https://www.facebook.com/447508742382879/

Info 06, Gjilan (2025)

07/07/2025

Gjilanit i shtohet një Master në Implantologji dhe Rigjenerim Kockor – i pari i këtij lloji në Anamoravë, i diplomuar në Universitetin e Romës!

Dr. Enes Qazimi – Doktor i ordinancës stomatologjike Micro Dental
Gjilani shënon një hap të rëndësishëm në fushën e mjekësisë dentare me shtimin e një profili të lartë profesional – Dr. Enes Qazimi ka përfunduar me sukses studimet Master në Implantologji dhe Rigjenerim Kockor në Universitetin e Romës në Itali, duke u bërë i pari me këtë titull në gjithë rajonin e Anamoravës.

Kjo arritje shënon një standard të ri për kujdesin oral në qytetin tonë, duke i ofruar pacientëve mundësinë për trajtime të avancuara në implantologji, rigjenerim të strukturave kockore dhe teknika bashkëkohore të rehabilitimit oral.

Dr. Qazimi, themelues dhe doktor në ordinancën stomatologjike Micro Dental, tashmë sjell në Gjilan përvojën dhe njohuritë më të fundit nga shkencat moderne dentare, duke e vendosur ordinancën e tij ndër liderët në trajtimet implantologjike në Kosovë.

Ky është një lajm i mirë jo vetëm për pacientët që kërkojnë cilësi dhe siguri në trajtim, por edhe për zhvillimin profesional të mjekësisë në rajon. Me këtë titull të specializuar, Gjilani forcohet si një qendër shëndetësore me standarde të larta dhe përkushtim ndaj inovacionit në shërbimet dentare.

07/07/2025

Pensionohet gjyqtari Menderes Behluli👇

Gjykata Themelore në Gjilan, ka njoftuar për pensionimin e gjyqtarit Menderes Behluli.

Behluli, ka qenë gjyqtar në Departamentin e Përgjithshëm-Divizioni Kundërvajtjes.

Njoftimi i plotë:

📣 Gjyqtari Menderes Behluli, ka arritur moshën e pensionimit

ℹ️ Gjilan, 7 korrik 2025 – Menderes Behluli, ka qenë gjyqtar në Gjykatën Themelore në Gjilan, në Departamentin e Përgjithshëm – Divizioni Kundërvajtjes.

, kolegët gjyqtarë dhe stafi administrativ, z. Menderes Behluli, i urojnë shëndet dhe mbarësi, duke e falënderuar për kontributin e dhënë në drejtësi.

Biografia e gjyqtarit:

Menderes Behluli është gjyqtar i Departamentit të Përgjithshëm - Divizioni Kundërvajtës në Gjykatën Themelore në Gjilan. Diplomoi në vitin 2001 në Fakultetin Juridik të Universitetit të Prishtinës. Ai kreu provimin e jurisprudencës në vitin 2007, ndërsa praktikën profesionale e mbajti në Gjykatën Komunale Gjilan në vitin 2004 - 2005, gjithashtu ka punuar edhe si referent ekzekutues në periudhën prej 2007 e deri në vitin 2015. Me datë 19.05.2015 është emëruar si gjyqtar në Gjykatën Themelore Gjilan.

07/07/2025

Oficeri i Forcës së Sigurisë së Kosovës diplomon në ShBA

Forca e Sigurisë së Kosovës ka bërë të ditur se toger Qëndrim Imeraj ka përfunduar me sukses Kursin Bazë për Oficerët e Këmbësorisë në Shkollën e Këmbësorisë “Manoeuvre Center of Excellence” në Fort Benning, Georgia, ShBA.

Sipas njoftimit, Imeraj për shkak të rezultateve të larta të treguara gjatë trajnimit u dekoruar student i dalluar me çmimin “Distinguished Honor Graduate”.
Ky çmim ndahet për studentët që arrin rezultate të larta në të gjithë komponentët e kursit.

“Ky sukses përfaqëson jo vetëm përkushtimin personal të Toger Imeraj, por edhe profesionalizmin dhe cilësinë e lartë të oficerëve të Forcës së Sigurisë së Kosovës të cilët po arrin suksese në nivel ndërkombëtar”.

“Ky kurs është një nga programet themelore të trajnimit për oficerët e këmbësorisë, i cili përfshin përgatitje të avancuar në fushat si: Taktikat e operacioneve tokësore në nivel togu dhe kompanie, Lidership ushtarak dhe vendimmarrje në kushte stresuese, Trajnim fizik intensiv, Menaxhimi i burimeve dhe logjistikës në fushë, Teknikat e komunikimit dhe komandimit në operacione të përbashkëta dhe ndërkombëtare”, thuhet ndër të tjera në njoftim.

04/07/2025

Parashikimi i motit për vikend

E shtunë:

Të shtunën pritet të mbajë mot kryesisht me diell dhe me vranësira të pakta. Në disa zona të izoluara, vranësirat mund të sjellin ndonjë rigë shiu kalimtare. Temperaturat minimale do të lëvizin ndërmjet 12 dhe 16°C, ndërsa ato maksimale pritet të jenë ndërmjet 31 dhe 37°C. Do të fryjë erë kryesisht nga drejtimi veriperëndimor, me shpejtësi prej 1 deri në 5m/s.

E diel:

Të dielën moti do të jetë me diell dhe pjesërisht i vranët. Vranësirat lokale, në disa zona, mund të sjellin riga shiu në formë të rrebesheve afatshkurtra. Temperaturat minimale do të sillen ndërmjet 11 dhe 17°C, ndërsa ato maksimale ndërmjet 32 dhe 37°C. Do të fryjë erë nga veriperëndimi, me shpejtësi prej 1 deri në 6m/s.

Vërejtje:

Indeksi UV mbetet i lartë, prandaj rekomandimet e Institutit Kombëtar të Shëndetësisë Publike të Kosovës (IKSHPK) vazhdojnë të jenë në fuqi edhe për ditët në vijim. Këshillohet shmangia e ekspozimit të drejtpërdrejtë në diell gjatë orëve të pikut, si dhe përdorimi i masave mbrojtëse për lëkurën dhe sytë./IHK

04/07/2025

Nëna e fëmiut autik: Jam mirënjohëse që arrita të jem zë për ato nëna që ndoshta nuk e kanë mundësinë të flasin

Profesoresha, Lindita Nebiu Hyseni ka emocionuar të gjithë me një shkrim dedikuar djalit të saj, i cili është me autizëm.

Përmes rrjetit social "Facebook", Nebiu Hyseni ka njoftuar se gjatë ditës, në Qendrën e Kujdesit Ditor "Pema", para nënave që përballen me sfida të ngjajshme si ajo, ka treguar për rrugëtimin e saj si nënë e një fëmiu autik, transmeton portali Info06.

"Fjalët e mia nuk ishin vetëm nga përvoja, por edhe nga zemra – duke dashur t’i j*p forcë kujtdo që ndjehet i lodhur, i mbingarkuar, i vetëm.Jam mirënjohëse që Zoti më dha fuqi ta ndaj këtë përvojë. Jam mirënjohëse që arrita të jem zë për ato që ndoshta nuk e kanë mundësinë të flasin", ka shkruar ajo.

Postimi i saj i plotë:

🌟 Një ditë e veçantë që më la gjurmë në zemër

Sot pata mundësinë të ndaj rrugëtimin tim si nënë e fëmijes tim autik Anel Hyseni tek Qendra e Kujdesit Ditor " " para nënave që po përballen me sfida të ngjashme. Fjalët e mia nuk ishin vetëm nga përvoja, por edhe nga zemra – duke dashur t’i j*p forcë kujtdo që ndjehet i lodhur, i mbingarkuar, i vetëm.
Jam mirënjohëse që Zoti më dha fuqi ta ndaj këtë përvojë. Jam mirënjohëse që arrita të jem zë për ato që ndoshta nuk e kanë mundësinë të flasin.

Dhe jam mirënjohëse për fjalët e udhëheqëses së qendrës Majlinda Ibrahimi, që e ndjeu dhe e vlerësoi sinqeritetin tim.

🙏 Lutja ime mbetet që çdo fëmijë të rritet në qetësi dhe secila nënë të ketë mbështetje së pari nga bashkëshorti e pastaj edhe nga familjarët, shoqëria dhe institucionet!

Zoti na bekoftë tëgjithëve

Foto e bërë duke u nisur për në panel tek PEMA me plot vullnet!

04/07/2025

14-vjeçarja shqiptare mund serben në finale, shpallet kampione bote

Ekipi kombëtar shqiptar i të rinjve në karate mori pjesë në Ligën Botërore të Karatesë për të Rinj, e zhvilluar në Kroaci nga 26 deri më 29 qershor.

Shqipëria u përfaqësua me katër sportistë të moshave nga 10 deri në 21 vjeç – tre nga ekipi i Tiranës dhe një nga klubi “Bijtë e Shqipes” në Lushnjë.

Rezultati më i spikatur për Shqipërinë erdhi nga Amanda Dedej, sportistja 14-vjeçare e klubit “Bijtë e Shqipes”, e cila u shpall kampione bote në kategorinë nën 52 kilogramë.

Ajo zhvilloi gjashtë ndeshje kundër sportisteve nga vende të ndryshme dhe në finale mundi me rezultatin bindës 4-0 serben Neda Mariçeviq, shkruan Euronews, transmeton Klankosova.tv.

Trajneri i ekipit kombëtar, Lirim Dedej, u shpreh se kjo medalje e artë është një tjetër dëshmi e progresit të karatesë shqiptare, pas suksesit në kampionate ballkanike dhe evropiane.

Ai theksoi se ky rezultat e ngre më tej nivelin e ekipit kombëtar dhe i jep shtysë për objektiva edhe më të mëdha në të ardhmen.

Amanda Dedej, tashmë kampione bote në moshën 14-vjeçare, ka si qëllim të radhës medaljen e artë olimpike.

04/07/2025

Mbi 2 mijë shkurorëzime në Kosovë gjatë vitit 2024

Agjencia e Statistikave të Kosovës (ASK) ka publikuar sot Statistikat e Shkurorëzimeve për vitin 2024.

Më pak çifte të shkurorëzuara janë shënuar në vitin 2024 sesa një vit më parë.

Në vitin 2024, janë regjistruar 2 146 shkurorëzime. Numri më i madh i shkurorëzimeve, sipas komunave, ishte në: Prizren (209 raste të shkurorëzuarve) ose 9,7%; Prishtinë (165 raste) ose 7,7%; Pejë (155 raste) ose 7,2% etj.

Krahasuar me vitin 2023, numri i rasteve të shkurorëzimeve në vitin 2024 është më i vogël për 66 raste ose 3,0%.

Sipas kohëzgjatjes së martesës, dominonte viti i pestë deri në të nëntë me 32,4%, pasuar me vitin e dhjetë deri në katërmbëdhjetë me 15,1% e të shkurorëzuarëve etj.

04/07/2025

UKZ nënshkruan Memorandum Mirëkuptimi me CCNO-në

Universiteti Publik “Kadri Zeka” në Gjilan ka nënshkruar një Memorandum Mirëkuptimi me Qendrën për Bashkëpunim dhe Rrjetëzim të Organizatave CCNO.

Memorandumi është nënshkruar nga Rektori i Universitetit Publik “Kadri Zeka”, Prof. Asoc. Dr. Artan Dërmaku dhe Drejtoresha Ekzekutive e CCNO-së, znj. Mediana Bislimi. Ky dokument shënon një hap të rëndësishëm drejt thellimit të bashkëpunimit ndërinstitucional në fusha me interes të përbashkët si: edukimi, zhvillimi akademik, kërkimi shkencor, përfshirja e të rinjve dhe ngritja e kapaciteteve për përfshirje sociale.

Palët janë zotuar se do të mbështesin nisma dhe projekte që kontribuojnë në përmirësimin e kapaciteteve akademike dhe profesionale, si dhe do të bashkëorganizojnë konferenca, trajnime, seminare, punëtori dhe aktivitete të tjera me karakter edukativ dhe kulturor. Po ashtu, marrëveshja parasheh bashkëpunim në ndërtimin e kapaciteteve për zhvillim profesional dhe kërkimor për stafin dhe studentët.

Ky bashkëpunim pritet të krijojë mundësi të reja për studentët dhe stafin e UKZ-së, duke forcuar lidhjet të rëndësishme bashkëpunimi me sektorin civil dhe organizatat partnere.

04/07/2025

Faton Bislimi: SHBA-ja gjithmonë krah Kosovës

Në ditën e Pavarësisë së Shteteve të Bashkuara të Amerikës, Drejtori ekzekutiv i Ligës Qytetare Shqiptaro-Amerikane, për Front Online foli për marrëdhëniet mes dy vendeve, duke i cilësuar ato si të qëndrueshme dhe jetike për shtetin e Kosovës.

Bislimi tha se mbështetja e SHBA-së ka qenë thelbësore në çlirimin e Kosovës, ndërtimin e paqes dhe zhvillimin e shtetit tonë.
“Mbështetja e SHBA-së në çlirimin, ndërtimin e paqes dhe në procesin e shtetndërtimit ka qenë e pakompromis dhe jetike. Nga përkrahja në themelimin e institucioneve të para pas luftës, deri te mbështetja për njohje ndërkombëtare dhe integrime euroatlantike, SHBA-ja ka qenë gjithmonë krah Kosovës”, tha ai.

Sipas tij, si çdo marrëdhënie strategjike, edhe raportet mes Kosovës dhe Shteteve të Bashkuara të Amerikës kanë kaluar nëpër sfida të ndryshme gjatë viteve, dhe shtoi se në disa raste ka munguar koordinimi i mjaftueshëm nga ana e Kosovës.

“Çdo marrëdhënie strategjike përballet me sfida, dhe raportet Kosovë–SHBA nuk kanë qenë përjashtim. Ka pasur momente kur mospërputhje në qëndrime kanë krijuar tensione, kur vendime të caktuara politike nga Kosova nuk janë koordinuar mjaftueshëm me partnerët amerikanë. Megjithatë, këto momente nuk duhet asnjëherë të thellohen aq shumë sa të lëkundin partneritetin strategjik”, tha Bislimi.

Ai shtoi se edhe pse administratat në SHBA kanë pasur qasje të ndryshme ndaj Kosovës, mbështetja amerikane ka mbetur e pandryshuar në thelb.

“Po, në varësi të administratave në Washington, ka pasur nuanca të ndryshme në qasjen ndaj Kosovës, por thelbi i mbështetjes amerikane ka mbetur i pandryshuar. Administratat e ndryshme – qofshin demokratike apo republikane – e kanë përkrahur shtetësinë dhe sovranitetin e Kosovës”, shtoi Bislimi për Front Online.

Bislimi tha se është obligim i Kosovës që partneritetin me SHBA-në ta forcojë tutje.

“Por, është obligim yni, pra i Kosovës, që partneritetin dhe miqësinë unike me SHBA ta sforcojmë tutje e assesi ta dëmtojmë. Kjo marrëdhënie për ne është jetike” , tha ai.

04/07/2025

Presidentja Osmani: Nga populli më pro-amerikan në botë: Gëzuar 4 Korrikun, Ditën e Pavarësisë së Shteteve të Bashkuara të Amerikës! 🇽🇰🇺🇸

04/07/2025

4 Korrik - Dita e Shteteve të Bashkuara të Amerikës. Zoti i bekoftë ShBA-të dhe miqësinë e saj me Kosovën 🇺🇸🇽🇰🇦🇱

04/07/2025

ShBA-ja feston Ditën e Pavarësisë🇺🇸

Shtetet e Bashkuara të Amerikës festojnë sot Ditën e Pavarësisë.

4 Korriku shënon 249-vjetorin e shpalljes së pavarësisë së ShBA-së. Deklarata e Pavarësisë është një dokument ku 13 kolonitë e Mbretërisë së Bashkuar nga Amerika e Veriut shpallën pavarësinë nga Mbretëria e Bashkuar.

Dokumenti i Pavarësisë u ratifikua më 4 Korrik 1776. Kushtetuta amerikane, e nënshkruar në vitin 1787 përshkruan më pas bazën dhe strukturën e qeverisë të Shteteve të Bashkuara, e cila është e ndarë në tri degë, në ato ekzekutive, legjislative dhe juridike, pra Presidenti, Kongresi dhe Gjykata e Lartë.

Dita e Pavarësisë në ShBA festohet me parada madhështore, festime familjare dhe mbyllet me hedhjen e fishekzjarrëve./Klankosova.tv.

Info 06

07/07/2025

07/07/2025

07/07/2025

04/07/2025

04/07/2025

04/07/2025

04/07/2025

04/07/2025

04/07/2025

04/07/2025

04/07/2025

04/07/2025

Address

Website

Alerts

Shortcuts

Share

Category