Istogu Live

02/10/2025

- Komuna e Istogut shpërblen me tender afër 600 mijë euro djalin e Drejtorit për Emergjenca

- I pyetur nëse është korrekte që djali i tij të marrë projekte nga komuna, ai thotë se “nuk ka kurrgjë korrekte në Kosovë sot, fatkeqësisht”, derisa nuk mendon se ka konflikt interesi në këtë çështje.

Ilir Ferati dhe Xhevat Demaj

01/10/2025

Ali Nimanaj mbush sallën me veteranë të UÇK-së në Istog

Kandidati i Partisë Demokratike të Kosovës (PDK) për kryetar të Komunës së Istogut, Ali Nimanaj, ka zhvilluar një takim të veçantë me veteranët e Ushtrisë Çlirimtare të Kosovës nga ky rajon.

Ngjarja është mbajtur në një atmosferë festive, ku Nimanaj ka shprehur mirënjohje për kontributin dhe sakrificën e tyre, ndërsa nga të pranishmit është pritur me duartrokitje dhe lavdata.

Sipas pjesëmarrësve, darka ishte një mundësi për të diskutuar për sfidat e komunës dhe për të dëgjuar idetë e kandidatit rreth zhvillimit të Istogut.

Fushata e Nimanajt po vlerësohet si një ndër më të fuqishmet në këtë garë zgjedhore, duke tërhequr mbështetje të gjerë nga qytetarët e komunës.

29/09/2025

Fushata zgjedhore në Istog: presion derë më derë dhe favorizime brenda LDK-së

Me afrimin e zgjedhjeve lokale për kryetar komune, gara politike në Istog po bëhet çdo ditë më e ashpër. Kryetari aktual, Ilir Ferati, ka intensifikuar fushatën me një qasje të drejtpërdrejtë, duke vizituar shtëpi më shtëpi në shumicën e fshatrave dhe lagjeve të komunës. Sipas banorëve, kjo strategji shihet si një formë presioni elektoral, por edhe si përpjekje për të ruajtur mbështetjen para votimeve të 12 tetorit 2025.

Në këtë periudhë, ka rënë dukshëm në sy edhe roli i asambleistes komunale, Liridona Lajqi. Ajo është shfaqur pranë kryetarit Ferati pothuajse në çdo takim elektoral në Istog, Cerrcë, Vrellë dhe Lubozhdë. Ky bashkëngjitje e vazhdueshme ka ngjallur komente në opinionin publik dhe brenda vetë strukturave të LDK-së.

Burime brenda partisë bëjnë të ditur se prania e saj e shpeshtë nuk është e rastësishme. Sipas këtyre burimeve, arsyeja e favorizimit të Lajqit lidhet me marrëdhëniet e saj të afërta politike me kryetarin, si dhe me ambiciet për një rol më të rëndësishëm nëse Ferati siguron një mandat të ri. Megjithatë, mbetet për t’u parë nëse këto pritshmëri do të materializohen pas datës 12 tetor, në rast se Ilir Ferati arrin të sigurojë një tjetër fitore.

Deri atëherë, fushata në Istog pritet të mbetet ndër më dinamike dhe të debatueshmet në vend, me zhvillime që mund të përcaktojnë jo vetëm të ardhmen politike të kryetarit aktual, por edhe të figurave të reja që po fitojnë hapësirë në skenën lokale.

05/09/2025

Ngjarje shqetësuese në shkollën fillore “Avni Rrustemi” në Istog

ISTOG – Një situatë e shqetësueshme ka ndodhur në Shkollën Fillore “Avni Rrustemi” në fshatin Zallq, ku një mësues dyshohet se ka ushtruar dhunë verbale ndaj nxënësve të tij.

Sipas raportimeve nga vetë nxënësit, mësuesi – i cili dyshohet të jetë Driton Boletini – ka përdorur shprehje kërcënuese dhe ka ushtruar presion të vazhdueshëm gjatë një viti, kohë gjatë së cilës ka qenë kujdestar i klasës. Një nga shprehjet që nxënësit e atribuojnë mësuesit është: “E dini vitin e kaluar qysh kemi kalu na, nuk ju du me ju pa këtu…”.

Prindërit dhe autoritetet shkollore janë duke hetuar rastin, ndërsa nxënësit dhe familjet e tyre kërkojnë ndërhyrje për të siguruar një ambient mësimor të sigurt dhe pa dhunë.

20/08/2025

Kryetari Ilir Ferati prezanton Asambleisten e radhës nga LDK – Liridona Lajqi Avdijaj

Kryetari Ferati sot ka bërë prezantimin e radhës, ku paraqiti asamblisten e LDK-së, znj. Liridona Lajqi Avdijaj.
Gjatë mandatit të kaluar katërvjeçar, ajo ka dhënë një kontribut të madh e të vazhdueshëm në punën e Asamblesë.

Tani, Liridona ka vendosur t’i hyjë garës për herë të dytë, me ballë hapur dhe e gatshme për të vazhduar angazhimin e saj për qytetarët.
Kryetari Ferati e uroi për këtë hap, duke theksuar se puna dhe përkushtimi i saj janë dëshmuar gjatë gjithë kohës.

17/08/2025

Florin Dreshaj jashtë listës së VV-së për Asamble

Asambleisti dhe njëherit profesori Florin Dreshaj, kësaj radhe nuk është përfshirë në listën e kandidatëve të Lëvizjes Vetëvendosje për garën në Asamble. Edhe pse më herët konsiderohej një ndër figurat kyçe të kësaj partie, ai është lënë anash nga strukturat e VV-së.

Sipas burimeve brenda partisë, vendimi për të mos e përfshirë Dreshajn në listë lidhet edhe me faktin se ndaj tij është ngritur një procedurë gjyqësore për veprën penale të ngacmimit seksual. Çështja aktualisht po trajtohet nga organet e drejtësisë.

14/08/2025

Kjo është lista e kandidatëve për asamble nga Vetëvendosje në Istog

13/08/2025

Të nderuar qytetarë të Komunës së Istogut,

Me nder e përgjegjësi Ju njoftoj se në zgjedhjet lokale që do të mbahen më 12 tetor 2025, jam kandidat për Këshilltar Komunal në Listën e Partisë Demokratike të Kosovës (PDK), me numër 13.

Besimi juaj është forca ime për të punuar me përkushtim për interesin e qytetarëve dhe zhvillimin e komunës sonë.

Ju ftoj që më 12 tetor të gjeni Numrin 13, Pajtim Xh. Dragaj.

Së bashku për një Istog më të zhvilluar!
Me Kryetar AliNimanaj
#13

12/08/2025

Dikur komandant, i njohur si Naser Shatri, musliman. Sot, feston me familjen Shatri nën emrin “Luigji”. Koha i ndryshon njerëzit…

09/08/2025

Istog – Gara e ashpër mes katër asambleisteve të LDK-së

Dega e Lidhjes Demokratike të Kosovës në Istog ka zyrtarizuar katër kandidate femra për Asamblenë Komunale, duke shënuar një garë të fortë dhe të ngushtë mes tyre. Secila prej tyre vjen me një bagazh të veçantë suksesi dhe përvoje, që pritet të ndikojë në rezultatin final.

Liridona Lajqi – Asambleiste në mandatin e kaluar, e cila në katër vitet e fundit ka dhënë një kontribut të pandalshëm në jetën politike dhe institucionale të komunës.

Merita Muzlijaj-Bytyqi – Aktualisht drejtoreshë për Mirëqenie Sociale në Komunën e Istogut. Puna e saj e deritanishme në këtë sektor ka marrë vlerësime pozitive dhe ajo synon ta vazhdojë mandatin.

Abetarep Sutaj – Një emër i ri në politikën lokale, por me një bagazh të pasur si moderatore në Radio Fontana, ku ka fituar njohje dhe përkrahje nga publiku.

Arta Balaj – Njëra ndër gratë më të votuara të LDK-së në zgjedhjet e fundit lokale, që kërkon edhe një mandat tjetër për të vazhduar angazhimin në asamble.

Gara brenda LDK-së për asambleiste në Istog pritet të jetë një nga më të fortat e viteve të fundit, me secilën kandidate që mbështetet nga baza e saj elektorale dhe nga sukseset personale.