01/03/2025
Аксарият узоқни кўзлаб, пухта ўйланмаган режалар оқибатда боши берк кўчага олиб келади.
Айримлар Зеленскийдан қаҳрамон ясашга уриняпти. Менимча у бу вазиятда (Трамп билан тортишувда) бундан бошқача тутолмасди ўзини. Кўз ўнггида Америка раҳбариятининг ўзгариши Украинага муносабатни ҳам кескин ўзгаришига олиб келди. Кечагина уни қўллаб-қувватлаб, жанг майдонларига келиб-кетиб турган амалдорлар энди йўқ. Энди Трамп, энди бизнесмен билан очиқча ҳисоб-китоб.
Майдончилар қани, қани ўша европалик амалдорлар, Украинага озодлик ваъда қилганлар, одамлар ўлдирилаётган намойишларга бориб гул тарқатган, ширинликлар улашганлар қани?! Трамп Зеленский тимсолида бутун миллатни беҳурмат қилганини кўриш қандай қийин... Бу ҳол бошқа бир миллатни бошига тушмаслигига ким кафолат беради.
Кўпчилик уруш муқаррар Россия барибир ҳужум қиларди деган фикрни илгари суради. Лекин урушни тезлаштирган, турли иғволарни тарқатиш, тарғиботларни кучайтиришдан мақсад нима эди. Урушга тайёр бўлмасанг вазиятдан ютиб, тайёргарлик кўр эди.
Ана шу бировни кучига ишониб, қутқуси билан урушни тезлаштириб, алал оқибат бир қисм еридан, халқидан айрилиб ўтирган давлатга, миллатга энди ким ерини, жонини қайтариб беради. Халқаро ҳуқуқ ер билан битта бўлиб турган замонда ким тан олади суверенитетни. Айни вақтдаги Украина ҳукумати бутун халқини, милатини олдида энди қандай вазиятда қолди, келажаги нима бўлади бутун бошли давлатни, миллатни?! Шунинг учун ҳар бир қадамни минг ўйлаб босиш керак эди.
Босқинчи барибир босқинчи лекин у билан курашиш учун шунга яраша тайргарлик керак. Бундан хулоса қилиш керак. Кимларгадир, қайсидир давлатларга, етакчиларига ишониб иш тутиш, айниқса халқ миллат келажаги асосий масала бўлиб турганда энг аҳмоқона йўл эди.
