LVV Qendra Viti

06/08/2025

06/08/2025

Lëvizja pret Mërgatën, Lëvizja me Mërgatën!

NESËR, me datë 6 gusht, ditë e mërkurë, në Parkun e Qytetit në Prishtinë takohemi me simpatizantë e anëtarë, aktivistë e bashkatdhetarë, në pritjen e sivjetshme që Lëvizja VETËVENDOSJE! ka organizuar për mërgatën.

Pjesëmarrës dhe folës në këtë takim do të jetë edhe Kryetari i Lëvizjes, njëherazi Kryeministri i Republikës së Kosovës, Albin Kurti.

Takimi fillon në ora 18:00

Jeni të gjithë të mirëpritur, bashkë me familjet tuaja. Tregojuni edhe miqve, dhe shpërndajeni sa më shumë këtë ftesë.

02/08/2025

Dr. sc. Arsim Ademi viziton panairin e produkteve vendore në Viti

Kandidati për kryetar të Vitisë dhe zëvendësministër në MAShTI, Dr.sc. Arsim Ademi, së bashku me asambleistët Liridona Bislimi, Sejdi Emini dhe Majlinda Shabani, morën pjesë në panairin tradicional të produkteve vendore në qytet.
Gjatë vizitës, ata takuan prodhuesit lokalë dhe biseduan për sfidat me të cilat përballen, si mungesa e mbështetjes, vështirësitë në treg dhe nevoja për kushte më të mira pune.

Dr. sc. Arsim Ademi theksoi se në qendër të programit të tij do të jetë përkrahja e prodhuesve vendorë, përmes subvencioneve, promovimit dhe krijimit të hapësirave për tregtim.

Dr.sc. Arsim Ademi theksoj se prodhimi vendas është themel i zhvillimit të komunës, njëherit potencoj se si funksionar e kem obligim t’i japim zë dhe përkrahje atyre që punojnë për të ardhmen e Vitisë.

Lëvizja Vetëvendosje!, Viti

01/08/2025

PAPËRGJEGJËSIA KOMUNALE NË VITI RREZIKON JETËN E NJË FËMIJE!

Para pak ditësh, në çerdhen publike “Gëzimi ynë” në Viti, njëri prej fëmijëve të kopshtit është larguar nga ky institucion, pa dijeninë e edukatoreve dhe punëtorëve të tjerë. Për çka është shpërfaqur papërgjegjësia e udhëheqësisë së kësaj çerdheje, por edhe e atyre të pushtetit lokal.
Në këtë rast kryetari aktual i komunës së Vitisë, Sokol Haliti, jo që nuk ka reaguar dhe nuk ka marrë masa, por po tenton që ta hesht, me të vetmen arsyje : FUSHATA ELEKTORALE PËR ZGJEDHJET E 12 TETORIT.
Organet e rendit duhet të merren me këtë rast, teksa ato të drejtësisë të mos heshtin ndaj tij.
Po ashtu, partitë në pushtet, LDK e PDK, duhet të japin përgjegjësi ndaj rastit!
Ky rast është shqetësues, teksa dëshmon edhe njëherë dështimin e këtij pushteti, të cilit shumë shpejt do t’i vije fundi.
Vitia meriton më mirë dhe institucionet e saj duhet të jenë të sigurta!

30/07/2025

Fillon procesi i zgjedhjeve të brendshme për kandidatët për anëtarë të Kuvendeve Komunale nga Lëvizja VETËVENDOSJE!

Në kuadër të zgjedhjeve të brendshme dhe në përputhje me Statutin dhe Rregulloren e Zgjedhjeve të Brendshme, Lëvizja VETËVENDOSJE!, Qendra Viti, ju njofton për fillimin e aplikimit për zgjedhjet e brendshme për kandidatët për anëtarë të Kuvendit Komunal të Vitisë.

Komisioni Zgjedhor Ad Hoc i Qendrës njofton të gjithë aktivistët e Lëvizjes VETËVENDOSJE!, të cilët janë të interesuar për të kandiduar për anëtarë të Kuvendit Komunal nga Lëvizja VETËVENDOSJE!, që të paraqesin deklaratën e kandidaturës nga data 30 korrik deri më 05 gusht 2025 ora 17:00.

Në bazë të Rregullores së Zgjedhjeve të Brendshme dokumentet e nevojshme janë:
• Deklarata e kandidimit (merret në zyrën e Lëvizjes në Viti);
• Kopje të letërnjoftimit;
• Kopje të kartelës së anëtarësisë;
• Certifikata mbi dënimet penale (në e-kosova);
• Biografinë personale (CV).

Pas dorëzimit të këtij dokumentacioni, KZAQ-ja do të ndjekë procedurat tjera siç është e paraparë me Statutin dhe Rregulloren e zgjedhjeve të brendshme të Lëvizjes VETËVENDOSJE!.

Lëvizja VETËVENDOSJE! - Qendra Viti

29/07/2025

FSK për herë të parë si ushtri në veri të vendit

"Njësitet e specializuara të zhytjes dhe kërkim shpëtimit të Forcës së Sigurisë së Kosovës sot në mëngjes janë angazhuar në mbështetje të autoriteteve civile për kërkimin e trupit të mërgimtarit në liqenin e Ujmanit në Komunën e Zubin Potokut", ka deklaruar ministri i Mbrojtjes, Ejup Maqedonci.

"Forca e Sigurisë së Kosovës në kuadër të detyrave të saj thelbësore ka edhe mbështetjen e autoriteteve civile. Në këtë aspekt në bashkëpunim me Agjencinë e Menaxhimit të Emergjencave, Policinë e Kosovës dhe bashkërendim me KFOR, ekipet e specializuara të FSK kanë filluar operacionin e kërkimit në liqenin e Ujmanit me synimin që sa më shpejtë të nxirret trupi i mërgimtarit dhe ti lehtësohet dhimbja familjes", ka thënë Maqedonci.

27/07/2025

Sqarim për qytetarët e Mjakut dhe të Vitisë!

Njoftojmë qytetarë e Mjakut dhe Vitisë, se sot në ora 12:00 në kuadër të aktivitetit tradicional "Takimet e Mjakut", po tentohet që meritat për asfaltimin e rrugës në Mjak t’i merr kryetari i komunës së Vitisë, Sokol Haliti.

E vërteta është krejt ndryshe. Kjo rrugë është e tëra investim i Qeverisë së Republikës së Kosovës, e ku komuna e Vitisë ka një memorandum mirëkuptimi me Ministrinë e Infrastrukturës për t’i udhëhequr procedurat e prokurimit dhe për mbikëqyrjen e punimeve.

Detajet e kontratës janë këto:

Titulli i kontratës i dhënë nga autoriteti kontraktues:
Asfaltimi i rrugës Mjak dhe Debelldeh -Vlera e përgjithshme e kontratës ishte 798.983,32 euro.
Përshkrim i shkurtër i lëndës së kontratës
Asfaltimi i rruges Mjakut dhe rrugëve në Debelldeh; Asfaltimi i rrugës Debelldeh -
Kodra e furrës; Asfaltimi i rrugës në lagjen Hasani-Debelldeh; Asfaltimi i rrugës te
vorrezat dhe në pjesën turistike -Debelldeh dhe Asfaltimi i rrugës te mollat -Debelldeh

Ky njoftim po bëhet për të njoftuar qytetarët se kush është investitori i vërtetë me qëllim që mos të bien pre e manipuluesve dhe njerëzve që janë mësuar të jetojnë me punën, djersën dhe kurrizin e tjetër kujt!

27/07/2025

TELEGRAM NGUSHËLLIMI

Me rastin e ndarjes nga jeta të z. Nexhmedin Arifi, ish-kryetar i Komunës së Vitisë

Me dhembje të thellë morëm lajmin për ndarjen nga jeta të z. Nexhmedin Arifi, ish-kryetar i Komunës së Vitisë, njeri i përkushtuar ndaj qytetarëve dhe shërbimit publik.

Në këto çaste të dhimbshme, shprehim ngushëllimet më të sinqerta për familjen Arifi, miqtë, bashkëpunëtorët dhe gjithë qytetarët e Vitisë që patën nderin ta njohin dhe ta kujtojnë për kontributin e tij të ndershëm në drejtimin e komunës dhe përkushtimin ndaj çështjeve të interesit publik.

Vepra dhe kujtimi i tij do të mbeten të gjalla në historinë institucionale dhe në kujtesën kolektive të qytetarëve.

I qoftë i lehtë dheu i Kosovës.

U prehtë në paqe.

Lëvizja Vetëvendosje!, Viti

08/07/2025

Kryetari në ardhje i Vitisë, njëherësh zëvendësministër i MAShTI-it, Dr.sc. Arsim Ademi, gjatë qëndrimit zyrtar në Luksemburg, mori pjesë në nënshkrimin e marrëveshjes së mbështetjes financiare për Kosovën, në vlerë prej 50 milionë euro.

Kjo marrëveshje, si rezultat i bashkëpunimit ndërmjet institucioneve të Republikës së Kosovës dhe Qeverisë së Luksemburgut, paraqet një hap të rëndësishëm në drejtim të forcimit të zhvillimit ekonomik, përmirësimit të infrastrukturës dhe ngritjes së mirëqenies për qytetarët e vendit tonë.

Memorandumi i nënshkruar përfshin mjete të konsiderueshme që do të dedikohen për sektorë kyç si arsimi, shëndetësia, zhvillimi lokal dhe ngritja e kapaciteteve institucionale. Kjo mbështetje do të ndikojë drejtpërdrejt në përmirësimin e cilësisë së jetës dhe në realizimin e projekteve strategjike për të ardhmen e Kosovës.

Zv. ministri i MAShTI-it Arsim Ademi, në fjalën e tij, shprehu mirënjohjen ndaj shtetit të Luksemburgut për besimin dhe përkrahjen e vazhdueshme ndaj Kosovës, duke theksuar se kjo mbështetje është dëshmi e partneritetit të fuqishëm dhe vizionit të përbashkët për zhvillim dhe stabilitet afatgjatë.

07/07/2025

03/07/2025