https://www.facebook.com/1501972170026728/

Vushtrria Press, Vushtrri (2026)

11/06/2026

Përfundon numërimi i votave në Vushtrri, shqetësim mbështetja për kandidatët nga komunat tjera

VUSHTRRI, 11 QERSHOR 2026 (Vushtrria Press) -Ka përfunduar numërimi i votave të kandidatëve të partive politike, mes të cilave edhe atyre kryesore LVV, PDK dhe LDK, të cilat morën pjesë në zgjedhjet e parakohshme parlamentare të mbajtura më 7 qershor 2026.

Sipas të dhënave, në Listën e Votuesve në Komunën e Vushtrrisë ishin të regjistruar 72,489 votues, ndërsa votuan 29,390 qytetarë, që përbën rreth 40 për qind të pjesëmarrjes në këto zgjedhje.

Megjithatë, shqetësues mbetet fakti se një numër i konsiderueshëm i votuesve vushtrrias kanë dhënë votën e tyre për kandidatë nga komunat tjera, e jo për ata që vijnë nga Vushtrria.

Njohës të rrethanave politike vlerësojnë se një orientim i tillë i votës mund të ndikojë në përfaqësimin e drejtpërdrejtë të interesave të komunës në nivel qendror.

Rezultatet përfundimtare të zgjedhjeve pritet të certifikohen nga institucionet përkatëse zgjedhore në ditët në vijim.
———
📸: Përfundon numërimi i votave në Vushtrri, shqetësim mbështetja për kandidatët nga komunat tjera
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

11/06/2026

🎥Vazhdon sezona e ujitjes në rajonin e Vushtrrisë, fermerët në terren pavarësisht temperaturave të larta

VUSHTRRI, 11 QERSHOR 2026 (Vushtrria Press) – Edhe gjatë këtyre ditëve me temperatura të larta, fermerët e komunës së Vushtrrisë po vazhdojnë intensivisht ujitjen e kulturave bujqësore për të siguruar zhvillim të qëndrueshëm dhe rendiment sa më të mirë të prodhimeve.

Angazhimi i tyre në terren mbetet i pandërprerë, me synimin që prodhimi vendor të mos dëmtohet nga kushtet klimatike dhe thatësirat sezonale.
Nga N.P.H. “Ibër-Lepenc” – Njësia Punuese në Vushtrri bëjnë të ditur se furnizimi me ujë për ujitje po realizohet rregullisht dhe sipas planifikimeve.

“Edhe në këto ditë me temperatura të larta, jemi maksimalisht të angazhuar për të siguruar furnizim të rregullt me ujë për fermerët. Qëllimi ynë është që të mbështesim prodhimin bujqësor dhe të garantojmë kushte sa më të mira për zhvillimin e kulturave,” thuhet në njoftimin, Behar Mjekut nga Njësia Punuese “Ibër-Lepenc” në Vushtrri.

Fermerët theksojnë se ujitja në kohën e duhur është vendimtare për cilësinë dhe sasinë e prodhimit, sidomos gjatë periudhave me vapë të madhe.

“Ujë për arat sot, prodhim më i mirë nesër,” është mesazhi që përcjellin punonjësit dhe fermerët, duke nënvizuar rëndësinë e sistemit të ujitjes për bujqësinë vendore.
———
🎥Vazhdon sezona e ujitjes në rajonin e Vushtrrisë, fermerët në terren pavarësisht temperaturave të larta
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

11/06/2026

Asnjë tabelë identifikuese që tregon objektin se është Muzeu i qytetit në Vushtrri

VUSHTRRI, 11 QERSHOR 2026 (Vushtrria Press) - Muzeu i Qytetit në Vushtrri ndonëse duket bukur nga jashtë me fasadë pas restaurimit ai nuk ka asnjë tabelë apo shenjë identifikuese që tregon se është objekt kukturor në qytetin më të vjetër të Kosovës.

Ky objekt i Shtëpisë së Mahmut Agë Gjinollit në të cilin është vendosur Muzeu i Qyetit ende nuk është inaguruar zyrtarisht, ndërsa si i tillë është "harruar" edhe nga Ministria e Kulturës.

Muzeu Historik Etnografik i Vushtrrisë u themelua më 09.06.2005 me vendim të Kuvendit Komunal të Vushtrrisë.
———
📸: Asnjë tabelë identifikuese që tregon objektin se është Muzeu i qytetit në Vushtrri/ V.P
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

10/06/2026

Vushtrria e Besa në finale të Ligës së Pioniereve

VUSHTRRI, 10 QERSHOR 2026 (Vushtrria Press) -Të mërkurën në Palestrën e Qytetit në Shtime janë luajtur gjysmëfinalet e Final8 të Ligës së Pioniereve (U16) në hendboll.

Fillimisht Vushtrria fitoi ndaj Ulpianës me rezultat 27:14.

Shumë interesante ishte gjysmëfinalja e dytë mes Besës e Prishtinës. Pas vazhdimeve fitore shënoi Besa e Pejës me rezultat 26:25.

Të enjten prej orës 18:00 është ndeshja për vend të tretë, kurse finalja zhvillohet nga ora 19:15. Edhe këto ndeshje zhvillohen në Shtime.
———
📸: Vushtrria e Besa në finale të Ligës së Pioniereve
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

09/06/2026

🎥Fëmijët e kopshtit "Kindergarten" vizituan Stacionin Policor në Vushtrri

VUSHTRRI, 9 QERSHOR 2026 (Vushtrria Press) -Sot, edukatoret e kopshtit "Kindergarten" nga Vushtrria patën kënaqësinë të realizojnë një vizitë edukative me fëmijët e kopshtit në Stacionin Policor në Vushtrri, ku u pritën me shumë ngrohtësi, profesionalizëm dhe përkushtim.

"Një falënderim i veçantë shkon për rreshterin Naim dhe policen Qëndresa, si dhe për të gjithë stafin policor, të cilët i mirëpritën fëmijët tanë në mënyrë të jashtëzakonshme dhe u mundësuan atyre një përvojë të bukur dhe edukative. Përveç njohjes nga afër me punën e policisë, fëmijët u gëzuan edhe me dhuratat e përgatitura për ta, si çokollata, lëngje frutash dhe fletore. Ju falënderojmë për mikpritjen, kujdesin dhe buzëqeshjet që i dhuruat fëmijëve tanë. Kjo vizitë do të mbetet një kujtim i veçantë për të gjithë ne", thuhet në njoftimin e këtij kopshti.
———
🎥: Fëmijët e kopshtit "Kindergarten" vizituan Stacionin Policor në Vushtrri
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

09/06/2026

Në qytetin e Vushtrrisë do të zhvillohet Ushtrimi Fushor “Vërshimet dhe Zjarret 2026”

VUSHTRRI, 9 QERSHOR 2026 (Vushtrria Press) -Kryqi i Kuq i Kosovës, në partneritet me Komunën e Vushtrrisë dhe institucionet relevante lokale, njofton se më 11 qershor 2026 duke filluar nga ora 11:00 do të zhvillohet Ushtrimi Fushor “Vërshimet dhe Zjarret 2026” në hapësirat e SHMU “Andon Zako Çajupi” dhe në lagjet përreth saj në qytetin e Vushtrrisë.

Ky ushtrim organizohet në kuadër të forcimit të kapaciteteve për menaxhimin e emergjencave dhe synon testimin e gatishmërisë, koordinimit dhe reagimit të institucioneve dhe komunitetit në rast të vërshimeve dhe zjarreve.

Në ushtrim do të marrin pjesë përfaqësues të komunës, shkollës, Policisë së Kosovës, Shërbimit Zjarrfikës dhe Shpëtimit, Agjencisë për Menaxhimin e Emergjencave, Kryqit të Kuq të Kosovës, institucioneve të tjera relevante dhe anëtarë të komunitetit.

Gjatë zhvillimit të ushtrimit, qytetarët mund të vërejnë lëvizje të automjeteve emergjente, personelit operacional dhe aktivitete simuluese në terren. Njoftojmë se bëhet fjalë vetëm për një ushtrim dhe nuk ekziston ndonjë rrezik real për qytetarët.
———
📸: Në qytetin e Vushtrrisë do të zhvillohet Ushtrimi Fushor “Vërshimet dhe Zjarret 2026”
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

09/06/2026

KQZ- ja njofton për probleme me internetin në Vushtrri, prandaj nuk po mund të vendosen të dhënat në sistem

VUSHTRRI, 9 QERSHOR 2026 (Vushtrria Press) -Komisioni Qendror i Zgjedhjeve (KQZ) ka njoftuar se deri të hënën në mesnatë është përmbyllur numërimi i votave të kandidatëve për deputetë dhe verifikimi i rezultateve të subjekteve politike nga formularët e plotësuar në vendvotime pas numërimit të fletëvotimeve, në 5 Qendra Komunale të Numërimt.

Qendrat Komunale të Numërimit, të cilat kanë përfunduar këto aktivitete janë: Junik (6/6); Shtërpcë (17/17); Hani i Elezit (11/11); Partesh (7/7); Mamushë (5/5).

Procesi i numërimit dhe verifikimit është duke vazhduar në 32 QKN-të tjera: Deçan, Dragash, Ferizaj, Fushë Kosovë, Gjakovë, Gjilan, Drenas (Gllogoc), Graçanicë, Istog, Kaçanik, Kamenicë, Klinë, Kllokot, Leposaviq, Lipjan, Malishevë, Mitrovicë e Jugut, Mitrovicë e Veriut, Novobërdë, Obiliq, Pejë, Podujevë, Prishtinë, Prizren, Rahovec, Ranillug, Skenderaj, Suharekë, Viti, Zubin Potok, Zveçan.

Ndërkaq, në Qendrën Komunale të Numërimit në Vushtrri është zhvilluar procesi i numërimit nga 10 vendvotime, mirëpo rezultatet e numëruara nuk kanë mundur të procesohen sipas procedurave të QKN-së për shkak të disa problemeve teknike me rrjetin e internetit. Për rrjedhojë, kutitë e votimit janë mbyllur dhe siguruar sipas procedurave përkatëse, ndërsa procesi do të vazhdojë gjatë ditës. Këto vendvotime do të numërohen sërish për procedim të rregullt të rezultateve.

Sipas të dhënave deri të hënën në mesnatë (8 qershor 2026, ora 23:59) numri i përgjithshëm i vendvotimeve të procesuara, që i takojnë 37 QKN-ve, është: 486 nga 2,498 vendvotime apo 19.46%.

Pas përfundimit të numërimit të çdo vendvotimi, të dhënat janë duke u transmetuar në platformën e KQZ-së për rezultate: https://resultsparliamentary2026.kqz-ks.org/
———
📸: KQZ- ja njofton për probleme me internetin në Vushtrri, prandaj nuk po mund të vendosen të dhënat në sistem
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

09/06/2026

Vetëm në Vushtrri nuk ka nisur numërimi i votave për kandidatët e zgjedhjeve të 7 qershorit

VUSHTRRI, 9 QERSHOR 2026 (Vushtrria Press) -Ka nisur numërimi i votave për kandidatët për deputetë në komunat e Kosovës, pas mbajtjes së zgjedhjeve të parakohshme parlamentare të 7 qershorit 2026.

Megjithatë, Komuna e Vushtrrisë mbetet e vetmja ku ende nuk ka filluar procesi i numërimit të votave për kandidatët.

Sipas burimeve jozyrtare, arsyeja e vonesës lidhet me probleme teknike, konkretisht me mungesën e internetit në qendrën komunale të numërimit.

Mbi 29 mijë votues morën pjesë në Vushtrri

Në Komunën e Vushtrrisë, sipas Listës së Votuesve, të drejtë vote kishin 72,489 qytetarë. Nga ky numër, në zgjedhjet e 7 qershorit votuan 29,390 votues, duke shënuar një pjesëmarrje prej rreth 40 për qind.

Megjithëse votimi ka përfunduar dhe materialet zgjedhore janë administruar, rezultatet për kandidatët në këtë komunë nuk janë bërë ende publike për shkak të mosnisjes së numërimit.

Procesi vazhdon në nivel vendi

Ndërkohë, në disa komuna të tjera të Kosovës ka përfunduar numërimi i votave të kandidatëve, në pjesë më të madhe të komunave procesi i numërimit të votave për kandidatët po zhvillohet normalisht në qendrat komunale të numërimit.

Rezultatet preliminare pritet të publikohen në vazhdim, ndërsa certifikimi përfundimtar do të bëhet pas përmbylljes së të gjitha procedurave ligjore.
———
📸: Vetëm në Vushtrri nuk ka nisur numërimi i votave për kandidatët e zgjedhjeve të 7 qershorit
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

07/06/2026

Delegacioni i FFK-së për ngushëllime në familjen e Fatjon Bunjakut

VUSHTRRI, 7 QERSHOR 2026 (Vushtrria Press) -
-Presidenti i Federatës së Futbollit të Kosovës, Agim Ademi, së bashku me nënkryetarin Bakir Burri, anëtarin e KE-së, Samir Ujkani dhe drejtorin e Kombëtares, Muharrem Sahiti, qëndruan për kryeshëndoshë në familjen e futbollistit Fatjon Bunjaku, i cili humbi jetën në një aksident trafiku.

Gjatë vizitës, presidenti Ademi i përcolli babait të Fatjonit dhe familjarëve të tij ngushëllimet më të thella në emër të Federatës së Futbollit të Kosovës dhe të gjithë komunitetit të futbollit, duke theksuar se ndarja e parakohshme nga jeta e Fatjonit ka prekur thellë mbarë opinionin sportiv.

"Fatjoni do të kujtohet gjithmonë si një djalosh i përkushtuar, me ëndrra të mëdha dhe dashuri të veçantë për futbollin. Në këto momente të vështira, jemi pranë jush dhe lutemi që të gjeni forcë për ta përballuar këtë dhimbje të madhe, u shpreh presidenti Ademi. Babai i Fatjonit i dhuroi presidentit Ademi fanellën me numrin 9, të cilën e ruante me krenari në shtëpi dhe me të cilën Fatjoni kishte përfaqësuar Kombëtaren e Kosovës U21", thuhet ndër të tjera në njoftimin e FFK-së.

Federata e Futbollit e Kosovës (FFK) shpreh edhe një herë ngushëllimet më të sinqerta për familjen Bunjaku, miqtë, bashkëlojtarët dhe të gjithë ata që e njohën Fatjonin, duke ndarë dhimbjen për këtë humbje të madhe.
———
📸: Delegacioni i FFK-së për ngushëllime në familjen e Fatjon Bunjakut
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

07/06/2026

Deri në ora 9 në Komunën e Vushtrrisë votuan 2514 votues apo 3,47%

VUSHTRRI, 7 QERSHOR 2026 (Vushtrria Press) -
-Në Vushtrri ashtu si edhe në mbarë Kosovën sot po mbahet zgjedhjet e parakohshme parlamentare.

Numri i votuesve në Listën e Votuesve në Komunën e Vushtrrisë është 72, 489 banorë votues.

Sipas Komisionit Qendror të Zgjedhjeve (KQZ) në Komumën e Vushtrrisë deri në ora 09:00 kanë votuar 2514 votues apo 3,47%.
———
📸: Deri në ora 9 në Komunën e Vushtrrisë votuan 2514 votues apo 3,47%
———
➡️Videot, fotot, shkrimet, opinionet, komentet e lexuesve, sondazhet online, reagimet apo intervistat nga politika dhe shkrimet nga fushata zgjedhore nuk paraqesin qëndrimin e redaksisë së Vushtrria Press

Vushtrria Press

11/06/2026

11/06/2026

11/06/2026

10/06/2026

09/06/2026

09/06/2026

09/06/2026

09/06/2026

07/06/2026

07/06/2026

Address

Website

Alerts

Contact The Business

Shortcuts

Share

Category