
19/02/2024
Misionit tonë i erdh fundi: FALEMINDERIT, PEJË!
Për gati 9 vjet, i kem qëndru vazhdimisht konceptit të njëjtë të cilin e kemi pas prej ditës së parë kur kemi nis. Patëm vendos që përmes postimeve tona me tregu anët e mira dhe pozitive që i ka qyteti, bashkë me njerëzit, natyrën e bjeshkët që na rrethojnë. Shumë herë kemi qenë edhe referencë për mediumet kombëtare ma të njohura të vendit, e kemi bashkëpunu me plot mediume të mëdha shqiptare, përfshirë Top Channel dhe RTK.
Nuk po dojmë me e zgjat ma tepër për ato se çka kena arrit dhe se ku e sa e kemi promovu Pejën deri më sot, se besojmë që rezultatet dhe puna jonë, kanë fol ma së miri deri tash.
Përmes këtij postimi po dojmë me tregu që misionit të faqes sonë, që ishte për shumë prej juve, ma shumë se një faqe, i erdh fundi. Për arsye personale tonat, për pamundësinë tonë me qenë në Kosovë nga tash e mbas, kemi vendos që nga sot me e shkëput aktivitetin tonë në faqe.
Për krejt juve që na keni ndjek çdo ditë, e na keni jep motiv me vazhdu, ju falenderojmë pafund herë, e shihemi në rrugëtimet e ardhshme.
FALEMINDERIT!