ሠራዊት ላጠፋው ጥፋት ይቅርታ እንዲደረገለት መሬት ላይ በመነጠፈ ይቅርታ ጠይቋል።

:- Kune Demelash

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/27/2025

ስእለ አድኖ የቀደደችው ሴት ፓሊስ በቁጥጥር ሥር አውሏል።

ቤተልሄም ሚሊዮን ሳህሉ ተብላ የምትጠራዋ ሴት የኢ/ኦ/ተ/ቤተክርስቲያን ቅዱሳት ስዕላትን በመቅደድ ፥ በማንቋሸሽ በማህበራዊ ሚዲያ እንዲሰራጭ ያደረገችውን ሴት ስትሆን

የአዲስ አበባ ከተማ ፓሊስ በዛሬው ዕለት ግለሰቧን በህግ በቁጥጥር ስር ማዋሉን በድኅረገጹ አሳውቋል።

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

09/26/2025

ዘናጭ ነበር መርጦ ለባሽ... ንፁህ... ባለ ብራንድ ሽቶ። ምርጥ ሸሚዝ ውድ ሱሪ እንደ መስታወት ከሚያብረቀርቅ ኤድዋርድ ግሪን ቆዳ ጫማ ጋር ለብሶ በ*ጋ*ዛa ጎዳናዎች የሚመላለስ በካፌዎቿ ሻይ የሚጠጣ ዘናጭ የዘናጭ መጨረሻ።

ዛሬ ደግሞ ሀገሩን በ*ወraሪ ተነጥቆ ነጻነቱን አጥቶ ከተማው እንዳልነበረች ወdeማ ለረሀብ የተጋለጡበት ጊዜ ነውና ያ ዘናጭ ሰው... ያ ባለሽቶ... ያ... ብራንድ ለባሽ... በፈራረሱት የ ጋ ዛ ጎዳናዎች ላይ ከጥyeት ተርፎ ያገኛትን የእርዳታ ዱቄት ተሸክሞ ይጓዛል።

ይህን አሁን ዱቄት ተሸክሞ የሚሄድበትን የፈራረሰ የ ጋ ዛ ጎዳና ንፁህ አስፓልት ሆኖ ያውቀዋል። እና በዛ ንፁህ አስፓልት ላይ እንዳሁኑ ዱቄት ሳይሆን... ለፍቅረኛው የሚሰጠውን አበባ ይዞ አልፎበታል።

:- Wasihune Tesfaye

👉ፔጃችንን ላይክ እና ፎሎው በማድርግ ቤተሰብ እንሁን!🙏

አዳዲስ መረጃዎች እንዲደርስዎ👇
https://t.me/zumra_tube

Address

West

Website

https://www.vidaddis.com/

Alerts

Be the first to know and let us send you an email when ZumraTube ዙምራቲዩብ posts news and promotions. Your email address will not be used for any other purpose, and you can unsubscribe at any time.