Casiauz

Casiauz Contact information, map and directions, contact form, opening hours, services, ratings, photos, videos and announcements from Casiauz, Media/News Company, Tashkent.

O‘zbekistonda Rossiyaga ishga ketuvchilar uchun maxsus markaz tashkil etilishi mumkinRossiyaga ishlash uchun ketayotgan ...
01/10/2026

O‘zbekistonda Rossiyaga ishga ketuvchilar uchun maxsus markaz tashkil etilishi mumkin

Rossiyaga ishlash uchun ketayotgan fuqarolar uchun O‘zbekistonda barcha zarur jarayonlarni bir joyda amalga oshirish imkonini beruvchi kompleks markaz tashkil etish taklif qilindi. Bu haqda Migratsiya agentligi xabar berdi.
Bu masala Migratsiya agentligi direktori Muhsinxo‘ja Abdurahmonov va Rossiyaning O‘zbekistondagi elchisi Aleksey Yerxov uchrashuvida muhokama qilingan.
Markazda fuqarolar safardan oldin test va tibbiy ko‘rikdan o‘tishi, biometrik ma’lumotlari va barmoq izlarini topshirishi, hujjatlarini tekshirtirishi rejalashtirilmoqda.
Shuningdek, Rossiyada ishlashni istagan fuqarolar qaysi korxonada va qanday sharoitda ishlashini oldindan bilishi, zarur hujjatlarni O‘zbekistonda rasmiylashtirishi hamda aniq ish beruvchi buyurtmasi asosida qonuniy ravishda ishga borishi ko‘zda tutilmoqda.
Rossiyada ishlash uchun zarur rus tili imtihonlarini Toshkentga kelmasdan topshirish imkoniyatini kengaytirish masalasi ham muhokama qilingan. Buning uchun 4 ta hududda zarur infratuzilma tayyorlangan.

01/10/2026

Uchuvchi pichoqlanib, falokat bilan tugay degan parvoz: Flydubai bortida nima boʻldi?

AQSHda o‘lim jazosiga hukm qilingan ayol ikki dozadan so‘ng ham tirik qoldiAQSHning Tennessi shtatida o‘lim jazosiga huk...
01/10/2026

AQSHda o‘lim jazosiga hukm qilingan ayol ikki dozadan so‘ng ham tirik qoldi

AQSHning Tennessi shtatida o‘lim jazosiga hukm qilingan 50 yoshli Krista Paykning qatl etilishi muvaffaqiyatsiz tugadi. Unga o‘limga olib keluvchi preparat — pentobarbitalning ikki dozasi yuborilganiga qaramay, tirik qolgan. Ayol shifoxonaga olib ketilgan.
Qatl 30-sentabr kuni o‘tkazilishi kerak edi. Biroq ijroga bir soat qolganida federal apellyatsiya sudi jarayonni vaqtincha to‘xtatgan, keyinchalik bu qaror bekor qilingan va qatl davom ettirilgan.
Tennessi Jazoni ijro etish departamenti qatl paytida belgilangan protokolga amal qilinganini ma’lum qildi. Departament bayonotiga ko‘ra, amaldagi protokolda bajarilgan jarayondan keyingi qo‘shimcha choralar ko‘zda tutilmagan.
Shtat rasmiylari voqea yuzasidan tekshiruv boshlagan. Paykning keyingi taqdiri bo‘yicha ijro 2026-yil oxirigacha qoldirilgan.
Payk 1995-yilda 18 yoshida 19 yoshli Kollin Slemmerni o‘ldirishda aybdor deb topilgan va 1996-yilda o‘lim jazosiga hukm qilingan. U Tennessi shtatidagi o‘lim jazosiga hukm qilingan yagona ayol mahbus edi.

O‘zbekistonda o‘qituvchilarning 72,5 foizini ayollar tashkil etadi2025/26-o‘quv yili boshida O‘zbekistondagi umumiy o‘rt...
01/10/2026

O‘zbekistonda o‘qituvchilarning 72,5 foizini ayollar tashkil etadi

2025/26-o‘quv yili boshida O‘zbekistondagi umumiy o‘rta ta’lim maktablarida 577,7 ming nafar o‘qituvchi faoliyat yuritgan. Bu avvalgi o‘quv yiliga nisbatan 12,8 ming nafarga yoki 2,3 foizga ko‘p.
O‘qituvchilarning 418,8 ming nafari ayollar, 158,9 ming nafari esa erkaklardan iborat. Ya’ni ayollar ulushi 72,5 foizni tashkil etgan.
Hududlar kesimida o‘qituvchilar eng ko‘p Samarqand va Qashqadaryo viloyatlarida — 65,1 ming nafardan. Farg‘onada 60,6 ming, Surxondaryoda 52,3 ming nafar o‘qituvchi ishlagan.
O‘qituvchilar soni eng kam hudud Sirdaryo viloyati bo‘lib, bu yerda 14,2 ming nafar o‘qituvchi faoliyat yuritgan.

Singapurda davlat xizmatchilariga juft topib beradigan platforma ishga tushirildiSingapurda 21–35 yoshdagi davlat xizmat...
01/10/2026

Singapurda davlat xizmatchilariga juft topib beradigan platforma ishga tushirildi

Singapurda 21–35 yoshdagi davlat xizmatchilari uchun FirstDate nomli maxsus tanishuv platformasi ishga tushirildi. Tashabbus mamlakatda tug‘ilish darajasi rekord darajada pasaygani fonida amalga oshirilmoqda.
Platforma foydalanuvchilarning qiziqishlari, odatlari va qadriyatlari haqidagi ma’lumotlar asosida ularga mos juft topishga yordam beradi. Bunda Nobel mukofotiga sazovor bo‘lgan matematiklar Lloyd Shapli va Devid Geyl ishlab chiqqan algoritmdan foydalaniladi.
Hozircha loyiha sinov bosqichida bo‘lib, faqat davlat xizmatchilari uchun ochiq. Ayrimlar tashabbusni qo‘llab-quvvatlagan bo‘lsa, boshqalar davlat xizmatchisi bo‘lmagan fuqarolar va 35 yoshdan kattalar qamrab olinmaganini tanqid qilgan.
Platformaning kelajakda keng jamoatchilik uchun ham ochilishi hozircha noma’lum.

01/10/2026

🥳Qadrli ustoz va murabbiylar!

Sizlarni kasb bayramingiz bilan chin qalbimizdan tabriklaymiz. Insonlarga bilim ulashishdek sharafli ishingizda zafarlar tilab qolamiz!

Shavkat Mirziyoyev FIFA prezidenti Janni Infantino bilan uchrashdiPrezident Shavkat Mirziyoyev 30-sentabr kuni Toshkentd...
30/09/2026

Shavkat Mirziyoyev FIFA prezidenti Janni Infantino bilan uchrashdi

Prezident Shavkat Mirziyoyev 30-sentabr kuni Toshkentda FIFA prezidenti Janni Infantino bilan uchrashdi.
Uchrashuvda 2027-yilda O‘zbekiston va Ozarbayjonda o‘tkaziladigan U-20 Jahon chempionatiga tayyorgarlik masalalari muhokama qilindi.
Shuningdek, futbolni, ayniqsa, yoshlar orasida ommalashtirish, yosh iste’dodlarni qo‘llab-quvvatlash hamda murabbiy, hakam va boshqa futbol mutaxassislarini xalqaro darajada tayyorlash bo‘yicha hamkorlikni kengaytirish masalalariga e’tibor qaratildi.
Tomonlar O‘zbekistonda FIFA turnirlari va tadbirlarini o‘tkazish hamda Toshkentda FIFAning Markaziy Osiyo uchun mintaqaviy vakolatxonasini ochish jarayonini jadallashtirishni ham muhokama qildi.

30/09/2026

O‘qituvchilar uchun majburiy bir oylik malaka oshirish talabi bekor qilinadi

O‘zbekistonda pedagoglarning poytaxt yoki viloyat markaziga borib, bir oylik majburiy malaka oshirish kursida o‘qishi talabi bekor qilinadi. Bu haqda Prezident Shavkat Mirziyoyev ma’lum qildi.
Uning o‘rniga kasbiy rivojlanish vaucherlari joriy etiladi. O‘qituvchi toifa sinovidagi natijasiga qarab 18 soatdan 72 soatgacha ta’lim olishi mumkin bo‘ladi.
Pedagog kurs va malaka oshirish joyini o‘zi tanlaydi. Prezidentning ta’kidlashicha, bu o‘zgarish malaka oshirishni rasmiyatchilikdan amaliy ehtiyojga aylantirishga xizmat qiladi.

100 ta maktabda matematika, informatika va tabiiy fanlar ingliz tilida o‘qitiladiYangi o‘quv yilidan O‘zbekistondagi 100...
30/09/2026

100 ta maktabda matematika, informatika va tabiiy fanlar ingliz tilida o‘qitiladi

Yangi o‘quv yilidan O‘zbekistondagi 100 ta maktabning bittadan sinfida matematika, informatika va tabiiy fanlar to‘liq ingliz tilida o‘qitiladi. Loyihaga jalb etilgan o‘qituvchilarning maoshiga 100 foiz ustama qo‘shiladi.
Shuningdek, boshlang‘ich sinf o‘quvchilari uchun fan olimpiadalari yo‘lga qo‘yiladi. 4-sinf olimpiadasining tuman bosqichida g‘olib bo‘lgan o‘quvchilarga kompyuter beriladi. Ularning ustozlariga tuman bosqichi uchun 10 million, viloyat uchun 50 million, respublika bosqichi uchun 100 million so‘mdan mukofot beriladi.
O‘rta ta’limda “sifat indeksi” joriy etiladi. Maktablar pedagoglar salohiyati hamda o‘quvchilarning natijalariga qarab toifalarga ajratiladi. Ilg‘or maktab boshqa maktablarni yuqori toifaga olib chiqsa, uning pedagogik jamoasiga 30 foiz ustama beriladi.

30/09/2026

“Taqdirimizni faqat muallim hal qiladi” — Shavkat Mirziyoyev

Prezident Shavkat Mirziyoyev O‘qituvchi va murabbiylar kuni arafasida “Yangi O‘zbekiston” universitetiga tashrif buyurib, ta’lim sohasidagi islohotlar bilan tanishdi va pedagoglarni qo‘llab-quvvatlash bo‘yicha yangi choralarni ma’lum qildi.
Davlat rahbari ta’lim tizimining barcha bo‘g‘inlaridagi ilg‘or pedagoglarni rag‘batlantirish uchun Abdulla Avloniy nomidagi davlat mukofoti ta’sis etilishini bildirdi.
Shuningdek, joriy yilda ilk bor o‘tkazilgan “Yil o‘qituvchisi” tanlovida barcha tuman va shaharlardan 208 nafar o‘qituvchi g‘olib bo‘lgani va ularning har biriga 616 million so‘mdan pul mukofoti berilgani ma’lum qilindi.
Matematika, fizika, kimyo va biologiya kabi fanlar o‘qituvchilari uchun quyidagi qo‘llab-quvvatlash choralari belgilandi:
milliy sertifikatga ega o‘qituvchilarga oylik maoshiga 50 foiz ustama to‘lanadi;
har yili 208 ta tuman va shahardagi lider o‘qituvchiga 30 million so‘mdan mukofot beriladi;
1 ming nafar o‘qituvchi Buyuk Britaniya, Fransiya va Singapur kabi davlatlarga stajirovkaga yuboriladi;
kamida 15 yil ish stajiga ega pedagoglarning farzandlariga oliygoh kontraktini to‘lash uchun foizsiz kredit ajratiladi.
Uchrashuvda Mirziyoyev ustozlarning mamlakat kelajagidagi o‘rniga alohida to‘xtalib, “Taqdirimizni faqat muallim hal qiladi”, dedi.
Shuningdek, prezident maktabda o‘qigan yillarini eslab, o‘sha davrda o‘quvchilar har yili 4–5 oy paxta yig‘imiga jalb qilinganini aytdi.
“Bolalarimizni paxta dalasidan maktab partasiga, o‘qituvchilarni ta’lim jarayoniga qaytardik”, — dedi davlat rahbari.

Address

Tashkent

Website

Alerts

Be the first to know and let us send you an email when Casiauz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Casiauz:

Shortcuts

Share

Category