17/07/2025
【 နိုင်ငံတကာ ဆောင်းပါး 】 အခွန်တိုးမြှင့်စည်းကြပ်ခြင်းကြောင့်ဖြစ်လာသည့် အမေရိကန်အခြေအနေ
ငွေကြေးဖောင်းပွမှု မြင့်တက်နေစဉ် သမ္မတ ထရမ့်၏ အကောက်ခွန်စနစ်သည် အမေရိကန်၏ စီးပွားရေး တိုးတက်မှုကို သိသိသာသာ ထိခိုက်စေမည်ဟု ဇွန်လဆန်းက ထုတ်ပြန်ခဲ့သည့် OECD ထုတ်ပြန်ချက်တွင် ဖော် ပြခဲ့သည်။
ပဲရစ်အခြေစိုက် သုတေသနအဖွဲ့ဖြစ်သည့် စီးပွားရေး ပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေး အဖွဲ့ (The Organization for Economic Cooperation and Development – OECD) ၏ ဇွန် ၃ ရက်ထုတ်ပြန်မှုတွင် အမေရိကန်၏ ပြည်တွင်းအသားတင်ထုတ်ကုန်တန်ဖိုး(GDP)ကို ၂၀၂၅ ခုနှစ်အတွက် ၁.၆ ရာခိုင်းနူန်းသာတိုးတက် မည်ဟု လျော့ချခဲ့သည်။အဆိုပါတိုးတက်မှုနူန်းသည် အစောပိုင်းက ခန့်မှန်းချက် ၂.၂ ရာခိုင်နူန်းမှ လျော့ချခဲ့ခြင်း ဖြစ်ပြီး ယခင်နှစ် ၂၀၂၄ ခုနှစ်က ၂.၈ ရာခိုင်နူန်းထက်များစွာလျော့ကျခဲ့ခြင်း ဖြစ်သည်။
ထိုသို့ဆိုးရွားစွာ လျော့ချသတ်မှတ်ရခြင်းသည် ထရမ့်၏ အခွန်စည်းကြပ်မှု၊ အခြားနိုင်ငံများ၏ လက်တုံ့ ပြန်မှု၊ စီးပွားရေးမူဝါဒနှင့် အစွန်းရောက်နေသည့်လူဝင်မှုကြီးကြပ်ရေးတို့ကြောင့် ဖြစ်သည်။ထို့ကြောင့် လာမည်နှစ် ၂၀၂၆ ခုနှစ်အတွက် ကြိုတင်ခန့်မှန်းရာတွင်လည်း အမေရိကန်၏ GDP ကို ၁.၅ ရာခိုင်နူန်းသာရှိမည်ဟု ခန့်မှန်းခဲ့ သည်။
ထိုအခြေအနေသည် ဇူလိုင် ၁၅ ရက်က တရုတ်အမျိုးသားစာရင်းအင်းဗျူရိုက ထုတ်ပြန်ခဲ့သည့် တရုတ် ပြည်၏ ၂၀၂၅ နှစ်ဝက် GDP နှင့် နိုင်းယှဉ်ပါက များစွာကွာခြားနေသည်ကိုတွေ့ရမည် ဖြစ်သည်။ တရုတ်အမျိုး သားစာရင်းအင်းဗျူရိုမှ ယခုနှစ် ပထမနှစ်ဝက်အတွက် တရုတ်နိုင်ငံ၏ GDP ကို ၅.၃ ရာခိုင်နူန်းရှိကြောင်း ထုတ် ပြန်ခဲ့ရာ စီးပွားရေးပညာရှင်များနှင့် အဖွဲ့အစည်းများအတွက် အံအားသင့်စရာဖြစ်လာခဲ့သည်။ ထရမ့်အနေဖြင့် ကမ္ဘာ့ကုန်သွယ်ရေးတွင် တရုတ်၏ အခန်းကဏ္ဍကြီးမားလာမှုကို ပြင်ဆင်ရန်အတွက် ကြိုးပမ်းသည်အနေဖြင့် အခွန်စည်းကြပ်မှုအသစ်ဖြင့် ကုန်သွယ်ရေးကိုပြန်ပုံဖော်ရန် ကြိုးစားနေရာတွင် ခရီးမရောက်သေးသဖြင့် ဇူလိုင် ၉ရက် နောက်ဆုံးထားသည့် အခွန်သတ်မှတ်ရန်ညှိနိုင်းမှုကို ဩဂုတ် ၁ ရက်ထိရွေ့ဆိုင်းခဲ့ရသည်။
ယခုထိ ထုတ်ပြန်ချက်တွင် ဗြိတိန်၊ဗီယက်နမ်၊ အင်ဒိုနီးရှားနှင့် တရုတ် (မူဘောင်သဘောတူညီမှုသာရရှိ သေးပြီး ဩဂုတ် ၁၂ ရက်နောက်ဆုံးထားညှိနိုင်းရန်ရှိ)သာရှိသေးသည်။ ဘရာဇီးက အမေရိကန်စည်းကြပ်သည် အ တိုင်း ၅၀ ရာခိုင်နူန်းစည်းကြပ်ကာလက်တုံ့ပြန်မည်ဆိုထားပြီး ဥရောပသမဂ္ဂ( EU) က ညှိနိုင်းမရပါက လက်တုံ့ ပြန်အရေးယူရန် ယူရို ၇၂ ဘီလီယံအထိ ကုန်ပစ္စည်းအမျိုးအစားစာရင်းကိုပြင်ဆင်နေသည်။ ဂျပန်နှင့် တောင်ကိုရီး ယား၊ အိန္ဒိယတို့မှာလည်း ညှိနိုင်းနေဆဲဖြစ်ပြီး ထရမ့်၏အခွန်ခြိမ်းခြောက်မှုကို ပြင်းပြင်းထန်ထန်ခံနေရသည့် မက္ကဆီကိုနှင့် ကနေဒါက အခွန်စည်းကြပ်မှုကို တုံ့ပြန်သည့်အနေဖြင့် ကုန်သွယ်ရေးပူးပေါင်းဆောင်ရွက်မှုကို အားကောင်းလုပ်ဆောင်ဖို့ ဇူလိုင် ၁၆ ရက်က သဘောတူညီမှုရရှိခဲ့သည်။ဂျပန်ကလည်း ထရမ့်တောင်းဆိုနေသည့် ဆန်တင်သွင်းမှုကို ပြည်တွင်းလယ်သမားများအတွက် အကာအကွယ်ပေးကာ အလျော့ပေးဖို့ မရှိကြောင်း ပြော ထားသည်။သို့ဖြစ်ရာ ထရမ့်၏ကုန်သွယ်ရေးအပေါ် တစ်ဖက်စောင်းနင်းအသာရရန် လုပ်ဆောင်သည့် အခွန်စည်း ကြပ်မှုသည် ယခုထိ ထင်သလို ရလဒ်မထွက်သေးဘဲ ပြည်တွင်းစားသုံးမှုကိုသာ ထိခိုက်နေသည်။
၂၀၂၅ ခုနှစ်အတွင်း စည်းကြပ်ခွန်များ တိုးမြင့်ခြင်းကြောင့် တင်သွင်းကုန်စျေးများ တက်လာပြီး၊ ယခင် ထက် ငွေဖောင်းပွမှုတိုးလာသည်။ အမေရိကန်ပြည်တွင်း ကုန်စျေးနှုန်း (CPI) အတက်အကျမှာလည်း ဇွန်လတွင် မေလ ကုန်စျေးနှုန်း (CPI)ထက် ၀.၁ ရာခိုင်နူန်းတိုးကာ ၀.၃ ရာခိုင်နူန်းဖြစ်လာသည်။တစ်နှစ်တာအတွက် ကုန် စျေး နှုန်း (CPI)မှာ ၂.၇ ရာခိုင်နူန်းတိုးမည်ဟု ခန့်မှန်းထားသည်။
အစားအသောက်၊ လျှပ်စစ်မပါဘဲ ကုန်စျေးနူန်း တိုးတက်မှုသည့် လစဉ် ၀.၂ ရာခိုင်နူန်းတက်မည်ဟု ခန့်မှန်းထားသည်။ ထုတ်လုပ်သူစျေးနူန်း ( PPI)မှာလည်း တင်သွင်းအခွန်များကြောင့် ၀.၃ ရာခိုင်နူန်းတက်မည်ဟု ခန့်မှန်းခဲ့သည်။
ကုန်စျေးတက်မှုအရင်းအမြစ်အဖြစ် တင်သွင်း အခွန် (Tariffs) များကြောင့် ထင်ရှားလာပြီး၊ အထူးသဖြင့် အိမ်သုံးပစ္စည်းများ၊ ပရိဘောဂများ၊ အဝတ်အထည်များ တို့တွင် စျေးတက်မှုကို ရင်ဆိုင်နေရပြီ ဖြစ်သည်။ လက်ရှိ တွင် အိမ်သုံးပစ္စည်းများ၊ အဝတ်အထည်၊ ပရိဘောဂ စတဲ့ပစ္စည်းတွေမှာ စျေးတက်နေသည်။ အစားအစာ အမျိုးအ စားတွင် အိမ်တွင်းစားသုံးသော စားနပ်ရိက္ခာများမှာ ၀.၃ ရာခိုင်နူန်း တက်ခဲ့ပြီး စားသုံးဆိုင်များတွင် စားသောက် ခြင်း သည် ၀.၄ ရာခိုင်နူန်း တက်လာသည်။ အိမ်သုံးပစ္စည်းများ (household furnishings) တွင် ၁ ရာခိုင်နူန်းထိ တက် လာပြီး အဝတ်အထည် စျေးမှာ ၀.၄ ရာခိုင်နူန်းတက်လာသည်။
ဆေးကုသမှုနှင့် ဆေးဝါး အပေါ်တွင်လည်း အနည်းငယ်တက်လာမှုတွေ့ရပြီး၊ ဆေးကုသမှုတွင် ၀.၅ ရာ ခိုင်နူန်း၊ ဆေးဝါးတွင်၀.၁ ရာခိုင်နူန်းတက်လာခဲ့သည်။ထိုသို့တက် ခြင်းမှာ ထုတ်လုပ်သူစျေးနူန်း ( PPI) က လူ သုံးကုန်စျေးနူန်းထဲ သက်ရောက်လာစပြုနေခြင်းကြောင့် ဖြစ်သည်။
စျေးတက်နေတာကြောင့် အမေရိကန်ပြည်သူများ၏ အခြေခံအသုံးစရိတ်များတွင် အလေးပေးစရာများ ပြောင်းလဲလာနေပြီး ဘဏ်တချို့ကလည်း အနာဂတ်တွင် ပြည်တွင်းသုံးစွဲမှုနည်းလာနိုင်ကြောင်း သတိပေးထား သည်။ အမေရိကန်ဗဟိုဘဏ် (Federal Reserve) မှ အတိုးနှုန်းကို ၄.၂၅ ရာခိုင်နူန်း မှ ၄.၅ ရာခိုင်နူန်းအတွင်း ထိန်းသိမ်းထားပြီး၊ ဇူလိုင် ၂၉–၃၀ တွင် ကျင်းပမည့် ဗဟိုဘဏ်အစည်းအဝေးအပြီးမှသာ ပြောင်းလဲနိုင်မည်ဟု ခန့်မှန်းထားကြသည်။
ထရမ့်၏ပြည်ပမှ တင်သွင်းသော ကုန်သွယ်ခွန်တိုးမြှင့်ခြင်းကြောင့် ပြည်တွင်းတွင် Tax Foundation အ ဆိုအရ တစ်ဦးတစ်နှစ်ကုန်ကျမှုသည် ၂၀၂၅ ခုနှစ်တွင် ၁,၂၉၆ ဒေါ်လာ နှင့် ၂၀၂၆တွင် ၁,၆၈၃ ဒေါ်လာ တိုး လာ မည်ဖြစ်သည်။ အသုံးအဆောင်ပစ္စည်းများတွင် ၁၅ ရာခိုင်နူန်းမှ ၄၀ ရာခိုင်နူန်းထိ ထပ်ကုန်ကျလာပြီး မော်တော် ယာဉ်အသစ်/အဟောင်းတွင် ၁၀ ရာခိုင်နူန်းထပ်ကုန်ခြင်း၊ စားသောက်ကုန်များတွင် ၇ ရာခိုင်နူန်းမှ ၉ ရာခိုင်နူန်းထိ ထပ်ကုန်ကျခြင်းများဖြစ်မည်ဟု ခန့်မှန်းခဲ့ကြသည်။
ပြည်ပတင်သွင်းခွန်တိုးမြှင့်ခြင်းကြောင့် ပြည်တွင်းရောင်းစျေးကို ကုမ္ပဏီများက အရောင်းစျေးတိုးမြှင့် သတ်မှတ်ကာ တုံ့ပြန်ခဲ့ကြသည်။ Nike က တင်သွင်းခြင်းကုန်ကျစရိတ်တိုးသဖြင့် ရောင်းစျေးတက်မည်ဟု ကြေ ညာခဲ့ပြီး Walmart က အချို့ကုန်များတွင် ၁၀ ရာခိုင်နူန်းထက်ပိုကာ ဈေးတက်မည်ဟုဆိုထားသည်။ Apple က၎င်း၏ထုတ်ကုန် iPhone နှင့် accessories များကို စျေးပြောင်းမည်ဟု ကြေညာခဲ့သည်။
ထရမ့်၏ ပစ်မှတ်ထားသော အခွန်စည်းကြပ်မှုများအတွင် ပထမဆုံးထိခိုက်ခံစားရသူများမှာ အမေရိကန် စားသုံးသူများသာဖြစ်သည်။ တင်သွင်းခွန်မြင့်တင်လိုက်ခြင်းကြောင့် ကုန်ထုတ်လုပ်သူများနှင့် စားသုံးသူများတွင် လည်း အစားထိုးနိုင်စွမ်းနည်းသော အသုံးအဆောင်ပစ္စည်းများတွင် အခက်အခဲများ ဖြစ်စပြုလာနေသည်။ ကုမ္ပဏီ များသည် မရနိုင်တော့သော တရုတ်ကုန်ကြမ်းများအစား အခြားနိုင်ငံများမှ ရယူရန်ကြိုးပမ်းကြရသည်။ ထို့ကြောင့် supply chain ပိုမိုရှုပ်ထွေးလာပြီး ပစ္စည်းရရှိချိန် နှေးကွေးခြင်းဖြစ်ပေါ်နေသည်။
စျေးတက်မှုကြောင့် အမေရိကန်ပြည်သူများ သုံးစွဲမှုပမာဏလျော့နည်းလာပြီး စားသုံးသူများတွင် ဖိအား (consumer pressure) ဖြစ်ပေါ်လာမည်ဖြစ်သည်။ထရမ့်၏အခွန်တိုးမြှင့်ကာ စည်းကြပ်ခြင်းသည့် နိုင်ငံများစွာ (အထူးသဖြင့် တရုတ်နိုင်ငံ) ကို ရည်ရွယ်သော်လည်း လောလောဆယ်တွင် အမေရိကန်ပြည်သူများတွင် တစ်ဦး ချင်းစီ အပေါ် ထိခိုက်မှုများ ဖြစ်စေခဲ့သည်။ အချို့တွင် သုံးစွဲမှုဦးစားပေးခြင်းပြောင်းလဲရန်နှင့် ဝင်ငွေစီမံခန့်ခွဲမှု အပေါ် သက်ရောက်မှုများမလွဲမသွေဖြစ်လာခဲ့သည်။
စိုးငြိမ်း
ဆောင်းပါးအပြည့်အစုံ » »
