08/06/2026
"Shteti nuk lind prej urrejtjes, por prej kulturës së dialogut.”
Sot, kur politika shpesh humb gjuhën e njerëzores dhe zgjedhjet shndërrohen në arenë fyerjesh, e kuptojmë sa shumë na mungon kultura politike e Ibrahim Rugovës.
Ai besonte se paqja është forma më e lartë e guximit politik dhe trinomi Liri – Pavarësi – Demokraci është themeli i shtetit.
Historia shqiptare i dha botës dy figura që besuan më shumë te forca e shpirtit sesa te pushteti: Nënë Tereza dhe Ibrahim Rugova.
Nana Terezë tregoi si shërohet dhimbja njerëzore.
Ndëra Rugova tregoi si ruhet dinjiteti njerëzor edhe në kohët më të errëta.
Në fjalimin e tij më 28 Nëntor 2001, Rugova tha:
“Gjeneratat e reja do të rriten me Skënderbeun, do të ndihen më të qetë edhe dëshmorët e shumë brezave.”
Edhe i lënduar, ai nuk e humbi gjuhën njerëzore, në një kohë kur rreth tij gjuha po egërsohej.
Ai nuk ishte lider që ushqehej me konfliktin, por me kulturën e dialogut dhe respektin për tjetrin.
Të ngjallim frymën rugoviane —
frymën e qetësisë, të kulturës dhe të respektit për tjetrin.
Një frymë që e bën politikën jo arenë fyerjesh, por mision qytetërues.
