14/07/2025
Dr.Bajram Preteni, një nga internistët më të mirë në Kosovë, u bë shkak i shpëtimit të mijëra jetëve
Emri Bajram Preteni është i gdhendur me shkronja të arta në historinë e Shëndetësisë në Mitrovicë.
Krejt kjo falë punës dhe angazhimit të palodhshëm të internistit mitrovicas, njëri nga më të shquarit jo veç në Mitrovicë por edhe në gjithë Kosovën, shkruan “Mitropol”.
Falë eksperiencës dhe kujdesit të tij, mijëra pacientë jetojnë ende sot përkundër problemeve serioze kardiologjike që kanë pasur në të kaluarën.
Dr. Preteni është në mesin e mjekëve të përjashtuar nga puna me dhunë nga regjimi serb, por megjithatë, në ordinancën e tij shumë qytetarë kanë gjetur përkrahjen dhe mbështetjen për shumë halle të tyre.
Doktori Preteni ka pasur dhe vazhdon të ketë sjellje shembullore e profesionale karshi pacientëve të tij, gjë për të cilën është shumë i respektuar në mesin e mitrovicasve.
Internisti Preteni vazhdon ende punën e tij, pas pensionimit më 2019. Në familjen e ngushtë Preteni janë tre anëtarë që kanë titullin ‘doktor’, një nga to edhe vajza e Dr. Bajramit, Arvesa./Mitropol/
