30/11/2025
Gazetarja Farije Dauti Bakiju, e Televizionit Shtetëror të Maqedonisë së Veriut, ka denoncuar publikisht aktorin e njohur nga Kosova, Sevdai Radogoshi – Qumilin, duke e akuzuar për sjellje me prirje islamofobike
Dauti ka treguar se ngjarja ka ndodhur më 28 Nëntor, gjatë përpjekjes së saj për ta intervistuar aktorin.
Sipas saj, sapo i ka drejtuar pyetjen dhe ka zgjatur mikrofonin, Radogoshi i është përgjigjur:
“Unë përgjigjem vetëm për televizionet shqiptare,” – me një nënqeshje cinike.
Gazetarja tregon se e ka pyetur:
“Mos doni të thoni edhe ju se qenkam arabe?”
Ndërsa, sipas saj, Qumili ka shtuar:
“Nuk e di, mund të jeni edhe prej ndonjë televizioni serb.”
Dauti ka shkruar se në atë moment “i është rroposur i gjithë respekti” për aktorin, duke e vlerësuar sjelljen e tij si fyese dhe paragjykuese.
Lajmi është raportuar nga Gazeta Politika.
