O'zbekiston Respublikasi Korrupsiyaga qarshi kurashish agentligi

O'zbekiston Respublikasi Korrupsiyaga qarshi kurashish agentligi Contact information, map and directions, contact form, opening hours, services, ratings, photos, videos and announcements from O'zbekiston Respublikasi Korrupsiyaga qarshi kurashish agentligi, Digital creator, Sh. Rustaveli ko‘chasi, 8 A, Tashkent.

O'zbekiston Respublikasi Korrupsiyaga qarshi kurashish agentligi

Agentlikning ijtimoiy tarmoqlardagi rasmiy sahifalari:

▪️Instagram: anticorruption.uz

▪️Youtube: Korrupsiyaga qarshi kurashish agentligi

▪️Twitter: antikoruzb

▪️Telegram: antikor_uzb

O'zbekiston delegatsiyasi Korrupsiyaga qarshi kurashish bo‘yicha Davlatlararo kengash yig‘ilishida ishtirok etdiKorrupsi...
06/10/2025

O'zbekiston delegatsiyasi Korrupsiyaga qarshi kurashish bo‘yicha Davlatlararo kengash yig‘ilishida ishtirok etdi

Korrupsiyaga qarshi kurashish agentligi direktori Akmal Burxanov boshchiligidagi O‘zbekiston delegatsiyasi Armanistonning Yerevan shahrida bo‘lib o‘tgan Korrupsiyaga qarshi kurashish bo‘yicha Davlatlararo kengashning 10-majlisida ishtirok etdi.

Mazkur yig’ilish O’zbekistonning tashkilotning to’laqonli a’zosi sifatidagi ilk ishtirokidir.

Tashrifdan asosiy maqsad — Davlatlararo kengash faoliyati doirasida mintaqada korrupsiyaga qarshi kurash sohasidagi dolzarb muammolar, tashabbuslar va strategik yo‘nalishlarni muhokama qilish hamda amaliy hamkorlikni kuchaytirishdan iborat bo‘ldi.

Kengash yig‘ilishi doirasida O'zbekiston delegatsiyasi rahbari Prezident Shavkat Mirziyoyev boshchiligida mamlakatda amalga oshirilayotgan aksilkorrupsiya islohotlari, milliy va mintaqaviy tashabbuslar hamda xalqaro hamkorlik samaradorligini qayd etib, Kengash faoliyatida faol ishtirok etish, orttirilgan tajriba bilan o‘rtoqlashish va yangi qo‘shma tashabbuslarni qo'llab-quvvatlashga tayyor ekanligini bildirdi.

Kengash majlisida virtual valyutalarning noqonuniy aylanmasiga qarshi kurashish, korrupsiya uchun yuridik shaxslarning javobgarligi, korrupsiyadan xoli biznes muhitini yaratish kabi bir qator muhim masalalar muhokama qilindi.

Tashrif doirasida Agentlik delegatsiyasi bir qator xorijiy vakolatli organlar bilan ikki tomonlama uchrashuvlar o‘tkazdi.

Jumladan, Armaniston Bosh prokurori Anna Vardapetyan bilan bo'lib o'tgan uchrashuvda ikki davlat o'rtasida korrupsiyaga qarshi kurashish bo'yicha o'zaro manfaatli hamkorlik aloqalarini yo'lga qo'yishga kelishib olindi.

Shuningdek, Korrupsiyaga qarshi kurashish agentligi va Belarus Respublikasi Bosh prokuraturasi o‘rtasida hamkorlik hujjati imzolandi.

03/10/2025

Qonunchilikka asosan davlat fuqarolik xizmatchisi korrupsiyaga nisbatan qanday munosabatda bo`lishi zarur?

Shuningdek, davlat xizmatchisi korrupsiya faktlari to`g`risidagi axborotga ega bo`lsa, qanday zarur choralar ko`rishi kerak?

Bu haqidagi batafsil ma`lumotni video orqali bilib oling !

Korrupsiyaga qarshi kurashishda “Madad” NNT bilan faol hamkorlik yo'nalishlari muhokama etildiKorrupsiyaga qarshi kurash...
02/10/2025

Korrupsiyaga qarshi kurashishda “Madad” NNT bilan faol hamkorlik yo'nalishlari muhokama etildi

Korrupsiyaga qarshi kurashish agentligi hamda “Madad” nodavlat notijorat tashkiloti rahbariyatlari o‘rtasida uchrashuv tashkil etildi.

Uchrashuvda korrupsiyaga qarshi immunitetni shakllantirishda nodavlat notijorat tashkilotlarning imkoniyatlaridan keng foydalanish, bu borada o‘zaro hamkorlik hamda kelgusidagi qo‘shma loyihalar muhokama qilindi.

Muhokamalar yakuniga ko‘ra, quyidagi hamkorlik yo‘nalishlari belgilab olindi:

➖aholida korrupsiyaga nisbatan huquqiy ong va huquqiy madaniyatni shakllantirish;

➖hamkorlikda jamoatchilik nazorati tadbirlarini tashkil etish;

➖aholi va davlat xizmatchilari o‘rtasida jamoatchilik fikri so‘rovini o‘tkazib borish;

➖normativ-huquqiy hujjatlar ijrosini monitoring qilish.

Qayd etilgan yo‘nalishlarda o‘zaro hamkorlikni amalga oshirishning aniq mexanizmlarini ishlab chiqish, birgalikdagi vazifalarni belgilab olish maqsadida bu kabi muloqotlarni kelgusida davom ettirishga kelishib olindi.

Taʼlim-tarbiya sohasining barcha jonkuyar xodimlari va faxriylarini umumxalq bayrami — O‘qituvchi va murabbiylar kuni bi...
01/10/2025

Taʼlim-tarbiya sohasining barcha jonkuyar xodimlari va faxriylarini umumxalq bayrami — O‘qituvchi va murabbiylar kuni bilan samimiy muborakbod etamiz.

Ilm-fan va maʼrifat rivoji yo‘lidagi zahmatli xizmatlaringiz uchun taʼzim va tashakkurlarimizni izhor etib, barchangizga hamisha elu-yurtimizning yuksak hurmat va eʼtirofi, eʼzoz va ardog‘ida yashash saodatini tilaymiz!

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurash bo'yicha Gonkongda o'tkazilgan xalqaro IT-xakatonida yoshlarimiz munosib ishtirok etdi“Uzinf...
30/09/2025

Korrupsiyaga qarshi kurash bo'yicha Gonkongda o'tkazilgan xalqaro IT-xakatonida yoshlarimiz munosib ishtirok etdi

“Uzinfocom” ning yosh dasturchilari Gonkongda korrupsiyaga qarshi kurash sohasida IT-yondashuvlarni ishlab chiqishga bag‘ishlangan nufuzli “Coding4Integrity” Osiyo xakatonida munosib ishtirok etdi.

Qatnashchilar ishtiroki Agentlik va Gonkong Korrupsiyaga qarshi mustaqil komissiyasi hamkorligi doirasida tashkil etilgan

Jamoa ushbu tanlovada ishtirok etish imkonini Korrupsiyaga qarshi kurashish agentligi tomonidan IT-Park, "Yangi O‘zbekiston" universiteti va “Navoiy kon-metallurgiya kombinati” AJ hamkorligida korrupsiyaga qarshi kurashish bo'yicha o'tkazilgan bu yilgi xakatonda mutloq g'oliblik asosida qo'lga kiritgan.

Tanlov yakunida "Uzinfocom” jamoasining davlat xaridlari sohasida manfaatlar to‘qnashuvining oldini olishga qaratilgan blokcheyn asosidagi loyihasi eng mukammal, texnologik va amaliy jihatdan samarali deb topilgan edi.

Gonkongdagi xalqaro xakatonda esa hamyurtlarimiz UZ milliy domen ma’muriyati nomidan blokcheyn texnologiyasi asosidagi ma’lumotlarni saqlash bo‘yicha innovatsion yechimni taqdim etdi.

Bu yechim asosida raqamli servislar shaffofligi va ishonchliligini ta’minlashga qaratilgan Token.uz loyihasi yaratildi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

30/09/2025



Oʻtgan hafta davomida Korrupsiyaga qarshi kurashish agentligi faoliyatida ro'y bergan eng muhim xabarlar bilan hafta videodayjestida tanishing!

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

27/09/2025

Vazirlik va idoralar rahbarlari qanday mashinada yurishi sizga qiziqmi?

Mansabdor shaxslarning xizmat safarlari yoki xorijdan tashrif buyurgan mehmonlarni kutib olishga qancha mablag‘ sarflanmoqda?

Bu maʼlumotlarning barchasi ochiq va shaffof.

Videoni ko‘ring, bilib oling: sizda ham nazorat qilish huquqi bor!

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Surxondaryoda sog‘liqni saqlash tizimida korrupsiyaga qarshi kurashni kuchaytirish masalalari muhokama qilindi Toshkent...
26/09/2025

Surxondaryoda sog‘liqni saqlash tizimida korrupsiyaga qarshi kurashni kuchaytirish masalalari muhokama qilindi

Toshkent tibbiyot akademiyasining Termiz filialida Surxondaryo viloyatida sog‘liqni saqlash sohasida korrupsiyaga qarshi kurashishning muhim masalalari, bu borada muammo va kamchiliklarning muhokamasiga bag‘ishlangan kengaytirilgan yig‘ilish bo‘lib o‘tdi.

Yig‘ilish Sog‘liqni saqlash vazirligining Korrupsiyaga qarshi ichki nazorat bo‘linmasi tomonidan tashkil etildi.

Ma'lumot o'rnida:, Davlat rahbarining PQ-147-son qaroriga muvofiq, mazkur ichki nazorat bo‘linmasi huquqiy eksperiment tariqasida Korrupsiyaga qarshi kurashish agentligiga o‘tkazilgan.

Yig‘ilishda viloyat tibbiyot muassasalarida korrupsiya xavflarining oldini olish, ularga yo‘l ochayotgan omillarni bartaraf etish, shaffoflik va ochiqlikni taʼminlash masalalari sog‘liqni saqlash boshqarmasi, barcha tibbiyot muassasalari va tuman (shahar) tibbiyot birlashmalari rahbarlari va boshqa masʼul xodimlar ishtirokida muhokama qilindi.

Jumladan, korrupsiya holatlarini erta aniqlash uchun ichki nazorat va monitoring tizimlarini kuchaytirish, moliyaviy intizomni mustahkamlash, resurslardan samarali va oqilona foydalanish muhimligi taʼkidlandi.

Shuningdek, soha xodimlair o‘rtasida korrupsiyaga nisbatan murosasiz munosabat va yuqori professional axloq normalarini shakllantirish masalalariga alohida urg‘u berildi.

Muhokamalar yakunida barcha muassasalar rahbarlariga viloyatning sog‘liqni saqlash muassasalalarida o‘tkazilgan monitoring va tahlillarda aniqlangan kamchiliklarni bartaraf etish, shaffoflikni oshirish va korrupsiyaga qarshi qatʼiy choralar ko‘rish vazifasi yuklatildi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi jamoasi Oʼzbekiston Respublikasi Davlat xavfsizlik xizmati organlari xodimlarini...
26/09/2025

Korrupsiyaga qarshi kurashish agentligi jamoasi Oʼzbekiston Respublikasi Davlat xavfsizlik xizmati organlari xodimlarini bugungi kasb bayrami bilan samimiy muborakbod etadi.

Yurtimiz tinchligi, xavfsizligi va milliy manfaatlarimizni himoya qilish yo‘lidagi yuqori masʼuliyat, matonat va sadoqat bilan bajarayotgan fidokorona xizmatlaringizda kuch-quvvat, barqarorlik va katta muvaffaqiyatlar tilaymiz!

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Surxondaryoda korrupsiyaga qarshi kurashish bo‘yicha ishlar samaradorligi o‘rganilmoqdaShu kunlarda Korrupsiyaga qarshi ...
25/09/2025

Surxondaryoda korrupsiyaga qarshi kurashish bo‘yicha ishlar samaradorligi o‘rganilmoqda

Shu kunlarda Korrupsiyaga qarshi kurashish agentligi va boshqa masʼul tashkilotlar vakillaridan iborat Ishchi guruh Surxondaryo viloyatida korrupsiyaga qarshi kurashish bo‘yicha olib borilayotgan ishlar holatini o‘rganmoqda.

Ishchi guruh dastlab Jarqo‘rg‘on tumanida taʼlim, sog‘liqni saqlash va davlat xizmatlari sohalarida raqamlashtirish, byurokratiyani qisqartirish hamda ochiqlikni taʼminlash borasida ko‘rilayotgan chora-tadbirlar bilan tanishdi.

O‘rganish davomida aniqlangan kamchiliklar va aholi duch kelayotgan boshqa muammo hamda to‘siqlarni samarali bartaraf etish yuzasidan mas'ullarga taklif va tavsiyalar berildi.

“Korrupsiyadan xoli hudud — adolatli jamiyat garovi” mavzusida tashkil etilgan seminarda maishiy korrupsiyaning kelib chiqish sabablari hamda korrupsiya xavf-xatarlarining oldini olish masalalari ko‘rib chiqildi.

Ishchi guruh “Kambag‘allikdan farovonlik sari” dasturi doirasida Sariosiyo, Uzun va Oltinsoy tumanlaridagi “Mahalla yettiligi” faoliyati, mahallalarni ijtimoiy-iqtisodiy rivojlantirish, aholi bandligini oshirish va jinoyatchilikning oldini olish choralarini ham o‘rgandi.

O‘rganish mobaynida mahallalardagi fuqarolar bilan muloqot qilinib, ularning muammolarini ijobiy hal qilish masalalari mas'ullar bilan muhokama qilindi.

Shuningdek, bandlik, infratuzilma va ijtimoiy ko‘mak bo‘yicha qo‘shimcha manzilli chora-tadbirlar belgilandi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

25/09/2025

Har bir tashkilotning muvaffaqiyati nafaqat ko‘zga ko‘rinib turadigan mehnat, balki ko‘rinmaydigan fidoyilik — tinimsiz va sadoqatli xizmat evaziga yuzaga keladi. Bugun biz ana shunday fidokor insonlardan biri — texnik xodimlarning kundalik hayotiga nazar tashlaymiz.
Qahramonimiz — Kabulova Maxsuda 2022-yildan buyon Agentlikning Ishlar boshqarmasi tarkibida faoliyat yuritib kelmoqda. U har tong ishga birinchilardan bo‘lib yetib keladi. Xona va binolarning ozodaligini ta’minlash, xodimlar uchun qulay muhit yaratish — uning kundalik vazifalarining ajralmas qismidir.
Har qanday muassasaning mustahkam poydevori — bu sadoqatli, mehnatkash va fidoyi xodimlardir. Maxsuda opa kabi jonkuyar texnik xodimlarning mehnati ko‘pincha ko‘zga tashlanmasligi mumkin, ammo aynan ularning sa’y-harakatlari tufayli tashkilotda ozoda, tartibli va ijobiy muhit shakllanadi.

24/09/2025

Qurilish sohasida korrupsiyaviy holatlar mavjudligi to'g'risida tarqalgan xabarlar yuzasidan

Ijtimoiy tarmoqlarda tadbirkorning qurilish sohasi vakillari bilan o'tkazilgan ochiq muloqotda qurilish sohasidagi korrupsiyaviy holatlar haqida fikr bildirgani va unga mas’ul idoralarning munosabati keng muhokamalarga sabab bo‘lmoqda.

Mazkur masala Korrupsiyaga qarshi kurashish agentligi tomonidan o‘rganilmoqda va bugunga qadar bir qator ishlar amalga oshirildi.

1️⃣ Tadbirkor bilan Korrupsiyaga qarshi kurashish agentligi rahbariyati va mas’ul xodimlari ishtirokida 4-sentabr kuni muloqot bo‘lib o‘tdi va tadbirkorning sohadagi korrupsiyaviy omillar haqidagi fikrlari tinglandi;

2️⃣ Tadbirkorlik subyektlari va jismoniy shaxslar tomonidan bino va inshootlarning ixtisoslashishini o‘zgartirish, qayta qurish, rekonstruksiya qilish hamda o‘z hududida qo‘shimcha bino va inshootlarni qurishni loyihalashtirishga ruxsatnoma olish yuzasidan qilingan murojaatlar va asossiz rad etilgan deb topilgan holatlar tahlil qilinmoqda;

3️⃣ Agentlikning “Call-markazi” – 1253 orqali sohadagi korrupsion harakatlar va byurokratiya haqida aholi va tadbirkorlarning murojaatlari qabul qilinmoqda hamda o'rganilmoqda;

4️⃣ Aholi va tadbirkorlar fikrlarini olish maqsadida “Sizningcha, qurilish sohasining qaysi yo‘nalishida korrupsiyaviy xavflar yuqori?” mavzusida ijtimoiy so‘rov o‘tkazilmoqda.

Mazkur tahlil va o'rganishlar yakunlari asosida mas’ul vazirlik va idoralar bilan birgalikda sohada korrupsiyaviy omillarni bartaraf etish, inson omilini cheklash, shaffoflikni ta’minlashga qaratilgan takliflar ishlab chiqilib, amaliyotga joriy etish choralari ko‘riladi.

Agentlik fuqarolarning korrupsiyaga murosasizligini qo'llab-quvvatlaydi. Korrupsiyaga oid har bir xabar Agentlik tomonidan atroflicha o'rganilishi hamda xabar beruvchi fuqarolarning tegishli tartibda himoyasi ta'minlanishi ma'lum qilinadi.

Address

Sh. Rustaveli Ko‘chasi, 8 A
Tashkent
100070

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+998712020402

Website

https://taplink.cc/anticorruption.uz, https://t.me/antikor_uzb

Alerts

Be the first to know and let us send you an email when O'zbekiston Respublikasi Korrupsiyaga qarshi kurashish agentligi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to O'zbekiston Respublikasi Korrupsiyaga qarshi kurashish agentligi:

Shortcuts

Share

Category