01/09/2024
E fa’atulou atu Samoa, i ou paia fa’a-le-atunuu, o paia fa’a-le-aganu’u, ma ou paia fa’a-le-talalelei. Fa’atulou foi i le paia fa’ata’oto’oto o le Ekalesia Aoao EFKS i Samoa nei ma atunu’u e mamao. I le agaga maulalo ma le fa’atuvaa, matou te fa’amalulu atu ai i le paia o le Ekalesia, o uo ma pa’aga a lau alaata EFKSTV, ona o se fa’aletonu i le tulaga tau internet ua afua ai ona le mafai ona auina atu a tatou polokalame masani aemaise lava ia tatou faigalotu i luga o la tatou page. Silafia le tulaga leaga ma le louloua o le taua I le a*o ananafi, na afua ai ona fa’aletonu, feso’otaiga tau internet. Lea ua mae’a ona fo’ia ma fa’atino foi le galuega, ma o lea ua taumafai e toe tu’uina uma i luga (upload) a tatou polokalame ma a tatou faigalotu sa le mafai ona fa’asalalau tuusao (live stream) ona ole fa’aletonu o le internet, ao lea sa fa’aalu lava i luga o le TV mo le maimoaga i Samoa nei.
Manatu ua malama ia sega se finagalo, e ui magalo se vaivaiga i se tofa fa’a-le-Atua. Manuia lenei a*o ma ona lavasiga
