Zeropese

30/06/2025

Thirrje për Bizneset

Ministria e Financave, Punës dhe Transfereve fton bizneset të bëhen pjesë e masës për subvencionimin e pagës për punësimin e përfituesve të asistencës sociale.

Përmes kësaj mase synohet aktivizimi i përfituesve të SAS-it në tregun e punës duke parandaluar varësinë në skemën e asistencës sociale

Bizneset që angazhojnë përfitues të asistencës sociale përfitojnë:
Deri në 70% të pagës bruto, ose maksimumi 350€ në muaj për 6 muaj.

Kush mund të aplikojë?
* Bizneset e regjistruara dhe aktive në Kosovë
* Bizneset që nuk kanë obligime të papaguara tatimore dhe që kanë paguar kontributet për stafin aktual
* Bizneset që ofrojnë punësim me kohë të plotë për të paktën 6 muaj, në kushte të sigurta pune
Për më shumë detaje mbi hapat për përfitim, shikoni videon më poshtë

https://www.facebook.com/watch/?v=2398297457222641

24/06/2025

Ndërtimi i Strategjisë Proaktive të Sigurisë Kombëtare të Republikës së Kosovës

Prof. Dr. Muhamet Racaj
Prof. Hyzri Salihu
Qershor 2025

Hyrje

Siguria kombëtare e Republikës së Kosovës ndodhet në një fazë kritike, ku rreziqet tradicionale dhe sfidat e reja ndërthuren në një ambient të brishtë rajonal dhe global. Mungesa e njohjes së plotë ndërkombëtare, tensionet e vazhdueshme me Serbinë, si dhe ndërhyrjet e aktorëve të jashtëm përmes metodave hibride, e vënë arkitekturën e sigurisë së Kosovës përballë sfidave shumëdimensionale.

Në këtë kontekst, është jetike të ndërtohet një strategji proaktive kombëtare, e cila nuk fokusohet vetëm në reagimin ndaj krizave, por në parandalimin, menaxhimin e rrezikut dhe ndërtimin e kapaciteteve të qëndrueshme mbrojtëse, në përputhje me standardet euroatlantike dhe realitetin politik të vendit.

1. Analiza e Mjedisit Strategjik

Pozita gjeopolitike e Kosovës në zemër të Ballkanit Perëndimor e bën atë një nyje gjeostrategjike, ku përplasen interesat e aktorëve perëndimorë dhe lindorë. Serbia, duke mos e njohur ende pavarësinë e Kosovës, ruan struktura ilegale në veri të vendit, që veprojnë si zgjatim i ndikimit rus në rajon.¹

Sipas NATO Strategic Concept 2022, Ballkani Perëndimor mbetet një zonë e ekspozuar ndaj dezinformimit, ndasive etnike dhe tensioneve të importuara nga jashtë.² Rusia, përmes një bashkëpunimi të thelluar me Serbinë, ka rritur përpjekjet për të destabilizuar rajonin dhe për të penguar proceset e integrimit euroatlantik të Kosovës.³

Krahas këtyre faktorëve, brenda vetë Kosovës ekziston fragmentim politik, mungesë e koordinimit ndërinstitucional dhe sfida në ndërtimin e konsensusit të brendshëm strategjik.

2. Kërcënimet dhe Sfidat Kryesore

2.1. Kërcënimet Tradicionale

• Tensionet me Serbinë dhe ndërhyrjet në veri.
• Prania e strukturave ilegale dhe mundësia e përplasjeve të izoluara të armatosura.⁴

2.2. Kërcënimet Jo-Tradicionale

• Ekstremizmi i dhunshëm dhe terrorizmi.
• Krimi i organizuar ndërkombëtar dhe kontrabanda ndërkufitare.
• Sulmet kibernetike ndaj infrastrukturës kritike shtetërore.⁵

2.3. Kërcënimet Hibride

• Fushata dezinformimi dhe ndërhyrje në diskursin publik përmes mediave dhe rrjeteve sociale.
• Infiltrimi i agjentëve të ndikimit dhe ndikimi në proceset zgjedhore e vendimmarrëse.⁶

3. Parimet e Strategjisë Proaktive të Sigurisë Kombëtare

Një strategji proaktive duhet të bazohet në parime të qarta dhe të pandryshueshme:
1. Parandalim dhe vëzhgim i hershëm i kërcënimeve, përmes inteligjencës efektive dhe teknologjisë së avancuar.
2. Qasje gjithëpërfshirëse, duke përfshirë institucionet, qytetarët dhe shoqërinë civile.
3. Partneritet i thelluar ndërkombëtar, me SHBA-në, NATO-n, BE-në dhe shtete partnere.
4. Llogaridhënie dhe transparencë, si garanci për profesionalizmin dhe besimin qytetar ndaj institucioneve të sigurisë.⁷

4. Komponentët Kryesorë të Strategjisë së Sigurisë Kombëtare

4.1. Forcimi i Forcës së Sigurisë së Kosovës (FSK)

• Investime në armatim modern, logjistikë dhe pajisje inteligjente.
• Trajnime të avancuara dhe interoperabilitet me trupat e NATO-s.⁸

4.2. Reformimi i Inteligjencës Kombëtare

• Modernizimi i Agjencisë Kosovare të Inteligjencës.
• Krijimi i Qendrave Kombëtare të Analizës Strategjike dhe Parashikimit të Krizave.

4.3. Siguria Kibernetike

• Implementimi i Strategjisë Kombëtare për Sigurinë Kibernetike 2023–2027.⁹
• Krijimi i një Agjencie të Integruar për Siguri Digjitale.

4.4. Krijimi i Këshillit Kombëtar të Sigurisë

• Strukturë e koordinuar dhe e fuqishme ligjore për reagim dhe vendimmarrje në kohë reale.¹⁰
• Përfaqësim ndërinstitucional dhe mandat ekzekutiv në rast krize.

4.5. Siguria Njerëzore dhe Sociale

• Parandalimi i radikalizimit dhe ekstremizmit përmes edukimit, integrimit social dhe fuqizimit ekonomik të rinisë.
• Përfshirje aktive e komuniteteve në ndërtimin e paqes dhe sigurisë.

5. Roli i Aleatëve Ndërkombëtarë

NATO, përmes misionit KFOR, vazhdon të jetë garantuesi kryesor i sigurisë në terren.¹¹
SHBA ofron mbështetje strategjike në reformimin dhe ndërtimin e kapaciteteve të mbrojtjes dhe inteligjencës.
BE, përmes fondeve të para-anëtarësimit dhe dialogut me Serbinë, ndihmon në ndërtimin e stabilitetit dhe konsolidimin institucional.¹²

6. Përfundim

Për të garantuar një të ardhme të sigurt dhe të qëndrueshme, Kosova duhet të tejkalojë modelin reaktiv dhe të ndërtojë një strategji proaktive kombëtare, të bazuar në analiza të sakta, vendimmarrje të shpejtë dhe bashkëpunim të gjerë institucional. Kjo strategji nuk është vetëm një nevojë e brendshme, por edhe një kusht për integrimin euroatlantik dhe për forcimin e pozicionit të Kosovës në arenën ndërkombëtare.

7. Rekomandime Strategjike
1. Miratimi dhe implementimi i Strategjisë Kombëtare të Sigurisë 2025–2030, përmes një procesi gjithëpërfshirës me ekspertizë vendore dhe ndërkombëtare.
2. Krijimi i Këshillit Kombëtar të Sigurisë, me mandat të qartë ekzekutiv dhe strukturë reaguese në kohë reale.
3. Rritja e buxhetit për mbrojtje dhe siguri, në përputhje me standardet e vendeve aspiruese për anëtarësim në NATO.
4. Themelimi i Qendrave për Siguri Kibernetike, në bashkëpunim me vendet aleate dhe sektorin privat.
5. Integrimi i edukimit për sigurinë në sistemin arsimor dhe trajnimi i kuadrove të reja për sigurinë kombëtare.
6. Zgjerimi i bashkëpunimit me SHBA-në dhe NATO-n, jo vetëm në fushën e mbrojtjes, por edhe në fushat e teknologjisë, inteligjencës dhe diplomacisë strategjike.
7. Diplomacia e sigurisë të shndërrohet në një shtyllë të qëndrueshme të politikës së jashtme të Kosovës.

Referenca
1. OSCE Mission in Kosovo, Report on Parallel Structures in North Kosovo, 2023.
2. Blerim Reka, Ballkani mes BE-së dhe Rusisë, Prishtinë: Instituti i Studimeve Strategjike, 2022.
3. NATO, Strategic Concept 2022, Brussels: NATO Public Diplomacy Division.
4. Kosovo Security Barometer, Perceptions on Threats and Security, KCSS, 2024.
5. UNDP Kosovo, Risk Assessment Report: Violent Extremism, 2023.
6. EU DisinfoLab, Russian Disinformation Campaigns in the Western Balkans, 2023.
7. Ministry of Foreign Affairs and Diaspora of Kosovo, Strategic Framework for Euro-Atlantic Integration, 2024.
8. Ministry of Defense of Kosovo, Annual Report, 2023.
9. Cybersecurity Agency of Kosovo, National Cybersecurity Strategy 2023–2027.
10. Kosovo Assembly, Draft Law on the National Security Council, 2024.
11. NATO KFOR, Mission Overview and Role in Kosovo, 2023.
12. European Commission, Kosovo 2024 Country Progress Report.

VAZHDIM

• Zhvillimi i qendrave për siguri kibernetike, në bashkëpunim me vendet partnere.
• Fuqizimi i edukimit për sigurinë përmes programeve të posaçme në shkolla, universitete dhe në shoqërinë civile.
• Thellimi i bashkëpunimit me Shtetet e Bashkuara të Amerikës dhe NATO-n në të gjitha nivelet.
• Përfshirja e diplomacisë së sigurisë si pjesë integrale e politikës së jashtme të Republikës së Kosovës.

Referenca
1. OSBE Mission in Kosovo, Report on Parallel Structures in North Kosovo, 2023.
2. Blerim Reka, Ballkani mes BE-së dhe Rusisë, Prishtinë: Instituti i Studimeve Strategjike, 2022.
3. NATO, Strategic Concept 2022, Bruksel: NATO Public Diplomacy Division.
4. Kosovo Security Barometer, Perceptions on Threats and Security, KCSS, 2024.
5. UNDP Kosovo, Risk Assessment Report: Violent Extremism, 2023.
6. EU DisinfoLab, Russian Disinformation Campaigns in the Western Balkans, 2023.
7. Ministria e Punëve të Jashtme dhe Diasporës e Kosovës, Strategjia e Integrimit Euro-Atlantik, 2024.
8. Ministria e Mbrojtjes së Kosovës, Raporti Vjetor, 2023.
9. Agjencia e Sigurisë Kibernetike e Kosovës, Strategjia Kombëtare për Sigurinë Kibernetike 2023–2027.
10. Kuvendi i Kosovës, Projektligji për Këshillin Kombëtar të Sigurisë, 2024.
11. NATO KFOR, Mission Overview and Role in Kosovo, 2023.
12. Komisioni Evropian, Kosovo 2024 Country Progress Report.

19/06/2025

Dinamika e Sigurisë dhe Sfidat në Ballkanin Perëndimor

1. Ballkani Perëndimor: Rajon i një Krize Politiko-Ushtarake në Zhvillim

1.1 Kaosi Global që Lëkund Rendi Botëror

Analiza mbi situatën gjeopolitike dhe gjeostrategjike në botë sjell një sfond të zymtë për shkak të vatrave të luftës, të cilat, veçmas dhe të marra së bashku, po e hedhin gradualisht njerëzimin në zjarr.

Në studimet tona i referohemi shpesh përvojave të Luftës së Dytë Botërore, duke harruar se ajo tashmë është një etapë e largët historike, ndërkohë që një erë e re lufte ka filluar dhe po trazon mendimet e njerëzimit për mundësinë e një Lufte të Tretë Botërore.

Në marrëdhëniet ndërkombëtare, ekuilibrat tradicionalë janë ndryshuar, duke nxjerrë në pah aktorë të rinj, të cilët kërkojnë vendin e tyre në tryezën globale të interesave shtetërore dhe gjeopolitike.

Prej kohësh, në sfondin global janë shfaqur dhe konsoliduar interesat e Kinës në rajonin e Paqësorit dhe në vendet e pasura anembanë botës. Projekti kinez “Rruga e Mëndafsh*t” është shtrirë në më shumë se 140 vende, duke mbuluar rreth 75% të popullsisë së globit dhe mbi gjysmën e GDP-së botërore .
Krijimi i varësisë nga ekonomia kineze ka sjellë mundësinë e dislokimit të bazave të reja ushtarake kineze në zona strategjike të rëndësishme në mbarë botën.

Një tjetër aktor me qasje agresive është Rusia, e cila ka ndërmarrë një luftë pushtuese, me synimin për të rikthyer autoritetin e ashtuquajtur të “Perandorisë së Kuqe”. Politika e jashtme ruse është shndërruar në një instrument të destabilizimit të Perëndimit. Fushata e saj e dezinformimit është pjesë përbërëse e një lufte hibride, që synon arritjen e objektivave gjeostrategjikë. Rusia ka vendosur në varësi energjetike Bashkimin Evropian dhe ndërhyn fuqimisht për destabilizimin e Ballkanit dhe Evropës Qendrore. Po ashtu, ajo po demonstron gatishmëri të lartë për t’u përfshirë në ndërhyrje ushtarake të kushtueshme dhe afatgjata.

Po ashtu është shfaqur në mënyrë më të dukshme Irani, i cili përpiqet t’i japë fund ndikimit amerikan në Lindjen e Mesme. Ambicie të ngjashme po shfaqen nga India, Brazili, Indonezia, Pakistani dhe Afrika e Jugut, të cilat synojnë një pozicion të ri në sistemin global.

Ndërkohë, Vëllazëria Myslimane, e mbështetur nga Turqia dhe Katari, kërkon të diktojë zhvillimet në botën arabe, duke ushtruar ndikim politik në shumë drejtime dhe nivele.

Brenda vetë kampit perëndimor, Ballkani paraqitet si një rajon problematik që konsumon më shumë siguri sesa prodhon, i ekspozuar ndaj ndikimeve të rrezikshme ruse dhe kineze. Organizatat terroriste janë shndërruar në struktura të mirëorganizuara me potencial të lartë shkatërrues, duke përdorur luftën hibride për të tronditur themelet e rendit ndërkombëtar.

Pakicat etnike, kudo ku ekzistojnë, janë shndërruar në bërthama përplasjeje të ashpër, shpesh në formën e luftës morale dhe paramilitare, në përpjekje për të fituar të drejtat e tyre kombëtare.

Në sfondin global, ndjehet një konkurrencë e ashpër strategjike. Fuqitë e mëdha janë përfshirë në një garë të re armatimi, me qëllimin për të zotëruar teknologji superiore në mënyrën e bërjes së luftës. Të gjitha këto fuqi ekonomike dhe ushtarake janë rreshtuar në një front të përbashkët kundër Perëndimit, me në krye Shtetet e Bashkuara të Amerikës. Ato po përgatiten për një konflikt afatgjatë që pritet të marrë një natyrë krejtësisht të re.

Megjithatë, ende ekziston koncepti se asnjë vend, sado i fuqishëm ushtarakisht, nuk mund të përballojë vullnetin politik dhe ushtarak të NATO-s dhe SHBA-ve. Për këtë arsye, aktorët kundërshtarë i drejtohen formave të reja të luftës – veçanërisht luftës hibride – duke investuar në blerje ndikimi politik dhe investime të strukturuara për të dobësuar shtetet nga brenda.

Pas luftës në Ukrainë, konfliktet janë përhapur dhe përkeqësuar në mbarë botën. Fuqitë antiperëndimore po përdorin “armët me silenciator”, sipas doktrinave moderne të betejave teknologjike dhe luftës hibride, duke zgjeruar objektivat e tyre gjeostrategjikë në kohë dhe hapësirë.

Konflikti botëror ka marrë tashmë natyrën e një Lufte të Tretë Botërore të pashpallur. Ai synon të rrëzojë rendin botëror të pas Luftës së Dytë Botërore dhe të reduktojë rolin udhëheqës të SHBA-ve. Kjo luftë është më afër se sa shumica e njerëzve e mendojnë, dhe njerëzimi është përfshirë në të pa vetëdije.

Kjo është një arsye më shumë pse shtetet dhe faktori shqiptar në Ballkan duhet të mobilizojnë vullnetin politik kombëtar për të marrë në dorë fatin e jetës dhe të pasurisë së popullit. Rreziqet që shfaqen në rajonin e Ballkanit Perëndimor janë reale, brutale dhe shkatërruese, të manifestuara përmes një forme të re lufte – pa formë dhe pa front – e cila ka për qëllim nënshtrimin dhe asgjësimin e qëndresës për mbijetesën kombëtare.

Me apo pa dashje, jemi bërë pjesë e kësaj ngatërrese të madhe globale. Prandaj, me mençuri dhe vendosmëri, duhet të gjejmë rrugëzgjidhje për forcimin e sigurisë kombëtare, ruajtjen e paqes dhe stabilitetit në të gjitha territoret shqiptare dhe në rajon.

Institucionet demokratike shqiptare, të mbështetura nga akademizmi, inteligjenca, patriotizmi dhe aleancat qytetare, në bashkëpunim të ngushtë me aleatët strategjikë në fushën e sigurisë, duhet të përmbushin detyrimin e tyre ndaj interesave kombëtare. Kjo përmbledhje e situatës globale dhe paralajmërimi për një Luftë të Tretë Botërore duhet të shërbejë si një thirrje serioze për të mos vonuar më në konsolidimin e elementëve jetikë të Sigurisë Kombëtare Shqiptare.

Nga libri “Dinamika dhe Sfidat e Sigurisë Kombëtare”, botuar në Tiranë / 2024
Prof. Hyzri Salihu

16/06/2025

"Bëhu Sytë e Mi" – Aplikacion Revolucionar për Njerëzit me Probleme të Shikimit

Në një botë ku teknologjia po transformon jetët në mënyra të paparashikuara, "Be My Eyes" (Bëhu Sytë e Mi) shquhet si një aplikacion shpëtues për njerëzit e verbër ose me shikim të dobët. Ky aplikacion i lejon përdoruesit të lidhet me një vullnetar në çdo kohë kur ka nevojë për ndihmë në detyrat e përditshme.

Si Funksionon?
Kur një person me probleme shikimi has në vështirësi—p.sh. nuk i gjen çelësat, filxhanin e kafesë, ose ndonjë objekt tjetër—thjesht hap aplikacionin. "Be My Eyes" aktivizon automatikisht kamerën e telefonit dhe e lidh përdoruesin me një vullnetar nëpër botë. Përmes transmetimit live, vullnetari përdor imazhin nga kamera për të udhëzuar me gojë personin në nevojë, duke e ndihmuar atë të gjejë atë që kërkon.

Përkrahje Ndërkombëtare, Duke Përfshirë Shqipërinë
Një nga veçoritë më të mira të aplikacionit është mbështetja për shumë gjuhë, duke përfshirë edhe shqipen. Përdoruesit mund të zgjedhin në cilën gjuhë duan të komunikojnë, duke e bërë këtë mjet ideal edhe për shqiptarët. Aktualisht, "Be My Eyes" ka mbi 800,000 përdorues të regjistruar si të verbër dhe një rrjet mbështetës prej 8 milion vullnetarësh nga e gjithë bota.

Një Hap Drejt Pavarësisë
Ky aplikacion nuk është thjesht një mjet teknologjik—ai përfaqëson shpresën për një jetë më të pavarur. Falë ndihmës së vullnetarëve në kohë reale, përdoruesit mund të përballen me detyrat e tyre me më shumë vetëbesim.

Nëse dëshironi të kontribuoni në këtë lëvizje, mund të regjistroheni si vullnetar ose ta shpërndani aplikacionin me persona që mund të kenë nevojë për të. "Be My Eyes" është dëshmi se teknologjia, kur përdoret me dashamirësi, mund të ndryshojë jetët në mënyrë të drejtpërdrejtë.

Për më shumë informacion, vizitoni faqen zyrtare të "Be My Eyes"- https://www.bemyeyes.com/

14/06/2025

🆘 Ndihmojmë së bashku Bebin Blendon nga Ferizaj! 🧸❤️
Një thirrje zemre për solidaritet dhe humanizëm!

👶 Bebi Blendon Ferizi, një engjëll i vogël shqiptar nga Ferizaj, ka nevojë urgjente për ndërhyrje jetike – transplant të palcës kockore.
Kjo operacion është i domosdoshëm për të shpëtuar jetën e tij, por ka kosto shumë të larta që familja nuk mund t’i përballojë e vetme.

🇦🇱 Në përkrahje të kësaj kauze është angazhuar z. Emin Egriu, politikan dhe intelektual shqiptar në SHBA, i njohur për aktivizmin e tij në mbrojtje të çështjes kombëtare. Ai është nismëtari i fushatës për ndihmë për Blendonin dhe bën thirrje për solidaritet nga të gjithë shqiptarët anembanë botës.

🔗 Ndihmo edhe ti këtu:
👉 https://www.gofundme.com/f/help-baby-blendon-urgent-bone-marrow-surgery

💸 Çdo ndihmë, sado e vogël, është një hap drejt shpresës.
🙏 Dhuro, shpërndaje dhe lutu për Blendonin.

🫂 Të bashkuar si gjithmonë për jetën – për Blendonin nga Ferizaj!

My name is Emin Eddie Egriu. I humbly reach out to my family, friend… EMIN EGRIU needs your support for Help Baby Blendon - Urgent Bone Marrow Surgery

13/06/2025

My name is Emin Eddie Egriu. I humbly reach out to my family, friend… EMIN EGRIU needs your support for Help Baby Blendon - Urgent Bone Marrow Surgery

10/06/2025

10 Qershori – Lidhja Shqiptare e Prizrenit

Vula Historike e Shqipërisë Etnike

Vetëm koha i jep kuptim të plotë problemeve që nuk kuptohen me kohë.

Kur çështja shqiptare rrezikohej nga shpërbërja politike dhe lakmitë e jashtme, në qershorin e vitit 1878, burra të urtë e largpamës të kombit tonë ngritën vetëdijen kombëtare në një nivel historik dhe ndërmorën aktin më të rëndësishëm të organizimit politik shqiptar: Lidhjen Shqiptare të Prizrenit.

Ky akt nuk ishte vetëm një përpjekje për mbrojtje territoriale, por një program i qartë kombëtar, i bazuar në idealin e bashkimit, çlirimit dhe zhvillimit të gjithanshëm të kombit shqiptar , një program që edhe sot e kësaj dite mbetet dokumenti më i plotë i ndërgjegjes sonë kolektive.

Lidhja e Prizrenit shënon themelimin e një mekanizmi përfaqësues të gjithë hapësirës etnike shqiptare, duke ndërtuar një kuadër që tejkalonte kufijtë lokalë dhe feudalë. Ajo hodhi themelet e një filozofie politike kombëtare:

• Liria si themel i ekzistencës politike,
• Dinjiteti njerëzor si busull shoqërore,
• Zhvillimi shpirtëror, kulturor e ekonomik si rrugë drejt përparimit.

Nëse e krahasojmë atë epokë me realitetin e sotëm, duhet të pranojmë se idealizmi dhe guximi i tyre vazhdojnë të na sfidojnë edhe sot. Me më pak mjete, por me më shumë vullnet dhe vetëdije, ata ngritën një strukturë politike që u bë themel i kërkesës për identitet të plotë kombëtar.

10 Qershori nuk është vetëm një datë përkujtimi, por një moment ndërgjegjësimi kombëtar, ku secili prej nesh duhet të ndalojë dhe të reflektojë:
A kemi ruajtur qëllimin? A kemi mbrojtur tokën? A kemi përmbushur amanetin?

Sot, më shumë se kurrë, çështja shqiptare mbetet një çështje e hapur në dimensionin e saj historik dhe politik. Nga Kosova në Shqipëri, nga Maqedonia e Veriut në Mal të Zi, nga Presheva në Medvegjë, nga diaspora në Çamëri – sfidat janë të ndryshme, por kërkesa është e njëjtë: njohje, dinjitet, përfaqësim dhe drejtësi.

Siç thoshte me mençuri Akademik Esat Stavileci:

“Më lehtë është të mbash fjalim, sesa të mbash fjalën.”

E ardhmja nuk varet nga fjalimet patriotike, por nga zotimet dhe vepra që i çojnë gjërat deri në fund.

Në të njëjtën frymë, Akademik Gazmend Zajmi do të shkruante me të drejtë:

“Nëse do të hartohej një projekt i madh për stabilitetin afatgjatë në Ballkan, zgjidhja e drejtë dhe parimore e çështjes shqiptare do të zinte vendin qendror.”

Ky është misioni që nuk duhet të harrojmë. Pa zgjidhjen përfundimtare të çështjes shqiptare , në përputhje me të drejtën ndërkombëtare, me parimin e vetëvendosjes dhe me realitetin demografik , paqja dhe stabiliteti në rajon do të mbeten të brishta.

Në përfundim, ashtu siç Presidenti Woodrow Wilson e vuri ndërgjegjen njerëzore para interesit politik dhe ndaloi copëtimin e mëtejshëm të trojeve shqiptare, edhe ne sot duhet të jemi të qëndrueshëm dhe të kthjellët në mbrojtjen e të drejtave tona historike.

Miqësia shqiptaro-amerikane duhet të qëndrojë mbi vlera të përbashkëta dhe të ruajë idealin e Lidhjes së Prizrenit , një ideal i drejtësisë, barazisë dhe lirisë.

Urime 10 Qershorin – Dita e Lidhjes Shqiptare të Prizrenit!

Hyzri Salihu
Siguria Kombëtare
10 Qershor 2025

30/05/2025

30.05.2025 - Reagim i OVL UÇK - dega Ferizaj

OVL UÇK – dega Ferizaj shpreh shqetësimin dhe indinjatën e thellë për dëmtimin dhe djegien e bunkerit në Pikën 6, në Jezerc, natën e kaluar.

Ky veprim i ulët dhe i turpshëm përbën një fyerje për kujtesën dhe sakrificën e të gjithë Dëshmorëve dhe luftëtarëve të Ushtrisë Çlirimtare të Kosovës. Ky bunker është simbol i qëndresës dhe rezistencës së popullit tonë dhe çdo përpjekje për ta shkatërruar atë është një akt kundër trashëgimisë sonë kombëtare.

Ne do ta njoftojmë Policinë e Kosovës për këtë rast dhe kërkojmë që autorët e këtij akti të rëndë të identifikohen dhe të vihen para drejtësisë sa më parë.

Pika 6, e cila është në kuadër të Parkut Memorial të Ushtrisë Çlirimtare të Kosovës në Jezerc, është vlerë historike e cila na kujton luftën tonë të lavdishme çlirimtare.

Urojmë që sa më shpejt të gjenden ata që kanë dëmtuar këtë vend të shenjtë të historisë sonë kombëtare. OVL UÇK – dega Ferizaj mbetet e vendosur për të ruajtur dhe mbrojtur kujtimin e luftës sonë çlirimtare.

23/05/2025

Rrjeti shpërndan lajme të rreme për "Fatmir Bajraktarin" nga Muhoci – banorët: Nuk ekziston një i tillë në fshat

Një postim që po qarkullon në rrjete sociale pretendon se një djalë me emrin Fatmir Bajraktari nga fshati Muhoc i Ferizajt ka fituar një garë ndërkombëtare në kardiologji në Frankfurt të Gjermanisë. Sipas postimit, ai thuhet se ka ndihmuar në zbulimin e ilaçeve kundër depresionit dhe se nuk është përgëzuar për shkak të prejardhjes së tij të thjeshtë.

Megjithatë, burime të sigurta dhe banorë të fshatit Muhoc kanë konfirmuar se në këtë fshat nuk ekziston asnjë person me emrin Fatmir Bajraktari dhe se i gjithë lajmi është një mashtrim i fabrikuar. Kjo përgënjeshtrohet edhe nga mungesa e burimeve zyrtare apo të dhënave që do të mbështesnin një arritje të tillë shkencore.

Shpërndarja e lajmeve të tilla të rreme është joetike dhe dezinformuese, duke krijuar pritshmëri të rreme dhe duke abuzuar me ndjeshmërinë e publikut. U bëjmë thirrje qytetarëve të verifikojnë informacionet përpara se t’i shpërndajnë dhe të mos bien pre e keqinformimeve të qëllimshme.

Mos u bë pjesë e dezinformatave – verifiko para se të besosh!

17/05/2025

🇦🇱 KOSOVA ËSHTË ZEMRA E KOMBIT SHQIPTAR

Kosova është zemra e kombit.
Kush hesht për zemrën, nuk mund të flasë për jetën.

Në historinë e popujve, janë disa vende që nuk përkufizohen thjesht nga gjeografia – ato përfaqësojnë zemrën shpirtërore të një kombi.

Për ne shqiptarët, Kosova është pikërisht ajo zemër: një vend që nuk mund të përmendet si periferi, por si qendër e frymës sonë kombëtare.

Në çdo samit, në çdo fjalim ndërkombëtar, në çdo strategji rajonale, mungesa e zërit për Kosovën është mungesë e ndërgjegjes kombëtare.

Nuk mund të flasim për zhvillim pa drejtësi, nuk mund të shpallim unitet ndërsa heshtim për plagët e kombit tonë.

Dhe nuk mund të ndërtojmë të ardhme të përbashkët pa e përfshirë zemrën në çdo projekt politik, diplomatik e strategjik.

Heshtja për Kosovën nuk është thjesht gabim politik – është mungesë e përgjegjësisë historike.

Sepse Kosova nuk është çështje dytësore.

Është gurëthemeli mbi të cilin ndërtohet uniteti shqiptar, prova më e pastër e asaj që kemi kaluar dhe e asaj që nuk guxojmë të harrojmë.

Sot, më shumë se kurrë, kemi nevojë për një vetëdije të re politike dhe filozofike, që e sheh sigurinë kombëtare, drejtësinë dhe bashkimin si pjesë të të njëjtit vizion.

Në këtë vizion, Kosova është boshti moral dhe politik i çdo ideje për Shqipëri të fortë, të drejtë dhe të bashkuar.

Të ndërtosh një Shqipëri pa e vendosur Kosovën në qendër është si të ndërtosh një trup pa zemër.

Kombi nuk jeton me fjalë, por me ndjeshmëri.

Dhe kush nuk ndjen për Kosovën, nuk mund të flasë në emër të shqiptarëve.

Hyzri Salihu
Siguria Kombëtare
17.05.2025

13/05/2025

LETËR E HAPUR DHE KËRKESË KOMBËTARE

Drejtuar Kryeministrit të Republikës së Shqipërisë, z. Edi Rama

Shpallja “NON GRATA” e Aleksandar Vuçiqit

Domosdoshmëri morale, kombëtare dhe historike

Ka momente në historinë e një kombi kur heshtja bëhet tradhti, dhe kur veprimi është më shumë se nevojë – është detyrë historike.

Në emër të ndërgjegjes sonë kombëtare dhe të të gjithë shqiptarëve që nuk pranojnë të jetojnë me kujtesën e shtypur, me padrejtësinë e normalizuar dhe me gjenocidin e mohuar, ju drejtohem me thirrjen publike dhe institucionale që të shpallni Presidentin e Serbisë, Aleksandar Vuçiq, “person non grata” në Republikën e Shqipërisë.

Terroristi Vuçiq nuk është thjesht një udhëheqës i një shteti fqinj. Ai është pasardhës i drejtpërdrejtë politik dhe ideologjik i regjimit të Slobodan Millosheviqit – regjimit të gjenocidit, të spastrimeve etnike dhe të krimeve kundër njerëzimit.

Me duart e tij politike, ai ka ripërtërirë të njëjtën filozofi agresioni ndaj shqiptarëve – këtë herë jo vetëm me tanke, por me propagandë, diplomaci të rrejshme dhe mbështetje të strukturave destabilizuese në Kosovë.

Kryeministër:

A mund të pranojë Shqipëria që në truallin e saj të shkelë një njeri që nderon terroristët që vrasin policë të Kosovës?

A mund të heshtë Tirana kur në Beograd shpallet ditë zie për vrasësit e përfaqësuesve të shtetit të Kosovës?

A ka dinjitet pa reagim?

A ka bashkim kombëtar pa vija të kuqe morale?

Nëse ka një vijë që nuk guxojmë ta kapërcejmë, ajo është pranimi në heshtje i fyerjes kombëtare.

Shpallja e Aleksandar Vuçiqit “non grata” nuk është akt hakmarrjeje – është akt vetëdijeje dhe mbrojtjeje kombëtare.

Është një vendim që konfirmon: Shqiptarët nuk harrojnë, nuk përkulen dhe nuk pranojnë që krimi të kthehet në politikë të pranueshme.

Ju ftoj zyrtarisht të ndërmerrni këtë hap të domosdoshëm dhe historik.

Bëjeni për Kosovën, për Prekazin, për Reçakun, për Gjakovën, për familjet që ende kërkojnë drejtësi.
Bëjeni për Shqipërinë që nuk guxon të heshtë përballë padrejtësisë.

Çdo ditë që Aleksandar Vuçiq nuk shpallet “non grata” në Shqipëri, është një ditë në të cilën historia do të na gjykojë për dobësi.

Me përgjegjësi të plotë filozofike, morale dhe kombëtare.
Prof. Hyzri Salihu
13.05.2025

18/02/2025

Letër e hapur drejtuar fuqive të mëdha, veçanërisht z. Donald Trump

I nderuar z. Trump,

Politika që po ndiqni në raport me Ukrainën na ngjall shqetësime të mëdha, duke na lënë të hamendësojmë se çfarë mund të na rezervojë e ardhmja.

Vendimi juaj për të zhvilluar bisedime me agresorin rus pa praninë e Ukrainës apo të fqinjëve të saj, krijon përshtypjen se territori dhe sovraniteti i një vendi mund të trajtohen si pronë personale, e jo si e drejtë e patjetërsueshme e një populli.

Një qasje e tillë na shtyn të pyesim: ku mbeti miqësia dhe mbështetja për të drejtat e popujve?

A ishte kjo miqësi e ndërtuar mbi parimet e mbrojtjes dhe solidaritetit, apo thjesht një pretekst për të diktuar fatet e kombeve të vogla?

Çfarë kuptimi ka të jesh një shtet i pavarur, me struktura politike dhe ushtarake, nëse një “mik” i fuqishëm vendos për fatin tënd pa të pyetur?

A duhet të pranojmë që shtetet e vogla dhe të pafuqishme janë të destinuara të kalojnë nga një sundim në tjetrin?

A është kjo përsëritja e një modeli të vjetër, ku demokracia përdoret si një fasadë për kontroll dhe dominim?

Nëse ky është drejtimi që po merr politika juaj, atëherë nuk mund të mos e krahasojmë këtë me vendimet historike që kanë rënduar mbi kombin tonë, siç ishte Kongresi i Berlinit.

Duke qenë se edhe ne ndodhemi në një situatë të ngjashme me Ukrainën, me të njëjtën superfuqi si aleat, a duhet të kemi frikë se edhe për ne do të vendoset në mungesën tonë?

A do të lejohet copëtimi i mëtejshëm i trojeve tona, ashtu siç ndodhi më 1913?

Politika e përjashtimit që po ndiqni, duke nënvlerësuar popujt e vjetër të Evropës që i kanë dhënë botës kulturë, shkencë dhe urtësi, ngre një shqetësim të madh: a do të përjashtohemi edhe ne nga vendimmarrja për fatin tonë?

Për të mos u gjendur para një situate të parikuperueshme, është urgjente që politika jonë e brendshme, si dhe diaspora, veçanërisht ajo në SHBA, të rrisin trysninë për të siguruar që territori ynë të mos preket dhe të mos bëhet objekt i pazareve gjeopolitike.

Duhet të ndalet çdo përpjekje për shantazhe politike apo ekonomike në rajonin tonë, qoftë nga ju personalisht apo nga ata që veprojnë në emrin tuaj.

Duke qenë se Evropa sot përballet me sfida të shumta, ajo duhet të mbështesë përpjekjet tona për të mbrojtur tokat që na kanë mbetur pas copëtimit të vitit 1913. Fuqitë e mëdha si Britania, Gjermania, Austria dhe Franca kanë një borxh historik ndaj kombit tonë.

Është koha që ai të shlyhet përmes mbështetjes për formimin dhe konsolidimin e shtetit shqiptar në kufijtë e tij natyralë.

Ne nuk kemi qenë kurrë kundër askujt; kush na ka ofruar miqësi, ia kemi kthyer me të njëjtën mirëbesim. Por tani, kërkojmë që miqësia të mos jetë një iluzion i përkohshëm, por një angazhim i sinqertë.

Tani që proceset zgjedhore kanë përfunduar, të gjithë të zgjedhurit duhet të bashkohen në interesin e përbashkët kombëtar, ashtu siç u bashkuan në luftën e fundit.

Na presin sfida të mëdha dhe të panjohura, dhe vetëm të bashkuar mund t’i tejkalojmë ato dhe të arrijmë atë që është e drejta jonë legjitime.

Kanë kaluar mbi 112 vjet nga viti 1913 dhe ende nuk kemi arritur të rikthejmë territoret tona, përveç Kosovës.

Prandaj, le të mos lejojmë që brezat e ardhshëm të kalojnë një shekull tjetër duke shpresuar dhe luftuar për atë që ne mund ta arrijmë tani.

Të bashkojmë përpjekjet në politikën e jashtme dhe të forcojmë unitetin kombëtar, sepse vetëm kështu mund të sigurojmë të ardhmen tonë.

Hyzri Salihu
Siguria Kombtare
18.02.2025