17/09/2026
2026 yil 16-sentabr kuni Chortoq tuman axborot-kutubxona markazi tomonidan mahorat maktabi darsi tashkil etildi. Mahorat darsida tuman axborot-kutubxona markazi Fondlarini to`ldirish, saqlash va ularga ishlov berish xizmati mutaxassislari va Chortoq tumanidagi Ko’zi ojizlar kutubxonasi, Yoshlar markazi, kasb-hunar maktablari va o’rta-maxsus o’quv yurtlarining kutubxonachilariga Mahorat darsi tashkil etildi. Mahorat darsini Nodirabegim nomidagi Namangan viloyat axborot-kutubxona markazi direktori Dilfuza Hakimova ochib berib, tadbir ishtirokchilarini samimiy qutladi hamda mazkur mashg‘ulotning axborot-kutubxona mutaxassislarining kasbiy mahoratini oshirish, zamonaviy kutubxonachilik jarayonlarini amaliyotga samarali joriy etishdagi ahamiyatiga to‘xtalib o‘tdi. Mahorat darsi davomida Chortoq tuman axborot-kutubxona markazi Fondlarni to'ldirish, saqlash va ularga ishlov berish xizmati rahbari U. Tuychiyev tomonidan “Adabiyotlarga ishlov berishda innovatsion usullardan foydalanish. Kutubxonaga yangi kelgan hujjatlarni qabul qilish. Ro’yhatga olish, texnik va bibliografik qayta ishlash hamda saqlashga tayyorlash” va Nodirabegim nomidagi Namangan viloyat axborot-kutubxona markazining Kataloglashtirish va axborot-kutubxona fondlariga ishlov berish xizmati rahbari Z. Mallayeva tomonidan “Kataloglashtirish — kutubxona fondiga kelib tushgan hujjatlar (kitoblar, jurnallar, elektron resurslar va boshqalar) haqida bibliografik yozuvlar yaratish va ularni ma'lum tizim asosida joylashtirish jarayoni, Kataloglarning turlari” mavzulari bo'yicha mahorat darsi mavzusida taqdimot qilindi. Taqdimot davomida axborot-kutubxona markaziga yangi kelib tushgan axborot-kutubxona resurslariga ishlov berish jarayonini innovatsion usullarda raqamlashtirish va avtomatlashtirish muhim ahamiyatga ega ekanligini, ishlov berishning bosqichlari, inventar hisobini yuritish, muhr va fond belgilarini belgilangan tartibda joylashtirish, shuningdek, kataloglashtirish qoidalari, katalog turlari haqida batafsil yoritib berildi. Mashg‘ulot yakunida ishtirokchilar o‘zlarini qiziqtirgan savollar yuzasidan mutaxassislar bilan fikr almashdilar. Mahorat darsida 24 nafar soha mutaxassislari ishtirok etdi.
