Shpend Avdyli

23/10/2025

Të nderuar familjarë, miq, bashkëpunëtorë, fqinjë e qytetarë të Prishtinës,

Faleminderit nga zemra për besimin dhe përkrahjen tuaj për mua, për LDK-në dhe për kryetarin tonë, Përparim Rama.

Mirënjohjen ndaj jush e mbaj si vlerën më të madhe të këtij rrugëtimi, dhe përkushtimin tuaj e shoh si obligim për të vazhduar kokëlartë rrugën që na e la trashëgim Presidenti ynë historik, Dr. Ibrahim Rugova.

Tani që procesi për Asamblenë e Prishtinës është drejt përmbylljes, para nesh qëndron sfida e radhës – fitorja përfundimtare e LDK-së dhe rizgjedhja e Përparim Ramës në krye të Prishtinës.

Deri më 9 Nëntor, le të angazhohemi fuqishëm, me zemër e me besim, për ta finalizuar këtë rrugë të përbashkët.

Ju paça gjithmonë ushtarë të palëkundur të LDK-së dhe të vizionit të Presidentit Rugova.

Me respekt e mirënjohje,
Shpend Avdyli – Dragobia

11/10/2025

Të nderuar qytetarë të Prishtinës, të dashur familjarë, miq, aktivistë,

Kjo nuk është thjesht një fushatë – është vazhdim i misionit tim për t’i shërbyer qytetit tonë të zemrës, ashtu siç kam bërë gjithmonë. Për të ardhmen e fëmijëve tanë, për Prishtinën që e duam të gjithë.

Nuk ju premtoj mrekulli, por ju premtoj se do t’ju dëgjoj gjithmonë. Se dera ime do të jetë e hapur për secilin prej jush. Se do të bëj gjithçka që çdo kërkesë e juaja të kthehet në vepër.

Mos harroni: numri 113 – Kryetar Perparim Rama – Lidhja Demokratike e Kosovës dhe numri 37 – unë, Shpend Avdyli, kandidati juaj.

11/10/2025

Të dashur miq,

Jam thellësisht i prekur nga kujdesi dhe përkrahja e jashtëzakonshme që keni shfaqur për mua.

Betohem se këtë besim e marr si obligim për të punuar me përkushtim, ndershmëri dhe dashuri për Prishtinën — qytetin tonë të zemrës.

Faleminderit nga zemra.

Perparim Rama 113
Shpend Avdyli 37

10/10/2025

Përshëndetje miq,

Kjo video është shumë e veçantë për mua. Është rrëfimi im, nga lagjet ku jam rritur e deri te angazhimi që e jetoj çdo ditë — për një Prishtinë që nuk lë askënd pas.

Si Këshilltar i Kryetarit Përparim Rama për persona me aftësi të kufizuara, e di çfarë do të thotë të përballesh me pengesa… por e di edhe çfarë fuqie ka mbështetja, fjala e mirë dhe bashkëpunimi.

Ju ftoj ta shikoni këtë video, ta shpërndani mesazhin dhe të bashkohemi për një Prishtinë që respekton secilin qytetar.

Përparim Rama 113
Shpend Avdyli 37

08/10/2025

Rugovist dje, sot, nesër — gjithmonë. 🤍
Faleminderit nga zemra për përkrahjen e jashtëzakonshme që po më jepni këto ditë.

Çdo mesazh, çdo takim, çdo fjalë e mirë është motiv i ri për të vazhduar me përkushtim e dinjitet.

Ju jam thellësisht mirënjohës!

Ky është kandidati i familjes Rugova në Prishtinë - Këshilltar i Përparim Rama Lajme IlirianPost.com

08/10/2025

Perparim Rama 113✅
Shpend Avdyli 37✅
Zotim, jo premtim. Punë, jo mashtrim!

07/10/2025

Banesat e Bardha janë shtëpia ime!

Kjo video nuk është thjesht fjalë — është zotim.

Zëri i dikujt që është rritur mes jush, që e njeh çdo rrugicë, çdo derë, çdo problem.

Shikoni videon dhe shpërndajeni nëse edhe ju besoni se Banesat e Bardha duhet të kenë ngrohje qendrore, fasada të reja, ashensorë, kamera mbikëqyrëse, parkingje, internet falas siguri dhe dinjitet.

06/10/2025

Për ty President Ibrahim Rugova.

Kjo fushatë është një nga momentet më të rëndësishme të jetës sime politike dhe ka një peshë të veçantë për LDK-në. Sot, këtë rrugëtim ia dedikoj njeriut që më frymëzoi ta nis këtë udhë dhe trashëgimia e të cilit më jep forcë ta vazhdoj.

Kam pasur fatin dhe privilegjin e madh ta takoj, ta mbështes dhe ta dua përgjatë gjithë jetës sime. Presidenti Rugova dhe gjithçka që ai përfaqëson janë vetë zemra e LDK-së.

Jam krenar që jam këtu – kjo fushatë është për ty, President, për Prishtinën që gjithmonë e pate në zemër.

Të nderuar miq, ju jam mirënjohës përjetë për mbështetjen e madhe, për mesazhet inkurajuese dhe për faktin që po e bëjmë bashkë edhe këtë rrugë.

Gjithmonë besnik ndaj jush.

14/08/2025

Shpend Avdyli – Nr. 37 në listën e LDK-së për Kuvendin Komunal të Prishtinës!

Prishtina ka nevojë për zëra që punojnë për qytetarët, për politika gjithëpërfshirëse dhe për vizion rugovist në çdo vendimmarrje.

Unë, Shpend Avdyli, jam i përkushtuar të punoj për një Prishtinë të barabartë, të qasshme dhe moderne – një qytet ku askush nuk mbetet prapa. Qyteti ynë meriton një përfaqësim aktiv, që nuk pret t’i vijnë problemet në tavolinë, por iu shkon atyre aty ku lindin – në rrugë, në lagje, në shkolla, në qendra shëndetësore – për t’i adresuar me seriozitet dhe përkushtim.

Në mandatin e kaluar kam kontribuar si Këshilltar Politik i Kryetarit Përparim Rama për personat me nevoja të veçanta, dhe besoj fuqishëm se puna e nisur duhet të vazhdojë.

✅ Mbështetni kandidatin tuaj rugovist, Nr. 37 në listë – Shpend Avdyli!
👉 Shpërndaje këtë mesazh dhe trego që beson në një Prishtinë që punon për të gjithë!