https://www.facebook.com/617492531440800/

URBANnews, "Rruga B" Prishtinë, Pristina (2025)

25/09/2025

Avancon ndërtimi i tunelit që lidh Italinë me Austrinë nën Alpe

Ndërtimi i tunelit bazë të Brenerit ka arritur një moment historik të madh, me një përparim në diafragmën e fundit të një tuneli eksplorues, që lidh Italinë dhe Austrinë për herë të parë nën Alpe.

Një makinë shpuese tunelesh e quajtur Flavia, e operuar nga një konsorcium i drejtuar nga Webuild për klientin BBT SE, përfundoi gërmimin e tunelit 14 km eksplorues në anën italiane në maj. Përparimi në diafragmën përfundimtare në tunel shënon lidhjen e parë fizike përtej kufirit dhe u zhvillua rreth 1,400 metra poshtë Qafës së Brenerit.

Pasi të përfundojë, tuneli bazë i Brenerit do të shtrihet 64 km, duke përfshirë anashkalimin e Innsbruck-ut, duke e bërë atë lidhjen më të gjatë hekurudhore nëntokësore në botë. Ai është pjesë e Korridorit Skandinav-Mesdhetar të Rrjetit të Transportit Trans-Europian të BE-së (TEN-T), i projektuar për të zhvendosur trafikun e mallrave dhe pasagjerëve nga rruga në hekurudhë dhe për të reduktuar emetimet alpine.

Shërbimet e pasagjerëve pritet të arrijnë shpejtësinë 250 km/h, duke ulur kohën e udhëtimit midis Fortezza dhe Innsbruck nga 80 minuta në 25.

Webuild është përgjegjës për më shumë se 50 km punime në katër lote, dy prej të cilave tashmë janë përfunduar. Grupi po jep gjithashtu projekte shoqëruese për Rete Ferroviaria Italiana, duke përfshirë përmirësimin e Fortezza–Ponte Gardena dhe anashkalimin e Trentos.

Puna në tunelin bazë të Brenerit ka kërkuar inxhinieri komplekse, duke përfshirë ngrirjen e tokës me azot të lëngshëm për të kapërcyer gjeologjinë e vështirë.

25/09/2025

Trafiku, pastërtia dhe qentë endacakë rikthehen në fushatë në kryeqytet
Prishtina është në qendër të vëmendjes politike. Trafiku i rënduar, mungesa e parkingjeve, papastërtia e qytetit dhe qentë endacakë - probleme të përditshme të kryeqytetit të Kosovës janë kthyer në premtime elektorale nga kandidatët për kryetar.
Shumë prej tyre nuk janë të reja, por ripërsëritje e fjalëve të dhëna në fushatat e kaluara zgjedhore - shpesh të pambajtura, shkruan Radio Evropa e Lirë.
Zgjedhjet lokale në 38 komunat e Kosovës do të mbahen më 12 tetor.
Kandidatët për të parin e kryeqytetit premtojnë edhe shkolla të reja, ndihmë për biznesin e sportin, ndriçim aty ku nuk ka e të tjera.
Sipas raportit të Institutit GAP, Rama, para se të fitonte garën për kryetar të Prishtinës në vitin 2021, dha 203 premtime. Prej tyre, ai realizoi 73 premtime, 37 u përmbushën pjesërisht dhe po aq nisën të realizohen. Ndërkohë, 59 premtime nuk u filluan fare.
Se si dhe kush do të ketë fatin t’i realizojë këto premtime për prishtinasit, mbetet të shihet pas 12 tetorit.
Deri atëherë, qytetarët kanë rreth tri javë kohë për të dëgjuar kandidatët dhe për t’u bindur se cili prej tyre meriton vërtet votën e tyre.

25/09/2025

Shqipëria ndër vendet me rritjen më të lartë të çmimeve të apartamenteve në 2024
Në një kohë kur tregjet europiane të pasurive të paluajtshme po përballen me presion nga kërkesa e lartë dhe rënia e përballueshmërisë, Shqipëria ka hyrë për herë të parë në fokusin e raportit “Deloitte Property Index 2025”.
Shqipëria u përfshi për herë të parë në indeksin e Deloitte dhe u rendit ndër vendet me rritjen më të fortë të çmimeve të banesave gjatë vitit 2024, shkruan acp.al

Çmimi mesatar i apartamenteve arriti në 1620 euro/m², me një rritje 16.6% krahasuar me vitin e kaluar.

Vendi ynë u pozicionua i dyti në Europë për shtrenjtimin më të madh, pas Polonisë (+19.3%), e ndikuar nga politikat subvencionuese të qeverisë për strehimin.

Në total, nëntë vende europiane regjistruan rritje mbi 10%, mes tyre: Bosnjë-Hercegovina, Izraeli, Hungaria, Kroacia, Rumania, Italia dhe Greqia.

Në të kundërt, Turqia shënoi rënie të theksuar prej -12%, duke qenë vendi i vetëm me ulje vjetore të çmimeve.

25/09/2025

Në kërkim të një çerdheje të improvizuar në banesat e Prishtinës

Fillova të kërkoja çerdhe në mes të korrikut të këtij viti, që djali të fillonte në shtator. Fotografitë e çerdheve në rrjetet sociale ta krijonin përshtypjen e fëmijëve të lumtur, duke qeshur e luajtur në oborre të gjelbëruara. Dhe po, e theksoj pjesën e oborrit, sepse për ne si prindër, ky ishte njëri nga kushtet kryesore që çerdhja duhej t’i plotësonte. Vendosa të takohesha me drejtueset e një çerdhejeje dhe në mendjen time, kisha krijuar tashmë një ide nga fotografitë plot ngjyra dhe buzëqeshje të fëmijëve. Ndodhej në një lagje afër punës sime dhe në pamje të parë, dukej vendi ideal.
Na priti menaxherja e çerdhes, e cila pa hezitim na tregoi çmimin, që ishte rreth 200 euro. Shtëpia kishte tre kate dhe unë, me naivitet, mendova se e gjitha i kushtohej fëmijëve. Por, jo. Vetëm kati i parë, me katër dhoma, shërbente si çerdhe dhe katet e tjera shfrytëzoheshin nga kompani private me fushëveprimtari krejtësisht ndryshe nga çerdhja. Hymë brenda dhe fytyra më ndërroi në çast. Dhoma ku rrinin 12 fëmijë, nga 9-muajsh deri në dy-vjeç, ishte një hapësirë me madhësi 4 me 4, e errët dhe pa ndriçim natyral, me mure ku dalloheshin qartë shenjat e mykut. U shokova. Ishte hera e parë që po vizitoja një çerdhe private dhe nuk mund ta fshija zhgënjimin, as unë, as partneri im.
E pyeta për vaktet e ushqimit. Më thanë se kuzhinën nuk mund ta shihja, sepse “po renovohej”. E pyeta për kartelën e vaksinimit, nëse të gjithë fëmijët ishin të vaksinuar. Menaxherja iu shmang përgjigjes, mirëpo unë, mes rreshtash, e mora përgjigjen.
Sapo dola nga ajo çerdhe, kuptova se përcaktimi i vendit ku do ta dërgoja djalin do të ishte një proces tejet i vështirë.
Të nesërmen vizituam një çerdhe tjetër, që dukej më e mirë se e para dhe ma kishin rekomanduar disa prindër. Më pëlqeu ideja e tyre për t’i lënë fëmijët të lirë të eksplorojnë pa imponim, një qasje që më dukej shumë e shëndetshme. Edhe kjo çerdhe kishte një llogari aktive në rrjete sociale, ku fotografitë e hapësirave dukeshin të mëdha dhe të ndritshme. Pagesa sillej nga 200 euro nëse fëmija do të ishte pjesë e grupit të madh prej 12 fëmijësh dhe dy edukatoresh, ose 300 euro nëse zgjidhej grupi i vogël me vetëm pesë fëmijë dhe një edukatore.
https://kosovotwopointzero.com/ne-kerkim-te-nje-cerdheje/

25/09/2025

Pronari i N.T.P. “Anea” kërkon nga “ENK Invest Group” lokalet në objektin e njohur si më i larti në Prishtinë
Në Gjykatën Komerciale është mbajtur seanca gjyqësore në rastin ku pronari i N.T.P. “Anea”, Naim Berisha, po vazhdon të kërkojë lokalet në objektin e njohur si më i larti në Prishtinë nga “ENK Invest Group”, që tani quhet “Prishtina City Center”, raporton Kallxo.com
Në seancën e datës 24.09.2025 palët janë deklaruar rreth plotësimit të ekspertizës financiare lidhur me këtë rast, dhe prezent në Gjykatë ka qenë edhe eksperti financiar, Besnik Livoreka.Fillimisht në hapje të gjykimit e mori fjalën avokati Granit Vokshi, i cili përfaqësoi në seancë paditësen “Anea Group”, i cili deklaroi se nuk kanë vërejtje për plotësim ekspertizën financiare dhe nuk kanë pyetje sqaruese për ekspertin.
Në vitin 2009, Naim Berisha dhe Azem Salihu vendosën t’i bashkojnë mjetet e tyre me kompaninë “ENK Invest Group” SH.A. që vetëm se kishte filluar ndërtimin e objektit që atë kohë flitej që do ishte mbi 40-katësh.
Dy biznesmenë nga Prishtina blenë lokale në ndërtesën shumëkatëshe që po ndërtohej në qendër të Prishtinës.
Kontratat ishin nënshkruar me një kompani që udhëhiqej nga një shtetas nga Maqedonia e Veriut, ndërsa investitori i ri që bleu aksionet nuk pranon t’i ofrojë lokalet e kontraktuara mirëpo pretendon se mund t’ua kthejë paratë biznesmenëve.
Të dhënat tregojnë që kontesti për këta biznesmenë është duke u endur në gjykatat e vendit për shumë vite.
Kur Gjykata e Prishtinës gjykoi çështjen e biznesmenit Salihu atij iu dha të drejtë.
Një dosje e ngjashme për biznesmenin Berisha u gjykua ndryshe nga Gjykata e Prishtinës, e cila nuk i dha të drejtë këtij të fundit. Çështja është në Gjykatën e Apelit. Objekti për të cilin bëhet fjalë, që gjendet në lagjen “Pejton” të Prishtinës, ende nuk ka përfunduar.

07/08/2025

Plazhet publike në Shqipëri: Premtime pa investime
Premtimet dhe aksionet e qeverisë për lirimin e plazheve të zaptuara dhe kthimin e tyre në plazhe publike nuk u shoqëruan me investime në këto zona.
Teksa qytetarët shprehen se preferojnë të pushojnë në plazhe publike për arsye ekonomike, ata janë të pakënaqur me cilësinë dhe shërbimet në këto plazhe.
Papastërtia, ndotja, mungesa e infrastrukturës dhe aksesit mbeten problemet kryesore, ndërsa personat me aftësi të kufizuara vazhdojnë të jenë të përjashtuar nga pushimet në det.
Agjencia Evropiane e Mjedisit (EEA) renditi Shqipërinë të fundit në Evropë për cilësinë e ujërave. Vetëm 16% e plazheve shqiptare u vlerësuan me ujë “të një cilësie të shkëlqyer”.
Situata është e përsëritur edhe në vitet e kaluara. Të dhënat e raportuara nga Citizens.al gjatë verës së 2024, paralajmëronin për një gjendje të përkeqësuar.
Ekspertët e Agjencisë Kombëtare të Mjedisit (AKM) nënvizuan asokohe mungesën e investimeve në trajtimin e ujërave të ndotura, shkarkimet e pakontrolluara urbane dhe mungesën e një kalendari të qëndrueshëm monitorimi si shkaqet kryesore.
Në terren situata vazhdon të jetë e njëjtë, ndotja është e dukshme dhe hapësirat publike janë shpesh të padukshme për qytetarët dhe me mungesë shërbimesh.

Plazhi, “tokë e ndaluar” për personat me aftësi të kufizuara

Nga raportimet e qytetarëve kuptohet se plazhet publike vuajnë për infrastrukturë të përshtatshme. Por ata që duket se e vuajnë më shumë, janë personat me aftësi të kufizuara.
Por Shqipëria, thotë ajo, është larg aksesueshmërisë në plazhe, pasi institucionet deri më sot nuk kanë kryer as ndonjë studim “që të na ofrojnë detin dhe rërën që na i jep Zoti”.
Teksa qeveria dhe bashkitë promovojnë shtimin e plazheve publike, lirimin e hapësirave të zaptuara nga privati, realiteti në terren tregon një tjetër fytyrë. Plazhet publike vijojnë të jenë të pakta dhe me mungesë shërbimesh, nuk ka shërbime si tualete, dushe, kosha, roje bregdetare.
Kështu plazhet publike mbeten të pakta, të ndotura dhe pa shërbime. Qeveria dhe bashkitë promovojnë lirimin e hapësirave, por realiteti në terren nuk ndryshon.

07/08/2025

Pavarësisht numrit të lartë të banesave të pabanuara në Kosovë, çmimet në treg nuk kanë rënje!
Në Prishtinë, sipas të dhënave nga agjencitë imobiliare, një metër katror banese kushton aktualisht nga 1,200 deri në 2,500 euro, varësisht nga zona dhe cilësia e objektit.
Pavarësisht numrit të lartë të banesave të pabanuara, çmimet në tregun e banesave nuk kanë rënë — përkundrazi, ato janë në rritje të vazhdueshme.
Zonat më të shtrenjta mbeten qendra e qytetit, lagjja “Arbëria” dhe “Pejtoni”, ku çmimet tejkalojnë shpesh 2,000 euro për metër katror. Ndërsa në zona të tjera si Prishtina e Re apo rruga B dhe C, çmimet variojnë nga 1,200 deri në 1,700 euro për metër katror.
Ky fenomen po ndodh edhe pse, sipas të njëjtave të dhëna zyrtare, 96% e familjeve në Kosovë janë pronare të shtëpive ku jetojnë, gjë që nënkupton një ngopje të tregut primar të banimit.
Kjo rrit më tej dyshimet se blerjet e banesave nuk janë më për strehim, por për investim, shpesh të nxitur nga frika e humbjes së vlerës së parasë apo mungesa e alternativave të sigurta për investim.
osova aktualisht numëron gjithsej 581,095 banesa, prej të cilave 356,959 janë të banuara, ndërsa 207,165 banesa, ose 35.7%, janë të pabanuara. Këto të fundit përfshijnë banesat e destinuara për sh*tje, dhënie me qira apo përdorime të tjera.

07/08/2025

Parcelën në vlerë rreth 500 mijë euro pronari u detyrua ta shiste me çmim përgjysmë
Nexhmi Krasniqi, Liman Sallauka, Xhevat Sallauka dhe Ramadan Paçarizi, u arrestuan më 4 gusht 2025 me urdhër të Prokurorisë Themelore të Prizrenit nën dyshimin për shmangie nga tatimi, detyrim dhe armëmbajtje pa leje.Koloneli policor, Nexhmi Krasniqi po dyshohet për dy vepra penale, atë të detyrimit dhe atë të armëmbajtjes pa leje.Në këtë rast, Prokuroria ka bërë ngrirjen e xhirollogarive në vlerë prej 126 mijë e 997 eurove, ka sekuestruar të holla kesh gjatë bastisjes në vlerë prej 8 mijë e 850 euro, dhe ka ngrirë një pronë me sipërfaqe të përgjithshme prej 58,7 ari.
Koloneli policor Nexhmi Krasniqi bashkë me tre të dyshuarit e tjerë po pretendohet se kanë funksionuar si një grup i organizuar. Të njëjtit në një periudhë kohore nëntor- dhjetor 2024 në Prizren dyshohen se kanë detyruar një person- E. M. që një parcelë që me çmimin e tregut kushtonte 300-400 mijë euro ta shiste në vlerë të 250 mijë euro që konsiderohet nën çmimin e tregut.
Dosja të cilën ka siguruar KALLXO.com tregon se dy vëllezërit Sallauka, Krasniqi, bashkë edhe me Paçarizin pasi kishin dijeni se i dëmtuari kishte pjesë në pronësi të një ngastre/parcelë i kishin kërkuar në vazhdimësi që të takohen dhe në fund e bindin që të tërhiqet nga ajo ngastër në Lubizhdë e që kjo situatë më pas binte në dobi të Ramadan Paçarizit, i cili e kishte blerë parcelën nën çmimin e tregut për 250 mijë euro, pronë kjo që realisht kishte çmimin në vlerë prej 400 mijë deri në 500 mijë euro.

07/08/2025

Ky është projekti i gjigantit ‘Züblin’ për ndërtimin e kompleksit hibrid të drurit në Mynih

Filiali i Strabag me bazë në Gjermani, Züblin siguroi një kontratë për të ndërtuar kompleksin e zyrave LOVT Vibe në rrethin Werksviertel të Mynihut, duke përdorur një metodë ndërtimi hibride të drurit të krijuar për të përmbushur standardet e larta të qëndrueshmërisë.
Projekti është në zhvillim e sipër nga Union Investment dhe Hines, me vlerën e kontratës të renditur në rangun "me dyshifrorë të lartë milionë euro", sipas Strabag.
E dizenjuar nga firma e arkitekturës Snøhetta, LOVT Vibe formon fazën e dytë të skemës më të madhe të rizhvillimit urban LOVT Munich prej 1 miliard dollarësh dhe do të ofrojë afërsisht 16,000 m² hapësirë fleksibël për zyra, konferenca, sh*tje me pakicë dhe restorante.
Struktura gjashtëkatëshe do të përfshijë dy nivele bodrumi dhe një katin përdhes, me karakteristika të tilla si tarraca të mbjella, një zonë publike bashkie prej 1,100 m² dhe më shumë se 250 vende parkimi për biçikleta. Ndërtesa synon çertifikatat LEED Platinum dhe WiredScore Platinum.
Züblin Timber do të ofrojë sistemin strukturor hibrid, një metodë ndërtimi që Strabag tha se ka një histori të provuar në ndërtesat tregtare në shkallë të gjerë. Kompleksi do të ketë gjithashtu një sistem nëntokësor të ruajtjes së akullit të çiftuar me një pompë nxehtësie për kontrollin e klimës, së bashku me fotovoltaikët dhe sistemet e ndërtesave të zgjuara për të mbështetur operacionet me karbon të ulët.
Ndërtimi është duke u zhvilluar, me përfundimin e planifikuar për në gjysmën e dytë të vitit 2027.

07/08/2025

Brenda tre muajve pritet të përfundojë renovimi i Klinikës së Kardiologjisë në vlerë prej 1.45 milionë euro
Vlera e përgjithshme e investimit është 1.45 milionë euro, donacion nga Ambasada e Luksemburgut, dhe aty përfshihen renovimi i plotë i hapësirës klinike dhe një angiograf i ri me vlerë 789 mijë euro që do të dyfishojë numrin e koronarografive dhe do të shtojë numrin e stentimeve duke shpëtuar shumë jetë nga infarkti i zemrës.
“Ishim në Klinikën e Kardiologjisë, në Qendrën Klinike Universitare të Kosovës, bashkë me ministrin Arben Vitia dhe ambasadorin e Luksemburgut, Eric Dietz, për të parë nga afër punimet për renovimin e kësaj klinike që kanë nisur gjatë korrikut. Ato po ecin aq mirë e mbarë, saqë pritet të përfundojnë brenda tre muajve, në vend se nëntë muaj siç ishte planifikuar në fillim.
Nga vizita po ashtu mësova se pikërisht në këtë klinikë që ofron shërbime jetike, nëpërmjet një ndërhyrje të suksesshme kirurgjike i është shpëtuar jeta vjehrrës së ambasadorit Dietz. Ai edhe sot ishte mirënjohës, edhe ne po ashtu për mbështetjen e vazhdueshme të Luksemburgut përfshirë donacionin që do ta përmirësojë më tej mjedisin e punës dhe shërbimet e klinikës.”, deklaroi kryeministri në detyrë, Albin Kurti.

05/08/2025

Në 4 ari tokë, Shqipja rindërton jetën e saj
Në Kishnicë, afër Prishtinës, një grua 51-vjeçare ka rindërtuar jetën e saj nga dhembja – përmes punimit të tokës. Pas humbjes së bashkëshortit dhe tre vjetëve izolimi, Shqipe Gashi sot gjen kuptim dhe forcë mes serrave të mbushura me speca, domate e tranguj. Në këtë rrëfim për RADION EVROPA E LIRË, ajo ndan historinë e ringritjes personale dhe të pavarësisë financiare, në një hapësirë prej vetëm katër ari, që për të ka kuptimin e një fillimi të ri.

05/08/2025

Rruga “Prekazi” e pasfaltuar në “Lagjen e Spitalit” në Prishtinë, pengesë për banorët
Një pjesë e paasfaltuar e rrugës “Prekazi” në “Lagjen e Spitalit” në Prishtinë është bërë pengesë për banorët e lagjes. Qytetarët që u prononcuan për KALLXO.com, thonë se komuna po e premton shtrimin e rrugës, por që sipas tyre nuk po përmbushet ky zotim.
Banori Pëllumb Shaqiri, këtë gjendje të rrugës e konsideroi si një pengesë të madhe, sidomos kur ka vërshime.
“Në këtë rrugë nuk ka intervenu asnjëherë komuna, kemi bërë kërkesë zyrtare me nënshkrime të banorëve. Disa herë kanë qenë dhe kanë dhënë premtime disa herë që do të shtrohet me asfalt. Ka qenë edhe kryetari i komunës, Përparim Rama me stafin e vet. Këtë vit ka thënë që do të shtrohet. Pengesë e madhe është, sidomos kur ka vërshime, hyn uji në garazhë e sende tjera. Kemi probleme edhe për vetura edhe për gjithçka tjetër” – tha ai.
Jakup Shaqiri, një tjetër banor i kësaj lagje tha se nuk e shohin si të mjaftueshme rërën për shtrimin e rrugës.
“Për këtë rrugë ka pasë biseda disa herë nga autoritet e komunës. Por kurrgjë më konkrete, kanë premtuar gjithmonë, por nuk ka. Besoni që në shtëpi atje kur ta pastroj dritaren, nuk qëndron as atë ditë. Ne kemi bë s’disa herë kërkesë për me e shtru këtë rrugë. Vjet e patën shtruar me zallë, ne kemi bë kërkesë me e shtru me kubëza e me këto sende, mirëpo ata vendosën me e bë me zallë. Me zallë nuk ish kurrgjë hiç” – shtoi Shaqiri.
Në lidhje me këtë çështje, KALLXO.com kontaktoi Drejtorinë e Investimeve Kapitale në Komunën e Prishtinës.
Drejtori Sokol Havolli tha se rruga në fjalë është planifikuar që të përfundohet këtë vit.
“Kjo rrugë është planifikuar për këtë vit dhe është hapur procedura e prokurimit për këtë rrugë. Sapo të përfundojë procedura e prokurimit do të fillojnë punimet” – theksoi Havolli.
Në fillim të muajit gusht 2025, Komuna e Prishtinës ka hapur tenderin për ndërtimin e kësaj rruge.
Më datë 01.08.2025 është hapur tenderi “Ndërtimi i krahëve të rrugës Muharrem Fejza – Rr. Prekazi”. Vlera e parashikuar e këtij tenderi është 397 mijë e 529 euro e 26 centë.Sipas njoftimit, afati për dorëzimin e ofertave nga kompanitë është i hapur deri më 25.08.2025 në ora 14:00. Kurse kompania fituese ka afat që punët e ndërtimit të kësaj rruge t’i përfundojë brenda 90 ditëve.

URBANnews

25/09/2025

25/09/2025

25/09/2025

25/09/2025

25/09/2025

07/08/2025

07/08/2025

07/08/2025

07/08/2025

07/08/2025

05/08/2025

05/08/2025

Address

Website

Alerts

Shortcuts

Share

Category