Gazeta e Re Plus

08/09/2026

Prizreni sonte do të mirëpresë hapjen e edicionit të dytë të Festivalit Ndërkombëtar të Teatrit Turk, një ngjarje kulturore që do të mbledhë artistë dhe trupa teatrore nga vende të ndryshme, me moton "Arti Bashkon".

Ceremonia zyrtare e hapjes do të mbahet mbrëmjen e sotme, ndërsa festivali do të nisë me shfaqjen "Tiyatro Karnavalı", e realizuar nga Teatrot Shtetërore të Izmirit.

Gjatë gjashtë ditëve të festivalit, publiku do të ketë mundësi të ndjekë një program të pasur me shfaqje teatrore për të rritur dhe fëmijë, punëtori, panele diskutimi, ekspozita, performanca në hapësira të hapura dhe aktivitete të tjera kulturore. Përveç Prizrenit, aktivitetet do të zhvillohen edhe në Prishtinë, Pejë, Gjilan dhe Mamushë.

Në këtë edicion pritet të marrin pjesë mbi 100 artistë, aktorë dhe profesionistë të kulturës nga Kosova, Turqia, Republika Turke e Qipros së Veriut, Maqedonia e Veriut, Italia, Bullgaria, Austria dhe Kazakistani.

Organizatorët theksojnë se festivali synon të forcojë bashkëpunimin kulturor ndërkombëtar përmes teatrit, të promovojë trashëgiminë e teatrit në gjuhën turke në Kosovë dhe Ballkan, si dhe ta afrojë artin skenik me publikun përmes aktiviteteve të organizuara edhe në sheshet dhe hapësirat publike të qytetit.

Festivali do të zgjasë deri më 13 shtator, kur edhe do të mbahet ceremonia përmbyllëse në Shtëpinë e Kulturës "Xhemajli Berisha" – Skena "Bekim Fehmiu" në Prizren.

08/09/2026

Pas publikimit të lajmit lidhur me rritjen e faturave për shërbimin e mbledhjes së mbeturinave, Kryeshefi Ekzekutiv i KRM “Ekoregjioni”, Burim Shala, ka dërguar një sqarim për redaksinë lidhur me mënyrën se si bëhet faturimi për bizneset.

Shala ka sqaruar se për bizneset që kanë kontejnerë me kapacitet 1.1 m³, çmimi për një zbrazje ka qenë më herët 11.30 euro, ndërsa me çmimoren e re është 15 euro për një zbrazje.

Sipas tij, rasti i një biznesi, fatura e të cilit ka kaluar nga 33.90 euro në 60 euro, lidhet me numrin e zbrazjeve të kontejnerit.

“Për bizneset që kanë kontejnerë me kapacitet 1.1 m³, më herët çmimi për një zbrazje ka qenë 11.30 euro, ndërsa me çmimoren e re është 15 euro për një zbrazje”, ka thënë Shala.

Ai ka dhënë edhe një shembull konkret. Nëse një biznes më herët kishte tri zbrazje në muaj, ai paguante 33.90 euro, ndërsa me tarifën e re, në rast se zbrazja bëhet një herë në javë, realizohen katër zbrazje në muaj dhe pagesa arrin në 60 euro.

Shala ka theksuar se për këtë arsye nuk duhet që ndryshimi i faturës të paraqitet vetëm si rritje prej 77 për qind e tarifës, pasi faturimi bëhet në bazë të numrit të zbrazjeve të kontejnerit.

“Rritja nga 11.30 euro në 15 euro i referohet çmimit të një zbrazjeje, ndërsa shuma mujore varet nga frekuenca e shërbimit”, ka deklaruar ai.

Kryeshefi i Ekoregjionit ka sqaruar gjithashtu se gjatë sezonit të verës, veçanërisht gjatë muajve korrik dhe gusht, disa biznese kanë nevojë për zbrazje më të shpeshta. Sipas tij, në raste të tilla mund të realizohen edhe 10 apo më shumë zbrazje në muaj, ndërsa bizneset paguajnë sipas numrit të zbrazjeve të realizuara.

Shala ka theksuar se ndryshimet në tarifa nuk janë përcaktuar në mënyrë të njëanshme nga KRM “Ekoregjioni”, por janë bërë në përputhje me Rregulloren për Menaxhimin e Mbeturinave në Komunën e Prizrenit, e cila është miratuar dhe publikuar nga Komuna e Prizrenit.

08/09/2026

Një rritje e ndjeshme e tarifave për shërbimin e mbledhjes së mbeturinave është evidentuar në faturat e konsumatorëve në Prizren.

Redaksia jonë kishte pranuar ankesa nga qytetarë, të shoqëruara me fatura, ku tarifa për kategorinë “Lokalet me kontratë” ka kaluar nga 33.89 euro në muajin gusht 2026 në 60 euro në muajin shtator 2026, që përbën një rritje prej rreth 77 për qind.

Pas kërkesës së redaksisë për sqarime, nga Ekoregjioni kanë deklaruar se tarifat e reja kanë hyrë në fuqi që nga muaji korrik 2026 dhe se ato janë përcaktuar në bazë të rregullores komunale të miratuar nga Kuvendi Komunal i Prizrenit.

Sipas përgjigjes së tyre, rritja është bërë për shkak të rritjes së shpenzimeve të ndërmarrjes, duke përfshirë shpenzimet e naftës, kostot e deponimit në Landovicë dhe shpenzime të tjera operative.

07/09/2026

Nis seanca, Fatmir Sheholli del para trupit gjykues për spiunazh dhe shantazh

Sheholli u soll i prangosur dhe nën përcjellje të policisë, derisa u pa i buzëqeshur. Ky i fundit ngarkohet me dy vepra penale, atë të spiunazhit dhe të shantazhit, transmeton lajmi.net.

05/09/2026

Ministrinë e Hajrulla Çekut e zë të papërgatitur fillimi i mësimit, që një javë pa ditarë në shkolla – Mësimdhënësit mbajnë evidencën në fletë

Në Shkollën Fillore dhe të Mesme të Ulët “Pavarësia” në Prishtinë, drejtoria ka përgatitur një format të përkohshëm të ditarit në letër A4, të cilin mësimdhënësit po e përdorin deri në furnizimin me…

05/09/2026

Hamza: Nga sot, PDK-ja hyn në një fazë tjetër të veprimit politik, institucional dhe juridik

Kryetari i Partisë Demokratike të Kosovës, Bedri Hamza, ka deklaruar nga foltorja e Kuvendit të Kosovës, se PDK-ja nuk do të pranojë vazhdimin e shkeljeve kushtetuese dhe se, nga sot, do të hyjë në…

04/09/2026

28 vjet pas masakrës, Prokuroria Speciale ngre aktakuzë për krimet e luftës në Prekaz

Kjo është bërë e ditur në një konferencë për media nga kryeprokurori i shtetit Valdet Gashi. Aktakuza është dorëzuar 28 vjet pas ngjarjeve të marsit të vitit 1998, kur forcat serbe sulmuan familjen…

02/09/2026

Kryeparlamentari iranian: SHBA-ja duhet të përmbushë angazhimet përpara se Irani të rihapë Ngushticën e Hormuzit

01/09/2026

Abdixhiku paralajmëron pasoja për 6 deputetët e LDK-së që s’do ta votojnë Bekim Sejdiun

”S’duhet të brengosem në këtë fazë për natyrën diciplinore brenda LDK-së, sepse ajo do të vijë. Më shumë jam i brengosur për pasojat për Kosovën”, tha ai, pasi u pyet për pasojat për ata që…

01/09/2026

Abdixhiku: I kërkoj falje popullit, nuk mundem me këtë grup parlamentar

Abdixhiku ka kritikuar situatën politike dhe ka thënë se Kosova po humb një mundësi për t’i ikur, siç e quajti ai, politizimit individual. “‘Nuk e di kush do të jetë në listë, por do të vendoset me…