02/12/2025
Lëvizja për Demokraci: Opozita në Ferizaj ka nevojë për ndryshime drastike, duhet dorëheqje të njëpasnjëshme!
Kur nuk të don populli, s’ke çka rri në pozitë. Grupacionet e frikshme brenda degës së VV-së në Ferizaj, e sidomos ato të PDK-së, kanë arritur ta shkatërrojnë këtë degë. Nuk mundet me ardhur një person nga PDK-ja, të cilës nuk i është realizuar dëshira për t’u bërë drejtoresh me PDK-në, pastaj të bëhet kryetare e degës së VV-së. Nuk mund të jetë kandidat për kryetar komune Enver Haliti, i cili ka qenë pjesë e të gjitha pushteteve nga PDK-ja, AAK-ja e LDK-ja dhe kur e shkarkuan nga drejtoria e Kulturës, Rinisë dhe Sporteve, ka aderuar në VV.
Nuk mund të jetë kandidat i përhershëm për deputet Valon Ramadani, i cili është përfitues i të gjitha pushteteve, privatizimeve, dhe nga kryetari i degës së NISMA-s është bërë kryetar i degës së VV-së, humbi keq nga Agimi, e pastaj edhe sot më shumë se 4 herë e bëjnë deputet aktivistët e VV-së, pa dhënë asnjë kontribut, pa i kryer askujt punë dhe duke blerë votat.
Me këto formacione, Qaza i Ashkalive ka me mposht VV-në, në Ferizaj sikur që e mposhti Agimi pa balotazh, dhe asnjë dorëheqje, sepse të gjithë janë palë të interesit të PDK-së, anëtarët e kryesisë së VV-së në Ferizaj bëjnë gara kush me dërgu informacione më shumë te PDK-ja!
