Ferizaj Info

06/12/2025

Qielli sonte dukej si zjarr i butë mbi lagje.

05/12/2025

Të dashur ferizajas!

Pas betimit në krye të Komunës së Ferizajt e në vazhdën e konsolidimit të qeverisjes lokale për mandatin e ri qeverisës 2025-2029, energjiplotë për nisjen sa më parë të punës sonë për Ferizajn e Gjeneratës Tjetër, sot mora vendim për emërimin e anëtarëve të Kabinetit Qeverisës të Komunës së Ferizajt, me këtë përbërje:

1. Nënkryetar i Komunës së Ferizajt – z. Lulzim Aliu, Inxhinier i Diplomuar i Elektroteknikës.

2. Drejtore e Drejtorisë së Pronës, Gjeodezisë dhe Kadastrit - znj. Festina Sadiku Hyseni, Master i Shkencave në Hartografi.

3. Drejtor i Drejtorisë së Arsimit – z. Afrim Llabjani, Pedagog.

4. Drejtor i Drejtorisë së Kulturës, Rinisë dhe Sportit - z. Gazmend Bytyçi, Bachelor në Shkenca Politike dhe Administratë Publike.

5. Drejtore e Drejtorisë së Financave - znj. Sebahate Sadiku, Ekonomiste e Diplomuar.

6. Drejtor i Drejtorisë së Shëndetësisë dhe Mirëqenies Sociale - Dr. Kemajl Emini, Neonatolog.

7. Drejtor i Drejtorisë së Zhvillimit Ekonomik dhe Turizmit – z. Balton Dërguti, Master i Menaxhimit dhe Inovacionit në Turizëm.

8. Drejtor i Drejtorisë së Infrastrukturës – z. Meriton Hajdini, Inxhinier i Ndërtimtarisë.

9. Drejtor i Drejtorisë së Shërbimeve Publike dhe Emergjencë - z. Alberton Sahiti - Ekonomist i Diplomuar.

10. Drejtor i Drejtorisë së Urbanizmit dhe Mjedisit – z. Arbër Bytyqi, Inxhinier i Elektroteknikës.

11. Drejtor i Drejtorisë së Bujqësisë - Dr. Burim Bajrami, Doktor i Mjekësisë Veterinare.

12. Drejtor i Drejtorisë së Administratës së Përgjithshme – z. Selim Marevci, Politolog.

Kurse në Kabinetin tim, kam emëruar:

1. Shef i Kabinetit të Kryetarit të Komunës – z. Albion Sherifi, Jurist i Diplomuar.

2. Zëdhënëse e Komunës së Ferizajt - znj. Jerina Rexhepi.

Na priftë e mbara!

03/12/2025

Fatmir Limaj në listën e Partia Demokratike e Kosovës - PDK

A do t'ia siguronte fitoren
Bedri Hamzas?

Komenti juaj!👇

03/12/2025

Pas betimit si kryetar komune, punëtorët e komunës e pritën Agim Aliun me respekt dhe urime për detyrën e re. Atmosfera ishte e ngrohtë dhe të gjithë shprehën gatishmërinë për të bashkëpunuar në punët që i presin përpara.

02/12/2025

Gjyqtarja e Gjykatës Supreme, Lindita Jakupi nga Ferizaj, ka përfunduar doktoraturën në mbrojtjen e mjedisit në Shtetet e Bashkuara të Amerikës. Ky hap nuk është vetëm një pikë e rëndësishme në karrierën e saj. Është edhe një lajm i mirë për gjithë Kosovën, sepse puna e saj prek një fushë që i prek të gjithë.

Studimet e saj janë fokusuar në mënyra konkrete për të mbrojtur natyrën dhe për të ndërtuar politika që mund të zbatohen në praktikë. Rezultatet që ka arritur e vendosin si një prej zërave të parë kosovarë në këtë drejtim. Me këtë doktoratë ajo sjell përvojë të re, dije dhe ide që mund të ndikojnë pozitivisht në zhvillimin e qëndrueshëm në vend.

Ky sukses tregon se përkushtimi dhe puna e palodhur kanë peshë. Tregon se njerëzit tanë mund të arrijnë shumë larg dhe mund të kthehen me vlerë të shtuar. Për shumë të rinj, rruga e saj është një mesazh se ambiciet realizohen kur qëllimet janë të qarta dhe kur pasioni nuk mungon.

Arritja e Lindita Jakupit është një moment që ia vlen të theksohet. Jo vetëm si histori personale suksesi, por si kontribut që e pasuron Kosovën dhe e forcon rolin e saj në çështjet që lidhen me mbrojtjen e mjedisit.

29/11/2025

🏆 FER VOLLEY PA GABIME, E SIGURON FINALEN
———-
Kupa Pavarësia, Gjysmëfinalja e parë (F)
Fer Volley 3-0 Dinamo Tiranë
25-16, 25-11, 25-14

Fer Volley nga Ferizaj regjistroi një paraqitje të fuqishme dhe plot autoritet në gjysmëfinalen e Kupës së Pavarësisë, duke mposhtur Dinamon e Tiranës me rezultat të pastër 3-0.

Në setin e parë, ferizajaset krijuan epërsi të shpejtë, duke kontrolluar ritmin dhe duke mos lejuar Dinamon të hyjë në lojë.

Seti i dytë ishte edhe më bindës, me Fer Volleyn që dominoi në të gjitha fazat e lojës: shërbim, bllok dhe finalizim.
Edhe seti i tretë ndoqi të njëjtën linjë, ritëm i lartë, disiplinë dhe efikasitet, të cilat vulosën një fitore të merituar dhe pa dilema.

Me këtë triumf, Fer Volley kualifikohet në finalen e vajzave, ku do të presë fituesin e ndeshjes së dytë gjysmëfinale mes Dritës dhe Pogradecit.

Ndërkohë, në konkurrencën e meshkujve, dje u zhvilluan dy gjysmëfinalet, ku Peja dhe Ferizaj siguruan biletat për finalen e madhe të kësaj gare.

28/11/2025

Kryetari i komunës Agim Aliu së bashku me deputetin Elmi Reçica dhe të tjerë bënë homazhe dhe nderuan Dëshmorët e Kombit, që u flijuan për lirinë e shqiptarëve.

Lavdi e përjetshme Dëshmorëve të Kombit dhe të rënëve për liri në çdo periudhë historike!

Urime, bashkëkombës, 28 Nëntori – Festa jonë kombëtare!

28/11/2025

Në shkollën Muharrem Shemsedini në fshatin Bibaj vërehet qartë investimi i komunës në sallat sportive dhe angazhimi i prindërve me tabela të mençura. Pothuajse çdo klasë është e pajisur me modelet më të reja. Gjatë vizitës u takuam me mësuesin Fatbardh Berisha dhe Ajtene Salihu. Ai është i qetë dhe i përkushtuar. Punon me profesionalizëm dhe me një kulturë që i jep siguri dhe motivim nxënësve të klasave 1 deri në 5. Mënyra si i udhëheq fëmijët tregon përgjegjësi dhe dashuri të vërtetë për arsimin.

Nxënësit po përgatiteshin për festën e Flamurit të 28 Nëntorit dhe ky ishte moment i mirë për të bërë disa video. Mësuesi na shpjegoi sa shumë po u ndihmojnë tabelat e mençura në mësim. Shpresojmë që së shpejti me këtë teknologji të pajisen të gjitha shkollat në Ferizaj dhe rrethinë.

26/11/2025

🕊️E dhimbshme: Ndërron jetë këngëtari Shpat Kasapi

Pas një sulmi në zemër, sot herët në mëngjes ka ndërruar jetë këngëtari i pop-muzikës, Shpat Kasapi. Ai nuk i ka mbijetur atakut kardiak, ndërkohë që nuk ka vuajtur nga ndonjë sëmundje tjetër

25/11/2025

25/11/2025

Miremëngjes prej zemre për Ferizajn, për krejt Kosovën dhe për gjithë mërgatën tonë kudo që është. Ju qoftë dita e lehtë e me dritë.