26/11/2025
Çdo vakt ose ushqen trupin, ose ushqen sëmundjen...
Sot, shumë prej nesh blejnë atë që është më e lehtë ose gjysëm e pergatitur, jo atë që është më e shëndetshme.
Në çdo lagje dhe sidomos pran shkollave gjen Hamburger/Tosta/patatina për 1 euro, por mezi gjen fruta të freskëta me të njëjtin çmim.
Dhe ky realitet po na kushton shtrenjtë.
“Ushqimi i lirë shpesh bëhet shtrenjtë… por vetëm pas disa vitesh.”
Obeziteti nuk lidhet vetëm me peshën. Ai lidhet me sëmundje të rënda, përfshirë 13 lloje kanceri, sipas studimeve ndërkombëtare.
Indi dhjamor nuk është inert – ai prodhon hormone dhe substanca inflamatore që nxisin zhvillimin e tumoreve.
Shembuj të thjeshtë:
Sa më shumë yndyrë trupore, aq më shumë estrogjen → rritje e rrezikut për kancer gjiri dhe uterus.
Sa më shumë sheqer dhe ushqim i përpunuar → më shumë insulinë → mjedis ideal për rritje qelizore të pakontrolluar.
Më pak fibra → mikrobiomë e dëmtuar → rrezik i rritur për kancer kolorektal.
Në anën tjetër…
“Ushqimi i shëndetshëm nuk është luks, është parandalim.”
Ndryshimi nis me gjëra të vogla:
Zëvendëso një vakt të shpejtë me një pjatë të gatuar në shtëpi.
Ec 20–30 minuta në ditë.
Shto perime, bishtajore dhe fruta në tryezë.
Kufizo ushqimet ultra-të-përpunuara.
Janë hapa të vegjël, por me ndikim të madh në peshë, energji dhe rrezik për kancer.
“Çdo vakt ose ushqen trupin, ose ushqen sëmundjen. Zgjedhja është e vogël… por pasojat janë të mëdha.”
Parandalimi nuk fillon në spital.
Fillon në shtëpi, në kuzhinë dhe në zgjedhjet e përditshme.
Dr.Hekuran Sejdiu
