Radio Vala

28/07/2026

DIAFEST 2026 – Ditët e Diasporës në Suharekë!

Suhareka bëhet gati për tri net festive, plot muzikë, argëtim dhe emocione, kushtuar bashkatdhetarëve tanë që na bashkohen gjatë verës!

4, 5 dhe 6 Gusht 2026
Sheshi i Qytetit – Suharekë
Nga ora 20:30

4 Gusht – Atmosferën do ta ndezë GAM Theranda!
5 Gusht – Një natë e veçantë, tërësisht dedikuar artistëve tanë nga Diaspora!
6 Gusht – Mbyllje spektakolare me Vesa Smolica – LIVE!

Tre net, një qytet, një festë dhe mijëra emocione!

Ejani ta festojmë së bashku kthimin në vendlindje, muzikën, traditën dhe dashurinë për Suharekën!

DIAFEST 2026
4 • 5 • 6 GUSHT
SHESHI I QYTETIT – SUHAREKË
20:30

🇽🇰 Mirë se vini, bashkatdhetarë! Suhareka ju pret! ❤️

27/07/2026

EKO-THERANDA nis pastrimin e pusetave dhe shkarkuesve të ujërave atmosferike në Suharekë

NPL “EKO-THERANDA” Sh.A. ka nisur javën me një aksion për pastrimin e pusetave dhe shkarkuesve të ujërave atmosferike në rrugët e qytetit të Suharekës. Si pasojë e reshjeve të shiut, në disa prej t…

27/07/2026

Prezantohet Draft-Projekti i Planit Rregullues për Zonën Ekonomike në Duhël

Sot para qytetarëve dhe bizneseve të interesuara është prezantuar Draft-Projekti i Planit Rregullues të Hollësishëm (PRrH) për Zonën Ekonomike në Duhël, një projekt i rëndësishëm që synon krijimin …

22/07/2026

NJOFTIM PËR HOMAZHE DHE VARRIM

Me pikëllim të thellë njoftojmë familjarët, miqtë, bashkëluftëtarët dhe gjithë qytetarët se Bekim Ali Ugzmaili, i lindur më 12 prill 1974 në Jezerc, Komuna e Ferizajt, veteran dhe invalid i Ushtrisë Çlirimtare të Kosovës, ish-pjesëtar i Njësisë Speciale pranë Shtabit të Përgjithshëm të UÇK-së, u nda nga jeta më 21 korrik 2026, në moshën 52-vjeçare, pas një beteje të gjatë me plagët e marra gjatë luftës.

Homazhet do të mbahen të enjten, më 23 korrik 2026, duke filluar nga ora 12:00, para Bibliotekës së Qytetit në Suharekë.
Ceremonia e varrimit do të zhvillohet në ora 13:30, në varrezat e fshatit Shirokë.

Ftohen familjarët, miqtë, bashkëluftëtarët, veteranët dhe të gjithë qytetarët që me pjesëmarrjen e tyre t'i japin lamtumirën e fundit një luftëtari të lirisë, i cili me nder, guxim dhe përkushtim i shërbeu atdheut deri në fund të jetës.

I përjetshëm qoftë kujtimi për Bekim Ali Ugzmailin!

22/07/2026

Liria humbi edhe një mbrojtës të saj, ai i mbijetoi plagëve të luftës, por jo kohës!
Lamtumirë Çlirimtar Bekim Ali Ugzmaili

Bekim Ali Ugzmaili, luftëtar i lirisë dhe veteran/invalid i Ushtrisë Çlirimtare të Kosovës, u nda nga jeta më 21.07.2026, pas një beteje të gjatë me plagët e rënda që kishte marrë gjatë luftës. Ai …

07/07/2026

NJOFTIM PËR HUMBJE DOKUMENTI

Njoftohet se është humbur dëftesa origjinale e klasës së X-të e nxënëses Era Kuqi, klasa 10B, e lëshuar nga Gjimnazi i Specializuar “Loyola-Gymnasium” në Prizren, për vitin shkollor 2023/2024. Dëftesa në fjalë shpallet e pavlefshme.

07/07/2026

Pronari i fabrikës “Graniti” në Suharekë, Bajram Lumi, pritet në Dhomën e Lordëve në Londër

Pronari i fabrikës së mobiljeve “Graniti” në Suharekë, Bajram Lumi, ka zhvilluar një vizitë të rëndësishme në Londër, ku më 1 korrik mori pjesë në një darkë zyrtare në Dhomën e Lordëve. Vizita në n…

30/06/2026

Komuna e Suharekës hap aplikimet për artistët e mërgatës në Diafest 2026

Drejtoria për Kulturë, Rini, Sport dhe Mërgatë në Komunën e Suharekës ka hapur aplikimet për artistët me prejardhje nga Suhareka, të cilët jetojnë dhe veprojnë në mërgatë dhe kanë krijimtari muzikore.

Artistët e interesuar mund të aplikojnë për t’u bërë pjesë e programit artistik të Diafest 2026, duke dërguar këngët e tyre për shqyrtim.

Të gjitha këngët e pranuara do të vlerësohen nga Komisioni Organizativ Profesional i Diafest 2026, i cili do të bëjë përzgjedhjen e pjesëmarrësve.

Afati i fundit për dorëzimin e këngëve është 10 korrik 2026, deri në orën 16:00.

Këngët mund të dërgohen përmes emailit në adresën: [email protected], ose fizikisht me USB në Drejtorinë për Kulturë, Rini, Sport dhe Mërgatë në Komunën e Suharekës.

Artistët e përzgjedhur do të njoftohen pas përfundimit të procesit të vlerësimit.

Për informata shtesë, të interesuarit mund të kontaktojnë në numrin: +383 44 810 082.

10/06/2026

Urime Suharekë. ❤️🏥
Rreth 4 milion euro nga Ministria e Shëndetësisë për ndërtimin e QKMF -së së re në Suharekë.
Faleminderit Ministrit Arben Vitia për bashkëpunimin. 🙏
E lajme të tjera fantastike ditëve në vijim. 🫡

06/06/2026

Fondacioni Golden Eagle ka dhuruar 10 mijë euro për bashkëshorten dhe djalin 8-muajsh të efektivit të ndjerë Enea Mekolli, në shenjë solidariteti dhe mbështetjeje për familjen e tij.
Ky kontribut është më shumë se një ndihmë financiare – është një shenjë respekti dhe vlerësimi për familjen e heroit që dha jetën në shërbim të qytetarëve dhe atdheut.