05/09/2025
Të dashur familjarë, miq, bashkëqytetarë të Pejës
Sot dua të ndaj me ju një vendim të rëndësishëm:
Në zgjedhjet e 12 tetorit, jam kandidat për Asamblenë Komunale të Pejës, në listën e Partisë Demokratike të Kosovës (PDK).
Qëllimi im është i thjeshtë dhe i qartë: Të jem një zë i ndershëm, i drejtpërdrejtë dhe i guximshëm për qytetarët e Pejës.
E di ku jetojmë. E di çfarë mungon. E ndjej çdo ditë atë që ndjen secili prej jush: mungesë të mundësive për të rinjtë, sfida në përditshmëri, një komunë që shpesh harron qytetarin e zakonshëm.
Unë nuk dua të jem pjesë e kësaj heshtjeje. Dua të jem zëri që shtyn gjërat përpara.
Kam vullnet. Kam përkushtim. Kam guximin të them të vërtetën, edhe kur nuk tingëllon bukur.
Jam rritur në këtë qytet. I njoh rrugët, njerëzit dhe hallet. Kam kaluar si ju sfida dhe gëzime dhe dua që çdo familje këtu të ndjejë se ka dikë që i dëgjon me vëmendje.
Nuk jam këtu vetëm për të bërë fjalë, por për të punuar me ju dhe për ju. Dua që zëri juaj të dëgjohet dhe kërkesat tuaja të marrin vëmendjen që meritojnë.
Nëse beson se Peja meriton dikënd që e përfaqëson ndershëm, përgjegjshëm dhe që punon pa pushim për komunitetin, atëherë shpresoj dhe besoj të ma jepni mundësinë t’ju përfaqësoj me gjithë përkushtim.
Numri im është 21
