Radio Peja

14/09/2026

Mbledhja e VI-të e Komitetit për Politikë dhe Financa

Është mbajtur mbledhja e gjashtë e Komitetit për Politikë dhe Financa (KPF), për vitin 2026 e Kuvendit Komunal të Pejes e kryesuar nga z.Rexhep Kurtbogaj.

Në këtë mbledhje janë shqyrtuar rekomandimet, sipas rendit të ditës:

1. Aprovimi i rendit të ditës.
2. Shqyrtimi dhe miratimi i Procesverbalit të KPF-së dt. 21.07.2026.

3. Shqyrtimi dhe rekomandimi për miratimin e buxhetit të Komunës së Pejës 2027-2029.
4. Shqyrtimi dhe rekomandimi për miratimin e propozimit të Kryesuesit të Kuvendit të Komunës së Pejës për kompensimin e Komiteteve Konsultative për vitin 2026.
5. Shqyrtimi dhe rekomandimi i propozimit të Drejtorisë se Administratës dhe Kryetarit të Komunës së Pejës për formimin e Komisionit për zgjedhjen e Këshillave Lokale në Komunën e Pejës.
6. Shqyrtimi dhe rekomandimi i propozimit të Drejtorisë se Administratës dhe Kryetarit të Komunës së Pejës për formimin e Komisionit për ankesa lidhur me procesin e zgjedhjeve të Këshillave Lokale në Komunën e Pejës.
7. Shqyrtimi dhe rekomandimi për miratimin e propozimit të Kryetarit të Komunës së Pejës për kompensimin e anëtareve të KKSB-së për vitin 2026.
8. Shqyrtimi dhe rekomandimi për miratimin e propozimit të Drejtorisë se Administratës dhe Kryetarit të Komunës së Pejës për kompensimin e kryesuesve të Këshillave Lokale për vitin 2026.
9. Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme Komunale me pronat e paluajtshme në pronësi të pronarëve privat Florin (Muharrem) Krasniqi, Venera (Mahir) Kelmendi, Bos Peter (William Mattjas), Arjeta ( Mahir) Mala dhe Ramiz (Avdyl) Nikq, me qëllim të zgjerimit të rrugës dhe sigurimit të kushteve të nevojshme për funksionimin e bazave ushtarake në Bellopojë si Interes Publik sipas PZHK-së.
10. Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme Komunale me pronën e paluajtshme në pronësi të pronarit privat Luigj (Ilhami) Karagjija me qëllim të krijimit hapësirës për shërbim kulturor dhe rekreativ si Interes Publik sipas PZHK-së.
11. Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme Komunale me pronat e paluajtshme private në pronësi të Hysnije (Alil) Jusaj, Ali (Ramë) Basha dhe Reliumd Group, me qëllim të realizimit të Interesit Publik: “Zgjerimi i rrugës si dhe Sigurimi i kushteve të nevojshme për funksionimin e bazës ushtarake në Bellopojë”, si Interes Publik sipas PZHK-së.
12. Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme Komunale me pronat e paluajtshme në pronësi të pronarit Rexhë (Avdi) Muriqi, me qëllim të sigurimit të kushteve të nevojshme për funksionimin e bazave ushtarake në Bellopojë, si Interes Publik sipas PZHK-së.
13. Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme Komunale me pronën e paluajtshme në pronësi të pronarit privat Shani (Sejfullah) Kasapi, me qëllim të realizimit të Interesit Publik: “Krijimi i hapësirave publike buzë Lumbardhit”, si Interes Publik sipas PZHK-së.
14. Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme Komunale me me pronat e paluajtshme në pronësi të pronarëve privat Skender (Tahir) Jusaj dhe Blerim (Gani) Pupovci, të cilat do të merren me qëllim të realizimit të Interesit Publik: “Shërbim kulturor dhe rekreativ-hapësirë e hapur publike”, si Interes Publik sipas PZHK-së.
15. Shqyrtimi dhe rekomandimi i Raportit të vlerësimit të dëmeve të shkaktuara nga fatkeqësitë natyrore dhe fatkeqësitë tjera, për periudhën kohore, 21 Korrik 2026.
16. Shqyrtimi dhe rekomandimi i propozimit të Kryesuesit të Kuvendit të Komunës për shpalljen e konkursit për Komitetet Konsultative:
1. Komiteti Konsultativ për Zhvillim Ekonomik, 2. Komiteti Konsultativ për Mbrojtjen e Mjedisit dhe 3. Komiteti Konsultativ për Persona me Aftësi të Kufizuara.
17. Shqyrtimi dhe rekomandimi i propozimit të Kryesuesit të Kuvendit të Komunës për zgjedhjen e panelit përzgjedhës për Komitetet Konsultative.
18. Shqyrtimi dhe rekomandimi i informatës nga DKA për fillimin e vitit shkollor.

19. Pyetjet dhe propozimet lidhur me punën e Komunës të ngritura nga anëtarët, në atë renditje siç janë pranuar. (Për tu dorëzuar të Sekretari jo më vonë se të Premten, me dt.11.09.2026).

ZIP

12/09/2026

Njoftim për fermerët nga KRU "Drini i Bardhë" SHA

Njoftim nga KRU "Drini i Bardhë"

KRU “Drini i Bardhë” njofton të gjithë fermerët se më 15 shtator 2026 përfundon sezoni i ujitjes së tokave bujqësore për këtë vit.

Gjatë gjithë sezonit të ujitjes, KRU “Drini i Bardhë” ka bërë përpjekje të vazhdueshme për të siguruar furnizimin me ujë për bujqit, sipas planit dhe orarit të përcaktuar.

Me këtë rast, falënderojmë të gjithë fermerët për bashkëpunimin, mirëkuptimin dhe respektimin e orareve të ujitjes, si dhe për përdorimin e përgjegjshëm dhe racional të ujit.

Ju falënderojmë për bashkëpunimin dhe ju urojmë rendimente të mbara dhe një sezon të suksesshëm bujqësor!

KRU “Drini i Bardhë” Sh.A.

11/09/2026

Kujtesë për të kaluarën, vizion për të ardhmen.

Në organizim të Rotary Club Peja, u mbajt një takim i veçantë në përkujtim të 11 Shtatorit 2001, me pjesëmarrjen e Kryetarit të Komunës së Pejës, z. Gazmend Muhaxheri,Shefit të Kabinetit, z. Faik Zekaj,dhe Zëdhënësit të Komunës, z. Valmir Deçani.

Takimi u karakterizua nga diskutime me rëndësi mbi Inteligjencën Artificiale, potencialin e saj, përfitimet për shoqërinë dhe ndikimin që do të ketë në zhvillimin e së ardhmes.

Nga kujtimi i një prej ngjarjeve më të rëndësishme të shekullit, te sfidat dhe mundësitë e teknologjisë së së ardhmes .

Kujtesa na mëson, ndërsa inovacioni na çon përpara.

11/09/2026

Doruntina Kastrati-Kabashi, fizioterapeute, në emisionin “Aktuale Ditore” foli për librin e saj, “Shëndeti dhe mirëqenia e fëmijëve të moshës shkollore në Komunën e Pejës”.

Me këtë rast, ajo falënderoi Komunën e Pejës për përkrahjen financiare për botimin e këtij libri, si dhe të gjithë personat që morën pjesë në promovimin e tij.

11/09/2026

A keni pyetur ndonjëherë veten, se çfarë ju pret në anën tjetër të shpatieve të Hajlës?

Atje,në anën tjetër të Hajlës, në zemër të natyrës së paprekur të Rozhajës, ju pret Jela Natural Resort – një vend, ku pushimi shndërrohet në një përvojë të paharrueshme!

Shijoni ajrin e pastër malor, ushqimin tradicional të shtëpisë dhe qetësinë e natyrës.

Për një qëndrim të plotë dhe relaksues, në dispozicion janë shtwpiza druri dhe vilat komode, të rrethuara nga pylli dhe bukuritë natyrore.

Për adhuruesit e aventurës — përjetojeni Hajlën në një mënyrë krejtësisht tjetër!

Vozitje me ATV nëpër shtigjet malore Xhip Safari nëpër natyrën e paprekur të Hajlës. Hiking, ecje dhe eksplorim i natyrës.

Mini kopsht zoologjik dhe aktivitete për më të vegjlit. Qoftë për një pushim familjar, një vikend romantik në çift apo një ditë plot aventurë.

Largohuni nga zhurma e qytetit dhe zbuloni çfarë ju pret në anën tjetër të Hajlës. Jella Natural Resort – Rozhajë, Mali i Zi.

Rezervimet: +382 68 122 555 Jela Natural Resort — Në anën tjetër të Hajlës, më afër se sa mendoni.

10/09/2026

KRU 'HIDRODRINI'-Pejë
Menaxhmenti Rajonal

Vazhdojnë çkkyçjet e konsumatorëve borxhlinjë

Inspektorët rajonal të KRU 'Hidrodrini', kanë vazhduar me çkyçje nga rrjeti, të konsumatorëve borxhlinjë në fshatrat Vitomiricë, Dubovë dhe në B.T. 'Dardania'.

Aksioni do të vazhdojë edhe në të gjitha lagjet tjera si dhe në njësitë operative në Istog, Klinë, Deçan dhe Junik.

U bëjmë thirrje konsumatorëve borxhlinjë që t’i kryejnë obligimet e tyre, ose të paraqiten për të lidhur kontratë për riprogramimin e borxhit me këste, në mënyrë që të shmangin çkyçjen.

Paguani borxhin ose riprogramojeni me këste, shmangni çkyçjen dhe shpenzimet shtesë!

Uji është jetë, ta ruajmë, ta paguajmë dhe ta përdorim racionalisht!

Me respekt:
Zyra për Media e KRU 'Hidrodrini'-Pejë

10/09/2026

Peja dhe Plava nënshkruajnë marrëveshje për projektin “Pazar Point”

Kryetari i Komunës së Pejës, Gazmend Muhaxheri, dhe kryetari i Komunës së Plavës, Nihad Canović, kanë nënshkruar marrëveshje bashkëpunimi ndërkufitar për realizimin e projektit “Pazar Point”.

Projekti financohet nga Bashkimi Evropian dhe bashkëfinancohet nga të dyja komunat.

Muhaxheri tha se ky projekt paraqet një hap të rëndësishëm në forcimin e bashkëpunimit ndërmjet Pejës dhe Plavës, duke kontribuar në zhvillimin ekonomik, promovimin e potencialeve turistike dhe forcimin e lidhjeve ndërmjet komuniteteve të të dyja anëve të kufirit.

Sipas tij, bashkëpunimet ndërkufitare krijojnë mundësi të reja për zhvillimin e përbashkët dhe promovimin e potencialeve të rajonit.

09/09/2026

Albulena Haxhiu është zgjedhur kryetare e Kuvendit. Ajo do ta udhëheqë legjislaturën e 11-të të dalë nga zgjedhjet e 7 qershorit.

Haxhiu mori 62 vota për, 16 kundër, ndërsa 13 abstenuan.

Haxhiu cila ushtron edhe postin e presidentit nga 5 prilli, do të vazhdojë edhe më tutje këtë detyrë deri në zgjedhjen e presidentit të ri.

09/09/2026

Xhevat Ibra përmbyll karrierën në shërbim të Policisë së Kosovës

Xhevat Ibra, ish-zëvendëskomandant dhe ish-zëdhënës për informim në Drejtorinë Rajonale të Policisë së Kosovës në Pejë, ka përmbyllur karrierën e tij profesionale me rastin e pensionimit.

Gjatë viteve të shërbimit, Ibra ka dhënë kontribut të rëndësishëm në fushën e sigurisë dhe informimit publik, duke dëshmuar profesionalizëm dhe përkushtim në ushtrimin e detyrës.

Me këtë rast, Radio Peja shpreh mirënjohjen për bashkëpunimin dhe komunikimin korrekt ndër vite, duke i uruar z. Ibra shëndet, pensionim të mbarë dhe suksese në kapitullin e ri të jetës.

08/09/2026

Kryetari i Aleancës në Pejë, Naim Bytyqi, ka bërë të ditur se në kuadër të vizitave nëpër komuna, në Pejë është pritur kryetari i Aleancës, Ardian Gjini, së bashku me bashkëpunëtorët e tij.

Bytyqi ka thënë se gjatë takimeve me studentë, fermerë, ekonomistë, punonjës të shëndetësisë dhe arsimit, si dhe përfaqësues politikë, janë diskutuar çështje të shumta me të cilat përballen qytetarët.

Sipas tij, diskutimet kanë qenë produktive dhe kanë hapur rrugën për adresimin e këtyre problemeve në një të ardhme të afërt.

“Aleanca ka plan, vullnet edhe vendosmërinë për t’i zgjidhur këto probleme”, citoi Bytyqi në një postim në Facebook.