09/08/2026
▪️Dritë në errësirë: Jeta dhe vepra e Prof. Nexhat Krasniqit👇
Prof. Nexhat Krasniqi (1947–2012)
Një jetë në shërbim të dijes, shëndetit dhe kombit.
Në vitet më të vështira të historisë sonë, kur frika, dhuna dhe shtypja serbe sundonin mbi çdo familje shqiptare, pak ishin ata që guxonin të dilnin hapur në mbrojtje të popullit. Prof. Nexhat Krasniqi ishte një prej atyre burrave të rrallë – i ditur, i guximshëm dhe i përkushtuar ndaj kombit, dijes dhe shëndetit të njerëzve.
Ai rridhte nga një familje me rrënjë të thella atdhetarie, trashëgimtar i një linje burrash të kombit:
🔹 Axhë e kishte Metush Krasniqin – he**in e popullit shqiptar që nisi veprimtarinë atdhetare në moshën 16-vjeçare,
🔹 Bir i Osmon Krasniqit,
🔹 Nip i Asllan Dajkocit – një emër i njohur i qëndresës kombëtare.
Kjo gjakim dhe lidhje me historinë kombëtare nuk mbeti vetëm në emër, por u shndërrua në vepra konkrete. Si drejtor i Departamentit të Statistikave në IKShP, Prof. Nexhati dha një kontribut të jashtëzakonshëm në mbrojtjen e shëndetit publik të Kosovës. Në kulmin e represionit, ai e ktheu shtëpinë e tij në lagjen Taukbahqe në ambulancë, ku përmes Shoqatës “Nënë Tereza” ndihmoi qindra qytetarë, përballë rreziqeve nga milicia dhe UDB-ja.
Ai ishte gjithashtu pjesëmarrës në mbledhjen themeluese të LDK-së në Prishtinë, duke u rreshtuar me ata që organizuan rezistencën paqësore dhe ndërtimin institucional të Kosovës.
🪪 Për jetën dhe veprën e tij, u nderua post mortem me:
📜 Mirënjohje nga IKShPK, me rastin e 100-vjetorit të themelimit të institucionit;
📜 Mirënjohje nga LDK – Dega e Dytë, për rolin e tij në organizimin demokratik dhe kombëtar;
📜 Nderim publik nga Tele Komuna, që e përshkroi si njeriun që “iku nga kjo botë për të mos vdekur kurrë”.
👨🏫 Breza të tërë studentësh e kujtojnë si profesorin e dijes, por mbi të gjitha si njeriun e thjeshtë e fisnik, që ua mësoi me jetë çfarë do të thotë të shërbesh pa interes.
🕯️ Lavdi jetës dhe veprës së Prof. Nexhat Krasniqit.
Trashëgimia e tij është dritë që ndriçon rrugën për brezat që vijnë.
