Radio Romano Avazo

05/01/2026

𝐈𝐧𝐟𝐨𝐫𝐦𝐢𝐩𝐞

𝐌𝐚𝐡𝐚𝐭𝐧𝐨 𝐉𝐚𝐧𝐠𝐥𝐚𝐫𝐢𝐩𝐞

Romane

Radio Romano Avazo startinla te postinol neve informacie ani officialluni nevi rafin pe Facebook.

Albanikane

Radio Romano Avazo fillon të poston informacione të reja në faqën zyrtare të rre në Facebook

𝚁𝚊𝚍𝚒𝚘 𝚁𝚘𝚖𝚊𝚗𝚘 𝙰𝚟𝚊𝚣𝚘- 𝚊𝚟𝚊𝚣𝚘 𝚛𝚘𝚖𝚊𝚗𝚊 𝚚𝚑𝚒𝚋𝚢𝚊𝚔𝚘,𝚔𝚞𝚕𝚝𝚞𝚛𝚊𝚔𝚘 𝚝𝚑𝚊𝚢 𝚒𝚍𝚎𝚗𝚝𝚒𝚝𝚎𝚜𝚔𝚘, 𝚞𝚗𝚒𝚔𝚊𝚕𝚞𝚗𝚎 𝚙𝚛𝚘𝚐𝚛𝚊𝚖𝚎𝚗𝚌𝚊𝚛 𝚝𝚑𝚊𝚢 𝚟𝚎𝚛𝚟𝚎𝚛𝚞𝚝𝚗𝚎 𝚗𝚎𝚟𝚒𝚙𝚢𝚎𝚗𝚌𝚊𝚛 𝚙𝚎 𝚛𝚘𝚖𝚊𝚗𝚒 𝚚𝚑𝚒𝚋.

05/01/2026

https://www.facebook.com/romanoavazo/

31/12/2025

28/12/2025

Rezultatya e Alosaripyengi mashkaro KQZ
Ji akana e Alosaripaski Centraluni Komisia gengya pashe 97 % e votenge kutie thay pashe finalune rezultatya mothavena kay e Vetvendosya vijangya 49,74 % vote yase 424 mile 290 vote.

O duyto partia si e PDK e 21,16 % yase 180 mile 463 vote, o trinto si e LDK 13,76 % yase 117 mile 327 vote.

Napal o aver partie silen akala rezultatya: AAK 5,72 % yase 48 mile 839 vote, SRPSKA LISTA 3,92 % YASE 33 mile 512 vote, Nisma Social Demokrate 1,75 % yase 14 mile 928 vote.

Jikay kotar o monitoritarune partie sar dikhyola o Egjiptianya lele duy deputetya mashkaro partie IRDK thay PLE.

Kotar o trin romane partie, o rezultatya mothavena e LPRK sar vijautni e 0,15 % yase 1257 votencar, pashe 500 vote may buderi se e partia PREBK thay pashe 1000 vote may buderi se e partia KNRP.

Ashkaliengi koalicia PAI-PDAK-LPB si but pashe e PSA-ea, sol duy po 0,20 %, kote e PSA sila 50 vote may buderi.

28/12/2025

Rezultatya e Alosaripyengi mashkaro UBO Consulting

Pe ora 19:00 phandile sah o votuipaske thana e 28.to decembareske nacionalune alosaripyenge ani Kosova.

Sar sakoya ver sakoya televizia ulavgya o analize vash o rezultatya e alosaripyenge jikay e Alosaripyengi Centraluni Komisia informingya kay 44,93 % e dizutnenge ikliste te votuinen, yase 898,258 personya.

Mashkaro UBO Consulting ano khetanobutikeripe e RTV Dukagjinea mothavna kay e Vetvendosja vijaingya 45,7 %, PDK si o duyto e 22,00 %, trinto LDK e 15,6 %, AAK 5,3 %, Nisma Socialdemokrate 1,7 %. Sah akala statistike lelile kotar e monstra pashe 9 mile anketyendar ano 80 votuipaske centarya, e bangipaska margina 1 %.
Exit Polli mashkaro T7 sile akala rezultatya: VV 43.5%, PDK 23.6%, LDK 15.9%, AAK 7.2%
Klan Kosovako Exit Polli mothavla: LVV merr 44.1%, PDK - 23.9%, LDK-16.1%
Jikay o beshavne (sandalie) mashkaro akala rezultatya si: LVV 52 deputetya, PDK 25 deputetya, LDK 17 deputetya, AAK 6 deputetya.