11/13/2025
രക്ഷാനഷ്ടവാദങ്ങൾ (11)
Argument of losing Salvation
ഭൂതം വീണ്ടും കയറിയ അവസ്ഥ
The Re entry of the Demons
EvgESThomas
ചില വേദ ഭാഗങ്ങൾ വായിക്കുമ്പോൾ രക്ഷ ഭദ്രമല്ല മറിച്ചു നഷ്ടപ്പെടും എന്ന് തെറ്റിദ്ധരിക്കുവാൻ ഇടയുണ്ട്.എവിടെയാണ് ആ പറയുന്ന സന്ദർഭം,സാഹചര്യം , ആ പറയുന്ന സമയം മുതൽ എന്നേയ്ക്കുവരെ എന്നും പരിശോധിയ്‌ക്കേണ്ടുന്നതും ഉണ്ട്.മനസാന്തരവും രക്ഷയും തമ്മിലുള്ള വ്യത്യാസം അറിയേണ്ടുന്നതുണ്ട്.,മാനസാന്തരം രക്ഷയിലേക്കുള്ള ചവിട്ടുപടിയാണ്‌. മനസാന്തരപ്പെട്ട എല്ലാവരും രക്ഷയിലേക്കു വരണമെന്നില്ല.
"അശുദ്ധാത്മാവു ഒരു മനുഷ്യനെ വിട്ടു പുറപ്പെട്ടശേഷം നീരില്ലാത്ത സ്ഥലങ്ങളിൽ കൂടി തണുപ്പു അന്വേഷിച്ചുകൊണ്ടു സഞ്ചരിക്കുന്നു; കണ്ടെത്തുന്നില്ലതാനും.
ഞാൻ പുറപ്പെട്ടുപോന്ന എന്റെ വീട്ടിലേക്കു മടങ്ങിച്ചെല്ലും എന്നു അവൻ പറയുന്നു; ഉടനെ വന്നു, അതു ഒഴിഞ്ഞതും അടിച്ചുവാരി അലങ്കരിച്ചതുമായി കാണുന്നു.
പിന്നെ അവൻ പുറപ്പെട്ടു, തന്നിലും ദുഷ്ടതയേറിയ വേറെ ഏഴു ആത്മാക്കളെ കൂട്ടിക്കൊണ്ടുവരുന്നു; അവരും അവിടെ കയറി പാർക്കുന്നു; ആ മനുഷ്യന്റെ പിന്നത്തെ സ്ഥിതി മുമ്പിലത്തേതിലും വല്ലാതെ ആകും; ഈ ദുഷ്ടതലമുറെക്കും അങ്ങനെ ഭവിക്കും.”
ദൈവത്തിന്റെ നീതിയ്ക്കായി ഹൃദയത്തിൽ വിശ്വസിയ്ക്കുക എന്നുപറഞ്ഞാൽ ദൈവനീതിയായ വിശുദ്ധിയിലേക്ക് വരുക എന്നാണ്.യഥാർത്ഥമായി രക്ഷിയ്ക്കപ്പെട്ടവർ പുതിയ സൃഷ്ടിതന്നെ.അവർ തെറ്റിലകപ്പെടാവുന്ന ജഢത്തിൽ,ലോകത്തിന്റെ കാഴ്ചകൾ മോഹിപ്പിക്കുന്ന സ്ഥലത്തു,ഉപരിയായി പിശാചിന്റെ സാന്നിധ്യമുള്ള ഈ ഭൂമിയിൽ താമസിക്കുമ്പോൾ തെറ്റില്കപ്പെടാം.എന്നാൽ വിശുദ്ധിയുടെ ആത്മാവ് ആ തെറ്റിൽ തുടരുവാൻ അവനെ അനുവദിക്കുന്നില്ല.അനുദിന മാനസാന്തരം അവനേ ദൈവവുമായുള്ള സാന്നിധ്യത്തിൽനിന്നും മാറ്റുകയില്ല.വിട്ടുപോയ അശുദ്ധി ഊടാടി നടക്കുന്ന ഏഴെണ്ണത്തെ വിളിച്ചു തിരിച്ചുവന്നാൽ അതിനർത്ഥം അവന്റെ രക്ഷ നഷ്ടപ്പെട്ടു എന്നല്ല അവൻ രക്ഷിക്കപ്പെട്ടവൻ അല്ല എന്നാണ്.
"ഒരുത്തൻ ക്രിസ്തുവിലായാൽ അവൻ പുതിയ സൃഷ്ടി ആകുന്നു;പഴയതു കഴിഞ്ഞുപോയി, ഇതാ, അതു പുതുതായി തീർന്നിരിക്കുന്നു."
പ്രശസ്ത ബൈബിൾ ഉപദേഷ്ടവായ സുവിശേഷകൻ ഇ.സ്.തോമസ് ഈ പഠന പരമ്പര കൈകാര്യം ചെയ്യുന്നു.പുതിയനിയമ സഭയുടെഎല്ലാ ഉപദേശ വിഷയങ്ങളും തുടർന്നുള്ള എപ്പിസോഡുകളിൽ കേൾക്കാം...
കേൾക്കു...അനേകരിലേക്കു ഈ സത്യഉപദേശം എത്തിക്കൂ ...
നിങ്ങൾക്കുള്ള സംശയങ്ങൾ ..
Evg E .S .Thomas +919995715708
വിശദാംശങ്ങളിലേക്കു പ്രവേശിച്ചാലും...
