Prizreni Sot, Shatërvan, Prizren (2025)

08/11/2025

Hajdari: Transformim thelbësor në Spitalin e Përgjithshëm të Prizrenit!

Spitali i Përgjithshëm i Prizrenit “Dr. Daut Mustafa” po i nënshtrohet një transformimi të thellë infrastrukturor, me një investim prej rreth 3 milionë eurosh, që synon rikonstruktimin e plotë të Reparteve Pediatrike dhe Internistike.

Ky projekt madhor, i cili po realizohet me mbështetjen e plotë të Shërbimit Spitalor Klinik dhe Universitar të Kosovës (SHSKUK) dhe Ministrisë së Shëndetësisë (MSH), pritet ta shndërrojë ndërtesën e ndërtuar në vitet ’70-ta në një hapësirë moderne dhe funksionale, në shërbim të pacientëve dhe stafit mjekësor.

Sipas drejtorit të përgjithshëm të spitalit, Osman Hajdari, investimi përfshin katër kate me gjithsej rreth 4,200 metra katrorë, ku po modernizohen të gjitha sistemet inxhinierike, dhomat e pacientëve dhe ambientet e punës. Brenda projektit po krijohen gjithashtu njësi të reja të kujdesit intensiv pediatrik dhe internistik, me standarde bashkëkohore të trajtimit.

“Me këtë projekt po ndërtojmë jo vetëm mure të reja, por edhe besim të ri tek shërbimi publik shëndetësor,” ka theksuar Hajdari.

05/11/2025

Kërcënohet një avokat në seancë gjyqësore, arrestohen katër persona në Prizren

Një incident është shënuar dje në Gjykatën Themelore të Prizrenit, ku katër persona janë arrestuar pas kërcënimeve dhe ofendimeve të bëra ndaj avokatit, Besnik Berisha, gjatë një seance gjyqësore për rastin e “vrasjes së rëndë”.

Lajmin për Sinjalin e ka konfirmuar edhe vet avokati Berisha, i cili tha se rasti tashmë është referuar tek organet kompetente dhe i njëjti pret “që institucionet e sigurisë dhe drejtësisë ta kryejnë punën e tyre siç parashihet me ligj.”

“Falënderoj Policinë dhe Prokurorinë në Prizren për reagimin e menjëhershëm dhe veprimet e ndërmarra. Mbetem i përkushtuar të ushtroj profesionin tim në përputhje me ligjin dhe Kodin e Etikës së Avokatit, pavarësisht sfidave apo presioneve të kësaj natyre.”, tha ai për Sinjalin.

Incidenti ka ndodhur dje, rreth orës 13:30, në sallën e gjykatës ku po zhvillohej seanca dëgjimore ndaj të akuzuarit për vrasje të rëndë. Në seancë kanë qenë të pranishëm edhe familjarët e viktimës.

Të dyshuarit janë identifikuar si siç ka mësuar Insajderi janë: Xh.J., A.F., L.F. dhe B.F.

Situata ka qenë nën kontroll deri në momentin kur avokati mbrojtës i të akuzuarit, Besnik Berisha, ka filluar fjalën e tij. Në atë moment, të dyshuarit dhe disa pjesëtarë të tjerë të familjes së viktimës që ndodheshin në publik kanë filluar të bërtasin, të kundërshtojnë dhe të ofendojnë avokatin, duke prishur rendin në sallë.

Sipas raportit policor, të dyshuarit fillimisht i janë drejtuar me fjalë fyese avokatit dhe të akuzuarit, duke bërë lëvizje me dorë në drejtim të tyre dhe duke përdorur shprehje si “kallash”, “qen” dhe fjalë të tjera ofenduese.

Njësitë policore që ndodheshin në vendngjarje kanë ndërhyrë menjëherë, duke i shoqëruar katër personat në stacionin policor.

Pas konsultimeve me prokurorin e çështjes nga Prokuroria Themelore e Prizrenit, është vendosur që tre nga të dyshuarit Xh.J., A.F. dhe L.F. të ndalohen për 48 orë, ndërsa i katërti, B.F., për shkak të gjendjes së rëndë shëndetësore, është liruar në procedurë të rregullt./Sinjali

03/11/2025

Arrestohen dy persona në Prizren për posedim dhe sh*tje të lëndëve narkotike

Sipas raportit të policisë, gjatë kontrollit tek të dyshuarit janë gjetur dhe konfiskuar 51.57 gramë substancë e dyshuar narkotike e llojit marihuanë, një peshore digjitale, 180 qese plastike të zbrazëta që shërbenin për paketimin e narkotikëve, para të gatshme dhe dy celularë.

Po ashtu, si pjesë e provave materiale është konfiskuar edhe një veturë me targa vendi, e cila dyshohet se është përdorur për transportimin e substancave të ndaluara.

Pas intervistimit, me vendim të prokurorit, të dyshuarit janë dërguar në mbajtje për procedura të mëtejshme hetimore.

Policia e Kosovës ka theksuar se mbetet e përkushtuar në luftimin e narkotikëve dhe parandalimin e shpërndarjes së tyre nëpër qytete.

03/11/2025

Aksident në Rahovec, vdes një motoçiklist pas përplasjes me veturë

Një aksident trafiku me fatalitet ka ndodhur mbrëmjen e së dielës në të cilin kanë qenë të përfshira një veturë me traga vendore dhe një motoçikletë.

Si pasojë e aksidentit drejtuesi i motoçikletës ka pësuar lëndime trupore i cili ndihmën e parë mjekësore e ka marr në QKMF Rahovec, pastaj për shkak të lëndimeve të rënda është dërguar në spitalin rajonal në Gjakovë ku edhe ka humbur jetën.

Në raportin 24-orësh, thuhet se lidhur me rastin vdekjen e viktimës e ka konstatuar mjeku kompetent, ndërsa drejtuesi i veturës, ka pësuar lëndime është dërguar për tretman mjekësor dhe ndaj tij prokurori ka lëshuar vendim për masën e ndalimit 48 orë.

“Trupi i pajetë i viktimës me urdhër të prokurorit është dërguar në IML për obduksion”, thuhet në njoftimin e policisë.

31/10/2025

Kapet kokainë në Vërmicë

Dogana e Kosovës ka njoftuar se mbrëmë në pikën e kalimit kufitar të Vërmicës gjatë një kontrolli të përbashkët ndërmjet zyrtarëve të Doganës së Kosovës dhe Policisë së Kosovës, është zbuluar një rast i posedimit të paautorizuar të substancave narkotike.

Rasti është evidentuar pas selektimit për kontroll të një automjeti që po hynte nga Republika e Shqipërisë në Kosovë.

“Gjatë kontrollit të detajuar të automjetit në vijën e dytë, nën ulësen e shoferit është gjetur një qese najloni e tejdukshme që përmbante substancë të dyshuar narkotike të llojit kokainë, me peshë rreth 500 gramë”, tha Dogana.

Po ashtu, gjatë kontrollit trupor të personit është gjetur edhe një sasi e vogël e substancës së dyshuar marihuanë, me peshë rreth 0.57 gramë.

“Menjëherë pas zbulimit, personi i përfshirë është arrestuar dhe rasti është dorëzuar për trajtim të mëtejshëm tek njësitet kompetente të hetimeve të Doganës dhe Policisë së Kosovës. Njësia për hetime ka konfirmuar përmes testit fushor se substanca e sekuestruar është e llojit kokainë. Kontrolli i mëtejshëm i automjetit është kryer edhe përmes skanerit në bashkëpunim me autoritetet doganore të Republikës së Shqipërisë, ku nuk janë gjetur materiale të tjera të dyshimta. Drejtoria e Hetimeve të Doganës së Kosovës në bashkëpunim me Policinë e Kosovës do të vazhdojë veprimet hetimore për ndriçimin e plotë të rastit. Ky rast dëshmon angazhimin e përbashkët të institucioneve për mbrojtjen e kufijve, parandalimin e kontrabandës dhe luftimin e trafikimit me substanca narkotike”, u tha në njoftim.

29/10/2025

Balta e mbetur pas shiut te fundit ne parkun e Marash*t afer Lumbardhit

28/10/2025

Aktakuzë për keqpërdorim të pozitës zyrtare dhe legalizim të përmbajtjes së rreme

Prokuroria Themelore në Prizren ka njoftuar se Departamenti i Krimeve të Rënda, ka ngritur aktakuzë kundër të pandehurit L.B., për shkak të dyshimit të bazuar mirë se i njëjti ka kryer veprën penale “Keqpërdorimi i pozitës apo autoritetit zyrtar” nga neni 414 par.1 lidhur me nenin 77, si dhe U.M., dhe I.G., për shkak të dyshimit të bazuar mirë se secili veç e veç kanë kryer veprën penale “Legalizimi i përmbajtjes së rreme” nga neni 395 par.1, sipas Kodit Penal të Republikës së Kosovës (KPRK).

“Sipas aktakuzës, i pandehuri L.B., me datë 15.07.2023 në Prizren, në poliklinikën “G.”, në cilësinë e personit zyrtar – drejtor i poliklinkës, i autorizuar dhe i licencuar nga Ministria e Shëndetësisë për lëshimin e certifikatave mjekësore për kandidatët për patentë shofer, i tejkalon autorizimet e tij duke lëshuar certifikata mjekësore për kandidatë për patentë shofer, në këtë rast për B.V., dhe B.Th., pa i kontrolluar personalisht, duke vërtetuar në mënyrë të pavërtetë se ata kishin kryer kontrollin mjekësor, edhe pse ndodheshin jashtë Kosovës në atë kohë, me ç’rast i ka mundësuar të njëjtëve përfitim në formën e regjistrimit e provimit për patentë shofer përmes Auto shkollave “S.” në Prizren dhe “F.” në Malishevë, me ç’rast emri i të njëjtëve dërgohet në Departamentin e Patentë Shoferëve së bashku me listën e kandidatëve të tjerë që fillojnë ligjëratat për patentë shofer”, thuhet në njoftim.

Me këto veprime, i njëjti ka kryer veprën penale “Keqpërdorimi i pozitës apo autoritetit zyrtar” sipas KPRK-së.

“Ndërsa, të pandehurit U.M., dhe I.G., në cilësinë e përfaqësuesve të auto-shkollave të lartëpërmendura, kanë përpiluar dhe dorëzuar kontrata dhe dokumente të rreme për kandidatët e lartëcekur, që pretendonin të pajiseshin me patentë shofer, duke i paraqitur sikur kishin ndjekur ligjëratat teorike, ndonëse ata ndodheshin jashtë territorit të Kosovës”, njofton Prokuroria.

Më këto veprime, të pandehurit U.M., dhe I.G., secili veç e veç ka kryer veprën penale “Legalizimi i përmbajtjes së rreme” sipas KPRK-së.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen, të shpallen fajtorë dhe të dënohen sipas ligjit.

27/10/2025

Ne Turneun e shigjetarise per nder te 29 tetorit, Pavaresise se Turqise, marrin pjese edhe prizrenasit Dijar Emini dhe Raonar Zogaj...

27/10/2025

Keshtu duket Lumbardhi ne keto momente, pas reshjeve 24-tër orëshe.Ne Marash...

27/10/2025

Lumbardhi i Prizrenit pas shiut

24/10/2025

Të dielën ndryshon ora, akrepat kthehen 60 minuta pas

Akrepat do të kthehen përsëri për një orë prapa. Gjithmonë në natën ndërmjet të shtunës dhe të dielës, fundjavën e fundit të tetorit, fillon periudha e ndryshimit të orës, duke lëvizur akrepat para ose prapa për një orë.

Siç ka ndodhur çdo vit, në fundjavën e fundit të tetorit do të përfundojë ora verore, akrepat e së cilës do të kthehen 60 minuta prapa dhe zgjat deri në fundjavën e fundit të marsit.

Të dielën më 26 tetor në orën 03:00 akrepat kthehen 60 minuta pas duke na mundësuar atë ditë që të flemë një orë më shumë.

Ndryshimi i orës në kontinentin Evropian u vendos si ligj evropian në vitin 1981. Zhvendosja e akrepave në Evropën Perëndimore është vendosur në fillim të viteve ‘70-ta me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.

23/10/2025

Ngritet aktakuzë ndaj shtetasit turk që vrau vajzën e tij me thikë kuzhine në Prizren

Prokuroria Themelore në Prizren ka njoftuar se Departamenti i Krimeve të Rënda ka ngritur aktakuzë kundër të pandehurit M.G., (shtetas turk), për shkak të dyshimit të bazuar mirë se i njëjti ka kryer veprën penale “Vrasje e rëndë” nga neni 173 par.1 nënpar. 1.3 e lidhur me pikën 1.11, sipas Kodit Penal të Republikës së Kosovës (KPRK).

“Sipas aktakuzës, më 06 maj 2025, rreth orës 05:30 të mëngjesit, në rrugën “Shote Galica” në Prizren, në banesën ku i pandehuri jetonte bashkë me bashkëshorten dhe dy vajzat e tij, me dashje e privon nga jeta anëtarin e familjes, përkatësisht vajzën e tij, ashtu që në orët e hershme të mëngjesit, menjëherë pas kryerjes së ritualit të faljes së namazit, i pandehuri me dashje ka marrë një thikë kuzhine me gjatësi të tehut rreth 23 centimetra, të cilën familja e përdorte për prerjen e mish*t, dhe niset në drejtim të sallonit të banesës, ku ishin duke fjetur vajzat e tij, viktima Sh.G., dhe e dëmtuara A.R. I pandehuri, duke shfrytëzuar momentin kur vajzat ishin në gjumë, afrohet pranë shtratit dhe e sulmon me thikë viktimën Sh.G., duke e prerë në qafë. Në momentin kur viktima Sh.G., fillon të bërtasë zgjohet nga gjumi e dëmtuara -vajza tjetër A.G., e cila tenton ta pengojë të pandehurin në veprimet e tij. I pandehuri më pas e godet edhe atë me të njëjtën thikë, duke i shkaktuar plagë prerëse dhe shpuese në të dy anët e qafës. Nga klithmat e vajzave zgjohet edhe bashkëshortja e tij, R.G., e cila hynë në sallon dhe tenton ta ndalojë të pandehurin, gjatë së cilës pëson lëndime në fytyrë dhe në dorën e majtë. Pas një përleshjeje të shkurtër, e dëmtuara R.G., arrinë ta shtyjë të pandehurin në dhomën e gjumit, ku e mbyll dhe bllokon derën me orendi, duke siguruar kështu mundësinë për të telefonuar për ndihmë”, thuhet në njoftimin e Prokurorisë.

Ndërkaq, si pasojë e plagëve të marra, viktima Sh.G., ndërron jetë në vendin e ngjarjes.

Me këto veprime, i pandehuri M.G., ka kryer veprën penale “Vrasja e rëndë” sipas KPRK-së.

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartëcekur për veprën penale për të cilën akuzohet, të shpallet fajtor dhe të dënohet sipas ligjit.

Prizreni Sot

08/11/2025

05/11/2025

03/11/2025

03/11/2025

31/10/2025

29/10/2025

28/10/2025

27/10/2025

27/10/2025

27/10/2025

24/10/2025

23/10/2025

Address

Website

Alerts

Shortcuts

Share

Category

prizrenisot.net