VBTC Sanma

16/09/2026

6 day blong search tete, tufala patrol boat i aot long solwora blong continue long search.

16/09/2026

https://www.linkps.com/post/chief-executive-officer-ceo-1

Vanuatu Broadcasting and Television Corporation (VBTC) Applications close Monday, 05 October 2026 ● The Board of Directors seeks an outstanding leader to guide VBTC through its next phase of growth and transformation. ● Contract full-time position open to Vanuatu Citizens and Residents ● Based...

14/09/2026

Klosap 10 boats inkludum 3 ship oli aot tete morning blong continue long search mo rescue.

Olgeta boat ia bambae oli mekem full search araon lo ol off shore island blong Santo long eastern part.

14/09/2026

Wan Information Senta i setap finis long NDMO ofis long Luganville blong givim stret mo niufala information long ol family blong ol pasenja mo ol loved one blong olgeta we oli lus long sip MV Matui.

Information Senta ia hemi pat blong Search and Rescue (SAR) operation. Folem information we VBTC Nius i kasem, operation bambae i gohed tumoro, wetem 10 boats we oli task blong tekem pat long search. Hemia inkludum some ship weh bambae oli aot long 6 oklok moning blong mekem search tugeta long solwota bitwin Santo mo Ambae, folem ol search line we oli bin givim long olgeta.

Operation Controller i askem ol famle blong stap kwaet mo blong kasem ol stret update nomo tru long Information Senta long NDMO ofis. Search operation we i bin tekem ples tete i no faenem eni survivor or narafala bodi.

13/09/2026

Assistant Commissioner blong Police long North, ACP David Bongranlie i kamaot long VBTC nius tete safa blong updatem public long wanem operation team long Northern command i stap karem aot since oli kasem information long ship MV Matui weh i bin traon kasem tete Sunday 13/09/26.

Lisin long toktok blong hem ACP Bongranlie.

13/09/2026

Fulap long ol families oli stap since last night i kam kasem naoia long Northern Provincial Hospital (NPH) blong save identity ol family blong olgeta weh oli survive.

Long morning ia i kat 3 survivors mo 1 weh i lusum life blong hem weh oli kam shore long island blo Tutuba.

Olgeta ia ship Helper 1 i pikimap olgeta mo naoia oli stap lo NPH vinis.

VBTC nius i toktok wetem MP Matai Seremaiah mo hemi confirmem seh everyone weh oli rescue olgeta hemi 15 mo i kat 2 ded wan long tufala body oli save karem i kam shore beh nara wan Helper 1 i identify last night beh i no save pikimap from solwota hemi raf tumas.

Search long side blong tutuba Mavea mo ice island i stap go hed yet naoia.

12/09/2026

MV Matui i traon between Ambae mo Santo

Police Northern Command i konfem se MV Matui i bin traon yestede, 11 Septemba 2026, klosap long 10 oklok moning, afta we hem i fesem strong solwota bitwin Ambae mo Santo.

Police i talem se 34 pasenja mo 13 crew oli bin stap long ship ia. Wan long ol pasenja i bin save kasem Bombua Beach long south east Santo tete afternoon afta we wan diver i bin helpem hem i kam shore, mo talem seh ship hemi been draon.

Police long Northern command i just kasem information long tete morning, ACP north i talem seh i no kat any communication between olgeta long ship mo office blong ship from ship hemi traon hariap tumas, mo i no kat any indication blong talem seh ship i traon.

Naoia, wan search mo rescue operation i stap gohed wetem Vanuatu Police Force, Dr Mark blong Flying Doctor Service long Torba, MV Island Fortune, LC Mahalia mo 2 long ol fishing boat, blong mekem search long east mo south east coast blong santo.

11/09/2026

World Vision wetem olgeta stake holder blong hem i stap tete long Tasiriki village long south santo area 1 blong kivim olgeta toktok blong awareness long side blong Disability.

Tru long wan program blong World Vision long side blong person wetem disability especially ol girl mo mama, i mekem NGO ia i tintink strong blong toktok wetem community.

VBTC nius i kasem information seh program blong awareness ia hemi happen folem fulap ignorance long olgeta mama mo girl weh kat disability long village ia.

Message weh i kamaot long olgeta stake holder olsem Vanuatu police Force, Vanuatu Society blo People wetem Disability VDPA Vanuatu Disability Promotion Advocacy mo Chid Desk hemi blong community mo everyone i mas tritim ol disability i mas semak long olgeta weh i kat ability.

08/09/2026

Pipol blong west mo south east Malo I witnisim blong festaem wan bigfala Eviction order weh police I executum long week ia.

Vanuatu Police Force wetem Ofis blong Sheriff, wetem sapot blong kot long Sanma Province, oli mekem wan bigfala enforcement operation long aelan blong Malo long yesterday, blong executem olketa eviction warrant we kot i bin givim long 4 different area.

Eviction i bin hapen yestete long Nambatuliu Custom Land long West Malo, we klosap 500 man mo woman oli affected mo klosap 100 household oli lusum haos blong olketa. Narafala eviction i bin tekem ples long Avunatora, long Navusi Station long South-East Malo.

Mo 2 narafala eviction oli hapen from sam man oli mekem karem weh I stap long graon we i go ova long boundary, we kot i bin mekem ruling blong sapotem raet blong custom land owner.

Folem VBTC 7pm news blong kasem more long storian ia.

07/09/2026