Qyteti i Mitrovicës

09/05/2026

Po largohen kubëzat në rrugën kryesore në Mitrovicë, do mbillet gjelbërim

09/05/2026

Operacion i gjerë bastisjeje në Qendrën Korrektuese të Dubravës

Në Qendrën Korrektuese të Dubravës, zyrtarët korrektues, kanë realizuar një operacion të gjerë bastisjeje me qëllim parandalimin e veprimtarive të kundërligjshme dhe rritjen e sigurisë brenda institucionit.

Shërbimi Korrektues njofton se gjatë operacionit janë kontrolluar të gjitha hapësirat e brendshme, përfshirë dhomat e të burgosurve, si dhe hapësirat e jashtme, salla e sportit dhe ambientet e tjera përcjellëse.

“Në aksion kanë marrë pjesë edhe zyrtarë korrektues nga institucione të tjera, si dhe njësiti special K9.Pas përfundimit të bastisjes nuk është gjetur asnjë send i kundërligjshëm. Gjatë kontrollit janë larguar sende të tepërta nga dhomat e të burgosurve dhe hapësirat e përbashkëta”, thuhet në njoftiM.

09/05/2026

Trepça përgatit dhuratë speciale për çdo tifoz në finalen e nesërme

Atmosferë e jashtëzakonshme pritet të mbretërojë të dielën mbrëma në palestrën Minatori, aty ku KB Trepça do ta nis finalen e madhe ndaj Bashkimit me një falënderim special për tifozët e saj besnikë.

Klubi mitrovicas ka bërë të ditur se për secilin tifoz që do të jetë i pranishëm në tribunat e “Minatorit”, është përgatitur një dhuratë simbolike – bluza me mbishkrimin “WINATORI”, e cila do të vendoset në secilën ulëse të palestrës.

Nga kampi “Xehetar” është bërë thirrje që secili shikues të marrë vetëm dhuratën e dedikuar për ulësen e tij, në mënyrë që të gjithë tifozët të bëhen pjesë e atmosferës së veçantë që synohet të krijohet në finalen e shumëpritur.

“WINATORI” pritet t’i japë edhe më shumë ngjyra tribunave të palestrës së zjarrtë mitrovicase, derisa tifozët e Trepçës njihen tashmë për mbështetjen e madhe që i japin skuadrës në ndeshjet vendimtare.

Trepça synon që para tifozëve të saj ta nisë finalen me fitore dhe në fund të sezonit të ngrejë edhe një tjetër trofe në basketbollin kosovar. /AsistiOnline.

09/05/2026

Mitrovica sot 🥰

09/05/2026

LDK-ja zyrtarizon Vjosa Osmanin si bartëse të listës e kandidate për Presidente

Lidhja Demokratike e Kosovës ka zyrtarizuar marrëveshjen për garim të përbashkët në zgjedhjet e parakohshme parlamentare të 7 qershorit me ish-presidenten Vjosa Osmani, gjatë mbledhjes së Këshillit të Përgjithshëm të partisë.

Në një deklarim për gazetarët pas mbledhjes, kreu i LDK-së, Lumir Abdixhiku, që do të jetë kandidati i kësaj partie për kryeministër me numrin 2, tha se kjo marrëveshje u dakordua unanimisht në parti.

“Në unanimitet të plotë LDK’ja nominoi propozimin dhe vendimin e Kryesisë përmes Këshillit të Përgjithshëm që në garën e ardhshme Vjosa Osmani të jetë kandidate për presidente dhe unë të jem kandidat për kryeministër dhe t’i kemi me vete gjithsej 110 kandidatë të LDK-së që propozohen nga degët e LDK’së dhe jo vetëm”.Në këtë listë, Abdixhiku tha se do të përfshihen edhe 19 emra të tjerë të propozuar nga Osmani.

09/05/2026

Kurti synon 60% të votave në zgjedhjet e 7 qershorit: Opozitën po e drejton dikush nga prapaskena

Kandidati për kryeministër nga Lëvizja Vetëvendosje, Albin Kurti, ka deklaruar se partia e tij synon të arrijë deri në 60 për qind të votave në zgjedhjet e 7 qershorit, duke e cilësuar këtë objektiv si të arritshëm me “punë, sinqeritet dhe përkushtim”.

Gjatë fjalimit në Këshillin e Përgjithshëm të partisë të shtunën, ku u nominua për kryeministër, Kurti tha se rritja e mbështetjes për Vetëvendosjen është e vazhdueshme dhe se, sipas tij, nëse trendi i rritjes vazhdon si në muajt e fundit, partia mund të afrohet me këtë rezultat.

“Prej shkurtit deri në dhjetor vitin e kaluar u rritëm për 9%, nëse rritemi po aq prej dhjetorit deri në qershor mund të prekim 60%. Nëse punojmë veçse ne dimë, me sinqeritet dhe përkushtim edhe kjo padyshim është e mundur”, u shpreh ai.

Ai akuzoi opozitën për bllokim të proceseve institucionale, duke thënë se veprimet e saj nuk e kanë mundur popullin, por kanë synuar pengimin e shtetit. Sipas Kurtit, zgjedhjet e reja nuk ishin të domosdoshme, por shtoi se ato mund të jenë të tilla për disa faktorë politikë, por jo për popullin.

“Sa herë po na bllokojnë ne po rritemi. Ata po marrin përgjigje më të fortë nga populli. Nuk kishim nevojë për këto zgjedhje. Mbase dikush, ndonjë strateg që drejton nga hija veprimet opozitare, po mendon që zgjedhjet janë të domosdoshme. Ndoshta janë për dikë, por jo për popullin e shtetin. Kjo po ndodh sepse kemi një opozitë e cila ka kuptuar se nuk mund ta mund popullin, por ka zgjedhur ta bllokojë shtetin. Vullnet i popullit nuk është nen kushtetues, është forcë e historisë që na shpie përpara”, deklaroi ai.

Në fjalimin e tij, Kurti theksoi gjithashtu se qeverisja e tij mbetet e përkushtuar ndaj vlerave evropiane dhe luftës kundër korrupsionit, duke shtuar se integrimi evropian nuk është vetëm objektiv politik, por pjesë e identitetit dhe vlerave të shoqërisë.

“Evropa për Kosovën nuk është stacion i thjeshtë, por vlerë që e mbajmë brenda nesh”, deklaroi Kurti, duke shtuar se Qeveria po ndërton institucione të bazuara në drejtësi, dinjitet dhe luftë kundër krimit e korrupsionit.

Tutje, ai u shpreh i nderuar që u nominua për kryeministër sërish dhe premtoi se me mbështetjen e popullit do t’i kalojnë “sfidat absurde” që po u shfaqen përpara.

“Është nder dhe përgjegjësi e madhe. Është detyrim historik ky që kam ndaj jush. Është detyrim që e kemi ndaj kombit shqiptar dhe Republikës sonë. Këtë detyrë do ta përmbushim e s’do të na ndalë askush. Sytë i kemi te përparimi i kombit tonë. Pa mbështetjen e juaj masive, nuk do të mundeshim të kapërcenim vështirësitë shoqërore e historike që na janë paraqitur në të kaluarën. Me mbështetjen tuaj, do ta kalojmë çdo pengesë, përfshirë edhe këto sfida absurde që po na paraqiten tash. Jemi në një tjetër fushatë, në një tjetër ballafaqim me të kaluarën, që nuk do të vdesë kurrë pa u përpjekur edhe një herë të na e marrë frymë. Jemi këtu të pathyer, me duar të pastra e ballëhapur”, theksoi Kurti.

09/05/2026

Abdixhiku zyrtarizon kandidaturën për kryeministër, propozon Vjosa Osmani për presidente dhe bartëse të listës së LDK-së

Kryetari i Lidhjes Demokratike të Kosovës, Lumir Abdixhiku e ka zyrtarizuar propozimin e tij si kandidat i kësaj partie për kryeministër në zgjedhjet e 7 qershorit.

Ai po ashtu e konfirmoi që ka propozuar të garojë me Vjosa Osmanin si kandidate për presidente.

“Në këtë propozim timin, kam propozuar garim të përbashkët për President të Republikës dhe për Kryeministër të Republikës”, ka njoftuar Abdixhiku gjatë fjalimit të tij në Këshillin e Përgjithshëm të partisë.

“Kam propozuar që Lidhja Demokratike e Kosovës të garojë me Presidenten Vjosa Osmani si kandidate për Presidente të Republikës dhe njëkohësisht bartëse të listës sonë zgjedhore; dhe me mua, Kryetar të LDK-së, kandidat nga LDK për Kryeministër të Republikës”.

Abdixhiku pohoi se ky propozim është mbështetur dhe votuar në plotni nga Kryesia e Lidhjes Demokratike të Kosovës.

09/05/2026

A ka humbur apo ka fituar votues, Vjosa Osmani me rikthimin e saj në LDK ?

Si mendoni ju ?

09/05/2026

Drejtoria e Inspekcionit ka vijuar me ndërhyrje të rregullta javore për lirimin dhe shfrytëzimin adekuat të hapësirave publike të zëna nga sh*tësit ambulantë.

Këto veprime synojnë sigurimin e rendit, rregullit dhe lëvizjes së papenguar për të gjithë qytetarët.

Qëllimi i këtij aksioni javor, në ditën e tregut kur frekuentimi i qytetarëve është shumë i madh, është siguria, ruajtja e rendit dhe qarkullimi i lirë për të gjithë qytetarët.

09/05/2026

😍

Relaks vikendi, në vendin e duhur.

Ju mirëpresim!

09/05/2026

Abdixhiku, anëtarësisë së LDK-së: Ju zotohem, do t’i bashkoj të gjithë

Kreu i Lidhjes Demokratike të Kosovës, Lumir Abdixhiku i është zotuar anëtarësisë së kësaj partie se “do t’i bashkojë të gjithë”.

Në një shkrim në Facebook, Abdixhiku ka thënë:

“Anëtarësisë së Lidhjes,

Ju zotohem, do t’i bashkoj të gjithë.

Ata që kanë qëndruar gjithmonë.

Ata që janë larguar.

Ata që kanë heshtur.

Ata që ende besojnë.

Sepse LDK-ja ka qenë gjithmonë më e madhe se secili prej nesh. LDK-ja ka qenë gjithmonë shtëpia e njerëzve të saj.

Dhe koha ka ardhur që kjo shtëpi të bëhet sërish një”.