Uy-joy kommunal xizmat ko‘rsatish vazirligi

13/07/2023

✔️ Muammongizga yechim toping, taklif bering, faol bo‘ling!

Qurilish va uy-joy kommunal xo‘jaligi vaziri o‘rinbosari Ozoda Jo‘rayeva mamlakatimizda ko‘p xonadonli uylarga xizmat ko‘rsatish sohasini takomillashtirish, ularni kuz-qish mavsumiga tayyorlash, sohaga raqamli texnologiyalarni jalb etgan holda yuqori samaradorlikka erishish va ortiqcha ovoragarchiliklarning oldini olish, 24/7 ish rejimidagi dispetcherlik faoliyatini yo‘lga qo‘ygan holda aholi murojaatlarini kun-u tun qabul qilinishini ta’minlash maqsadida Buxoro hamda Jizzax viloyatlarining kommunal sohaga mas’ul vakillari, barcha boshqaruv tashkilotlari rahbarlari bilan onlayn muloqot qildi. Unda tizimda mavjud muammolar va ularning yechimi muhokama qilindi, takliflar bildirildi.

Ta'kidlash lozimki, mana shunday ochiq muloqotlar barcha hududlar bilan tashkil qilinadi. Mazkur jarayonda barcha boshqaruv kompaniyalari rahbarlarini faol bo‘lishga chaqiramiz!

05/06/2023

❗️Qurilish va uy-joy kommunal xo'jaligi vazirligi axborot xizmati yangi loyihaga start beradi.

✅ Huquq va majburiyatlaringiz Siz yashayotgan uydan boshlanadi. Biz bilan birgalikda kommunal sohaga oid bilimlaringizni oshiring.

👉Fikr va mulohazalaringiz, qo'shimcha takliflaringizni https://t.me/jamoliddin_0307 manzilida kutib qolamiz.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

02/06/2023

✅ Kommunal sohadagi muammolarni hal qilish – bu tizimli ishlashni talab qiladi. Bu borada aholi murojaatlari bilan ishlash birinchi oʼrindagi masala boʼlishi kerak.

Bugun Qurilish va uy-joy kommunal xoʼjaligi vaziri oʼrinbosari Ozoda Joʼraeva 30 nafarga yaqin fuqaroning kommunal yoʼnalishdagi murojaatlarini koʼrib chiqdi. Ularda asosiy masala boshqaruv tashkilotlari faoliyatidan qoniqmaslik, xizmat koʼrsatuvchi kompaniyani almashtirish, billing tizimida yuzaga kelayotgan muammolar, xizmatlar turini kengaytirish va yana bir eʼtiborli tomoni vazir oʼrinbosari qabulidan soʼng muammosi yechilgan yurtdoshlarimizning minnatdorliklarini ham koʼrish mumkin.

02/05/2023

🛠Ichimlik suvi tarmoqlariga o‘zboshimchalik bilan ulanish holatlariga chek qo‘yildi

🔧2022-yil hisobida “O‘zsuvtaʼminot” aksiyadorlik jamiyati va uning hududiy suv taʼminoti korxonalari tomonidan ichimlik va oqova suv tizimlariga jami 2240 ta noqonuniy ulanish holatlari aniqlangan bo‘lib, mazkur qonunbuzarliklar natijasida jami 41,5 milliard so‘mlik zarar yetkazilgan.

🔷Bunda eng yuqori ko‘rsatkichlar quyidagi hududlar hisobiga to‘g‘ri keladi:

🔹Xorazm viloyatida: 940 ta
🔹Toshkent viloyatida: 572 ta
🔹Samarqand viloyatida: 344 ta

🚰Joriy yilning o‘tgan davri mobaynida esa ichimlik va oqova suv tarmoqlariga 407 ta o‘zboshimchalik bilan ulanish holatlari aniqlangan bo‘lib, uning natijasida jami 3,9 milliard so‘mlik zarar yetkazilgan.

🌐Bunday holatlarni oldini olish maqsadida Qashqadaryo viloyatida tashkil etilgan reyd natijalari haqida mazkur lavha orqali bilib olishingiz mumkin.

02/05/2023

29/04/2023

O‘zbekiston Respublikasi Prezidentining joriy yil 8-fevral kuni Toshkent shahriga tashrifi chogʻida berilgan topshiriqlar ijrosini ta’minlash maqsadida Toshkent shahar hokimligi tomonidan "Veolia Energy Tashkent" MChJ XK bilan hamkorlikda “Shahardagi 300 km uzunlikdagi magistral issiqlik tarmoqlarini yangilash va yo‘qotishlarni 5 foizga kamaytirish bo‘yicha “Yo‘l xaritasi” tasdiqlangan.
Poytaxtimizda issiqlik ta’minoti tizimini yaxshilash maqsadida "Veolia Energy Tashkent" tomonidan joriy yilning bugungi kun holatiga koʻra quyidagi ishlar amalga oshirildi. Xususan, “Yo‘l xaritasi” asosida:
- 5,96 km uzunlikdagi issiqlik tarmoqlar yangisiga almashtirildi;
- 104 dona qozonda joriy ta’mirlash ishlari bajarildi;
- 5,8 km uzunlikdagi issiqlik tarmoqlarida issiqlik izolyatsiya qoplamasini qayta tiklandi;
- 4 dona nasos stansiyalarini joriy ta’mirlash ishlari bajarildi;
- 239 dona zulfin yangisiga almashtirildi va ta’mirlandi;
-790 dona havodan o‘tgan issiqlik quvurlarining ustunlarini bo‘yash ishlari bajarildi.
Ma’lumot uchun, “Yoʻl xaritasi” da belgilangan ishlarni bajarish muddati 2023-yilning 1-oktabr etib belgilangan.