Botimet KOHA

24/07/2025

PALLTOJA E TË MUNGUARIT

nga Albina Idrizi

Është roman frymëzues e informues. Është histori për luftën tonë të fundit dhe romani, përmes fijeve të kujtesës artistike, flet për një hapësirë dhe kohë reale.
Flet për luftën si një dhembje racionale; për raportin me ardhmërinë ku personazhet nuk merren me plagë individuale; për jetesën e mbijetesën pa eufori.
Është homazh për forcën e një familjeje, një kujtesë njerëzore në kohëra që asnjëri nuk do të donte t’i përjetonte.

Çmimi 7€

24/07/2025

Romani fitues i Shpërblimit "Rexhai Surroi" për letërsi 2024

TOKA E BABËS
nga Jetlira B. Avdiaj

Një roman, përplot dramaticitet dhe shumë klasik, i një prozatoreje të re, e cila sjell rrëfimin për pronën e trashëgiminë një trajtim letrar ndryshe nga ç’ kemi lexuar në epilogë procesesh gjyqësore.

E drejta ose lufta për trashëgimi ka nxitur vrasjen e zotit të shtëpisë nga anëtarët e familjes. Këtë vrasje mizore dhe përpjekjet e mëdha për ta fshehur krimin, do ta zbulojë, me shumë vështirësi, anëtari i dëbuar dhe më i urryer i familjes, që i vetëm, do ta mundë të keqen që solli tragjedi familjare.

Një ndërthurje konfliktesh pronësore e dashurore do të sjellin te përfundimi se e vërteta megjithatë dikur del në pah dhe drejtësia, sado e vonuar, vjen.

Çmimi 12 euro

24/07/2025

MASAKRA NDODHI NË KORÇË

Edhe ky roman i Ibrahim Kadriut, flet për një kohë të hidhur, për kohë të rënda që i jetoi Korça më 1914.

Me stilin tashmë të rryer Kadriu futet në përshkrimin e dhunës së egër që formacionet paraushtarake greke ushtruan ndaj popullatës shqiptare të Korçës me rrethinë.

Vrasjet mizore të shqiptarëve ortodoksë që nuk i nënshtroheshin detyrimit të bëheshin grekë, ndërkohë që shqiptarët myslimanë vriteshin e të detyroheshin të largoheshin drejt Turqisë shënuan njërën nga epokat më të errëta në jetët e korçarëve.

Çmimi 9€

05/06/2025

Në panairin ndërkombëtar të librit "Prishtina 2025", KOHA vjen, tashmë tradicionalisht, me zbritje shumë të madhe në mbi 150 tituj cilësorë të autorëve të vendit dhe ndërkombëtarë.
Vjen edhe me katër tituj të rinj!
Ju presim te stenda jonë prej 11-15 qershor.

23/04/2025

140 tituj dhe zbritje deri në 80% | Panairi i librit në

24/02/2025

Botimet KOHA

Sjell rrëfimin plot ngjyra për monarkun e parë dhe të vetëm të Shqipërisë

Mashtrimi mbretëror

Studiuesi kanadez Robert Austin, me një analizë të thelluar të historisë politike, rrëfen për ngritjen dhe rënien politike të mbretit të vetëshpallur të Shqipërisë.
Ahmet zogu, manipulues, mashtrues e oportunist e jetoi jetën prej mbreti të një populli të mashtruar e analfabet.
U veçua për nga suksesi i vrasjes së pothuajse të të gjithë kundërshtarëve politikë, përfshirë edhe ata që luftonin për Kosovën jashtë Serbisë.
E mbajti pushtetin deri kur “miku” i tij Mussolini e rrëzoi nga pushteti më 1939. Iku nga Shqipëria duke e lënë thellësisht të pazhvilluar dhe të varfër, për t’u mos kthyer për së gjalli.

Çmimi 10 euro

08/12/2024

03/12/2024

Dikur gazetare, e më pas zëdhënëse në misionin e UNMIK-ut në Kosovë. Tash, nëpërmjet shtëpisë botuese “Botimet KOHA“, na vjen si autore romani

Oj Kosova ime!
shkruar nga Mechthild Henneke

shpërfaq rrëfime të ndryshme lufte. Flet për peshën e miqësisë në paqe e në luftë. Flet për të rinjtë idealistë; flet për përkushtimin dhe sakrificën e një të riu që la pas Gjermaninë, me gjithë perspektivën që e priste përpara, për të luftuar për çlirimin e vendlindjes

Çmimi 10€

03/12/2024

Botimet KOHA sjell monografinë

VASIL GËRMENJI
NJË JETË NË SHËRBIM TË ÇËSHTJES SHQIPTARE

Përzgjedhur, përgatitur dhe shkruar nga Elez Osmani.

Rastësia e deshi që pas 35 vjetësh harrese në një bodrum ndërtese në New York të gjendej një material arkivor i një vlere të pamatshme historike.

Qe dokumentacioni personal i inxhinierit Vasil Gërmenji, pasardhës i Themistoklit dhe Telemakut, por mbi të gjitha njeri që ka bërë shumë për çështjen shqiptare, por nuk ka bërë bujë për punën e tij.

Punëtor i vyer, diplomat i shkathet, politikan, gazetar, poet satirik, anëtar i “Komitetit Shqipëria e Lirë”; kryetar i “Asamblesë se Kombeve të Robëruara të Evropës” dhe anti-Enverist, la pas një trashëgimi të pasur shkrimesh e analizash si dhe një letërkëmbim të papërsëritshëm me figurat më të shquara të emigracionit shqiptar.

Çmimi 13€

03/12/2024

Pas librave “Kosova: fillimi që nuk harrohet” që flet për ngjarjet e vitit 1981 dhe “Populli që shkroi historinë”, që përshkruan shembjen e autonomisë politike të Kosovës, Azem Vllasi e përmbyll këtë seri librash me përshkrimin e viteve nëntëdhjetë deri në çlirimin e Kosovës:

KOSOVA NËN OKUPIM
1989-1999

Rrëfim në veten e parë të njeriut që ka qenë pjesë e proceseve, avokat, këshilltar i Adem Demaçit në luftë dhe këshilltar politik i dy kryeministrave pas luftës.

Çmimi 7€

04/06/2024

• Si u formuan organizatat e para demokratike?
• Pse u bë lider Ibrahim Rugova?
• Si u përcaktua rezistenca paqësore ndaj Millosheviqit dhe si i iku Kosova luftës më 1990?
• Pse u ndezën qirinjtë e vringëlluan çelësat?
• Çfarë kërkuan amerikanët prej demokratëve kosovarë dhe çka ata prej Amerikës?
• Si u shndërrua Kosova në pikë të politikës së jashtme amerikane?
• Si u lind e u zhvillua iniciativa për Deklaratën e 2 Korrikut?
• Si u prit ardhja e Adem Demaçit nga burgu?
• Pse mungoi përgjigjja e organizuar ndaj pezullimit të autonomisë së Kosovës?
• Si hyri Kosova, pas grevës së pakoordinuar të përgjithshme në autopilot?

Libri do të gjendet në stendën e KOHËS në Panairin Ndërkombëtar të Librit Prishtina 2024

30/05/2024

Botimet KOHA sjell romanin më të ri të Ibrahim Kadriut

Vese në peshojë
Roman, i realizuar me dinamikë, thyerje të befasishme e shpesh dramatike përshkruan raportet kundërthënëse në mes të pushtetshmëve dhe vartësve të tyre ku, të parët e shfrytëzojnë autoritetin që e kanë, herë-herë duke sharruar në korrupsion, por edhe në imoralitet.
“Vese në peshojë”, roman me ngjyrosje edhe nga premisat e realitetit shoqëror e aktual; është i intriguar nga raportet shoqërore që ngrehin kokë në situata të ndryshme në saje të moskuptimit të ndërsjellë të personazheve të nxjerra nga jeta e përditshme shoqërore e politike.