03/07/2025
🟢Lajm i mirë: Komuna e Mitrovicës nis procedurat për ndërtimin e një çerdheje të re në Vaganicë👇
Pas përfundimit të çerdhes moderne në Shipol dhe fillimit të ndërtimit të çerdhes në rrugën “Mbretëresha Teutë”, Komuna e Mitrovicës ka hapur edhe tenderin për një tjetër projekt të rëndësishëm: ndërtimin e çerdhes së re në lagjen “Ura e Gjakut – Vaganicë”.
Ky projekt madhor, i vlerësuar në 400 mijë euro, pritet të kontribuojë ndjeshëm në rritjen e kapaciteteve për përkujdesjen dhe edukimin e fëmijëve mitrovicas, duke u ardhur në ndihmë familjeve të kësaj lagjeje dhe më gjerë.
Dikur me vetëm një çerdhe publike në gjithë qytetin, Mitrovica po vazhdon investimet në krijimin e disa çerdheve të reja, duke dëshmuar përkushtimin e saj ndaj arsimit të hershëm dhe mirëqenies së fëmijëve.
Ndërkohë, kujtojmë se edhe një çerdhe tjetër në lagjen Tavnik, ndërtimi i së cilës kishte nisur vite më parë nga Ministria e Arsimit, ka më shumë se një vit që ka mbetur e papërfunduar, për shkak të ndërprerjes së punimeve.
