28/10/2025
Idrizi: Po e bëjmë Vushtrrinë më funksionale dhe më të bukur
***
Kryetari i Vushtrrisë, Ferit Idrizi, ka bërë të ditur se komuna ka nisur një projekt të rëndësishëm për ridizajnimin e magjistrales që lidh jetën e qytetit, me synim që Vushtrria të bëhet më funksionale dhe më e bukur, shkruan Fokusi.info.
Sipas tij, në këtë aks do të ndërtohen tre rrethrrotullime të reja dhe moderne, të cilat do të rrisin sigurinë dhe do të lehtësojnë qarkullimin për qytetarët.
Postimi i plotë:
Vushtrrinë tonë po e bëjmë edhe më funksionale dhe më të bukur, përmes ridizajnimit të magjistrales, rrugës që lidh jetën e qytetit. 🛣️
Në këtë aks do të ndërtohen tre rrethrrotullime të reja dhe moderne që do të sjellin më shumë siguri, rregull e qarkullim më të lehtë për të gjithë qytetarët.
Do të kujdesemi edhe për mirëmbajtjen verore e dimërore dhe për ndriçimin publik, që secila rrugë të jetë e ndriçuar dhe më e sigurt.💡
Ky projekt është një hap tjetër drejt një Vushtrrie më të organizuar dhe më mikpritëse për çdo qytetar. 🤝🏻
