Agjencia për Barazi Gjinore/ Zyra e Kryeministrit

06/10/2025

https://www.youtube.com/watch?v=r2YPuhi-4YA
Agjencia për Barazi Gjinore ka realizuar një spot vetëdijesues në kuadër të zgjedhjeve lokale, me qëllim nxitjen e pjesëmarrjes aktive të grave në procesin zgjedhor.
Mesazhi i spotit thekson rëndësinë e zërit të gruas në vendimmarrje dhe fuqizimin e saj përmes votës.
Vota e secilës grua ka peshë – përdore për të ndikuar në të ardhmen tënde!

ABGJ -Gratë Votojnë

03/10/2025

02/10/2025

Agjencia për Barazi Gjinore priti në takim delegacionin e Our Secure Future
Drejtorja Ekzekutive e Agjencia për Barazi Gjinore /ZKM Edi Gusia priti sot në takim një delegacion të organizatës ndërkombëtare Our Secure Future (OSF), i përbërë nga znj. Sahana Dharmapuri, Zv. Presidente e OSF-së, znj. Keri Zolman, Drejtoreshë Asociuar, dhe z. Luke Englebert, Menaxher Projekti i Akademisë së Planit Kombëtar të Veprimit për Gratë, Paqen dhe Sigurinë (WPS).
Takimi u zhvillua në kuadër të vizitës tre-ditore të delegacionit në Prishtinë, gjatë së cilës OSF synon të angazhohet me institucionet qeveritare, organizatat e shoqërisë civile dhe Qendrën e Ekselencës për Gratë, Paqen dhe Sigurinë, me qëllim të vlerësimit të gjendjes aktuale dhe të përparimit të Kosovës në avancimin e agjendës Gratë, Paqja dhe Siguria.
Agjencia për Barazi Gjinore theksoi rëndësinë e përkushtimit të institucioneve të Kosovës për hartimin e PKBGJ dhe avancimin e agjendës Gratë, Paqja dhe Siguria dhe vlerësoi mbështetjen e OSF-së për fuqizimin e grave në proceset e paqes, sigurisë dhe vendimmarrjes.

01/10/2025

Agjencia për Barazi Gjinore në shënim të muajit Tetor, Muaj i Ndërgjegjësimit për Kancerin e Gjirit ka ndriçuar ndërtesën e Qeverisë së Republikës së Kosovës si shenjë solidarizimi me të gjitha gratë që janë prekur nga kanceri i gjirit.

01/10/2025

https://www.youtube.com/watch?v=wiOVtjenrOg

ABGJ Videospoti Vetëdijësues për Kancerin e Gjirit

01/10/2025

27/09/2025

Drejtoresha Ekzekutive e ABGJ-së Edi Gusia mori pjesë në cilësinë e panelistes në takimin me ftesë të Shoqatës Internacionale Women Alb World (WAW) në bashkëpunim me Komunën e Tetovës. Znj. Gusia prezantoi kornizen ligjore dhe iniciativat e Qeverisë të Republikës së Kosovës në fuqizimin e rolit të gruas në shoqëri përmes pjesëmarrjes në jetën publike, masa dhe iniciativa për promovimin e barazisë gjinore, parandalimit të dhunës ndaj grave dhe fuqizimit të mbijetuarave të dhunës seksuale gjatë luftës aspektet insitucionale.

24/09/2025

Agjencia për Barazi Gjinore/Zyra e Kryeministrit mirëprit dje në takim një delegacion të institucioneve shtetërore të Shqipërisë, i cili qëndroi për vizitë në Kosovë me mbështetjen e UN Women në Shqipëri dhe në koordinim të zyrës së Un Women Kosovë.
Në përbërje të delegacionit nga Shqipëria morën pjesë përfaqësues nga Ministria e Shëndetësisë dhe Mbrojtjes Sociale, Ministria e Shtetit për Pushtetin Vendor, Agjencia për Mbështetjen e Vetëqeverisjes Vendore, si dhe nga bashkitë Tiranë, Elbasan, Roskovec, Lushnjë, Lezhë, Maliq, Kamëz, Dibër, së bashku me përfaqësues të UN Women Shqipëri dhe përfaqësues të zyrës së Un Women Kosovë.
Objektivat kryesore të vizitës përfshinë:
• Nxitjen e bashkëpunimit rajonal dhe krijimin e rrjeteve mes institucioneve qendrore dhe komunave;
• Shkëmbimin e praktikave më të mira në qeverisjen lokale me përgjegjësi gjinore;
• Forcimin e njohurive dhe aftësive të zyrtarëve komunalë për zbatimin dhe monitorimin e planeve të veprimit për barazi gjinore;
• Shqyrtimin e modeleve të granteve të bazuara në performancë që stimulojnë rezultate konkrete për barazinë gjinore;
• Promovimin e dialogut mbi Kartën Evropiane për Barazinë dhe Objektivin e 5-të të Zhvillimit të Qëndrueshëm (SDG 5).
Ky takim shënoi një hap të rëndësishëm në forcimin e partneritetit mes institucioneve të Kosovës dhe Shqipërisë, duke kontribuar në avancimin e agjendës së përbashkët për barazinë gjinore në nivel kombëtar dhe rajonal.

24/09/2025

[et_pb_row use_custom_gutter="on" gutter_width="1" _builder_version="4.18.0" background_color=" " background_size="initial" background_position="top_left" background_repeat="repeat" max_width="1440px" custom_margin="||||false|false" custom_padding="4px|0px||0px|false|false" animation_style="sl...

23/09/2025

Agjencia për Barazi Gjinore/Zyra e Kryeministrit mirëpriti sot në takim ‘’Delegacionin për Miqësinë mes Grave. Delegacioni është organizatë jofitimprurëse, jopolitike, e grave profesioniste nga gjithë Shtetet e Bashkuara, që mbështetë miqësinë midis grave nga SHBA-ja dhe vende të tjera, dhe kërkon mundësi për të kuptuar dhe shkëmbyer eksperiencat profesionale dhe jetësore, të njohë sfidat dhe mundësitë për gratë në mbarë botën. Delegacioni është i përkushtuar për shkëmbimin e ideve, mësimin dhe krijimin e miqësive me gratë që punojnë për të bërë një ndryshim në vendet jashtë Shteteve të Bashkuara. Anëtaret e Delegacionit ndër vite kanë takuar shumë “Gra me Ndikim”, nga Nënë Tereza te Golda Meir, si dhe organizata dhe grupe grash të OJQ-ve.
ABGJ prezantoi mandatin e saj institucional, situatën e grave dhe vajzave në RKS, kornizën ligjore, mekanizmat institucional për barazi gjinore, me fokus në masat dhe intervenimet e QRK në zbatimin e të drejtave të garantuara për agjendën e barazisë gjinore, me fokus te : rritja e qasjes në fonde publike, të drejta pronësore, masat e punësimit, edukimit, senzibilizmit dhe parandalimit dhe trajtimit të dhunës ndaj grave dhe vajzave.
Nga Delegacioni për Miqësinë morën pjesë:
1. Millick, Joanna
2. O'Connor, Ashley
3. Harms, Kimberly
4. Connolly, Suzanne
5. Kubitz, Flora
6. Miller, Darlene
7. Moats, Carolyn
8. Pritchard, Barbara
9. Uscher, Nancy
10. Zebrowski Heller, Kathy
11. Zak, Christine

21/09/2025

Agjencia për Barazi Gjinore (ABGJ) ka mbajtur një takim koordinues me Zyrtarët për Barazi Gjinore nga niveli lokal dhe qendror, me fokus në forcimin e bashkëpunimit dhe planifikimin e aktiviteteve deri në fund të vitit.

Gjatë takimit u diskutua për:
Identifikimin e nevojave për trajnime,
Përgatitjen e aktiviteteve për fushatën ndërkombëtare “16 Ditët e Aktivizmit”,
Harmonizimin e nismave që promovojnë barazinë gjinore në nivel vendi.

Pjesëmarrësit ndanë ide dhe rekomandime konkrete për të siguruar një koordinim sa më efektiv mes institucioneve lokale dhe atyre qendrore, duke synuar rezultate të qëndrueshme në avancimin e barazisë gjinore në Kosovë.