Adama Broadcasting Service

23/07/2025

Milkaa'ina argame itti fufsiisuuf hawaasa waliin kutannoon ni hojjenna jedhan hooggantonni magaalaa Adaamaa tokko tokko.

23/07/2025

Magaalaa Maqiitti Piroojektonni bara 2017 Qarshii Mil.200 oliin Ijaaraman hojii keessa galan.

Bu'uraaleen misoomaa magaalittii keessatti hojjetaman fayyadamummaa keenya mirkaneessaa jiru jedhan jiraattonni magaalaa maqii ABS dubbise.

23/07/2025

Adama Broadcasting Service
Adoolessa 16, 2017
Galaa Galgalaa
Zeno Radio:-https://zeno.fm/radio/adama-broadcasting-service/

23/07/2025

16/11/2017
ABS(Adama Broadcasting Service)

Milkaa'ina argame itti fufsiisuuf hawaasa waliin kutannoon ni hojjenna jedhan hooggantonni magaalaa Adaamaa tokko tokko

Beekamtii fi badhaasa magaaliichi akka oromiyaatti argate ilaalchisuun ABS(Adama Broadcasting Service)
hoggansa adda addaa dubbiseera.
***********************************************
Magaalaan Adaamaa madaallii raawwii hojii bara 2017 akka oromiyaatti gaggeeffameen 1ffaa bahuun warqee badhaafamuun ishee ni yaadatama.

Hooggantonni kunneen akka jedhanitti gama wabii nyaataa mirkaneesutiin,pirojeektoota misoomaatiin,magaalaa ammayyomsuutiin hojii hojjetameen jijjiramni qabatamaa magaalititti argameera.

Karooraan hogganamuu,kutannoon hojii hooggansa fi hawaasa bira jiru akkasumas qindoominni gama hundaa milkaa'ina argameef bu'uura ta'uu ibsaniiru.

Hojii hojjetameen beekamtii fi badhaasa argachuun hamilee fi xiiqii hojii hoggansaa fi uummata biratti uumuu keessatti shoora ol'aanaa qaba jedhan.

Badhaafamuun galma miti kan jedhan hooggantonni kunneen beekamti argameen osoo hinboonin milkaa'ina dachaa galmeessuuf hawaasa waliin qindoominaan kan hojjetan ta'uu dubbataniiru.

Makkiyaa Muussaatiin

23/07/2025

Mucaa xiqqaan umurii 15 Yididiya Daawit namoota harka qalleeyyii 50 ta'aniif deeggarsaa garagaraa taasise.

23/07/2025

16/11/2017
ABS(Adama Broadcasting Service)

Poolisiin Federaalaa Nageenya waaressuuf injifannoowwan gaarii galmeesse – K/J Dammallaash Gabramikaa’eel
************
Poolisiin Federaalaa Nageenya waaressuuf injifannoowwan gaarii galmeesse jedhan Komishinarri Jeneraalaa Komishinii Poolisii Federaalaa Dammallaash Gabramikaa’eel.

Poolisiin Federaalaa karoora hojii bara 2018 fi raawwii karoora Tarsiimoo waggoota 5 irratti marii gaggeessaa jira.

Dhaabbatichi bara baajataa darbe keessa nageenyaa waaressuuf hojiilee bu’aa qabeessa raawwachuu ibsan Komishinarri Jeneraalaa Komishinii Poolisii Federaalaa Dammallaash Gabramikaa’eel.

Karoorri Tarsiimowaa waggoota 5 milkaa’aa ta’uu kaasan.

Waggoottan shanan itti aananis caalmaatti bu’aa qabeessa taasiisuuf xiyyeeffannoon hojjetama jedhan.

Itiyoophiyaan bara baajataa 2017 keessa dameewwan Diinagdee, Siyaasaa, Dippiloomaasii, Nageenyaa, Diijitaalaa fi kanneen biroon bu’aa gaarii galmeessuu kaasan.

23/07/2025

16/11/2017
ABS(Adama Broadcasting Service)

Shaampiyoonaa Kilaboota naannolee Itiyoophiyaan Kilabni bulchiinsa magaalaa Dambi Doolloo Araadaa injifachuun nuusa xumuraaf darbe.

Dambi Doolloo galchii 1 fi 0n Araadaa injifachuun kilaba naannoo Oromiyaa 3ffaa tapha nuusa xumuraaf darbe ta’eera.

Gincii fi Leeqaan tapha nuusa xumuraaf darbuun isaanii ni yaadatama.

Tapha Nuusa xumuraan Kilaboonni Oromiyaa Leeqaa fi Dambi Doolloon waliin taphatu.

23/07/2025

16/11/2017
ABS(Adama Broadcasting Service)

"Paartileen Siyaasaa Nageenya waaressuuf tumsaan hojjechuu qabu”- Obbo Tamasgeen Xurunee
**********
Paartileen siyaasaa nageenya biyyaa waaressuuf tumsaan hojjechuu qabu jedhan, Ministirri Muummee Itti Aanaa Obbo Tamasgeen Xurunee.

Waltajjiin marii mata duree ‘Nageenya mirkaneessuuf gahee paartilee Siyaasaa’ jedhuun Manni maree waloo paartilee siyaasaafi Ministeerri Nageenyaa waliin ta'uun qopheessan Bishooftuutti taa’amaa jira.

23/07/2025

Adama Broadcasting Service
ሐምሌ 16,2017
የአማርኛ ዜና
Zeno Radio:-https://zeno.fm/radio/adama-broadcasting-service/

23/07/2025

16/11/2017
ABS(Adama Broadcasting Service)

Bu'uraaleen misoomaa magaalittii keessatti hojjetaman fayyadamummaa keenya mirkaneessaa jiru jedhan jiraattonni magaalaa maqii ABS dubbise.

Magaalittiitti bara 2017 proojeektonni birrii miiliyoona 200 oliin hojjataman hojii keessa galaniiru.
*******
Piroojeektonni kunneen baajata idilee fi hirmaannaa hawaasa magaalittiin kan ijaaraman yoo ta'u, daandiwwan koobilii keessa keessa, teeraazowwan qarqara daandii,galma walga'ii magaalichaa, sheediwwan misooma innisheetivii, manneen barnootaa, giddugalli gabaa fi kanneen biroo keessatti argamu.

Piroojeektonni ijaaraman kunneen gaaffii bu'uraalee misoomaa kan deebisanii fi hawwatamummaa magaalittii kan dabalan ta'uu jiraattonni tokko tokko dubbataniiru.
Projeektota kaneen kunuunfachuun akka irraa fayyadamanis himaniiru.

Kantiibaa itti aanaa fi itti gaafatamaan waajjira daldalaa,carraa hojii uumuu fi investmentii magaalichaa Obbo Kamaal Qurcaa piroojeektonni 30 ta'an birrii miil.200 oliin ijaaramanii hojii keessa galuu himuun, piroojeektonni kunneen maagaalaa qofa osoo hin taane hawaasas magaalomsaa jiru jedhan.

Magaalichatti ogeessi too'annoo fi hordoffii piroojeektotaa Obbo Daadhii Barruu piroojeektonni kunneen qulqullinaa fi ariitii barbaadameen yeroo qabameef keessatti xumuramuun hojii keessa galuu himan.

Kantiibaan magaalaa Maqii Inj.Dilboo Urgeessaa Piroojeektonni bara 2017tti magaalittiitti hojjataman gaaffilee hawaasaa kan bu'ureeffatan ta'uu himan.

Piroojeektonni kunneen wabii nyaataa mirkaneessuun cinaatti dargaggoota hedduuf carraa hojii bal'aa uumuu danda'anii jirus jedhaniiru.

Magaalittiitti rakkoon nageenyaa qormaata cimaa ta'aa turus harka tokkoon hojiilee nageenyaa gama biroon ammoo hojiileen misoomaa hojjataman fayyadamummaa hawwaasaa mirkaneessuurratti kan argaman ta'uus himaniiru.
Firaa'ol Doddee

23/07/2025

16/11/2017
ABS(Adama Broadcasting Service)

Oomishaa fi oomishtummaa Xaafii guddisuuf hojiileen qorannoon deeggaraman hojjetamaa jiru
***********
Galteewwa teeknooloojii omishaa fi oomishtummaa Xaafii guddisuuf gargaaran qaqqabamaa taasisuuf hojiileen qorannoon deeggaraman hojjetamaa jiraachuuinistiitiyuutiin qorannoo qonnaa Itiyoophiyaa ibse.

Inistiitiyuutii qorannoo qonnaa Itiyoophiyaatti qorataan olaanaa oomisha Xaafii Dr. Abdii Jaafaar akka ibsanitti, inistiitiyuutichi oomishaa fi oomishtummaa Xaafii guddisuuf hojii qorannoon deeggarame hojjechaa jira.

Inistiitiyuutichi Xaaffiirratti qorannoo adeemsisuu erga jalqabee eegalee akkaataa haala qilleensaa naannawaa irratti hundaa’uun oomisha Xaafii babal’isuu fi oomisha fooyya’aa argachuuf sanyii Xaafii 60 ta’u qorannoon gadhiifamuu ibsaniiru.

Naannawoota rooba gahaa argatanitti sanyiin Xaafii fooyya’aa 40 caalu gadhiifamuu ibsanii, bakkeewwan hanqinni roobaa jiruti ammoo 15 akkasumas baddaatti ammoo lama, misooma jallisiif kan mijatu ammoo sanyiin Xaafii tokko gadhiifamuu himaniiru.

Inistiitiyuutichi sanyii fooyyessuun cinaatti hojmaattota teeknooloojii fi ekisteenshinii oomishaa fi oomishtummaa Xaafii guddisuuf gargaaran hojeessuuf hojii qorannoon deeggarame hojjechaa akka jiru ibsaniiru.

Ministeera qonnaa dabalatee qooda fudhattoota biroo waliin ta’uun karaa sagantaa qorannoo Xaafii biyyaalessaatiin hudhaalee fi furmaata damee kanaa irratti tumsaan hojjetamaa akka jiru himaniiru.

Naannoo Oromiyaa, Amaaraa, jiddugala Itiyoophiyaatti bal’inaan hojjetamaa akka jiru ibsanii, kessumaa teeknooloojiiwwan qorannoon bahan qonnaan bulaa akka qaqqabanii fi bu’aan gaariin akka argamu xiyyeeffatameera jedhaniiru.

Ministeera qonnaatti dursaan hojii raawwachiisaa misooma midhaanii obbo Isaayyaas Lammaa gamasaaniin, teeknooloojiiwwan oomishtummaa Xaafii qorannoon argaman guddisan qonnaan bulaa akka qaqqaban qindoominaan hojjetamaa jiraahuu ibsaniiru.

Kana malees teeknooloojiiwwan kunneen bu’aa akka buusan hojiilee tajaajila ekisteenshiniin deeggaraman cimsuu irraa kaase inistiitiyuuticha waliin qindoominaan hojjetamaa jira jedhaniiru.

TOI

23/07/2025

16/11/2017
ABS(Adama Broadcasting Service)

Pireezidaanti Taayyee Atsiqasillaaseen hoggantoota ‘Rootarii Itiyoophiyaa’ waliin mari’atan
*********
Pireezidaantiin FDRI Taayyee Atsiqasillaaseen hoggantoota dhaabbata ‘Rootarii Itiyoophiyaa’ waliin mari’ataniiru.

Hojii dhaabbatichi dameewwan fayyaa, naamusa gaariifi kanneen biroorratti hojjetu kan jajjabeeffamu ta’uu Pireezidaanti Taayyee Atsiqasillaaseen ibsaniiru.

Hojiin dhaabbatichaa hawaasa biratti haalaan akka beekamuuf daran hojjechuun barbaachisaa ta’uus hubachiisaniiru.