ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police

  • Home
  • Vietnam
  • Ho Chi Minh City
  • ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police

ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police Tboung Khmum Police

ស្នងការនគរបាលខេត្តត្បូងឃ្មុំ ប្រជុំបូកសរុប សភាពការណ៍ លទ្ធផលកិច្ចសហប្រតិបត្តិការប្រចាំខែកញ្ញា និងដកពិសោធន៍ការងារការពារពិធ...
26/09/2025

ស្នងការនគរបាលខេត្តត្បូងឃ្មុំ ប្រជុំបូកសរុប សភាពការណ៍ លទ្ធផលកិច្ចសហប្រតិបត្តិការប្រចាំខែកញ្ញា និងដកពិសោធន៍ការងារការពារពិធីបុណ្យកាន់បិណ្ឌ ភ្ជុំបិណ្ឌ និងទិសដៅបន្ត របស់ស្នងការដ្ឋាន

#ខេត្តត្បូងឃ្មុំ ៖ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នារសៀលថ្ងៃសុក្រ ទី២៦ ខែកញ្ញា ឆ្នាំ២០២៥ នៅសាលប្រជុំសេនាធិការដ្ឋាន លោក​ឧត្តមសេនីយ៍ទោ ចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ បានដឹកនាំកិច្ចប្រជុំបូកសរុបសភាពការណ៍ លទ្ធផលប្រតិបត្តិការ ការអនុវត្តន៍ការងារនគរបាល និងសហគមន៍ និងដកពិសោធន៍ការងារការពារពិធីបុណ្យកាន់បិណ្ឌ ភ្ជុំបិណ្ឌ និងទិសដៅបន្ត របស់ស្នងការដ្ឋាននគរបាលខេត្តត្បូងឃ្មុំ ។
ថ្លែងក្នុងកិច្ចប្រជុំ លោក​ឧត្តមសេនីយ៍ទោ ចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ បានដាស់តឿនដល់កម្លាំងជំនាញ យកចិត្តទុកដាក់បង្ក្រាបក្មេងទំនើង ដោយគ្មានការលើកលែង និងបន្ត ពង្រឹងវិធានការជំនាញ ក្នុងការបង្ការ ទប់ស្កាត់ និងបង្ក្រាបបទល្មើសគ្រប់ប្រភេទក្នុងមូលដ្ឋាន សំដៅធានាសុវត្ថិភាព សន្តិសុខ រក្សាបាននូវសេចក្តីសុខដុមរមនារបស់ប្រជាពលរដ្ឋ ស្របតាមគោលនយោបាយ ភូមិ ឃុំ សង្កាត់ មានសុវត្ថិភាព របស់រាជរដ្ឋាភិបាល។
លោកឧត្តមសេនីយ៍ស្នងការ ក៏បានដាក់ចេញនូវភារកិច្ចចំពោះមុខ ១៤ចំណុច ដល់គ្រប់អង្គភាព ដើម្បីយកទៅអនុវត្តផងដែរ។
កិច្ចប្រជុំមានការ​ចូលរួមពី លោក លោកស្រី ស្នងការរង នាយ​ការិយាល័យ មេបញ្ជាការវរសេនាតូចនគរបាលការពារព្រំដែនគោក អធិការ​នគរបាលក្រុងស្រុក សរុបចំនួន ៥១នាក់ផងដែរ។

សេចក្តីបំភ្លឺព័ត៌មានអ្នកនាំពាក្យ នៃស្នងការដ្ឋាន​នគរបាលខេត្តត្បូងឃ្មុំ​ សូមជម្រាបជូនព័ត៌មានបឋម​ ជូនសាធារណជនជ្រាបថា ក្រោយព...
20/09/2025

សេចក្តីបំភ្លឺព័ត៌មាន
អ្នកនាំពាក្យ នៃស្នងការដ្ឋាន​នគរបាលខេត្តត្បូងឃ្មុំ​

សូមជម្រាបជូនព័ត៌មានបឋម​ ជូនសាធារណជនជ្រាបថា ក្រោយពីទទួលការរាយការណ៍ពីប្រជាពលរដ្ឋ និងការផ្សាយលេីបណ្តាញសង្គមហ្វេសប៊ុក​ របស់គណនីឈ្មោះ​ NFP News និង​គណនីឈ្មោះ​ DAP News បានចុះផ្សាយព័ត៌មានប្រហាក់ប្រហែលគ្នា​ផងដែរ​ ថា៖​ នៅថ្ងៃទី១៧ ខែកញ្ញា ឆ្នាំ២០២៥ វេលាម៉ោង ១២និង៥០នាទី មានករណីហិង្សានិងចាប់ជំរិតមនុស្ស ដាក់ចូលរថយន្ត បានកើតឡើង នៅលើផ្លូវក្រាល កៅស៊ូលេខ៧២ ត្រង់ចំណុច ផ្សារជីមាន់ ស្ថិតនៅភូមិជីមាន់កណ្តាល ឃុំក្រែក ស្រុកពញាក្រែក ខេត្តត្បូងឃ្មុំ។
ក្រោយពីទទួលបានព័ត៌មានភ្លាម​ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ​ បានចាត់​តាំងកងកម្លាំងនគរបាលចុះល្បាត ស្វែងរក ដោយប្រើវិធានការជំនាញ​ប្រទាក់ក្រឡា​ និងការខិតខំស្រាវជ្រាវរបស់សមត្ថកិច្ចជំនាញ​ នៅវេលាម៉ោង ១៤និង៤៥នាទី ​កម្លាំងសមត្ថកិច្ចជំនាញ បានឃាត់ខ្លួនជនសង្ស័យ​ ចំនួន​ ២នាក់ (ជនជាតិ​ចិន)​ ពាក់ព័ន្ធ​ករណីខាងលេី រួមនឹងរថយន្ត ១គ្រឿង​ បញ្ជូនមកកាន់អធិការដ្ឋាននគរបាលស្រុកពញាក្រែក​ ដេីម្បីសាកសួរតាមនីតិវិធី។ ដោយមានការសហការជាមួយ នាយកដ្ឋាននគរបាលព្រហ្មទណ្ឌ ឆ្លងកាត់តាមការស្រាវជ្រាវដោយយកចិត្តទុកដាក់ នៅថ្ងៃដដែលសមត្ថកិច្ច បានបន្តឃាត់ខ្លួនចំនួន ២នាក់ និងរថយន្ត ០១គ្រឿង បន្ថែមទៀត ( ជនជាតិចិន ) សរុបចំនួន ៤នាក់ រថយន្ត ០២គ្រឿង យោងតាមចម្លើយសារភាព របស់ជនសង្ស័យខាងលើ ជាករណីហិង្សា ។ បច្ចុប្បន្នជនសង្ស័យជនជាតិចិនទាំង ៤នាក់ ត្រូវបាននគរបាលកសាងសំណុំរឿងបញ្ជូនទៅសាលាដំបូងខេត្តដើម្បីចាត់វិធានការបន្តតាមនីតិវិធី។

អាស្រ័យ​ហេតុ​នេះ​ សូមសាធារណជន​ និងអ្នកប្រេីប្រាស់បណ្តាញសង្គម​ មេត្តាទទួលជ្រាបជាព័ត៌មាន​ ។

យើងខ្ញុំសូមគោរពថ្លែងអំណរគុណចំពោះបងប្អូនប្រជាពលរដ្ឋ និងអ្នកប្រើប្រាស់បណ្តាញសង្គមដែលបានសហការផ្តល់ព័ត៌មានដល់យើងខ្ញុំ។ ករណីមានហេតុការណ៍បន្ទាន់ សូមរាយការណ៍ចូលមកលេខទូរស័ព្ទប្រចាំបញ្ជា២៤/២៤ម៉ោង លេខ 071 44 22 666 ដើម្បីមានវិធានការទាន់ពេលវេលា និងមានប្រសិទ្ធភាព។

ខេត្តត្បូងឃ្មុំ ៖ នាព្រឹកថ្ងៃសុក្រ ទី១៩ ខែកញ្ញា ឆ្នាំ២០២៥ ត្រូវនឹងថ្ងៃ ១២រោច ខែភទ្របទ ឆ្នាំម្សាញ់ សប្តស័ក ព.ស. ២៥៦៩ លោកឧ...
19/09/2025

ខេត្តត្បូងឃ្មុំ ៖ នាព្រឹកថ្ងៃសុក្រ ទី១៩ ខែកញ្ញា ឆ្នាំ២០២៥ ត្រូវនឹងថ្ងៃ ១២រោច ខែភទ្របទ ឆ្នាំម្សាញ់ សប្តស័ក ព.ស. ២៥៦៩ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងលោកស្រី ហេង ស្រីមាន ចិន នី បានអញ្ជើញចូលរួម ក្នុងពិធីកាន់បិណ្ឌទី១២ ប្រកបដោយសទ្ធាជ្រះថ្លា នៅវត្តគិរីសុវណ្ណរាម ហៅវត្តថ្កូវ ស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានកិត្តិយសនៃក្រុមឧត្តមប្រឹក្សាព្រះមហាក្សត្រ និងសម្តេចធម្មវិសុទ្ធវង្សា សៅ ទី ហេង សំរិន។

នៅព្រឹកថ្ងៃព្រហស្បតិ៍ ១១រោច ខែភទ្របទ ឆ្នាំម្សាញ់ សប្តស័ក ព.ស ២៥៦៩ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ ន...
18/09/2025

នៅព្រឹកថ្ងៃព្រហស្បតិ៍ ១១រោច ខែភទ្របទ ឆ្នាំម្សាញ់ សប្តស័ក ព.ស ២៥៦៩ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងលោកស្រី ហេង ស្រីមាន ចិន នី បានអញ្ជើញអមដំណើរ សម្ដេចមហាពញាចក្រី ហេង សំរិន និងសម្ដេចធម្មវិសុទ្ធវង្សា សៅ ទី ហេងសំរិន អញ្ជើញចូលរួមកាន់បិណ្ឌ រាប់បាត្រ វេនទី១១ វត្តជម្ពូសុវណ្ណ (វត្តត្រពាំងព្រីង) ស្ថិតនៅភូមិត្រពាំងព្រីង ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។

ក្រសួងមហាផ្ទៃចេញសេចក្តីថ្លែងការណ៍ថ្កោលទោសសកម្មភាពនគរបាល និងកម្លាំងចម្រុះថៃចូលបំពានដែនដីនៅភូមិអូរបីជាន់ ឃុំអូរជ្រៅ ស្រុកអ...
18/09/2025

ក្រសួងមហាផ្ទៃចេញសេចក្តីថ្លែងការណ៍ថ្កោលទោសសកម្មភាពនគរបាល និងកម្លាំងចម្រុះថៃចូលបំពានដែនដីនៅភូមិអូរបីជាន់ ឃុំអូរជ្រៅ ស្រុកអូរជ្រៅ ខេត្តបន្ទាយមានជ័យ

ក្រុមក្មេងទំនើងមួយក្រុម ប្រើហិង្សាលើយុវជនម្នាក់ នៅតាមផ្លូវសាធារណៈ ត្រូវបាននគរបាលខេត្តត្បូងឃ្មុំ ស្រាវជ្រាវបង្ក្រាបបានឃាត...
17/09/2025

ក្រុមក្មេងទំនើងមួយក្រុម ប្រើហិង្សាលើយុវជនម្នាក់ នៅតាមផ្លូវសាធារណៈ ត្រូវបាននគរបាលខេត្តត្បូងឃ្មុំ ស្រាវជ្រាវបង្ក្រាបបានឃាត់ខ្លួនចំនួន ០៤នាក់។

ខេត្តត្បូងឃ្មុំ ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈ​បញ្ជាការឯកភាពរដ្ឋបាលខេត្តត្បូងឃ្មុំ និងការបញ្ជាដឹកនាំផ្ទាល់របស់លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានចាត់លោកវរសេនីយ៍ឯក អ៊ាង ពិសិដ្ឋ ស្នងការរង ដឹកនាំកម្លាំងការិយាល័យនគរបាលព្រហ្មទណ្ឌកម្រិតស្រាល ខេត្ត​ត្បូងឃ្មុំ ស្រាវជ្រាវតាមការរាយការណ៍របស់ប្រជាពលរដ្ឋ និងការផ្សព្វផ្សាយតាមបណ្តាញសង្គម កាលពីថ្ងៃទី១៤ ខែកញ្ញា ឆ្នាំ២០២៥ នៅចំណុចលើផ្លូវជាតិលេខ៧ ស្ថិតក្នុងភូមិឡ ឃុំកោងកាង ស្រុកពញាក្រែក ខេត្តត្បូងឃ្មុំ ពាក់ព័ន្ធករណីហិង្សាដោយចេតនា បង្កឡើងដោយមនុស្ស១ក្រុមមាន គ្នាប្រហែល១០នាក់ បានធ្វើសកម្មភាព យកមួកសុវត្ថិភាពវាយលើយុវជន ០១នាក់ បណ្តាលឲ្យរងរបួសក្បាល និង កញ្ចឹងក ។
កម្លាំងជំនាញការិយាល័យនគរបាលព្រហ្មទណ្ឌម្រិតស្រាលខេត្ត សហការជាមួយកម្លាំងជំនាញ​នៃអធិការដ្ឋាននគរបាលស្រុកពញាក្រែក ស្រុកអូររាំងឪ និងក្រុងសួង បានធ្វើការស្រាវជ្រាវជាបន្តបន្ទាប់ រហូតដល់ថ្ងៃទី១៦ ខែកញ្ញា ឆ្នាំ២០២៥ បានធ្វើការឃាត់ខ្លួនជនសង្ស័យ ០៤នាក់ យកមកការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តត្បូងឃ្មុំ ដើម្បីធ្វើការសាកសួរតាមនីតិវិធី។ ក្រោយពីធ្វើការសាកសួររួច ជនសង្ស័យទាំង ០៤នាក់ខាងលើ បានឆ្លើយសារភាពថា ក្រុមពួកខ្លួន ពិតជាបានធ្វើសកម្មភាពវាយគ្នា នៅចំណុចលើផ្លូវជាតិលេខ៧ ស្ថិតក្នុងភូមិឡ ឃុំកោងកាង ស្រុកពញាក្រែក ខេត្តត្បូងឃ្មុំ កាលពីថ្ងៃទី១៤ ខែកញ្ញា ឆ្នាំ២០២៥ ពិតប្រាកដមែន ។ ចំណែកបក្ខពួកផ្សេងទៀត​ ដែលបានគេចខ្លួន​ នគរបាល​បាននឹងកំពុងស្រាវជ្រាវបន្ត។
ដោយមានការឯកភាព ពីលោកឧត្តមសេនីយ៍ស្នងការ មានការសម្របសម្រួលនីតិវិធីពីលោក កែវ ភក្តី ព្រះរាជអាជ្ញារង នៃអយ្យការអមសាដំបូងខេត្តត្បូងឃ្មុំ បានឲ្យកម្លាំងជំនាញកសាងសំណុំរឿងតាមនីតិវិធី។

16/09/2025

#នគរបាលខេត្តត្បូងឃ្មុំសហការជាមួយនាយកដ្ឋាននគរបាលព្រហ្មទណ្ឌ និងស្នងការដ្ឋាននគរបាលខេត្តស្វាយរៀង បំបែកសំណុំរឿងករណីបង្ខាំងមនុស្សដោយខុសច្បាប់ និងជំរិតទារប្រាក់ ដោយបានចាប់ខ្លួនឧក្រិដ្ឋជន ចំនួន ០២នាក់ ជាជនជាតិចិន។

ខេត្តត្បូងឃ្មុំ ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈ​បញ្ជាការឯកភាពរដ្ឋបាលខេត្តត្បូងឃ្មុំ និងការបញ្ជាដឹកនាំផ្ទាល់របស់លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានចាត់កម្លាំងនគរបាលខេត្ត​ ត្បូងឃ្មុំ សហការជាមួយនាយកដ្ឋាននគរបាលព្រហ្មទណ្ឌ និងស្នងការដ្ឋាននគរបាលខេត្តស្វាយរៀង ស្រាវជ្រាវ និងបង្ក្រាបបានករណីបង្ខាំងមនុស្សដោយខុសច្បាប់ និងជំរិតទារប្រាក់ដោយជួយសង្គ្រោះជនរងគ្រោះជាស្រ្តីជនជាតិវៀតណាម ចំនួន ២នាក់ ដែលត្រូវបានក្រុមឧក្រិដ្ឋជនធ្វើការបង្ខាំងនៅចំណុចក្នុងទីតាំងផ្ទះជួលមួយកន្លែង ស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ។

#ស្នងការដ្ឋាននគរបាលខេត្តត្បូងឃ្មុំ #លុបបំបាត់ក្មេងទំនើងក្នុងសង្គមដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្ត...
16/09/2025

#ស្នងការដ្ឋាននគរបាលខេត្តត្បូងឃ្មុំ
#លុបបំបាត់ក្មេងទំនើងក្នុងសង្គម

ដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈបញ្ជាឯកភាពរដ្ឋបាលខេត្ត និងការបញ្ជាដឹកនាំផ្ទាល់ពីលោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានចាត់លោកវរសេនីយ៍ឯក​ អ៊ាង​ ពិសិដ្ឋ​ ស្នងការរង​ ទទួល​ដឹកនាំ​ការិយាល័យ​នគរបាល​ព្រហ្មទណ្ឌ​កម្រិត​ស្រាល​ សហការជាមួយកម្លាំង ជំនាញនៃអធិការដ្ឋាននគរបាលក្រុងសួង ស្រុកពញាក្រែក​ និងស្រុកអូររាំងឪ ធ្វេីការស្រាវជ្រាវជាបន្តបន្ទាប់​ តាម
ការរាយការណ៍ និងការចុះផ្សាយគណនីហ្វេសប៊ុកផេក ឈ្មោះ NFP News កាលពីថ្ងៃ១៤-៩-២៥ ដោយសរសេរខ្លឹមសារថា"ត្បូងឃ្មុំបិណ្ឌទី៧ ឃើញក្មេងស្ទាវៗ ទៅវត្តចេះធ្វើបុណ្យខំសរសើរអ្វី នឹកស្មានមិនដល់ជិះម៉ូតូតែកង់មួយ ដោយភ្ជាប់ជាមួយ គ្លីបវីដេអូចំនួន ១នាទី និង ៣៤វិនាទី "។
កម្លាំងជំនាញផែនការងារនគរបាលព្រហ្មទណ្ឌ បានសហការជាមួយកម្លាំងអធិការដ្ឋាននគរបាលក្រុងសួង​ ស្រុកពញាក្រែក​ និងស្រុកអូររាំងឪ ធ្វើការស្រាវជ្រាវ រហូតដល់ថ្ងៃទី១៥ ខែកញ្ញា ឆ្នាំ២០២៥ និងបាននាំខ្លួនក្រុមក្មេងទំនើងចំនួន៥នាក់ រួមនិងម៉ូតូមួយគ្រឿងម៉ាក Nex ពណ៌ខៀស ពាក់ស្លាក់លេខត្បូងឃ្មុំ ១M-១៩០៨ យកមកស្នងការការដ្ឋាននគរបាលខេត្តត្បូងឃ្មុំ ដើម្បីធ្វើការសាកសួរ ហើយក្រុមពួកក្មេងទំនើងខាងលើបានឆ្លើយសារភាពថា ក្រុមពួកខ្លួនពិតជាបានធ្វើសកម្មភាពបង្ហោះម៉ូតូ ពិតមែន ។ ដោយពិនិត្យឃើញ យុវជនទាំង ០៥នាក់ខាងលើ មិនទាន់ធ្លាប់មានប្រវត្តិបានធ្វើការអប់រំធ្វើកិច្ចសន្យាជាមួយសមត្ថកិច្ច និងដើម្បីទុកឱកាសឲ្យកែខ្លួន ដោយបានការឯកភាព ពីលោកឧត្តមសេនីយ៍ស្នងការ បានឲ្យកម្លាំងជំនាញធ្វើកិច្ចសន្យាអប់រំក្រុមក្មេងទំនើងខាងលើ និងបានអញ្ជើញ អាណាព្យាបាលមកធ្វើលិខិតធានា រួចណែនាំអំពីបញ្ហាក្មេងទំនើង ហើយឲ្យត្រឡប់ទៅមូលដ្ឋានវិញ ចំណែកម៉ូតូយកមករក្សារទុកនៅ ការិយាល័យនគរបាលព្រហ្មទណ្ឌកម្រិតស្រាល នៃស្នងការការដ្ឋាននគរបាលខេត្តត្បូងឃ្មុំ រយៈពេលចំនួន៣ខែ ។ ចំណែកបក្ខពួកដែលរត់គេចខ្លួន​ នគរបាលយេីងកំពុងស្វែងរកបន្ត។

លោកឧត្តមសេនីយ៍ទោ ចិន នី និងលោកស្រី ហេង ស្រីមាន ចិន នី អញ្ជើញចូលរួមពិធីកាន់បិណ្ឌវេនទី៨ នៃពិធីបុណ្យកាន់បិណ្ឌ-ភ្ជុំបិណ្ឌនៅ...
15/09/2025

លោកឧត្តមសេនីយ៍ទោ ចិន នី និងលោកស្រី ហេង ស្រីមាន ចិន នី អញ្ជើញចូលរួមពិធីកាន់បិណ្ឌវេនទី៨ នៃពិធីបុណ្យកាន់បិណ្ឌ-ភ្ជុំបិណ្ឌនៅវត្តតេជសុវណ្ណភូមិ

ខេត្តត្បូងឃ្មុំ ៖ នៅព្រឹកថ្ងៃទី១៥ ខែកញ្ញា ឆ្នាំ២០២៥ នេះ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងលោកស្រី ហេង ស្រីមាន ចិន នី ព្រមទាំងថ្នាក់ដឹកនាំ និងមន្ត្រីនគរបាល នៃស្នងការដ្ឋាននគរបាលខេត្តត្បូងឃ្មុំ អញ្ជើញចូលរួមពិធីកាន់បិណ្ឌវេនទី៨ នៃពិធីបុណ្យកាន់បិណ្ឌ-ភ្ជុំបិណ្ឌ ប្រគេនទេយ្យទាន រាប់បាត្រ និងចូលបច្ច័យកសាង នៅវត្តតេជសុវណ្ណភូមិ ស្ថិតក្នុងភូមិនីគមលើ ឃុំស្រឡប់ ស្រុកត្បួងឃ្មុំ ខេត្តត្បូងឃ្មុំ ៕

#ស្នងការដ្ឋាននគរបាលខេត្តត្បូងឃ្មុំ #លុបបំបាត់ក្មេងទំនើងក្នុងសង្គមដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្ត...
15/09/2025

#ស្នងការដ្ឋាននគរបាលខេត្តត្បូងឃ្មុំ
#លុបបំបាត់ក្មេងទំនើងក្នុងសង្គម

ដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈ​បញ្ជាការឯកភាពរដ្ឋបាលខេត្តត្បូងឃ្មុំ និងការបញ្ជាដឹកនាំផ្ទាល់របស់លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានឲ្យកម្លាំងជំនាញការិយាល័យនគរបាព្រហ្មទណ្ឌ កម្រិតស្រាល បានចុះល្បាតក្នុងភូមិសាស្រ្ត រដ្ឋបាលខេត្តត្បូងឃ្មុំ លុះមកដល់ចំណុចលើផ្លូវក្រាលកៅស៊ូមុខមន្ទីបក្សខេត្តត្បូងឃ្មុំ ស្ថិតនៅភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ បានប្រទះឃើញ ក្រុមក្មេងទំនើង១ក្រុម មានគ្នា១០នាក់ ជិះម៉ូតូចំនួន១០គ្រឿង បាននាំគ្នាធ្វើសកម្មភាពបង្ហោះម៉ូតូ និងបង្កការអុកឡុក លើផ្លូវសាធារណៈ ពេលកំពុងធ្វើសកម្មភាពត្រូវបានសមត្ថកិច្ចជំនាញធ្វើការដេញតាម និងឃាត់បានមនុស្សចំនួន៦នាក់ ម៉ូតូចំនួន៦គ្រឿង យកមកកាន់ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តត្បូងឃ្មុំ ដើម្បីធ្វើការសាកសួរ និងបានឆ្លើយសារភាពថាពិតជាបានធ្វើកម្មភាពបង្ហាះម៉ូតូ និងបង្ករការអុកឡុក នៅលើផ្លូវសាធារណៈពិតមែន ។ ហើយកម្លាំងធ្វើការអប់រំ ណែនាំ និងឲ្យអាណាព្យាបាលមកធានាត្រឡប់ទៅមូលដ្ឋានវិញ ។ចំណែកម៉ូតូចំនួន៦គ្រឿង សមត្ថកិច្ចជំនាញបានធ្វើការដកហូត និងរក្សាទុកនៅការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តត្បូងឃ្មុំ រយៈពេល៣ខែ ។ ហើយបក្ខពួកដែលគេចខ្លួន សមត្ថកិច្ចជំនាញកំពុងធ្វើការស្រាវជ្រាវបន្ត ។

លោកឧត្តមសេនីយ៍ទោ ចិន នី និងលោកស្រី ហេង ស្រីមាន ចិន នី អញ្ជើញចូលរួមពិធីសូត្រមន្តកាន់បិណ្ឌវេនទី៨ នៃពិធីបុណ្យកាន់បិណ្ឌ-ភ្ជ...
14/09/2025

លោកឧត្តមសេនីយ៍ទោ ចិន នី និងលោកស្រី ហេង ស្រីមាន ចិន នី អញ្ជើញចូលរួមពិធីសូត្រមន្តកាន់បិណ្ឌវេនទី៨ នៃពិធីបុណ្យកាន់បិណ្ឌ-ភ្ជុំបិណ្ឌនៅវត្តតេជសុវណ្ណភូមិ

ខេត្តត្បូងឃ្មុំ ៖ នៅរសៀលថ្ងៃទី១៤ ខែកញ្ញា ឆ្នាំ២០២៥ នេះ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងលោកស្រី ហេង ស្រីមាន ចិន នី ព្រមទាំងថ្នាក់ដឹកនាំ និងមន្ត្រីនគរបាល នៃស្នងការដ្ឋាននគរបាលខេត្តត្បូងឃ្មុំ អញ្ជើញចូលរួមពិធីសូត្រមន្តកាន់បិណ្ឌវេនទី៨ នៃពិធីបុណ្យកាន់បិណ្ឌ-ភ្ជុំបិណ្ឌនៅវត្តតេជសុវណ្ណភូមិ ស្ថិតក្នុងភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ៕

#ស្នងការដ្ឋាននគរបាលខេត្តត្បូងឃ្មុំ ថ្ងៃអង្គារ ២រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែកញ្ញា...
10/09/2025

#ស្នងការដ្ឋាននគរបាលខេត្តត្បូងឃ្មុំ

ថ្ងៃអង្គារ ២រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែកញ្ញា ឆ្នាំ២០២៥
ស្នងការដ្ឋាននគរបាលខេត្តត្បូងឃ្មុំ បានរៀបចំ ពិធីសំណេះសំណាល សួរសុខទុក្ខ ត្រួតពិនិត្យកម្លាំង និងផ្សព្វផ្សាយខ្លឹមសារវិសោធនកម្មច្បាប់ស្តីពី សញ្ជាតិ ក្រោមអធិបតីភាពខ្ពង់ខ្ពស់ ឯកឧត្ដម កុល វីរក្ស រដ្ឋលេខាធិការ ក្រសួងមហាផ្ទៃ ៕

Address

Ho Chi Minh City

Website

Alerts

Be the first to know and let us send you an email when ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police posts news and promotions. Your email address will not be used for any other purpose, and you can unsubscribe at any time.

Shortcuts

Share

Category