Rahoveci SOT

09/08/2025

Edon Cana prezanton Flutura Ukaj Thaçin.
Nga Shtëpia e Veteranit të shquar të UÇK-së Skender Thaqi.
Nga Tradita e UÇK-së te Shërbimi për Qytetarët.

09/08/2025

Polluzha e Rahovecit do të jetë pjesë e fitores së kryetarit në ardhje të komunës së Rahovecit, Ali Dula. Në këtë listë të fitores së pashmangshme është edhe kandidati për asamble komunale, Besart J. Morina. Besarti është shumë më tepër se një kandidat. Ai është një aktivist i devotshëm, i pranishëm me vite në çdo iniciativë qytetare që synonte përmirësimin e jetës publike në komunën tonë. Nuk është i zhurmshëm, por gjithmonë i pranishëm, një karakter i matur dhe politikisht i pjekur, i cili ka ndërtuar besim jo me fjalë të mëdha, por me punë të qëndrueshme dhe përkushtim të palëkundur ndaj të mirës së përbashkët.

Në aspektin profesional, Besarti është në semestrin e fundit të studimeve master në kontabilitet. Përvoja e tij është e gjerë dhe e shumëanshme, nga puna në kompani vendore të kontabilitetit, te përfshirja në Autoritetin e Likuidimit pranë AKP-së, në kuadër të konsorciumit ndërkombëtar Grant Thornton & Curtis, e deri te pozita e tij aktuale në një kompani gjermane, nga ku ofron shërbime kontabiliteti për tregun gjerman, duke i lidhur në mënyrë efektive përvojat ndërkombëtare me realitetin vendor. Ai i njeh mirë sektorin privat dhe atë publik, një përparësi kyçe për t’i kuptuar sfidat ekonomike të komunës dhe për të propozuar zgjidhje reale.

Ashtu si shumë të rinj të këtij vendi, Besarti nuk e pranon gjendjen siç është. Ai kërkon me ngulm ndryshimin, një ndryshim që nuk vjen përmes premtimeve të kota, por përmes përfshirjes së njerëzve me dije, me integritet dhe me përkushtim ndaj shërbimit qytetar.

Nëse Rahoveci do një përfaqësim të dinjitetshëm në asamble, një zë të arsyes që e kupton qytetin, ekonominë dhe nevojat e përditshme të qytetarëve, Besart Morina është zgjedhja e duhur.

Na priftë e mbara, Besart!

08/08/2025

Opterusha është gjithmonë në anën e fitores. Me mbështetjen për prof. dr. Ali Dula për kryetar të komunës edhe një kandidat i devotshëm për asamble komunale të Rahovecit. Blerim Kabashi është një figurë e njohur dhe e respektuar në komunitetin e Opterushës, Rahovec. Me profesion elektricist dhe përvojë si komercialist në arkën e KEDS-it, Blerimi është një kandidat i përgatitur dhe me njohuri të thella në fushën e energjetikës. Ai ka ndjekur studimet e larta në degën e Elektroteknikës, duke siguruar një bazë të fortë profesionale që e bën atë të aftë të kuptojë dhe trajtojë sfidat teknike dhe infrastrukturore që i nevojiten komunitetit të tij.

Përveç profesionit, Blerim Kabashi është një aktivist i përkushtuar i Lëvizjes Vetëvendosje. Ai ka shërbyer për tre mandate si kryetar i Pikës së VV-së në Opterushë, duke qenë gjithmonë në ballë të organizimit dhe mobilizimit të qytetarëve për çështjet që prekin komunitetin. Pjesëmarrja e tij aktive në çdo aktivitet të Lëvizjes dëshmon për angazhimin e tij të palëkundur dhe dëshirën për ndryshim pozitiv.

Blerimi njihet si një punëtor i zellshëm dhe familjar i respektuar në vendlindjen e tij. Familja Kabashi është një familje e njohur dhe e çmuar në komunitet, me vlera të forta kombëtare dhe një histori të pasur që e lidh thellë me rrënjët dhe traditat e vendit.

Blerimi përfaqëson vlerat e karakterit të drejtë dhe të paluhatshëm në objektivat e qarta për të mirën e interesit qytetar.

Na priftë e mbara, Blerim!

08/08/2025

Edhe një profesionist në listën fituese të VV-së dhe në përkrahje të kryetarit në ardhje, prof. Ali Dula. Jusuf Dërmala, i diplomuar në Fakultetin e Bujqësisë, drejtimi Agroekonomi, është aktivist i devotshëm i Lëvizjes Vetëvendosje që nga viti 2013. Gjatë kësaj kohe ka qenë pjesë e organizatës në etapa të ndryshme, së fundmi si pjesë e grupit punues dhe shef i shtabit në zgjedhjet e fundit parlamentare. Ai ka dhënë një kontribut të jashtëzakonshëm në Lëvizjen Vetëvendosje dhe tani i bashkohet listës së kandidaturave për asamblenë komunale në zgjedhjet e 12 Tetorit.

Jusufi vjen me një përvojë të gjatë, mbi 17 vjeçare, në fushën e sektorit financiar, konkretisht në sektorin bankar, ku ka qenë pjesë e disa institucioneve financiare ndër vite, duke mbajtur pozicione të ndryshme.

Përveç kësaj, Jusufi njihet edhe si sportist, basketbollist i Klubit Basketbollistik Rahoveci. Në vitin 2014 ishte njëri ndër iniciatorët kryesorë në riaktivizimin e klubit dhe pjesë e kryesisë së tij. Klubi arriti kulminacionin në basketbollin vendor, duke dëshmuar kontributin e tij edhe në organizimin shoqëror të sportit lokal.

Përveç përvojës në sektorin financiar dhe sportiv, Jusufi njihet edhe si fermer, kultivues i arrës. Është ndër të parët në komunën tonë që ka kultivuar këtë kulturë në formë plantacionesh.

Ai është motivues, vetëiniciator dhe shtytës i proceseve në të mirën e qytetarëve. I papërkulur në mbrojtje të së drejtës, mban qëndrim parimor dhe të paanshëm, duke luftuar çdo padrejtësi.

Me përvojën e tij në sfera të ndryshme, si dhe me njohuri gjithëpërfshirëse për komunën – ekonomike, kulturore e politike – dhe me parime të drejta, Jusufi i bashkohet ekipit të kryetarit në ardhje, Prof. Ali Dula. Si kuadër profesional, do të nxisë propozime dhe do të ofrojë zgjidhje të përshtatshme për përmirësimin e jetës së qytetarëve të Komunës së Rahovecit në asamblenë komunale.

Na priftë e mbara, Jusuf!

08/08/2025

Asambleisti Dëfrim Kafexhiu është sërish kandidati për asamblenë komunale nga Qendra e VV-së në Rahovec, duke përfaqësuar një brez të ri qytetarësh të angazhuar që së bashku me kandidatin për kryetar të komunës sonë, prof. Ali Dula, synojnë ta sjellin ndryshimin nga niveli lokal. Tashmë me përvojë të konsoliduar në asamble komunale dhe pjesëmarrje aktive në të, ai hyn në garën zgjedhore me një vizion për një komunë më të drejtë, më transparente dhe më funksionale.

Si pjesë e VV-së, Kafexhiu ndan vlerat e njohura të Lëvizjes, si barazia sociale, sundimi i ligjit dhe mbrojtja e interesit publik. Në mandatin e tij të parë të asamblesë, ai ka theksuar rëndësinë e përfshirjes së qytetarëve në vendimmarrje dhe promovimit të një administrate komunale që punon për të gjithë, jo vetëm për pakicën. Dëfrimi ndan idetë e tij për zhvillim të komunës nga kontakti i drejtpërdrejtë me qytetarët, ku ai jo vetëm prezanton idetë e tij, por edhe dëgjon shqetësimet dhe propozimet e banorëve.

Në çdo proces përgatitor, veçanërisht kur bëhet fjalë për përfaqësim të përgjegjshëm në nivel lokal, rëndësi fundamentale merr ndërtimi i një fryme bashkëveprimi. Kjo frymë ka vazhduar edhe me asambleistët e propozuar në listën tonë më të mirë dhe fituese për garën e 12 tetorit, duke ndërtuar kështu struktura të qëndrueshme në përputhje të natyrshme të rolit, përgjegjësisë dhe vizionit duke respektuar gjithmonë ritmet e saja strukturore. Dhe brenda çdo strukture funksionale ekzistojnë dinamika që zhvillohen me ritme të ndryshme dhe që udhëhiqen nga vlera të përbashkëta. E vlerat më të qëndrueshme përfaqësohen pikërisht në listën tonë garuese për asamblenë komunale.

Kohezioni dhe harmonizimi është rezultat i një procesi të qëndrueshëm, ku përputhen vizione, përgjegjësi dhe vullnet i sinqertë për të kontribuar në një mision të përbashkët. Kjo është ajo që e bën listën tonë pjesë të një vlere reale përfaqësimi me vizion institucional edhe në asamble komunale. Në këtë proces organik, Dëfrimi hyn në garë për asamble pikërisht me prezantim të këtyre vlerave, me refleksion të qartë maturie dhe me një orientim të përbashkët drejt detyrës që na pret në zgjedhjet e 12 tetorit.

Na priftë e mbara, Dëfrim!

08/08/2025

Edon Cana prezanton Liridon Vuqitërnën. Profesionist i financave dhe zë i fuqishëm për zhvillimin e Rahovecit.

08/08/2025

08/08/2025

Edon Cana prezanton Atdhe Ramën si kandidat për asamble: "Me përvojë të madhe në administratë dhe angazhim të palodhur në shoqëri civile, Atdhe Rama vjen si një zë i përgatitur dhe me vizion për Asamblenë Komunale, në ekipin tonë."

07/08/2025

O Zot cdo deshmor lartesoje ne Xhennetet e Tua te larta… 🤲

07/08/2025

Fshati Xërxë mbetet një shtyllë e fortë e mbështetjes së kryetarit në ardhje të komunës së Rahovecit, prof. dr. Ali Dula. Zëri i juristit të dëshmuar, Sherif Bytyqi, do të jetë më i fuqishëm si asnjëherë më parë në Asamble të Rahovecit. Sherif Bytyqi është një kandidat me një profil të shkëlqyer arsimor dhe profesional, i cili synon të kontribuojë në zhvillimin dhe përmirësimin e komunës sonë. Ai është diplomuar në Fakultetin Juridik të Universitetit të Prishtinës dhe ka përfunduar me sukses masterin në drejtimin Civil, duke dëshmuar kështu njohuri të thella dhe të specializuara në fushën e drejtësisë.

Karakteri i Sherifit është kombinim i dijes dhe urtësisë, cilësi që e bëjnë atë një udhëheqës të balancuar dhe të besueshëm. Ai është një profesionist i dëshmuar, me eksperiencë dhe angazhim të lartë, i cili i qaset çdo sfide me maturi dhe seriozitet.

Sherif Bytyqi njihet si një diskutant i matur dhe një politikan me pjekuri të theksuar, i cili di të dëgjojë nevojat e qytetarëve dhe të gjejë zgjidhje të qëndrueshme. Ai do të përfaqësojë një zë të fuqishëm dhe të përgjegjshëm në asamblenë komunale, duke synuar të avancojë politika që promovojnë drejtësi, transparencë dhe zhvillim social.

Zgjedhja e Sherif Bytyqit është investim në një të ardhme më të mirë për komunën tonë, ku ligji dhe morali do të jenë themeli i çdo vendimi. Me Sherifin, komuniteti ynë do të ketë një përfaqësues që punon për të gjithë dhe që beson në forcën e bashkëpunimit dhe të ndryshimit pozitiv.

Na priftë e mbara, Sherif!